| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
17-02-2011, 01:12 AM
|
#1 | ||||||||||
  
|
أيادى مصرية سمرا ليها فى التمييز ممددة وسط الزئير بتكسر البراويز سطوع لصوت الجموع شوف مصر تحت الشمس آن الآوان ترحلى يا دولة العواجيز عواجيز شداد مسعورين أكلوا بلدنا أكل ويشبهوا بعضهم نهم وخسة وشكل طلع الشباب البديع قلبوا خريفها ربيع وحققوا المعجزة صحوا القتيل من القتل اقتلنى قتلى ما هيعيد دولتك تانى بكتب بدمى حياة تانية لأوطانى دمى ده ولا الربيع الاتنين بلون أخضر وببتسم من سعادتى ولا أحزانى تحاولوا ما تحاولوا ما تشوفوا وطن غيره سلبتوا دم الوطن وبشيمته من خيره أحلامنا بكرانا أصغر ضحكة على شفة شفتوتش الصياد يا خلق بيقتلوا طيروا السوس بينخر وسارح تحت أشرافك فرحان بيهم كنت وشايلهم على كتافك وأما أهالينا من زرعوا وبنوا وصنعوا كانوا مداس ليك ولولادك وأحلافك ويا مصر يا مصر آن العليل رجعتله أنفاسه وباس جبين للوطن ما للوطن داسه من قبل موته بيوم صحوه أولاده إن كان سبب علته محبته لناسه الثورة فيضان قديم محبوس مشافوش زول الثورة لو جد متبانش فى كلام أو قول تحلب وتعجن فى سرية تفور فى القلب وتنغزل فتلة فتلة فى ضمير النول متخافش على مصر يا با مصر محروسة حتى من التهمة دى اللى فينا مدسوسة ولو أنت أبوها بصحيح وخايف عليها أوى تركتها ليه بدن بتنخره السوسة وبيسرقوكى يا الوطن قدامنا عينى عينك ينده بقوة الوطن ويقلى قوم فينك ضحكت علينا الكتب بعدت بينا عنك لولا ولادنا اللى قاموا يسددوا دينك لكن خلاص يا وطن صحيت جموع الخلق قبضوا على الشمس بأيديهم وقالوا لا من المستحيل يفرطوا عقد الوطن تانى والكدب تانى محال يلبس قناع الحق بكل حب الحياة خوط فى دم اخوك قول أنت مين للى باعوا حلمنا وباعوك وأهانوك وذلوك ولعبوا قمار بأحلامك نيران هتافك تحرر صحبك الممسوك يرجعلها صوتها مصر تعود ملامحها تاخد مكانها القديم والكون يصالحها عشرات السنين تسكونوا بالكدب فى عروقنا والدنيا متقدمة ومصر مطرحها كتبتوا أول سطور فى صفحة ثورة وهما علما وخبرة مداورة ومناورة وقعتوا فرعون هرب من قلب تمثاله لكن جيوشه مازالوا بيحلموا ببكره صباح حقيقى ودرس جديد أوى فى الرفض أتارى للشمس صوت وأتارى للأرض نبض تانى معاكم رجعنا نحب كلمة مصر تانى معاكم رجعنا نحب ضحكة بعض مين كان يقول ابننا يطلع من النفق دى صرخة ولا غنى وده دم ولا شفق أتاريها حاجة بسيطة الثورة يا أخوانا مين اللى شافها كده مين أول اللى بدأ مش دول شاببنا اللى قالوا كرهوا أوطانهم ولبسنا توب الحداد وبعدنا أوى عنهم هما اللى قاموا النهارده يشعلوا الثورة ويصنفوا الخلق مين عنهم ومين خانهم يادى الميدان اللى حضن الذكرى وسهرها يادى الميدان اللى فتن الخلق وسحرها يادى الميدان اللى غاب اسمه كتير عنه وصبرها ما بين عباد عاشقة وعباد كارهة شباب كان الميدان أهله وعنوانه ولا فى الميدان نسكافيه ولا كابتشينو خدوده عرفوا جمال النوم على الأسفلت والموت عارفهم أوى وهما عارفينه لا الظلم هين يا ناس ولا الشباب قاصر مهما حاصرتوا الميدان عمروا ما يتحاصر فكرتنى يا الميدان بزمان وسحر زمان فكرتنى بأغلى أيام فى زمن ناصر شايل حياتك على كفك صغير السن ليل بعد يوم المعاناة وأنت مش بتأن جمل المحامل وأنت غاضض بتعجب أمتى عرفت النضال اسمحلى حاجة تجن أتاريك جميل يا وطن مازلت وهتبقى زال الضباب وانفجرت بأعلى صوت لا حركتنا نبتسم ودفعت أنت الحساب وبنبتسم بس بسمة طالعة بمشقة فينك يا صبح الكرامة لما البشر هانوا وأهل مصر الأصيلة اتخانوا واتهانوا بنشترى العزة تانى والتمن غالى فتح الوطن للجميع قلبوا وأحضانوا الثورة غيض الأمل وغنوة الثوار الليل إذا خانه لونه يتقلب لنهار ضج الضجيج بالندا اصحى يا فجر الناس فينك يا صوت الغلابة وضحكة الانفار وإحنا وراهم أساتذة خايبة تتعلم ازاى نحب الوطن وامتى نتكلم لما طال الصدى قلبنا ويأسنا من فتحه قلب الوطن قبلكم كان خاوى ومضلم أولنا فى لسة الجولة ورا جولة ده سوس بينخر يا أبويا فى جسد دولة أيوه الملك صار كتابة إنما أبدا لو غفلت عينا لحظة يقلبوا العملة لكن خوفى مازال جوه الفؤاد يكبش الخوف اللى ساكن شقوق القلب ومعشش واللى مش راح يسيبه ولسه هيبقوا وهيلاقولهم سكك وببان ما تتردش وحاسبوا أوى من الديابة اللى فى وسطيكم وحاسبوا أوى من الديابة اللى فى وسطيكم وألا تبقى الخيانة منك وفيكم الضحك على البق بس الرك على النيات فيهم عدوين أشد من اللى حواليكم |
||||||||||
|
| إعلانات google |
|
|
|
17-02-2011, 01:46 AM
|
#2 | ||||||||||
  
