مسيرة مليونية لاسقاط احمد شفيق

[Loleta]

بسم الله الرحمن الرحيم

انا لسا شايف الموضوع ده
انا مش هقول رئى انتوا شايفين ايه؟؟؟ الراجل دا وحش ولا كويس؟

يبدو أن إصرارهم لن يهدأ.. وعزيمتهم لن تخمد.. وصبرهم لن ينفذ.. ومظاهراتهم المليونيه مستمرة، حتى تتحقق مطالب الثورة كاملة، كما أكد شبابها.

ففي دعوة لمليونيه جديدة، بميدان التحريرالثلاثاء 22 فبراير، أكد الالاف من شباب ثورة 25 يناير أن المليونيه تهدف إلى إسقاط حكومة شفيق، وتطالب بتشكيل حكومة تكنوقراط جديدة.

وقال الشباب في الدعوة التي نشروها على الفيس بوك " هنرجع تانى ميدان التحرير، وهنفضل قاعدين فيه، المجلس الأعلى سايب حكومة مبارك تعمل اللى هى عايزاه، والاتحاد الأوروبي ريقه نشف عشان يطلبوا تجميد أرصدة مبارك، والفريق شفيق عمال يوعدنا بأمال وأحلام وخلاص، الثورة لم تخمد و لن تهدأ"

وأشار الشباب إلى ان عودتهم للتحرير، هدفها، تشكيل حكومة تكنوقراط جديدة فى أسرع وقت، وتجميد أرصدة مبارك و عائلته فى الداخل وطلب تجميدها فى الخارج.

وقال المشاركون في الدعوة إن " المعركة الآن أعنف و أطول، لقد قام الشباب بفصل الرأس عن الجسد؛ ولكن الجسد ما زال يتحكم فى كل شئ ، و يأخذ أوامره من الرأس المفصولة".

يذكر أن الحكومة التكنوقراطية، هي الحكومة المتخصصة غير الحزبية التي تتجنب الانحياز لموقف أي حزب كان وتستخدم مثل هذه الحكومة في حالة الخلافات السياسية، ومعنى تكنوقراط حكم الطبقة العلمية الفنية المتخصصة المثقفة.

تـم التحرير بواسطة الادارة
##

[MoST_WanTeD]

كده حق الجيش يضرب الناس دي بالنار هما عاوزين ايه بظبط يعني احمد شفيق ده لسه ماسك الحكومة وراجل كويس جدا مش عارف انا

[كريم احمد]

حرااااااااااااااااااااااااام هما عايزيين اييه تاني الحكومه دي لحد الانتخابات الرئاسية اللي جاية حرااام والله العظيم فيه تدهور اقتصادي في البلد وهما مش حاسييييين حراااااااااااااااااااااااااااااااااااااااااااااام

[| - CreSpO - |]

يـا ريت المــصدر !

عشان دا منتدى مش مصدر

[7zero]

بسم الله الرحمن الرحيم

اللهم احرس مصر من كل سوء وشر.... الان بعد تلك الثورة المشرفة الاركان وما لها من متطلبات فى رأى أمر حتمى

المنال و ولا رجعة فيه ولا رجاء فيه لاحد او من أحد , لكن لابد ان تتخلوا تماما ونهائيا عن احلام المليونية التى اصبحت

تسبب الخوف والفزع على هذا البلد من تعطيل نظام جديد أقل ما يقال عنه انه صالح وشريف. بالطبع ونحن اليوم

على مشارف التطوير لابد وان يتحقق الاستقرار ولو لاسبوع كامل , فأن كل يوم وساعة ودقيقة وثانية نستمع الى

مظاهرات بالاف او بالملايين , أنه ليس من الضرورى للدافع القانونى أو الاخلاقى ان تفرض من اى جماعة مهما كانت

عددها او صفتها ان تفرض على جموع الشعب رأيها حتى وان كان صحيح فالوقت الحالى لا يسمح بأى اخطاء اكثر

مما نحن فيه الان من فوضى لانه توجد فوضى بالقدر الكافى ولا نحتاج الى زيادة فيها.

ومادام الوضع لا يسمح بوجود حكومة منتخبة من الاحزاب فلابد من الصبر على الوضع الراهن لحين صدور اشعار جديد

و ضوء فجر يمهد لنهار الحرية والحكم السليم , ارجو منكم التوقف التام عن تلك المسيرات التى ليس لها معنى او

وصف غير انها تزيد من الانفلات الامنى فى جميع المحافظات بداية من الشمال الى جنوب القطر كله , ونحن هنا

نسمع كل يوم عن سرقات فى الطرقات والموصلات العامة .

ووفقكم الله والسلام عليكم ورحمة الله.

[noty2009]

احمد شفيق ده كويس جدا دول ناس مش بيعجبها العجب الجيش يموتهم احسن هيقفوا كده حال البلد ناس مستفزه

[Mr_Techno]

الفريق احمد شفيق مكنش يعرف ان في ناس بتاخد معاش 300 جنيه:confu sed:

[Have Fun]

You Can't Put The Source From Forum

[☜ ĂиTaKą ☞]

ايه ده ؟

[Sad_Angel]

يعنى الراجل لسه خاد فرصته

[iZexo]

ايه يا عم كريسبو مصدر يعني لو حد قبل المظاهرات قال هنعمل يوم 25 يناير مظاهرات هتقولو حوط المصدر كان هيجبلك قناه اخبارية مثلا

و بعدين حق الجيش كدا يضربهم احمد شفيق كويس و زي الفل و كان وزير زمتو نضيفة و شوف مصر للطيران كانت فين و بقت فين

[| - CreSpO - |]

المشاركة الأصلية كتبت بواسطة Zexo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] ايه يا عم كريسبو مصدر يعني لو حد قبل المظاهرات قال هنعمل يوم 25 يناير مظاهرات هتقولو حوط المصدر كان هيجبلك قناه اخبارية مثلا و بعدين حق الجيش كدا يضربهم احمد شفيق كويس و زي الفل و كان وزير زمتو نضيفة و شوف مصر للطيران كانت فين و بقت فين

يـعنى انا معرفش ان فى مظاهرات بكره ؟

عارف و كمان عارف ان يوم الجمعه الجيه فيها مظاهره او احتفاليه

انا بس بقولو كدا قبل ما مشرف يخش و يقولو كلامى و يغلق الموضوع

ويلا ياض من هنا

[LonelyBoy]

كفاية والنبى بقى

[SoulRippeR]

والله احنا كدا مش بنفكر يا جماعه
الراجل كويس جداا وحينضف البلد

بس الى انا اتمناه انهم يغيروا بعض الوزراء بس مش رئيس الوزراء

الراجل محترم جدااا وكويس جدااا

احنا كدا بقى ناس مش بنفكر عايزين مشاكل و خلاص

[^^divo^^]

المشاركة الأصلية كتبت بواسطة SoulRippeR عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] والله احنا كدا مش بنفكر يا جماعه الراجل كويس جداا وحينضف البلد بس الى انا اتمناه انهم يغيروا بعض الوزراء بس مش رئيس الوزراء الراجل محترم جدااا وكويس جدااا احنا كدا بقى ناس مش بنفكر عايزين مشاكل و خلاص

انا شايف ان كلام الراجل ده صح هو فى شويه وزراء فعلا المفروض يروحو بس المفروض ندى الفرصه لشفيق نشوف هيعمل ايه