احلي موضوع قرأته عن شم النسيم ((هدية منّى لكل الاعضاء))

[Hanamontana]

بسم الله الرحمن الرحيم

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

خناااااااااااقة حول شم النسيم :D
====================
بص بقة
صلى ع النبي كدة من الأول واصبر عليا واستهدى بالله كدة وإقرأ الموضوع بالراحة وإن شاء الله هتستفاد

وعشان الموضوع يتضح عاوزك تمشي معاية كدة خطوة بخطوة بشويش خالص :D

1- يعنى إيه " عبادة " ....؟؟

العبادة هى إسم جامع لكل ما يحبه الله ويرضاه من الأقوال والأفعال الظاهرة والباطنة

فأى عبادة ارتضاها الله نتعبد له بها ولا نصرفها لغيره .... وكذلك فلا نتعبد لله إلا بما شرعه الله لنا

(( يا عم انت هتلخبطنى .... أنا بتكلم فى شم النسيم تقولى عبادة .... لاء يا عم أنا ماشى وسايبلك الموضوع اشبع بيه ))

طب اصبر بس واهدى عليا .... مش اتفقنا نمشى بشويش وهنوصل للى إنت عاوزه إن شاء الله ؟؟

طب طالما عرفنا مفهوم العبادة ، هنلاقى إن فيه قاعدة فى الشرع بتقول : " العبادة توقيفية "

(( بلاش الكلام المكلكع دة ...... يعنى إيه " العبادة توقيفية " ...؟؟ ))

معنى ذلك أنه لا يجوز التعبد لله بأى عبادة إلا إذا ثبتت فى الشرع : " القرآن والسنة "

يعنى مينفعش نخترع عبادة جديدة ونتعبد لله بها

قال تعالى : " الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا "

وعن أبي ذر رضي الله عنه أن رسول الله صلى الله عليه وسلم قال : (ما بقي شيء يقرب من الجنة ويباعد من النار إلا وقد بين لكم)

=====================

2 - كل محدثة فى الدين بدعة

اتفقنا أن العبادات توقيفية .... وبالتالى فأى اختراع جديد للناس فى العبادات يعتبر بدعة

قال - صلى الله عليه وسلم - :

" كلّ بدعة ضلالة وكلّ ضلالة في النّار "

وقال رسول الله - صلى الله عليه وسلم - :

" من أحدث من أمرنا هذا ما ليس منه فهو رد "

=======================


3- يا عم انت هتشتغلنى

طب وايه دخل شم النسيم بالعبادة ؟؟

دة مجرد عيييييييييد بنحتفل بيه

ايه المشكلة يعنى

حد قالك إنى بتعبد لربنا بالعيد دة ؟؟؟

====================

سؤال جميل والإجابة : إن العيد فعلا من العبادة :D


فكما اتفقنا أن العبادات توقيفية .... وعشان نعرف العيد عبادة ولا لاء هنرجع للقرآن والسنة ونشوف هل العيد يعتبر من العبادة أم لا ؟؟

عن أنس -رضي الله عنه- قال:

قدم النبي -صلى الله عليه وسلم- المدينة ولهم يومان يلعبون فيهما،

فقال: (مَا هَذَانِ الْيَوْمَانِ؟)

قالوا: كنا نلعب فيهما في الجاهلية.

فقال رسول الله –صلى الله عليه وسلم-: (إِنَّ اللَّهَ قَدْ أَبْدَلَكُمْ بِهِمَا خَيْرًا مِنْهُمَا يَوْمَ الأَضْحَى وَيَوْمَ الْفِطْرِ)


حديث واضح وصريح ويدل على أن للمسلمين عيدان فقط يحتفلون به ..... وأنكر الرسول - صلى الله عليه وسلم - أى عيد آخر غيرهما

ودة طبعا دليل عام لأى عيد - مش مجرد شم النسيم بس -

هذا دليل على أن الاحتفال بمولد النبي - صلى الله عليه وسلم - والاسراء والمعراج وغيره من الأعياد

كل دة بدعة ولا يجوز الاحتفال به

======================

3 – مش عاجبك إن شم النسيم بدعة طب إيه رأيك إن مصيبة شم النسيم أعظم من مجرد أنه بدعة وفقط

أولا : شم النسيم هذا قائم على عقيدة كفرية وشركية

أيوة زى ما بقولك

وتعال نرجع لأصل وتاريخ العيد عشان تتأكد

عيد شم النسيم كان عيد فرعونى ثم نقله اليهود والنصارى واحتفلوا به

فعند الفراعنة كانوا يعتقدون أن هذا اليوم هو يوم بدء الخليقة أو يوم أول الزمان وأطلق الفراعنة على ذلك العيد اسم "عيد شموش" أي بعث الحياة، وحُرِّف الاسم على مر الزمن

وكان لهم تقاليد شركية كثيرة فى هذا اليوم مثل تعليق البصل على البيوت حفظا لأهل البيت من الشرور !!

