خمس دقائق

[pegasus5457]

يا شباب طبعا انا عارف ان اى حد خيش يقرأ الموضوع ويمشى علطول وممكن كمان من غير ميكمل قرايته بس ياريت تكمله حتى وتقعد مع نفسك خمس دقائق بس قبل ما تفتح اللعبه تانى . انا النهارده قررت انى مش حفتح اللعبه ديه تانى وامسح الاكونت بتاعى من اللعبه .انا كنت فى صلاه الجمعه النهارده والشيخ قال جمله هزتنى اوى وهو ان كل واحد فينا حيقف قدام ربنا ويساله عن كل دقيقه قضاها فى حياته وكل مليم جابه منين وصرفه فى ايه وكل لحظه وكل نظره من عنيه بص على ايه فيها وكل كلمه قولتلها اسجلت انتم متخيلين يعنى كل كلمه قولتها عتتسأل عليها وعلشان كده انا قولت طب انا لما اقف قدام ربنا ويسألتى على الساعات اللى قعدت فيها قدام اللعبه وسبت الصلاه وسبت قرايه القران حقوله ايه بذمتك ودينك يا اخى حتقوله ايه فكر كده وعلى فكره انا مش شيخ ولا حاجه ولا متعصب ولا حاجه ناا برده بفوت صلاوات ومش كامل يعنى . وكمان الاسوأ الفلوس اللى ناس بتدفعها علشان اللعبه فى شرا السلكات طب حتقوله ايه يوم القيامه لما يسالك عنها حيقولك متبرعتش بيها ليه لصالح حد فقير ولا خلتها معاك حتى صرفتها فى حاجه تنفعك حيسألك الوقت اللى انت ضيعته فى اللعبه مقعدتش ليه تتعلم على الكمبيوتر حاجه تنفعك ولا برامج ممكن تحتجلها فى شغلك بعد كده ياريت الناس متتضيقش منى انا فعلا مش عارف حقوله لربنا ايه حقوله كنت بسلى وبضيع عينى و نظرى وصحتى وفلوسى وسبت صلاتى و قرأنى وقعدت قدام ( لعبه) ياريت يا شباب كل واحد يقعد خمس دقائق بس يفكر فيها ويتخذ خطوه ممكن تدخل بيها الجنه والله وتمسح كل علاقتك باللعبه وتمسح الاكونت بتاعى علشان متكنش فيه رجعه للعبه وحتقولى انا تعتبت فى اللعبه وقضيت فى وقت وسهر وفلوس حقولك انت كل ما كنت عندك حاجات كتيره فى اللعبه ربنا حيعوضك خيرمنها فى الدنيا وحيبدلك بكل حاجه معاك فى اللعبه حسنات لانك ضحيت بده كله فى سبيل رضى الله يارب اكون حتى عرفت اهدى واحد بس وخليته يبعد عن اللعبه يارب وياريت اللى عنده تعليق يقوله يمكن فى حاجه غلط انا قولتها وانا متشكر للى وصلوا للجمله الاخيره لانى عارف ان كتير اول ميخشوا ويلاقوا ان الموضوع ملوش علاقه باللعبه حيطلعوا من غير ميكملوا سطر حتى .

[love_story_2010]

يا مان الرد في 5 كلمات : الكلام سهل بس الرد صعب !!!!
دي اكبر مشكله :>

[Strong Bow]

السلام عليكم ورحمة الله وبركاته

ياصاحبي كلامك كلو صح وكلامك مضبوط وانة كمان زيك بالعب كتير وبضيع فلوس على الفاضي بس العبة مسببة ادمان لك الي يلعبه
انة عندي حل لازم نفرق الاوقات يعني وقت الصلا نصلي وكمان وقت العبة بنلعب بس

والموضوع حلوووووووووووووووووو كتير شكرا اليك يا اخي

تحياتي محمد من العراق

[edos]

كلام جميل و الف شكر .... كل كلامك صح

[CaSaNoVa]

السلام عليكم ورحمتة الله وبركاتو

يا مان انتة صح بس فعلا اللعبة عاملة ادمان للناس وفيه ناس كل مايجى تبعد ترجعلها تانى
وانا عملت كدة بس مائدرتش ابعد انا رجعتلها تانى بس انا الحمد لله مادفعتش مليم فى اللعبة دى

[GooDWizarD]

بص يا مان كلامك كلوا صح
بس انا هقولك حاجه حلوه
ايه المشكله لما تلعب وفى نفس الوقت تصلى
مثلا انت بتلعب وادان العصر ادن اضرب ريترد سكرول
وارجع للمدينه وقوم صلى وارجع العب تانى
اما بالنسبه للفلوس انت ممكن تخلى فلوس للعبه وفلوس تخليها صدقه
انا كلامى صح ولا لا

[TaTu]

اقتباس ...

بص يا مان كلامك كلوا صح
بس انا هقولك حاجه حلوه
ايه المشكله لما تلعب وفى نفس الوقت تصلى
مثلا انت بتلعب وادان العصر ادن اضرب ريترد سكرول
وارجع للمدينه وقوم صلى وارجع العب تانى
اما بالنسبه للفلوس انت ممكن تخلى فلوس للعبه وفلوس تخليها صدقه
انا كلامى صح ولا لا


















فعلا وانا رأيى معاك بالظبط

وربنا يرحمنا كلنا ان شاء الله