الـجـروب الـرسـمى لـلـمـنـتـدى FaceBook | Official Group

**iZexo** · 26-11-2010, 03:24 AM

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الألترا أنسان متفرد فهو لا يماك أسم مميز لكن أصدقأوه يعرفونه جيدا,وجهه غير مألوف أذ يغطى رأسه معظم الوقت يغطى وجهه بالوشاح, الألترا لا ينساق وراء التقاليع و الظواهر الجديدة,الألتراس متميز بالفطرة فعندما يمشى فى الشارع يمكنك معرفته بسهولة رغم عدم أرتدائه زى الفريق, الألترا مش بتغير أول ما يشيل زى المجموعة أو الكوفية عن وشه أنما بيفضل ألترا على طول .

الألتراس ممكن مختلفين عن بعض لكن كلهم بيجمع بينهم أنهم مرتبطين بعلاقة حب من نوع خاص بالنادى, حب بيديهم دافع أنهم يقفوا 90 دقيقة لمدة تسعين دقيقة من الغناء و التشجيع فى وسط البرد القارس لكنهم مش بيحسوا بيه بسبب الدفء اللى بيبثه فيهم حماسهم للفريق و أنهماكهم فى التشجيع و الغناء باعلى صوت و كأنهم بيسمعوا كل العالم صوتهم و يعرفوه مدى حبهم و عشقهم للفريق, الحب اللى يخليهم يسافروا وراء الفريق فى كل مبارياته الخارجية و يهون عليهم مشقة الطريق و يخليهم يسيبو بيوتهم و يناموا فى الأوتوبيسات فى الطريق, مش بس حب الفريق, أنما كمان حب المجموعة اللى بيربط ما بين الألتراس و بعضهم و ترابطهم اللى بيبان سواء فى تجمعهم مع بعض فى المدن اللى بيسافروا ليها مع بعض, بيبان فى الوجبة اللى مش بتكفى شخص واحد بس تلاقيها متقسمة على كذا شخص ميتين من الجوع بعد يوم طويل متعب, بيكونوا كلهم مجتمعين على هدف واحد, فكر واحد, منهاج واحد, و حلم واحد,و فرحة واحدة جوا كل واحد فيهم لنصر حققه فريقهم أو نجاح لأى عمل من أعمال المجموعة

و الألترا المخضرم بيمثل قدوة للأالترا الجديد و الأصغر و بيحس ناحيته بكل تقدير و أحترام, يقف بجانبه فى المباريات فخور بالمكانة اللى وصل ليها, يسمع و يتقبل كل ملاحظانه و أنتقادته له, لأنه عارف أن الهدف الأساسى من ده كله هو الصالح العام للمجموعة

و الألتراس على أختلاف شخصياتهم, خلفياتهم أو طبائعهم لكن كلهم بينهم عامل مشترك أما أهالى قلقين على أبنهم من التعب أو المخاطرو المشاكل اللى ممكن يتعرض لها فى مسيرة مساندته للفريق ,أو أصدقاء متعجبين من غرابة تصرفات صاحبهم, أو مدرسين غاضبين من تلميذهم اللى بيغيب عن مدرست ه أو جامعته عشان يروح ورا الفريق, أو مدير خلاص حيتجنن من الموظف بتاعه أللى بيغيب برضه و هو عارف أن ده ممكن يكلفه خصومات أو جزاءات, لصديقة أو زوجة غيورة من حب النادى اللى أكبر من حبه ليها .

«فريق كبير.. عظيم.. أديله عمرى وبرضه قليل».. أغنية ترتفع بها الأصوات من الركن اليمين فى الملعب خلف المرمى مباشرة. ثم تعلو الأصوات من الاتجاه المقابل بأغنية أخرى تقول: «فى كورفا سود.. روحنا فداه..دايما معاه..بنادى باسمه فى كل بلاد الله».. كلمات يرددها مشجعو نادى الأهلى ومشجعو نادى الزمالك لإثارة حماسة اللاعبين والجمهور على حد سواء أثناء المباراة.

وهم ليسوا مشجعين عاديين، بل «ألتراس» أى سوبر مشجعين، يؤمنون تماما بناديهم ويطبقون فعلا ما يرددونه من كلمات فى حب أغانيهم، ومن السهل تميزهم حتى خارج الاستاد: فإذا كان الشاب يرتدى كابا أحمر وسترة حمراء مطبوع على جانبها الشمال ــ فوق القلب ــ شارة عليها شوكة الشياطين وأسفلها عبارة «معا للأبد» باللغة الإنجليزية وتعلوها ثلاث نجوم ترمز كل واحدة منها لعشر سنوات من عمر بطولات الدورى، إذن فهو «ألتراس» أهلاوى

الخلاصة أن الألتراس مش مجرد فكر أو تقليد أو حاجة بتحاول تقنع نفسك بيها, الألتراس هو طريقة حياة كاملة بتأثر على جميع أفكارك و تصرفاتك و كلامك, بتحاول تدافع عنها ضد التعنتات الأجتماعية و وسائل الأعلام المختلفة ,لأن الألتراس مش عنف غير مبلرر أو نظام معمول للتخريب بالعكس اللتراس بيمثل قمة الوفاء و الأنتماء و الرجولة الموجودين فى كرة القدم.. الألتراس بتعنى الأستمتمتاع بكل لحظة تشجع فيها فريقك لأنك بتحس بكل جوارحك بحلاوة لحظات الأنتصار و مرارة الأنكسار , الألتراس مستحيل ان يتقبلها من هو غير مستعد أنه يكسر حواجز المألوف و المعتاد و أنه يطلق العنان لمشاعره .

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]