أما عند النصارى فهم يعتقدون أن الإله قد صلب ومات ثم قام من الموت بعد ثلاثة أيام .... ولذلك فهم يفرحون فى هذا اليوم بقيام الرب بعد موته والعياذ بالله

فهم يعتقدون أن المسيح هو الله وأن هذا الإله يصلب ويموت ثم يحيا بعد ذلك !! .... فكيف يعبدون ربا يموت ويصلب ؟؟؟

وكيف يشارك المسلمون النصارى فى الاحتفال بهذا العيد ويهنئونهم عليه رغم ما فى هذا العيد من الاعتقادات الكفرية والعياذ بالله ...؟؟


========================
4 –هتقولى : طب يا سيدى هو أنا مسلم موحد ولا أعتقد هذه الاعتقادات الكفرية و " إنما الأعمال بالنيات " وأهه يوم أجازة بستغله و بفرح فيه وبفسح فيه العيال وآكل فيه فسيخ .... إيه المشكلة يعنى ؟؟

الفكرة أنك مأمور بمخالفة الكفار والمشركين ....

فشم النسيم عيد فرعوني، ثم يهودي، ثم نصراني؛

فكيف يسوغ لمسلم أن يتشبه بكل هؤلاء مع علمه بنهي النبي -صلى الله عليه وسلم- عن التشبه بغير المسلمين بقوله:

(مَنْ تَشَبَّهَ بِقَوْمٍ فَهُوَ مِنْهُمْ)

ويقول - صلى الله عليه وسلم - : " خالفوا المشركين "

-------------------------------

(( يا عم مين قال انى بتشبه كدة بالمشركين ..... أنا راجل موظف بستغل يوم الاجازة دة فى إنى أفسح العيال وأبسطهم ))

مهو يا حاج مجرد انك بتفسح العيال وتبسطهم فى اليوم دة هو تشبه بيهم

مش المسيحيين بيفسحوا ولادهم وبياكلوا فسيخ فى اليوم دة ؟؟

يبقة كدة إنت شاركتهم وتشبهت بيهم حتى لو كانت نيتك صالحة

فلو نيتك صالحة وتمام التمام هيبقة فيه مشكلة كبيرة تانية ..... والمشكلة الكبيرة دى هى عملك " اللى هو أكل الفسيخ وفسحة العيال "

والنية الصالحة لا تصلح العمل الفاسد

مش مقتنع ؟؟

تعال نرجع للقرآن والسنة وندور كدة ....

عندك مثلا إن النبي - صلى الله عليه وسلم - نهى عن الصلاة فى أوقات الكراهة ....ودة لأن فى الأوقات دى فيه كفار بيتعبدوا لغير الله ...!!

رغم إن الصلاة نفسها عبادة صحيحة والنية سليمة .... ورغم كدة لو صليت فى أوقات الكراهة دى تكون عصيت ربنا

دة بسبب إيه ؟؟

بسبب إنك شاركت المشركين فى " وقت " عبادتهم بس !!

وتخيل معايا كدة لو كل المسلمين فكروا نفس التفكير بتاعك دة وفسحوا أولادهم فى اليوم دة لمجرد إنه يوم أجازة - ودة هو اللى بيحصل أصلا - مش كدة لم تتحقق المخالفة أصلا وكدة اعتبرناها فعلا عيد ؟؟

فعشان تخالف النصارى لازم اليوم دة يمر عليك كأى يوم عادى وطبيعى من غير خروجات ولا فسح ولا أكل فسيخ أو تلوين بيض ...

ومش مشكلة يا سيدى خدلك يوم أجازة من الشغل ولا من المذاكرة ومش هتخسر كتير يعنى ...

