برجاء دخول كل أعضاء القسم ..ومرورهم من الموضوع لأنه هاااام للجميع(مشكله خطيره)

[Dev.Myth]

السلآم عليكم ورحمة الله وبركاته:)
طبعاً الكل عارف الفتره اللى كان القسم بيمر بيها لكن بإذن الله مش هتعدى علينا تانى ..
طبعاً اول مشكله عايز أتكلم عنها والأهم هيا مشكلة الأستفسارات :
بخصوص واحد عنده سؤال يعمل موضوع علشان يتجاوب على سؤاله ..
طيب محضرتك عندك موضوع خاص بالأسئله والأستفسارات حط سؤالك فيه وأستنى الرد وقت مايجى وبإذن الله هيتعمل واحد جديد تانى علشان طبعاً بقى مليان أسبام برضو بسبب الفتره اللى عدت وبصراحه محدش عنده صبر إنه يدخل فى الموضوع ويعد أكتر من 3ساعات يفرز الردود اللى فيه فالأحسن إنه يتعمل واحد جديد ..
بخصوص إن حضرتك مش بتلآقى حد يجاوبك ..طيب مشكلتك فى ناس عرفينها وفى لأ هتقولى طيب أكيد أنتا عارف مبتجاوبش كتير ليه ؟
هاقول لحضرتك أنا برضو لآعب فى اللعبه زيى زييك وفى المنتدى انا برضو عضو زيى زييك فى أيه يفرق؟
تفرق فى مسؤلية الخبره والقسم مش أكتر ..
ملخص كلآمى عن الأستفسارات
إن لما حضرتك تيجى تستفسر عن حاجه ياريت تكون موضح استفسارك علشان اللى هيساعدك يقدر يفهم ..
إن حضرتك وانتا فى الموضوع شوف أيه أخر استفسار يمكن تكون قادر تساعده ووانتا بتقول استفسارك أو طلبك ترد عليه وبعدين تقول استفسارك فى نفس الرد غيرك هيجى يساعدك وهكذا ..
إن لما حضرتك متلآقيش حد رد عليك فى الأستفسار متروحش تعمل موضوع علشان هيتحذف ..
تروح الملف الشخصى بتاعه وتنبه !! إن فى استفسار ياريت يدخل يرد عليه ..
يعنى من الأخر فيد علشان تستفيد مش قادر تفيد خلآص سيب غيرك يفيد ويمكن يستفيد ^^
وكمان علشان تعمل موضوع لآزم يكون منسق وشكله جميل مابالك بقى إنك بتعمل موضوع كلمتين وخلآص..
~~~~~~~~~~~~~~~~~~~~~~~~~~~~
والمشكله التانيه:
بخصوص الناس اللى بتسئل أعمل سلآح أيه فى اللعبه ..هوا مين اللى هيلعب حضرتك ولآ مين !!
فى قسم تعليمى للعبه تقدر تدخل فيه وتدور على اللى انتا عايزه ..ديه حاجه ترجعلك أنتا لأن محدش هيلعب بيه غيرك
~~~~~~~~~~~~~~~~~~~~~~~~~~~~
نيجى للمشكله الثالثه:
إذاى تبقى عربى وتتكلم بلغه غير العربيه ؟؟.؟
طيب حضرتك خدت عليها ..ومبتعرفش تتكلم غير بيها ؟
عندك موقع أهوه أدخل عليه واكتب اللى أنتا عايزه بالفرانكو وهيتحول معاك لعربى هاته وحطه فى ردك ..
لأن أى مشاركه بالفرانكو بعد كده هيتم حذفها وهتاخد إنذار غير منتهى ..
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
ادخل على الموقع ده واكتب فيه اللى أنتا عايزه وهيحولهولك عربى ..
~~~~~~~~~~~~~~~~~~~~~~~

المشكله الرابعه :
حضرتك دلوقتى إتحذفلك موضوع متجيش تعمل موضوع تانى علشان تسئل فيه موضوعى إتحذف ليه أو ملآقيتش موضوعك تقوم جى عامل نسخه منه تانى !!!

ياريت لما موضوعك يتحذف تبعت رساله لأياً كان المشرف وتقوله موضوع إتحذف ليه ؟
وهوا أكيد هيجاوبك لو متواجد ...

وفى نهاية الكلآم أتمنى إنه يكون فى ناس أهتمت بالموضوع ده علشان بجد مش هينفع يستمر الوضع ده وياريت بعد كده أى استفسار يتحط فى مكانه ....!!

موضوع الأسئله والأستفسارات مثبت الرابط من هنا :
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
أهم مواضيع فى القسم الرابط من هنا وأرجو زيارتها علشان أكيد هتلآقى حاجات تفيدك وممكن تفيد بيها غيرك كمان كتيير جداً
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
رابط موضوع القوانين والتبليغ عن أى مشاركات أو مواضيع مخالفه فى القسم من هنا :
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وأتمنى الألتزام يجماعه علشان محدش ميبقاش عارف حاجه إتعمل الموضوع ده..
تحياتى للجميع:)