مسابقة pvp ودي بجد وعلى مسئوليتي الشخصية

[Curse_master]

المرة دي انا جاي بمسابقةPVP من فكري أنا وعلى مسئوليتي الشخصية

ليه جبتها السيرفر ده؟

معظم أصحابي على السيرفر ده وشجعوني أعملها هنا ... وشايف القسم نشيط وقناص قايم بالواجب وهنا فيه مصريين وعرب وكله تمام



المسابقة عبارة عن أيه؟
عبارة عن 16 لاعب هيخش كل لاعب ضد زميله وماعليك غير إنك تموته جولتين من 3 جولات وبكدة تفوز وتصعد ويصفوا على 8 وبعدين 4 وبعدين النهائي


كيفية الاشتراك:
1. دفع رسم الاشتراك 10 مليون (انا حبيت أخليه أقل من كدة بس اصحابي قالولي لازم الجايزة تبقى كبيرة) لشخصيتي أنا على السيرفر ده TasteMyVenom ودي شخصية لسه لفل نووب
وأنا مش مسئول عن أي حد يدفع لواحد تاني
2. المسابقة هتبقى يوم الجمعة الساعة 2 العصر بتوقيت مصر 3 العصر بتوقيت السعودية 4 العصر بتوقيت الإمارات.



الجوائز:

مركز اول
90,000,000

مركز ثاني
40,000,000

مركز ثالث
20,000,000

هتقولي هيتبقى 10 مليون هقولك طيب والمنظم ده ملهوش حاجة يعني؟؟

بالإضافة إلى جلوبال هيتكتب يعلن أسماء الفائزين والمراكز الثلاثة الأولى بس المسابقة تبدأ



الشروط:
1. مسموح بالبافات كل واحد يتعامل بالأكونت بتاعه زي ما يحب
2. اللفلات هحددها طبقاً للاستطلاع اللي انا عامله
3. اختيار المنافسين سيتم بعشوائية وقرعة هعملها عندي هنا في البيت ... والله على ما اقوله شهيد
4. جدول المباريات هينزل يوم الاربعاء واللي هيعتبر أخر معاد لدفع الاشتراك



ملحوظة:المسابقة دي أنا لسه معلملتهاش أنا لسه باخد رأيكم نعملها ولا منعملهاش وأي حد عنده اقتراح ممكن يضيفه



الاستطلاع:
الاستطلاع ده معمول علشان نعرف مستوى اللفلات المطلوبة في المسابقة وهيبقى
1. 90 ~ 95
2. 95 ~100
3. 100 ~ 105
4. 105 ~ 110

والمستوى اللي هيحصل على أكبر كمية تصوية هيتم اختياره وعمل المسابقة


رجاء خاص:
لو موافقين قولوا موافقين وعاوز 16 واحد معايا لو مش موافقين وشايفينها فكرة سخيفة قولوا الصراحة علشان متعبش وألم الفلوس وفي الآخر تقولولي مشغولين والكلام العجيب ده

طيب أيهيضمنلنا أن لو المسابقى متمتش أنك مش هتاكل الفلوس علينا؟

كل واحد فيكم ياخد سكرين شوت ليا وانا باخد منه الفلوس ولوالمسابقة متمتش هرجعله فلوسه ولو مرجعتهاش يجي هنا ويشتكي وانا مستعد اني اتعزل من المنتدى بل أنطرد كمان ... لكن لوالمسابقة تمت وحب يعمل حركة زي دي هيكون معايا 100 دليل يكذبوا كلامه.. وهيجيب الطرد لروحه..



يا جدعان حتى الآن دي فكرة ولسه متنفذتش في أي حتة ودي أول مرة أعملها .... منتظر ردودكم وآرائكم


تحياتي

[baggy]

فكرة جميلة و إن شاء الله تعجب الناس و ربنا يقويك و تقدر تنفذها و تنظمها بشكل جميل

[Curse_master]

مش عارف الحقيقة أشكركم عالتجاهل ده ... انا هنزل الموضوع من التثبيت شكلي اخترت سيرفر غلط

[ABDO_22]

فكره جمده و انا كان نفسى اعملها بس مكنتش هقدر انظمها زى منتا عملت و كان كلو هيطنشنى زى محصل معاك

[Al.Qanas]

أولا مفيش تجاهل ولا حاجة .. بس اللى انا ملاحظة بردو .. ان محدش بقى ياخد باله من المواضيع المثبته xD
كله بيدخل على تحت علطول ..

ثانيا دى مسابقة جميله وانا عملت ليها نظام قبل كدة بس كنا فى يونيون اجنبى ومنتدى مخصوص لليونيون بس مش كملت لظروف ما يعنى :)

ثالثا انا مش موافق على حته انه مفيش سنو ولا بليس .. انت بتقول علشان المسابقة تبقى عادله
بس ازاى هتبقى عادله لما تلاقعب مثلا واحد واريور ليفل 110 عندك 61 ألف أتش بى .. قدام نيوكر عنده 25 ألف اتش بى
عمرها ما تكون عادله طبعا .. مستحيل النيوكر يكسب . دا هيموت من أول هيت !!

