| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
01-07-2011, 08:08 PM
|
#1 | ||||||||||
 
|
النهاردة هنكمل الحلقة التانية في اليوميات وكانت الحلقة الأولي خلصت علي أن صاحبنا العاطل (معاذ) قرر أنه يمشى مع الموضة ويروح يشتغل قرر معاذ أنه يصحي تاني يوم بدري علشان يروح يشتغل بس ظهرت مشكلة كبيرة أزاي هيصحي بدري وهو أساسا بينام الصبح قعد معاذ يفكر كتير وبما أن معاذ صاحب حلول عبقرية فلقي فكرة جامدة جدا وهي أنه يفضل صاحي لحد تاني يوم ويروح الشغل من غير نوم (علي فكرة معاذ لحد دلوقتي مدورش علي شغل والله أعلم شغل ايه اللي هيروحه بكرة بس خلينا معاها لحد مانشوف دماغه هتوديه لحد فين) المهم معاذ بيبص في الساعة علشان يعرف فاضل أد أيه علي بكرة الصبح لقي الساعة لسة 6 مساءا قعد يفكر" طيب أنا أشغل نفسي في أيه لحد الصبح ده أنا لسة صاحي من النوم مبقاليش ساعتين اتصلت بكل الناس كل واحد منهم عامل فيها عبدو المشغول وحتي البنات كمان مشغولين مش مهم أنا هعرف أظبط نفسي واشغل نفسي في حاجة لحد الصبح " ولسة معاذ غرقان وسط افكاره حتي ظهر صوت مزعج بينادي بصوت عالي بيقول له معاااااااااااااااااااااااااااااااااااااااااااااااا ااااااااااذ الصوت المزعج ده صوت أخته ندي ((ندي دي اخت معاذ الأصغر منه لسة طالبة في الجامعة ومعاذ يعتبر أرق منها لأن ندي دي بتلعب كاراتيه وعايشة دور جيت لي علي جاكي شان علي بروس لي وأسلوبها في الكلام جامد وبتكلم بطريقة بيئة جدا بس شكلها زي القمر )) ودار الحوار الأتي بين ندي ومعاذ ندي :معاذ ندي: معاذ معاذ: فيه ايه مالك قاعدة بتزعقي ليه ندي : بقالي ساعة بنده عليك وأنت مبتردش عليه ندي : شكلك ياض يا معاذ سرحان في البت بتاعتك معاذ: يا بنتي أتكلمي معايا بأدب ده أنا أخوكي الكبير ندي : بطل الحوارات الفاشلة اللي انت بتكلم فيها دي وقول لي أنت سرحان في أيه ندي : هي البت بتاعتك نفضت لك معاذ: محدش يقدر ينفض لي معاذ : ده أنا كنت بفكر في موضوع مهم ندي : هههههههههههههههههههههههههههه ندي : معاذ بيفكر ......وكمان في موضوع مهم.....ههههههه معاذ : بطلي هزار أنا بجد بفكر في موضوع مهم ندي : خلاص قول ياعم أيه الموضوع المهم وأنا ممكن أساعدك ندي: يوضع سره في أضعف خلقه معاذ: أنا قررت أصحي بدري علشان أروح الشغل ندي:هههههههههههههههههههههههههههههه ندي : تصحي بدري وتروح الشغل ....وسيادتك أشتغلت أيه معاذ : ملكيش دعوة معاذ : المهم أني أصحي بدري معاذ : أنا فكرت أني أفضل صاحي لحد بكرة من غير نوم وبعدين أروح الشغل ندي : ( بتتكلم بصوت منخفض فكرة معوقة زي كل أفكارك ) معاذ : بتقولي حاجة ندي: لا بقول ربنا معاك معاذ : بس مش لا قي حاجة أعملها لحد بكرة الصبح أنت أيه رايك ندي : خلاص ياعم أنا عندي شوية حاجات تشغلك معاذ : طيب كويس ندي : بص أنا لسة راجعة من الجامعة هروح أخد شاور وأجيلك ننزل مع بعض ومع شوية بنات أصحابي نعمل شوبنج وانت تيجي معانا علشان تسوق العربية علشان هلكانة طول النهار ومش هقدر أسوق وبعدين ألف علي المحلات معاذ : يعني كنت السواق الخصوصي بتاع سيادتك ندي : ياعم ولا سواق ولا حاجة أنا بشغلك بشوية حاجات أنت مش عايز تفضل سهران لحد الصبح خليك ورايا وأنت تكسب معاذ : ماشي ندي : بالمناسبة خلي بالك ياض يا معاذ أنا عارفة أنك عينيك زايغة لو ضايقت واحدة من صحباتي هحط صبع رجلي الصغير في عينك علشان تتعدل معاذ : بطلي الهبل اللي أنت بتقوليه ده معاذ : هننزل الساعة كام ندي : عالساعة 8 معاذ : اوكي ندي : أحبك لما تسمع الكلام معاذ : ممكن أطلب منك طلب ندي : أتفضل ياراجل ده أحنا أخوات معاذ : أرجوكي أتكلمي بطريقة أحسن من كده وبلاش الطريقة البيئة اللي أنت بتكلمي بيها ندي : أنت بتحلم يا زعيم وراحت ندي تاخذ الشاور بتاعها وراحت تجهز نفسها وفي الفترة دي راح معاذ يتفرج شوية علي MBC 2 الساعة جت 8 وندي جهزت وكمان صحباتها جائوا فندي قالت لهم سيبوا العربيات بتاعتكم وهننزل بعربيتي