| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
15-02-2011, 11:30 PM
|
#1 | ||||||||||
  
|
الســلام عليــكم ورحمـة الله وبركــاته كان زمان لما حد يشتم حد بالام او الاب .. يالهوى تقوم الدنيا ومتقعدش (( كان ف ازمة كراسى بقى )) ويحصل خناقات وقد تصل لمطاوى والسلاح زى ماحنا عارفين عادة بيطول .. وينتهى الفيلم ده بواحد ف المستشفى و واحد ف القسم وتنزل النهايه والظاهر مع تغيير مواصفات السينما الحديثه اتغير الفيلم ده ؟؟؟!! سامح : متيلا ياله نخرج بعد القعده الزفت دي ..... ماجد : مالها القعده يا ابن الــ ......... علاء : ده امك انت ياله .... وقد يتصور البعض ممن لسه عايشين ف القرن الماضى باخلاقياته الجميله بان الحوار ده هينتهى بالاتنين مقطعين بعض فلاش بــاك ع المشهد تانى ماجد : ماشى ياابن المشلضمه ... الله يرحم ابوك كان ... يلا نخرج علاء : يلا يامان هههههههههههه احلى نهايه الصراحه يعنى هههههههه يااخى منك له بقى هع هع ـــــــــــــــــــــــــــــــــــــــــــ ايه ده بجد حد يفهمنى طيب ده ازاى يعنى .. ده امك وده ابوك .. عايزين تشتموا اشتموا بعض لكن امك وابوك وتنتهى ؟؟ لا يبقى ف حاجه غلط .. سورى يعنى ــــــــــــــــــــــــــــــــــــــــــــــــ مها : اسكتى اما البت نهى شفتها امبارح مع طارق ف الكافيه .. بنت المفكوكه كانت مظبطه مى : شوف البت بنت المحرومه .. اول موقعت ف طارق لزقتله يابنتى مها : الله يرحم ماجد يابت اللى يسمعك ميسمعش ايام مكنتى ... يابنت العبيطه مى : انا يابنت الهايفه .. اومال انتى بقى مع الواد زيزو كنتوا ايه .. خلى الواحد ساكت احسن مها : ساكت ايه يا بنت الشنبانزى ما تتكلمى يابنت الديخه ــــــــــــــــــــــــــــــــــــــــــــــــ اه والنبى ياست مى اسكتى احسن وحياة ابوكى ياشيخه .. طبعا بكده .. عرفنا ان الظاهره انتشرت ف البنات كمان بس بالفاظ اقل حده يعنى بنت المفكوكه .. بنت المبعجره .. بنت اللئيمه .. بنت العوجه .. الــخ الترتيب المنطقى للظاهره .. ف البدايه انتشرت الظاهره بين الشباب بينهم وبين بعضيهم يعنى ثم وبقدرة قادر بقت موجوده ف الاماكن العامه مش صعب انك تلاقى شلة شباب فى قلب سكشن فى كلية تجاره بيشتمو و بيسبو و و كدا يعنى و حاجات بقه اقل ما يوقال عليه جمييييييييييله يعنى الظاهره دى انتشرت بسرعه غريبه للبنات بينهم وبين بعضيهم ثم بقت بين البنات ف الاماكن العامه عادى فمن المحتمل جدا انك تلاقى تلات بنات قاعدين ف كافيه ومدينها كلام من ده . . حاليا بقى .. بقت بين البنات والولاد فمن الطبيعى جدا دلوقت انك تبقى قاعد ف النادى باحترامك وتسمع جروب ولاد وبنات زى العسل كده احمد يشتم جيجى .. منى تسب الدين لمحمود .. معرفش مين يلعن ابو مين عـــــــــــــــــــــــــــــــــــــــادى والله لا مش عادى بقى ... كفايه .. كفايه بجد بص بقى ياعم ... من ناحية الدين طبعا حرام ده اكيد .. سب الدين اللى بقى ع لسان الرفيع قبل التخين ... وقذف الاهل بكلام ف القانون يعتبر سب وقذف يعنى لو قلبت بجد بينك وبين صاحبك ف يوم وقفش عليك وراح قدم محضر هتتجرجر ياحلو ف قضية سب وقذف ع طول بس القانون لسه محدش ادالوا خبر باللى بيحصل ده ... علشان يتلغى بقى السب والقذف ده مهو خلاص بقت عادى قشطه جدا ... ده دينيا وقانونيا طب واجتماعيا .... انت بتاثر ف اللى جنبك واللى جنبك بيعلم اللى جنبه وباذن الله 5 سنين وهنبقى شعب .. بيتباهى بالشتيمه وبكده تبقى بالسلامه سيبك انك بتجرح اهلك بكلام ...نركنه على جنب ياعم انت بتجرح اللى حواليك بالكلام ده .. ماشى صحابك اللى ف الشله متعوديين ع الكلام ده ... البنات اللى واقفين معاك عادى بالنسبالهم الكلام ده قشطه جدا لكن لسه فى ناس مش حابين يسمعوا الكلام ده .. وفى بنات أقل وصف ان فعلا بيجرحهم جدا الكلام ده يعنى باذنك يارب .. هتاخد ذنب الناس اللى بتشتم فيهم ف غيابهم حتى لو ابنهم الراجل الطول بعرض ده وهتاخد ذنب كل الناس اللى حواليك وبتأذيهم بكلامك ده ... يعنى اى خروجه هتخرجها يابطل شوف هتقول فيها كام كلمه وهتاخد عليها كام ذنب وان شالله محد حوش الموضوع ده لاهو زى الحشيش اللى هيدمر عقول ... ولا هو زى هوس الفنانين اللى هيدمر اسره لا ده هيدمر ذوق مجتمع .. ومش هنبقى بعد كده عارفين ايه الجميل وايه الوحش ايه الصح وايه الغلط مهو كله عادى .. ومبقاش لينا الحق نستغرب ع بحبك ياحمار بس انا عايز اسال سؤال فصيح شويه ... افرض اللى قدامك فعلا يقصد الشتيمه اللى بيقولها ... انت هتعرف منين اذا كان ده هزار عادى ولا بجد مش بقولكم مش هنبقى عارفين ايه الجميل وايه الوحش نور النور هنا بقى لو سمحت ...!! بتقولوا الكلام ده ليه ؟؟ شايفينه بيدل ع الروشنه و التكته والطأطه والطرئعه وما الى ذلك من كلام انا مش فاهم ليه معنى اصلا ازاى تقبل ع اهلك يتقال عليهم كلام زى ده .. حتى لو ع سبيل الهزار زى ماقلنا .. ايه يا اخى ده كانت خلفت خروف افيد والله .. فين الدم فين النخوه فيـن فيـن فيـن ذهبوا مع الريح..!! ولا ذهبوا مع العولمه ..!! ولا مع الروشنه ..!! ولا ده اولى تنازلات الزمن القادم ..!! وسلملى ع المبادىء ..!! مش كده ولا ايه ..!! |
||||||||||
|
| إعلانات google |
|
|
|
15-02-2011, 11:45 PM
|
#2 | ||||||||||
 
