سطو مسلح فى المترو ... مؤيدين مبارك فى مصصطفى محمود

[lil romeo]

سطو مسلح على محطة مترو حدائق المعادى

شهدت محطة مترو حدائق المعادى، هجوما مسلحا من قبل مجهولين استولوا على جميع المبالغ المالية الموجودة بشباك التذاكر، تحت تهديد السلاح، حسبما ذكر شهود العيان.

وأفاد الشهود أن مجموعة مسلحين هجموا على شباك التذاكر قبل دقائق من إغلاق المترو، وهددوا الموظفين بالسلاح، واستولوا على المبالغ المالية الموجودة، وهو الأمر الذى أثار حالة من الفزع لدى المواطنين، فيما وصلت عناصر من الشرطة والقوات المسلحة بعد الحادث مباشرة للتحقيق فى الأمر

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أنصار الرئيس السابق: سنضحى بأرواحنا ودمائنا عن مبارك

نظم العشرات من الشباب وقفة تضامنية للرئيس السابق محمد حسنى مبارك مساء اليوم بميدان مصطفى محمود وذلك عقب الكلمة المسجلة التى ألقاها على قناة العربية.

وشارك فى الوقفة مجموعة من القوى الوطنية المناهضة للرئيس السابق، واستنكروا ما يحدث من الشباب المصرى فى ميدان التحرير ومطالبتهم المستمرة بمحاكمة الرئيس السابق واستدعائه للتحقيق معه بصورة لا تليق برئيس جمهورية مصر.

وأكد المتضامنون أنهم ليسوا ضد القانون أو التحقيق مع مبارك "ولكن ذلك لابد أن يتم بصورة تليق معه كرئيس جمهورية فى تاريخ مصر، وبطل حرب أكتوبر، وذلك دون إهانته أو المساس بكرامته". وتوجه المتضامنون برسالة إلى المعتصمين بميدان التحرير وقالوا فيها "نحن لم ولن نتخاذل فى الدفاع والتضحية بأرواحنا ودمائنا عن الرئيس السابق مبارك".

وذكر كريم حسين مؤسس صفحة "أنا آسف يا ريس" على الفيس بوك، لـ"اليوم السابع" أن الفترة التى يعيشها الشعب المصرى أصبحت سوداء بعد قرار مبارك بالتنحى عن الرئاسة، وأكد أن مطالبهم أخلاقية لا تصطدم مع القانون أو الشرعية، فإن لم تكن احتراما لتاريخه العسكرى فهو احتراما لكبر سنه وحالته الصحية.

وأعلن المتضامنون لليوم السابع عن استمرار تضامنهم بميدان مصطفى محمود يوميا من الثانية عشرة ظهرا، وحتى وقت حظر التجوال، كما أعلنوا عن تنظيم ما سموه "بانتفاضة الشعب" فى عيد تحرير سيناء يوم الخامس والعشرين من أبريل المقبل والتى ستنطلق من ميدان مصطفى محمود إلى ماسبيرو ردا لكرامة الرئيس السابق بطل حرب أكتوبر، على حد قولهم.

وردد المتضامنون هتافات "يا تحرير يا تحرير الرئيس طول عمره كبير" "يا مبارك يا طيار جينا نرد الاعتبار "الرئيس عنده قصر هيعيش ويموت فى مصر"، كما رفعوا صورا للرئيس مبارك.

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

فيما أجرى برنامج 90 دقيقة حواراً مع "حذيفة" الراجل أبو جلابية، وقال إنه طالب ازهرى ، ولم يكن يقصد إحداث فوضى فى الاستاد، وإنه كان يريد أن يسلم على بعض اللاعبين، والتصوير معهم، وهو ما فعله حينما تمكن من التقاط صورة بصحبة حارس مرمى نادى الزمالك عبد الواحد السيد.

