التعديلات الدستورية لن تهب الدولة للأخوان .. التفككي الثورة هو من سيفعل التنظيمي لقو

[STRQUEEN]

الوضع اللي احنا فيه دلوقتي هو باختصار حكم عسكري يضع في يده السلطة التشريعية والتنفيذية والقضائية ليشرع ما يشاء من قوانين وتنفذة القوات المسلحة والشرطة وعلي من يخالف التشريعات يتعرض للمحاكمة عن طريق المحاكم العسكرية ( الغير دستوري محاكمتها لمدنيين ) ولكن دلوقتي مفيش حاجة اسمها دستور وميش اي حاجة اسمها دولة من الاساس في بس حاجة اسمها الجيش يقول واحنا ننفذ ولما الجيش يقولنا هسيب البلد ونعمل تعديلات دستورية تضمنلنا ديموقراطية حقيقية احنا بنقول لأ عشان الأخوان مايمسكوش البلد وعشان حاليا مفيش غير الأخوان والحزب الوطني



والناس اللي بتقول لأ بتطالب بدستور جديد !! .. طب الدستور الجديد هيتعمل ازاي !! .. بجمعية تأسيسية تضع دستور جديد .. طب الجمعية دي هتيجي ازااي !! .. عن طريق اختيار القوات المسلحة !! زي اللجنة اللي اقترحت التعديلات الدستورية بالظبط وكلنا رفضناها ورفضنا التعديلات اللي اقرتها !!


التعديلات بتقولنا الدستور الجديد اللي هينتج عن التعديلات ده هيبقي دستور مؤقت هيحدد فقط كيفية نقل السلطة بديموقراطية من المجلس العسكري الي مجلس شعب ( احنا اللي هنختار اعضاؤة بمنتهي الشفافية يعني هيبقوا صوتنا فعلا وهما اللي هيختاروا اللجنة التأسيسية اللي هتحط الدستور الجديد اللي نتيجة لكدة هيبقي دستور يمثلنا ويحقق طموحاتنا واهدافنا لأننا نوابنا الحقيقيين هما اللي هيختاروا اللجنة اللي هتضعة !! .. يعني قمة الديموقراطية .. احنا نختار نواب يمثلونا فعلا والنواب دول ينتخبوا لجنة تأسيسية تضع دستور ثم يصوت علية مجلس الشعب الحر مادة مادة وفي الأخر استفتاء الشعب علية وبعدين يطلعنا دستور ديموقراطي حقيقي


ناس اللي بتقول لأ دي اكيد شايفة ان في مشاكل في البلد وان مفيش دستور وفي حكم عسكري وقوانين استثنائية ومستحيل !!


تفتكروا بقة الحل اننا نقول لأ للديموقراطية عشان الأخوان مايكسبوش أو عشان الحزب الوطني مايكسبش !! .. نعم للمجلس العسكري والقضاء العسكري والقوانيين العسكرية عشان الأخوان مايكسبوش !! .. مش هنختار ميين اللجنة التأسيسية اللي هتحط الدستور واختاروها انتوا عشان الأخوان مايكسبوش !! .. وبالتأكيد لو تم اختيار اللجنة من قبل الجيش هنعمل زي عملنا ايام اللجنة اللي ناقشت تعديلات الدستور وطلعنا كل اقتراحتهم غلط .. طب اييه اللي يضمن اننا نوافق علي الدستور اللي هتعمله اللجنة التأسيسية اللي مش احنا اللي هنختارها ومش بتمثلنا !! .. اييه اللي يضمن ان لو انتخابات مجلس الشعب دي اتأجلت سنتيين الأخوان مايكسبوش ومايحكموش البلد


الحاجة الوحيدة اللي تضمنلنا ان حد غير الأخوان المسلمين او الحزب الوطني يكسب هي اننا نتفق كلنا علي قيادة واحدة !! .. دلوقتي او السنة الجاية او بعد 10 سنيين لو فضلنا زي ماحنا 15 كيان وكل كيان ليها زعيمة وكل كيان لييه طلباتة وبالتالي فده هيودينا لنتيجة مهمة جدا هي اننا هنلاقي المجتمع المصري متقسم علي الأقل نسبة 25% للأخوان و 5 % للحزب الوطني و70% للناس اللي لا محسوبين علي الحزب الوطني ولا الأخوان !! .. طب ال70% دوول لو كلهم كيان واحد وقيادة واحدة بالتأكيد هيكتسحوا الأخوان .. بالتأكيد الأخوان هيبقي أقلية في مجلس الشعب زي ماكانوا .. لكن لما يبقي ال 70 % دول متقسمين علي البرادعي وعمرو موسي والبسطويسي وايمن نور والوفد والتجمع والناصري وحزب الجبهة وائتلاف الثورة والأخوة المسيحيين والجماعة الاسلامية والسلفيين يبقي كل كيان فيهم مش هيكمل ال 10% حتي .. وبكدة هيبقي الأخوان هما اللاعب الرئيسي في الحياة السياسية ..





