|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
|
أدوات الموضوع | انواع عرض الموضوع |
23-01-2011, 09:55 PM
|
#1 | ||||||||||
  
|
بسم الله الرحمن الرحيم 23 يناير 2011 هوه ده عنوان اليوم النهارده 23 يناير اول يوم بالنسبالي في حوار المذكرات ديه ... و الي قررت اكتبها علي الكومبيوتر علشان ابقي ... ( مساير للعصر ) و بما اني " مساير للعصر " و انا بكتب لازم اسمع نجم الجيل تامر حسني ... و بسمعه بالغصب كمان .... بس محدش سال بسمعه ليه ... اقولكو انا ... انا النهارده حاسس بفيض من المشاعر الفياضه .. مع اني مش مصاحب ولا بحب ... ولا ناوي احب .. بس علي العموم الماشعر الفياضه بتاعت النهارده " 23 يناير " حاكمه اليوم كله الساعه الان 10 الصبح " يا حيوان " استيقظت من النوم لاجد جميع من في البيت نائمين "كالعاده" ولاني الشخصيه الوحيده في بيتنا المفعمه بالنشاط و الحيويه فا انا " دايما " بصحي اول واحد .... المهم ... اما ملقيتش حد تخيلو عملت ايه ... نمت تاني بس كده ... و لتاني مره النهارده استيقظ من النوم .... علي صوت خالتي و هي بتقول لمصطفي صاحبي .... لا شريف نايم دلوقتي و للي عايز يعرف مين مصطفي ... مصطفي يا عم هوه نسوانيجي المدرسه ... مصاحب بنت اكبر منه بسنتين .. و يعرف كتير من صحابها .... تخيلو العيال " الي انا من ضمنهم " بيروحولو علشان يظبطهم مع بنات !! احم احم ... دعونا الان لا نتطرق الي هذه المواضيع الفرعيه و نذهب الي صلب الموضوع " انا" !!! ايوه انا ... ولا انا مش عاجبك ... المهم بعد ما سمعت خالتي بتقوله " لا شريف نايم " اطلقت العنان الي فمي بصيحه عاليه كان مختصرها " لا انا صاحي و جاي " لعلكم الان تتسألون عن سبب قيامي من النوم لاجل شخص معين " و هذه نادرا ما تحدث " ... السبب يا باشا ان مصطفي غير انه نسوانجي ... بس هوه صحابي فشخ .. احم احم اقصد صاحبي اوي يعني .... ده غير انه بيحمل اخبار معظم بنات المدرسه و بنات المدارس المجاوره كمان ... صحيت علشان اسمع شويه من الدبش الي بيرمه عليا و علي طريقتي في اللبس و الكلام " بانها قديمه و كده " و التعليق عليا بشويه كلام زي " يا ابني كده مافيش واحده هترضي تصحابك " او " مش فاهم ازاي مزه هتبصلك بالمنظر ده " مصطفي من الاشخاص الي خلتني اعيد التفكير بنفسي جديا " الزن علي الودان امر من السحر " ..... يبدا مصطفي حواره بـ: يا صباح الفل ... انت لسه صاحي مرضيتش اضيع وقتي الثمين فاني افهمه ازاي صحيت و رديت عليه بـ: ايوه يا عم لسه صاحي ... عندك جديد بالمناسبه انا تقريبا الوحيد الي في صاحبي الي مثقف او ليه مذاهب سياسيه و علميه و بالنسبه لسني انا مثقف جدا " فا ممكن تلاقوني بعامل الناس من منطق العالم او الحكيم " ... متستغربوش يعني ... قالي : لا معنديش جديد ... بعد الشعور بالاحباط .. رديت : طب يلا غور .. انا ماليش خروج النهارده .. الحجه منشفه دماغها شويه مصطفي بصلي اوي كده و بعدين رجع للخلف خطوتين استعدادا للهرب و قال : طب ماشي يا روح امك ... و غير تيت ام البجيامه الكستور الي انت لابسها ديه بصيت اوي للبيجامه الكستور الي انا لابسها و قلت في سري " ايش فهمك انت في الشياكه " مرت ساعتين من الملل العام ... بعد ان جاتلي فكره " مقندله " اني افتح دولاب مكتبتنا القديمه و اطلع كام روايه ل اجثا كريستي و ابدا " مهرجان القراءه للجميع " في السرير ابتديت القرايه .... مر الوقت بسرعه جربت اقتح الكومبيوتر ... اه صحيح ده بايظ مش عارف دلوقتي اعمل ايه استمر الملل لساعتين اضافيتين و قررت كسر الملل با اني " اكل اي حاجه في رغيف " اطلقت بصري في المكان " فلم اجد غير طبق من البطاطس المحرمه البايته " حطيت عليه ملح و كلته ساقع ... مش بقولكو اي حوار في رغيف ...... تقريبا انتهي اليوم و جوايا كم من المشاعر الفياضه الي مستني افرقعها في وش حد امو داعيه عليه |
||||||||||
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض الشجري