موضوع ابو جلابية مش ثورة مضادة زى ما ظلمنا الناس بالباطل

استنفار بين متظاهرى التحرير بسبب الاعتداء على مراسلة أجنبية

سادت حالة من الاستنفار والذعر بين متظاهرى التحرير بعد تعرض مراسلة لإحدى الوكالات الأجنبية للضرب من قبل أحد المتظاهرين أثناء قيامها بتصوير مشادة بين شخصين، واتهموها بالعمالة، وقاموا بضربها، مما أدى إلى فقدانها الوعى، وقام عدد من المتظاهرين بحملها والجرى بها فى أحد شوارع التحرير، مما أدى إلى هرولة كل المتظاهرين وراءه بسبب أعمال البلطجة التى يتعرض الموجودين بالميدان.

من جانب آخر بعد فرار كل المتظاهرين إلى الشوارع المجاورة للميدان خوفا من تعرضهم للاعتداء عليهم من قبل البلطجية هتفوا "ارجع ارجع"، ووصفوا ما حدث بأنه محاولة لتفريق شملهم، فيما قام عدد من المتظاهرين بحمل المراسلة ووضعوها فى تاكسى خرج بها بعيداً عن الميدان

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[☜ ĂиTaKą ☞]

شكــرا ع الاخبــار

[™_King_Redsea_™]

شكرا ع الخبر وعلي فكره انا قريب جدا من المحطه دي

[ღ♥_ akeml _♥ღ]

شكؤا ع الاخبار

[moha1a]

لا مش الراجل ابو جلابيه الثورة المضاده
الثوره المضاده الى بتحاول تشوه صور المتضاهرين الشرفاء الى بيجيبولنا حقنا
واحب اوضحلك مش المتظاهريين الى اعتدو على المراسله الأجنبيه
(دول البلطجيه الى بيشوهو صورة المتظاهرين)
سبحان الله ناس بتضحى و بتموت عشان تقضى على الظلم و الفساد
و ناس مش عارفين يعيشو من غير فساد

[ҳ̸Ҳ̸ҳVincentҳ̸Ҳ̸ҳ]

شكرا ع الاخبار

[!_ToGoO_MorY_!]

يعنى بجد يبنى خلتنى كنت هموت من العياط والضحك

مبارك يا عينى معندوش فلوس هو وأبنه ومراته وابنه التانى جمى لول

ده عند امه يا أدهم

ده كفايه فلوس مكتبه الاسكندريه

كفايه البنيه التحتيه الى بقاله 30 سنه بيتكلم عنها الى هيا (( المجارى - المياه - الكهرباء ))

كفايه الى انا شفته انبارح على قناه الرحمه وبلاش اقول عشان لو قلت هجبلكوا الغم وكل ده مبارك هيسأل عليه لأنه مش احسن من سيدنا عمر رضى الله عنه الى قبل ما يموت كان خايف ان ربنا يسأله عن حـمـاره وقعت فى الطريق بسبب ان عمر مسواش الطريق ليها !!!

شوف بقى مبارك يا سيدى

كفايه ان مبارك أمر بالتعامل المباشر مع كل المتظاهرين

كفايه ان مبارك هيبقى متعلق فى رقبته يوم الدين دماء ابرياء كتييييييير اوى من حوادث القطارات والسيارات والأمراض ........... الخ غير بقى الشهداء بتوع الثوره

كفايه ان ابن مبارك كان فاكر ان مصر عذبة ابوه يعمل فيها الى هو عايزه يبيع ويشترى زى ما هو عايز

ولو كنت شفت النشره انبارح كنت عرفت التهم الى مقدمه ليه

كفايه عليك كده ولا أقول ليك

كمان شويه خد

احمد عز و جرانه والمغربى و صفوت الشريف وسرور موافقات و زكريا عزمى و و و و .......... الخ

مش دول الى اكلوا فلوس الشعب ؟؟؟!!!!!!!!!