ومعاذ هو اللي هيسوق فقالوا مش مشكلة بالمناسبة اللي جم دول كانوا بنتين والبنتين دول كانوا صواريخ المهم معاذ باشا أول ما شافهم تنح وندي لاقيت كده قالت له شكلي كده هرجعك البيت ياض يا معاذ معاذ رد عليها وقال لها لا خلاص أنا هتعدل فقالت له ندي ايوة كده ناس مبتجيش غير بالعين الحمرا وفعلا راحوا يعملوا شوبنج ومعاذ باشا معاهم والبنات قعدوا يلفوا علي المحلات معاذ في الأول كان مبسوط علشان الصاروخين اللي معاه لكن بعد كتر اللف علي المحلات كره اليوم اللي أتولد فيه من كتر المشي وقعد معاذ يقول لنفسه " أنا أيه اللي كان خلاني أتهور وأوافق علي كلام ندي ده اللي يمشي ورا نصيحة بنت يضيع ده لو النصيحة صح تأخر الواحد 10 سنيين ولو غلط تأخر الواحد العمر كله " ومعاذ لسة قاعد بيكلم نفسه طلعت ندي من تحت الأرض ودار بينهم هذا الحوار ندي : معاذ أنا تعبت من كتر المشي واللف في المحلات معاذ : خلاص يلا نروح ندي : نروح مين ياراجل الدنيا لسة بدري انت مش عايز تفضل صاحي لحد الصبح معاذ : أيوة ندي : خلاص يبقي خليك ماشي ورايا معاذ : ( معاذ بيكلم نفسه... شكلك والله هتضيعيني) معاذ : طيب هنعمل أيه دلوقتي ندي : هندخل سينما معاذ : دلوقتي دي الساعة 12 بالليل ندي : ايه المشكلة ياعم السينما اللي في المول ده فيها حفلة بتبدأ الساعة 12 ونص معاذ : بس الوقت متأخر عليكي أنت وصحباتك ندي : وأنت مش راجل معانا أبقي خلي بالك مننا ندي : وخلي بالك أحنا أساسا مش محتاجين حد يخلي باله مننا أنا أقدر أطحن أتخن تخين أنا بس عايزة اساعدك أنك تضيع شوية وقت لحد الصبح معاذ : (معاذ بيكلم نفسه تاني ... ربنا هو المنتقم ) ندي : وخلي بالك بعد ما الفيلم يخلص... معاذ(قاطعها في الكلام) : هنروح فين تاني بعد ما الفيلم يخلص حرام عليكي أنا كده هبقي خلاص هلكت ندي( بتتكلم وهي بتضحك) : متخفش مش هنروح حتة تاني غير أن احنا هنوصل البنات لحد بيوتهم ويبقوا يجوا يأخدوا عربياتهم من عندنا في أي وقت ندي : وكمان ياعم توصيلك للبنات كمان هتبقي حتة رجولة منك معاذ : حرام عليكي مش قلت لك بطلي طريقة الكلام دي ندي : وأنا قلت لك انت بتحلم المهم راحوا دخلوا السينما وخلصوا السينما علي الساعة 3 ونص وعلي ما معاذ وصل البنتين وبعدين روح هو وندي كانت الساعة جت 4 ونص ولما وصل معاذ وندي للبيت دار بينهم الحوار الأتي ندي : معاذ أنت ناوي تنزل الشغل علي الساعة كام معاذ : الساعة 8 ونص ندي : يعني فاضل حوالي 4 ساعات معاذ : ايوة ندي : طيب أحنا نقعد نتعشي وبعدين ربنا يفرجها وقعد معاذ وندي يتعشوامع بعض وبعد العشا قعدت ندي ترخم علي معاذ لحد ما الساعة جت 6 الصبح فقالت ندي لمعاذ الأتي ندي : بص يا مان أنا كده جبت أخري ومش قادرة أسهر أكتر من كده أناعملت اللي عليها و زيادة ندي : أنا خلاص هدخل أنام معاذ : أنت مش هتفضلي صاحية معايا وتنزلي علي طول علي الكلية ندي : لا طبعا يا زعيم هو أنا لو كان عندي كلية كنت سهرت لحد الوقت ده أنا عندي أجازة بكرة قصدي النهاردة ماهي الشمس خلاص طلعت معاذ : طيب بما أنك أجازة خليكي قاعدة معايا ندي : والله تعبانة جدا جدا معاذ : ما أنا كمان هلكان ندي : بس أنا عندي أجازة وأنت وراك شغل .... سلام وسابت ندي معاذ وراحت تنام وراح معاذ علي الاب توب يشوف فيه اي حد من اصحابه أون لاين ولا كله أوف لاين ولاقي كل الناس أوف لاين فقام قافل الجهاز وبص في الساعة لاقاها 6 ونص قال لنفسه خلاص قربت كلها ساعتين وراح جري معاذ علي قناته المفضلة MBC action علشان يشوف فيلم أكشن يخليه يصحح وفضل معاذ يتفرج علي التلفزيون لحد الساعة ما جت 7 ونص لما جت الساعة 7 ونص حصل ما لم يتوقعه معاذ............... وهنا أنتهت الحلقة الثانية وأن شاء الله هتعرفوا ايه اللي حصل لمعاذ وهو لم يكن يتوقعه وما هي الوظيفة اللي هيشتغل فيها في الحلقات القادمة مع ظهور مزيد من الشخصيات |
||||||||||
|
| إعلانات google |
|
|
|
01-07-2011, 08:45 PM
|
#2 | ||||||||||
  
