|
||||||
| قـسـم الـريـاضـة الـعـامـة [ تهتم بجميع مجالات الرياضة تستطيع قراءة ووضع اخر أخبار اى مجال من مجالات الرياضة والمناقشة عليها ] [ النقاش فى حدود الالتزام بالقوانين بعيداً عن التعصب ] |
 |
|
|
أدوات الموضوع | انواع عرض الموضوع |
|
|
26-03-2011, 08:11 PM
|
#1 | ||||||||||
  
|
سيداتى انساتى سادتى يسعدى من موقعى هذا اننا نعمل ستوديو تحليلى للمباراه "أى كلام" أه عشان بس الناس متخشش فيا شمال وتقولى كوره ايه وبتاع ايه الماتش مش مهم يا شباب ها  يسعدنا من اسكندريه يعنى بين شطين وميا عشقتكم عينيا يا اهل اسكندريه يا غاليين عليا "سامع واحد بيقولى انجز يا عم " معلش اصلى بحبها اوى الاغنيه  المهم هنقدم لكم استوديو تحليلى على مدار اليوم ان شاء الله وطبعا احنا بنتحلى بقدر كبير من الشفافيه والديمقراطيه والحياديه وعشان كده لازم نوزن طرفى معادله الاستوديو هيبقى معانا واحد مقدم البرنامج اللى هو انا طبعا بعد ما عملنا استفتاء نزيه واختارونى وهيبقى فيه جانب من الاعضاء بيمثلو الجانب المصرى والجانب الاخر بيمثل الجانب الجنوب افريقى وطبعا لقله عدد الاعضاء اللى هم من جنوب افريقيا ففيه حل من اتنين يا اما نروح السفاره الجنوبيه الافريقيه ونجيب واحد ونعينه مشرف على اى قسم النهارده عشان يشارك معانا ويمثل الجانب الجنوبى اقريقى يا اما اى عضو اسمرانى يعمل نفسه من جنوب افريقيا ويمثل الجانب الجنوبى افريقى طبعا فى الاستوديو هنا هنستعين بمحللين كبار جداا زى الكابتن الكبير مصطفى دامنا اللى لسه ماضى للريال امبارح ولذلك طبعا بيعد اقوى اضافه لفريق البرسا لأنه هيضمن شلل تام فى هجوم الريال ده طبعا عشان الكابتن مش بيتأقلم بسرعه على الاجواء الاوربيه لأننا عارفين طبعا انه صاحب مشوار احترافى كبير جداااا من بلديه المحله لمركز شباب ميت غمر لنادى شباب الدقى واحترف فتره برضه فى مركز شباب شبرا وهيكون معانا برضه عتاوله زى ماردونا النيل زيرو كول و فاكهه الكره الديفيداويه ستر كوين والكابتن الكبير المعتزل بون بوني اللى كان خط نص مهاجم مركز شباب الديفيدى قبل ما يتألش لأنه مكنتش عاجباه سياسه المدير الفنى للديفيدى وطبعا استوديو هام زى ده ميخلاش من فيلسوف التحليل الكابتن ياسر وهنرحب طبعا بأى مداخلات تليفونيه لأى عضو حابب يشارك بشرط ان المكالمه متتعداش ال15 ثانيه يعنى يدوبك يقول أسمه وشكرا  وبما اننا فى بلد ديمقراطى بحت مش مسموح للبنات انها تتكلم فى الكوره  نبدأ ع البركه المباراه فى تمام ال8.05 تمانيه وخمسه يعنى ,, مش عارف انا لازمتها ايه الخمسه دى القنوات الناقله ساعه الماتش ابقى افتحو ودور وانا لسه هقول ع القنوات  ونبدأ بالتشكيل المتوقع من العبد لله عصام الحضرى حسام غالى فتح الله - - - - وائل جمعه سيد معوض - - - - - - - - - - - - - - - أحمد المحمدى حسنى عبد ربه (شوقى) - - - -أحمد فتحى زيزو - - - - - بو تريكه أحمد على وطبعا هيبقى فيه ورقات رابحه هيتم الدفع بيها حسب سير الماتش زى العالمى شيكا بالا وزى جدو واكيد هيتم الدفع بيه فى الدقيقه 76 ووليد سليمان واحمد سمير فرج يلا نترك لكم المكروفون اللى عاوز يقول تشكيل مختلف واللى عاوز يقوله رأيه واللى عاوز يتوقع نتيجه اعملو اللى نفسكم فيها واخر خمس ثوانى قبل الماتش يبقى ندى الجانب الجنوب افريقى حقه فى الكلام ونخليه يتكلم على فريق بلده عشان نبقى ادينا للجانب الخصم حقه برضه |
||||||||||
|
التعديل الأخير تم بواسطة Un_Wanted ; 26-03-2011 الساعة 08:15 PM
|
| إعلانات google |
|
|
|
26-03-2011, 08:13 PM
|
#2 | ||||||||||
  