مش دول الى ربنا هيسأل مبارك عليهم

وغير بقى الحكومه من بطرس غالى والكبير احمد نظيف الى شرف اخواته فى طره

وجاى ليهم قريب الباقيه

ده امى انبارح وهيا بتتفرج على النشره وبتسمع الأرقام الرهيبه المسروقه من مصر والى تتعدى التريلونات

مره واحده واحنا فى هدوء وبنتفرج دعت بأعلى صوتها لدرجه ان الى فى الشارع سمعها على مبارك

مع انها كانت بتدافع عنه زيك كده

تاخد تانى ولا كفايه !!

احب اقول ليك تانى

عند امه يا أدهم

على ان حق الشهداء يروح وحق بلدى يضيع

[lil romeo]

سبحان الله انت مش عارف تتكلم خالص
شوية تتكلم عن الدين وشوية تشتم
يا تتكلم بالدين يا تتكلم بالشتائم
ربنا هو اللى عالم وحده اذا كان مبارك سيدخل جهنم ام لا
ثانيا ايه كان فاكر مصر ديه عزبة ابوه ؟؟ فين الاحترام فى الكلام
افتحلى كده موضوع مثبت باسم بلاوى 25 يناير وانا هوريك حاجات
عمرك ما شفتها فى حياتك لانك طبعا من المضحوكين عليهم من الثوار
جيه الزمن اللى ناس علشان عملوا ثورة صورهم تبقى فى كل مكان والناس اللى حاربت فى 73 وماتت علشان خاطرنا
عكرنا وا اتكلمنا عليهم قد ما اتكلمنا على ثوار 25 يناير
جيه الزمن اللى فيه اللى حارب فى 73 وقاد اول ضربة جوية يتهان بالطريقة ديه
واللى قتل رئيسنا السادات ( عبود الزمر ) الناس تحتفل بيه لخروجه من السجن وكل الصحف تجرى عليه علشان ياخدوا منه كلمة وبياخد اول صفحة فى كل الجرائد
شهداء 25 يناير اللى هما مش شهداء حسب ما قال الرسول صلى الله عليه وسلم فى الحديث عن الشهيد صورهم فى كل مكان
والشهداء بتوع حرب 73 الى هما شهداء حسب ما قال حديث الرسول صلى الله عليه وسلم عمرنا ما حطينا صورة ليهم فى الشوارع زى ثوار 25 يناير

[SeifElkomy]

شكرا على الخبر ربنا يستر

[Sad_Angel]

شكرا ع الخبر

[Captin_tifa]

شكرا ع الخبر

[lil romeo]

يا جماعة احنا كلنا اخواااااااااااااااات والاختلاف فى الرائ مش مشكلة
بس احذروا اتهام الناس بالباطل
لاننا قولنا على موقعة الجلابية وحرق الاضرحة ثورة مضادة وطلع كلامنا خاطئ
فبعد اذنكم متقولوش على اى حاجة ثورة مضادة ومتقولوش على كل مؤيدين مبارك كلهم حزب وطنى
انا من محبيه ووالله مش حزب ولا اى حاجة فبلاش نتهم الناس بالباطل

[I_Am_Legend]

شكرا علي الاخبار
انا بقول ان مبارك لازم يتحاسب لكن في نفس الوقت لازم نراعي سنه الكبير يعني يتحاسب لكن حسب القانون دون سب او اي شئ سيئ لكن من جهة العقاب لازم كل اللي سرق و قتل ياخد عقابه مهما كان هو مين

[Volumer]

شكرا ع الخبر

[Evil_Bro]

المشاركة الأصلية كتبت بواسطة moha1a عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لا مش الراجل ابو جلابيه الثورة المضاده
الثوره المضاده الى بتحاول تشوه صور المتضاهرين الشرفاء الى بيجيبولنا حقنا
واحب اوضحلك مش المتظاهريين الى اعتدو على المراسله الأجنبيه
(دول البلطجيه الى بيشوهو صورة المتظاهرين)
سبحان الله ناس بتضحى و بتموت عشان تقضى على الظلم و الفساد
و ناس مش عارفين يعيشو من غير فساد

+1 مش عارف انا الاخ بيحب حسني اوي كده ليه