|
جمده اخر 7 حاجات معكش صور للبنيتن الصورايخ دول:p فى انتظار الجزء الثالث |
||||||||||
|
|
|
01-07-2011, 09:20 PM
|
#3 | |||||||||||
|
اقتباس:
1  2  3 [IMG]http://dc11.***********/i/02944/fa30nl5smjin.jpg[/IMG] صوره ندى  |
|||||||||||
|
|
|
01-07-2011, 09:46 PM
|
#4 | |||||||||||
|
عــآش يــآ مــيــزٍِوٍِ فــى آنــتــظــآر الجــزء 3 اقتباس:
Oh So Cute  |
|||||||||||
|
|
|
01-07-2011, 09:49 PM
|
#5 | |||||||||||
 
|
اقتباس:
قصه رائعه وفى إنتظار الجزء الثالث قريبا |
|||||||||||
|
|
|
01-07-2011, 11:59 PM
|
#6 | ||||||||||
 
|
استاذ = teacher = lehrer=koretha |
||||||||||
|
|
|
02-07-2011, 12:10 AM
|
#7 | |||||||||||||
|
اقتباس:
اقتباس:
اقتباس:
|
|||||||||||||
|
|
|
02-07-2011, 12:20 AM
|
#8 | ||||||||||
 
|
Awesom i like it waiting for part number 3 |
||||||||||
|
|
|
02-07-2011, 12:22 AM
|
#9 | ||||||||||
 
|
قصه رائعه وفى إنتظار الجزء الثالث |
||||||||||
|
|
|
02-07-2011, 01:01 AM
|
#10 | ||||||||||
|
جامدة اوى يا ميزو و خصوصا الصور |
||||||||||
|
|
|
02-07-2011, 04:57 AM
|
#11 | ||||||||||
|
شكرا يا رجاله لمروركو وانتظرو الجزء الثالث |
||||||||||
|
|
|
02-07-2011, 05:02 AM
|
#12 | ||||||||||
  
|
قصة جامدة اوى وفى انتظار الجزء الثالث |
||||||||||
|
|
|
02-07-2011, 05:03 AM
|
#13 | ||||||||||
 
|
قصة جامدة يا واد |
||||||||||
|
|
|
02-07-2011, 05:06 AM
|
#14 | ||||||||||
 
|
شغــال يا واد والله كمل كمل كمل |
||||||||||
|
|
|
02-07-2011, 09:51 AM
|
#15 | ||||||||||
|
،،، تسلــم ،،، |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| يوميات قصة حب (a&e) | ~~SenshyKodo~~ | قسم المواضيع المكررة و المخالفة | 14 | 07-05-2011 12:58 PM |
| يوميات قصة حب (a&e) | ~~SenshyKodo~~ | بـعـيـدآ عـن سـيـلـك رود | 6 | 07-05-2011 02:09 AM |
| يوميات شاب روش طحن | EnDLoVe | بـعـيـدآ عـن سـيـلـك رود | 1 | 14-04-2010 02:06 PM |
| يوميات جمعاوي | I_DeaDSoul_I | بـعـيـدآ عـن سـيـلـك رود | 2 | 07-03-2009 06:52 PM |
.gif){kind=icon}
العرض العادي