|
و الله والله الناس اللي محترمين و مش يعملوا كدة بيتقلس عليهم و بيتشتموا و بيتبهدلوا شوف سبحان الله |
||||||||||
|
|
|
15-02-2011, 11:47 PM
|
#3 | ||||||||||
  
|
واللهى انت راجل زى العسل شكرا على النصيحة يا باشا عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
||||||||||
|
|
|
16-02-2011, 12:10 AM
|
#4 | ||||||||||
 
|
فعلا انا ملاحظ ان الحكاية دى بقت عادى |
||||||||||
|
|
|
16-02-2011, 12:14 AM
|
#5 | ||||||||||
|
كلآم مفيد والله ومفيش أحسن من إنك تبقى محترم لذاتك قبل ماتحترم غيرك:) شكراً على النصيحه ويارب اللى يشوفها يعمل بيها ويعرف إنها صح 100% تسلم ايدكـ:) |
||||||||||
|
|
|
16-02-2011, 12:20 AM
|
#6 | ||||||||||
  
|
وزى ما قال الفنان محمد هنيدى بتقول لمين ياض يابن التايهة ^^ بجد دلوقتى مفيش حاجة اسمها الواد دة مؤدب و دة وحش شكرا على الموضوع |
||||||||||
|
|
|
16-02-2011, 12:27 AM
|
#7 | ||||||||||
|
شكرا للنصيحة |
||||||||||
|
|
|
16-02-2011, 12:33 AM
|
#8 | ||||||||||
 
|
شكرا على الموضوع و النصيحة |
||||||||||
|
|
|
16-02-2011, 12:39 AM
|
#9 | ||||||||||
  
|
شكراا يا باشا موضوع جميل ومفيد تسلم والواحد بقي ماشي في الشارع بيسمع حاجات المفروض متتقلش وبيبقي مستغرب ازاي تتقال دي وصلت للشتايم في العرض والشرف بتاع اهلهم وهما ساكتيين وبيضحكوو ليييييه بقينا في امريكا ؟؟؟؟؟؟؟ ده حتي في امريكا ميقبلوش بالكلام ده ولا في اي حته في العالم !!!!!!!!!!!!!!! |
||||||||||
|
التعديل الأخير تم بواسطة كريم احمد ; 16-02-2011 الساعة 12:44 AM
|
|
16-02-2011, 12:58 AM
|
#10 | ||||||||||
 
|
سخن علينا ليه ياض يابنل @%#$!#$$@# |
||||||||||
|
|
|
16-02-2011, 01:11 AM
|
#11 | ||||||||||
 
|
هههههههه صح والله |
||||||||||
|
|
|
16-02-2011, 01:49 AM
|
#12 | ||||||||||
 
|
الموضوع دة انا قريت منوا ربعه بس عجباني حوار الاخت مها :)) |
||||||||||
|
|
|
16-02-2011, 02:00 AM
|
#13 | ||||||||||
|
توبيك مفيد و كلام ولا روعة الروعه تسلم صوابع ايدينك ^^ ______________________________________ اّه نسيت اقولك احلى حاجة فيك يا اخ Welfa اسامى مواضيعك ^^  |
||||||||||
|
التعديل الأخير تم بواسطة U Are Mine ; 16-02-2011 الساعة 02:03 AM
|
|
16-02-2011, 02:24 AM
|
#14 | ||||||||||
 
|
دايما مواضيعك حلوه موضوع جميل جداا والله |
||||||||||
|
|
|
16-02-2011, 02:46 AM
|
#15 | ||||||||||
|
لا .. بــس حــلــو الــعــنــوان |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