|
شكرا يا معلم |
||||||||||
|
|
|
17-02-2011, 01:51 AM
|
#3 | ||||||||||
  
|
كلام تمام وربنا منتقم جبار |
||||||||||
|
|
|
17-02-2011, 01:54 AM
|
#4 | ||||||||||
 
|
تسلم علي الموضوع |
||||||||||
|
|
|
17-02-2011, 02:01 AM
|
#5 | ||||||||||
|
كلام جميل جدا بسم الله ما شاء الله عليك ننتظر المزيد و شكرا لك |
||||||||||
|
|
|
17-02-2011, 02:54 AM
|
#6 | ||||||||||
 
|
شكرا و كلام حلو جدا |
||||||||||
|
|
|
17-02-2011, 04:05 AM
|
#7 | ||||||||||
  
|
الله يـــنــور يــاض |
||||||||||
|
|
|
17-02-2011, 05:00 AM
|
#8 | ||||||||||
 
|
تمـــــــــــــــام تسلم |
||||||||||
|
|
|
17-02-2011, 05:10 AM
|
#9 | ||||||||||
 
|
تسلم علي الموضوع تمام اوى |
||||||||||
|
|
|
17-02-2011, 07:59 AM
|
#10 | ||||||||||
 
|
جامد |
||||||||||
|
|
|
17-02-2011, 08:04 AM
|
#11 | ||||||||||
|
كلام جميل تسلم |
||||||||||
|
|
|
17-02-2011, 08:19 AM
|
#12 | ||||||||||
|
كلمات تستحق الاعجاب والتقدير تسلم ايدك :) |
||||||||||
|
|
|
17-02-2011, 01:25 PM
|
#13 | ||||||||||
|
تسلمو يا شباب بس ده الابنودى |
||||||||||
|
|
|
17-02-2011, 01:38 PM
|
#14 | ||||||||||
 
|
الله الله جامد شكرا |
||||||||||
|
|
|
17-02-2011, 03:02 PM
|
#15 | ||||||||||
|
تسلم علي الموضوع |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| كيف نستطيع التمييز بين اليابانيين والصينيين | ☜ ĂиTaKą ☞ | بـعـيـدآ عـن سـيـلـك رود | 24 | 07-05-2013 06:46 PM |
| أيها العضو ☺ أيها المشرف ☺ أيها المراقب ☺ | Fighter Cool | بـعـيـدآ عـن سـيـلـك رود | 21 | 13-07-2011 08:51 AM |
| نهائي كأس إسبانيا على ملعب محايد | xXOverHellXx | قـسـم الـريـاضـة الـعـامـة | 6 | 14-02-2011 05:41 AM |
| ما هو أحادي القرن Unicorn؟؟ | Curse_master | بـعـيـدآ عـن سـيـلـك رود | 2 | 01-09-2009 08:20 AM |
.gif){kind=icon}
العرض العادي