النتيجة دي هتحصل مش بسبب التعديلات الدستورية !! .. دي هتحصل نتيجة لتفتيت الأصوات .. الثورة لازم دلوقتي يكون ليها قيادة موحدة وكتلة موحدة وانا متأكد ان ال70% اللي كانوا ملهومش في الأنتخابات زيي وزي غيري كتيير هيروحوا يدوا صوتهم لأي ممثل للكيان الثوري الجديد دة !! .. كلنا مع الثورة بس كلنا بنفتت أصواتنا علي اكتر من 15 20 كيان وقيادة وبالتالي الأخوان هيفضلوا غصب عننا هما الأغلبية لأنهم الأكثر تنظيما وليس لأنهم هم الأكثر شعبية .. العيب مش من التعديلات الدستورية لأن التعديلات دي بتحققلنا الديموقراطية اللي كان نفسنا فيها .. الأخوان هيفضلوا غصب عننا قوة في المجتمع لانهم منظمين ولأنهم كيان واحد ورأي واحد وهو دة مصدر قوتهم ..



اما احنا ( اللي مش اخوان ومش حزب وطني ) مش بنتحد ابدا الا في كلمة ( لأ ) .. هي دي الحاجة الوحيدة اللي كلنا بنعرف نعملها .. لكن تيجي في الواقع تلاقينا ابعد مايكون عن الأتحاد .. مفيش في فكرة ايجابية واحدة بنتوحد عليها .. مفيش رأي واحد كلنا بنتوحد عليه .. مفيش قضية واحدة كلنا بنتوحد عليها .. مش بنتوحد الا في المطالب السلبية زي لا لشفيق .. لا لأمن الدولة .. لا للتعديلات الدستورية .. لكن امتي هنتوحد كلنا كاغلبية كاسحة علي قيادة واحدة وكيان واحد وقضية واحدة وتوجة سياسي واحد وفكرة ايجابية واحدة مضمونها خلق شئ جديد وليس رفض اقتراح او معارضة فكرة !! احنا قوتنا في عددنا وفي كترنا لكن اعتقد اننا بنستغل الكترة دي في اتجاة ربما لا يكون الأمثل .. نعم للتعديلات الدستورية التي ستفتح طريق الديموقراطية في مصر .. وعلي من يريد الديموقراطية ان يزيد من قوتة في الشارع ومن زيادة عدد مؤيدينة .. وليس ان يعطل الديموقراطية حتي يتم يتم تفصيل ديموقراطية علي مقاسة

وفي النهاية التعديلات الدستورية اقرت فترة 6 شهور لكي تنظم قوي الثورة نفسها لخوض الانتخابات




معـلش الألوان مش شغـالة و كـان لازم أتكلـم دلوقتى :)
عـايز مناقشة و مش عايز تسلم و شكرا ليك :)

[فارس الاسلام]

بوص انا مش من الاخوان

لكن ملهم الاخوان لو مسكو البلد مش هيكو ن فى فساد كفايه انهم بيتسمكو بالمادة 2 غير كدا مفيش حاجه اسمها نمشى بمبدا دينى يعنى لو مسكو هيكونو زاى اى رئيس لكن هيمشو بمبدا الشريعه الاسلاميه التى فى كل الاديان

[Omar_El*POP]

على فكرة الاخوان ماسكيين ماسكيين بئا عملوا حزب 25يناير او 6أبريل الاخوان حتمسك كل الاعرفهم والله سواء بيئولوا اه او لا فى الاخر فى مجلش الشعب حيصوتوا للاخوان

[moha1a]

انا عن نفسى عايز دستور جديد
و الدستور معمول جاهز و على فكره و عمل الدستور مبيخدش شهر
يعنى مش حوار
و لازم يبقى فى ناس بتقول نعم و ناس بتقول لأ هيا دى الحريه و الديموقراطيه

[كريم احمد]

كلنا عاوزين دستور جديد
بس الاهم الوقت اللي يتعمل فيه الدستور
و دلوقتي مش وقت عمل دستور جديد مع احترامي لكل اللي راح وقال لأ
واالي قال نعم عنده حق واللي قال لأ عنده حق برضه
تقــبل مروري

[ҳ̸Ҳ̸ҳVincentҳ̸Ҳ̸ҳ]

بصراحة انا مش موافق تماما على موضوع التعديل وأما انتخبت قولت لا للتعديل ...بتمنى يكون فى دستور من جديد ..ولو على الوقت الى حياخده الشرطة نزلت الشارع من جديد ...والجيش حيرجع لمكانه الأصلى على الحدود ...


وكل شئ يفضل تمام .. لحد ميتم دستور مبنى على اساس من الشعب ولا فيه دكتتورية ولا كلام فارغ ... ومنسق .

تحياتى

[XTRQUEEN]

المشاركة الأصلية كتبت بواسطة فارس الاسلام عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بوص انا مش من الاخوان

لكن ملهم الاخوان لو مسكو البلد مش هيكو ن فى فساد كفايه انهم بيتسمكو بالمادة 2 غير كدا مفيش حاجه اسمها نمشى بمبدا دينى يعنى لو مسكو هيكونو زاى اى رئيس لكن هيمشو بمبدا الشريعه الاسلاميه التى فى كل الاديان

والله أنت راجل 100 100 :)

[moha1a]

نستحمل يا جماعه شويه نضحى شويه
امال الى استشهدو دول استشهدو ليه عشان نص حريه ؟ ولا حريه كامله ..
انا شايف ان عادى تنزل الشرطه و الدنيا مشيا و تمام
مع احترامى لجميع الاراء