لكن لما النيوكر هيعمل سنو .. والاوربى يعمل بليس يبقى ساعتها فيه تعادل
لكن لما الاتنين ميعملوش .. الاوربى مش هيخسر اى حاجة نهائى .. خصوصا انه معظمه زى الواريور عنده بفات فى السلاح بتاعه زى ال Mana بتحميه كويس ..

فأنا شايف انه يسمح بأستخدام البلس والاسنو .. مع ان البليس مش مهمه للأوربى زى الاسنو
الاوربى معاه Healing Orbit وكذا بف هيلنج بيظبط الاتش بى بتاعه ومعاه بفات ال Defense بتاع الكليرك اخر سطر
بيعملها وهو ماسك الشيلد

لكن تقدر تقولى الصينى او بالاخص النيوكر عنده اية غير الاسنو شيلد ؟!
ولا عنده هيلنج للاتش بى ولا عنده اى حماية غير الاسنو شيلد بالاضافه لأنه كمان فوق دة ودة اتش بى زى الويزارد

طبعا مفيش اى توافق فى الامكانيات بين الاتنين حتى مع الاسنو بتبقى صعبه .. علشان كدة دايما تقرا فى الاخبار انهم عايزين ينزلوا من الاوربى شوية ويعلوا الصينى لان الاوربى فيه امكانيات كبيرة جدا

نقطة كمان غير الاسنو ..
الاوربى فيه Holy Spell يعنى النيوكر او الصينى عموما مش هيعرف يعمله ولا Dull ولا Bleed ولاDivision
فى حين ان الصينى بيلبس كل ال Upnormal زى ال Dull من الواريور وزى ال Fear وغيره كتير اوى

فحرام بقى لما يكون كل الامكانيات منحازة للأوربى وتيجى انت تحط من الصينى كمان لتحت
طبعا غير مقبول بالمرة

بالعكس دا انت المفروض تعزز من الصينى شوية قدام الاوربى .. يعنى ممكن تسمح بالاسنو وتمنع البليس
انا مش بقول كدة علشان انا نيوكر يعنى

حاجة تانية نسيت تقول عليها بردو انا شايف انها مهمه .. للناس ال INT مفتكرش انه هيبقى مسموح ليهم بأستخدام ال Offring لان لو استخدموها اظن البى فى بى مش هيبقى ليه لزمه يعنى .. لان مهما كان اى واحد نوب بيضرب Offring بنسبه 99% اللى قدامه بيموت .. فالمفروض دى متبقاش فى اوبشن البى فى بى

بس انا بقولك الكلام دة عن تجربه وكله عارف ان الصينى مظلوم شوية فى اللعبه وامكانياته مش حلوة زى الاوربى
وانا عن نفسى مستعد اجبلك ناس كتير تشارك فى البى فى بى دة بس نظبطه الأول ونظبط ان الموضوع يبقى عادل وفيه تناسب بين الكل

شكرا واسف على الاطاله :)

[Curse_master]

انا فكرت في حوار البليس والسنو شيلد ونسيت اشيلها من الشروط هي مسموح بيها
بس انا محتاج 16 واحد مينفعش يبقوا 5 بس

[Curse_master]

للناس ال int مفتكرش انه هيبقى مسموح ليهم بأستخدام ال offring

طبعاً الأوفرينج مش مسموح بيها ... ازاي فاتت عليا النقطة دي بس لما الناس توافق على المسابقة هينزل موضوع المسابقة واللي عاوز يشترك يكتب اسم الأكونت وهاخد منه الجولد واكتب اسمه عندي ونبدأ المسابقة بس تبدأ يا قناص الأول .... بس انا برضه حاسس اني اخترت السيرفر الخطأ

[Al.Qanas]

انا هجبلك ناس كتير .. مش لازم يكونوا فى المنتدى يعنى
بس محتاجين نظبط شوية حاجات سوا كدة

وانا معاك اهو ..
خلينى افكر فى كام حاجة بس وهقولك عليهم ونظبط الموضوع بعدين هجبلك الناس
بإذن الله

شكرا للمتابعة

[SilverFox]

فكره جميله وانا معاك انشاء الله
Name.King_Ston_
lvl.97
build.wizz
لما تجمع الناس ابقى اكتب فى الموضوع وانا هدفعلك الفلوس

بالتوفيق..

[NeverBackDown]

برافــــــــــــــــــــو يا مينا
موضوع جامد وفكره ممتازه . احسن مليون مره من فلان سرقنى مش عارف مين شتمنى .
انا فى وجة نظرى انها تبقى من 105- 110 علشان دى اكتر فئه دلوقتى بين المصريين والعرب بسم الله ما شاء الله ( اوعدنا يا رب )
ولو نجحت ان شاء الله تتنفذ على الكل

[_Fantastic_]

لية زعلتني منك يا مينا انا لفل 88 xD خسارة صعب اني اكون في المسابقة بلتوفيق ويارب المسابقة تنجح

[_FoKaK_]

فكره جامد جدا :) انا هشترك معاك باكونت اسمه Alarming

[سمير عيسى]

100%

[Curse_master]

يا مسهل

[Al.Qanas]

متلقلقش انا هجبلك ناس وهتكمل ال 16 ويمكن اكتر ان شاء الله
بس هيا مسئله وقت شوية لما نتكلم هكون جهزتلك الناس دى