|
^^ موضوع يعنى غريب تقولى افتح انت و شوف  امشى بدل ما ارش مايه  شكــراً :flex: |
||||||||||
|
|
|
26-03-2011, 10:02 PM
|
#3 | ||||||||||
|
الموضوع كلو غلط ^^ الهجوم { محمد حمدي ~ شيكابالا } الماتش بدأ الساعة 8:15 ^^ القنوات : النيل سبورت ^^ أو الحصيرة :)) (الجزيرة يعني ).. الشوط الأول : 0/0 التحليل : شوط ممل من قبل الفرقتين ,,, مقفلين الملعب جامد و مصر بتلعب بخطة دفاعية غريبة حبتين !! دا الملخص كلو لحد دلوقتي ^^ ..  |
||||||||||
|
|
|
26-03-2011, 11:06 PM
|
#4 | |||||||||||
|
اقتباس:
|
|||||||||||
|
|
|
26-03-2011, 10:06 PM
|
#5 | ||||||||||
  
|
موضوع جامد اوى |
||||||||||
|
|
|
26-03-2011, 10:07 PM
|
#6 | ||||||||||
 
|
ان شاء الله الفوز |
||||||||||
|
|
|
26-03-2011, 11:08 PM
|
#7 | ||||||||||
|
المنتخب يودع التصفيات :@:@:@:@:@ حسن شحاتة ممكن نقول ده كان أخر ماتش ليه هو و لاعبية كتير دوليا !! |
||||||||||
|
|
|
26-03-2011, 11:12 PM
|
#8 | ||||||||||
  
|
ماتش فاشل بنسبة 500& و طلعنا من الكاس |
||||||||||
|
|
|
26-03-2011, 11:59 PM
|
#9 | ||||||||||
|
يلا ع البركه |
||||||||||
|
|
|
27-03-2011, 12:01 AM
|
#10 | ||||||||||
|
مباراه مملة جداً .. رضينا بالتعادل والتعادل مرضيش بينا .. لقاء دفاعي بحت ولا مباراه الأنتر وبرشلونة محسسني انو عندو فرديناد وجون تري في خط الدفاع وبيلاعب كوالالمبور فرقة ضعيفة جداً .. الفريقين رضيو بالتعادل ولاكن خطأ او سرحان من وائل جمعة يكلف منتخبنا الخروج .. تشكيلة سيئة من البداية .. اسبتعاد احمد على و وليد سليمان من التشكيل زيدان وتريكة على الدكة .. البدء بالسيد حمدي الي ملعبش بقالة شهرين تلاتة الأستغناء عن احمد على الي بيلعب ماتشات كويسة مع الهلال في السعودية تكتيك فاشل .. بتمويت اللعب .. احنا مش تونس ولا الجزائر شحاتة رضي بالتعادل والتعادل مرضيش بيه .. وادي اخرة الي يسمع كلام الشاطر حسن نعم لرحيل شحاتة .. نعم لقدوم مختار مختار .. او طارق العشري .. اي حد يلعب 4-4-2 .. لا لـ 3-5-2 ارحمونا منها بقا نعم لـ 4-4-2 عايزين نتقدم بقا .. نعم لتصفية الناس الكبيرة والدفع بالشباب لعمل منتخب شباب قوي يستطيع الوصول لكأس العالم |
||||||||||
|
التعديل الأخير تم بواسطة ™_BlackEagle_™ ; 27-03-2011 الساعة 12:09 AM
|
|
27-03-2011, 01:05 AM
|
#11 | ||||||||||
 
|
خيرها فى غيرها  |
||||||||||
|
|
|
27-03-2011, 03:25 AM
|
#12 | ||||||||||
|
خلص الماتش |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| اليوم .. بورسعيد تستقبل مهرجان "تنشيط الرياضة والسياحة" فى "حب مصر" | RoOoMyoOo | قـسـم الـريـاضـة الـعـامـة | 5 | 24-05-2013 10:31 PM |
.gif){kind=icon}
العرض المتطور