:))

====================

5 - طب وهو أنا مينفعش أقول لجارى مينا : كل سنة وانت طيب بمناسبة عيد القيامة المجيد ؟؟؟

طب أنا هسألك انت سؤال

هو ينفع تقول لواحد بيحتفل بعيد حرق القرآن : كل سنة وانت طيب ؟؟

طب ينفع تقول لواحد بيحتفل بيوم الزنا العالمى : كل سنة وانت طيب ؟؟

طب ايه رأيك لما واحد يحتفل بسب الله عز وجل ؟؟

ينفع تهنيه على احتفاله دة ؟؟

مهو معنى إنك بتهنئه بعيد القيامة المجيد ... دة معناه إنك بتقوله :

" كل سنة وانت طيب بمناسبة احتفالك بعيد قيام الرب – عيسى – بعد ما اتصلب ومات ..... "

وبعد ما تهنيه تروح تصلى فى المسجد وتلاقى الإمام بيقرأ :

(وَقَالُوا اتَّخَذَ الرَّحْمَنُ وَلَداً . لَقَدْ جِئْتُمْ شَيْئاً إِدّاً . تَكَادُ السَّمَاوَاتُ يَتَفَطَّرْنَ مِنْهُ وَتَنشَقُّ الأَرْضُ وَتَخِرُّ الْجِبَالُ هَدّاً . أَن دَعَوْا لِلرَّحْمَنِ وَلَداً . وَمَا يَنبَغِي لِلرَّحْمَنِ أَن يَتَّخِذَ وَلَداً . إِن كُلُّ مَن فِي السَّمَاوَاتِ وَالأَرْضِ إِلا آتِي الرَّحْمَنِ عَبْداً . لَقَدْ أَحْصَاهُمْ وَعَدَّهُمْ عَدّاً . وَكُلُّهُمْ آتِيهِ يَوْمَ الْقِيَامَةِ فَرْداً)

ثم تسمع مشارى راشد يقرأ فى التليفزيون بصوته الرائع قوله تعالى :

(وقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَكِنْ شُبِّهَ لَهُمْ وَإِنَّ الَّذِينَ اخْتَلَفُوا فِيهِ لَفِي شَكٍّ مِنْهُ مَا لَهُمْ بِهِ مِنْ عِلْمٍ إِلَّا اتِّبَاعَ الظَّنِّ وَمَا قَتَلُوهُ يَقِينًا(157)بَلْ رَفَعَهُ اللَّهُ إِلَيْهِ وَكَانَ اللَّهُ عَزِيزًا حَكِيمًا(158)

وهو ينفع تهنى واحد بمناسبة سرقته أو زناه مثلا ؟؟

طب ايه رأيك لما تهنئ واحد بمناسبة كفره بالله عز وجل ...؟؟

والكفر أعظم وأشد عند الله من الزنا والسرقة ..... فالله يغفر الذنوب جميعا إلا الشرك به سبحانه وتعالى

==================


وخلاصة الكلام : لا يجوز الاحتفال بشم النسيم لأسباب :

1 - أن العيد من العبادة ولا يجوز اختراع عيد جديد خلاف أعياد المسلمين المعروفة ..... وبالتالى عيد شم النسيم يكون بدعة

2 - عيد شم النسيم هو عيد فرعونى ثم يهودى ثم نصرانى .... وهم يعتقدون فيه اعتقادات كفرية وشركية

3- الله تعالى أمر بمخالفة المشركين والكفار وعدم التشبه بهم

4- ولا يجوز تهنئة النصارى بالعيد دة لأنه معناه إنك بتهنئهم بسب الله عز وجل والعياذ بالله

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[Hanamontana]

Ty for comment

[Ahmed Abd AlaZiz]

بارك الله فيك

[Hanamontana]

TY for comment

[netm0]

شكرا يا جميل

[ღ♥_ Abdo _♥ღ]

شكراا و جزاك الله خيراا

[f_h_u]

بارك الله فيك

[Mysterious]

جزاك الله كل خير

[☜ ĂиTaKą ☞]

Thx

[bekoman2]

معلومات فيمة

[Hanamontana]

ty for comments

[tit3o]

شكرا ليك موضوع مفيد اوى اوى

[bedo4cool]

جــزال الله الف خير

[~~SenshyKodo~~]

شكرا ليك موضوع جميل

[ღ♥_ akeml _♥ღ]

جزك الله كل خير يا عسل