سؤال فى البارتى بف فى الاس بوت؟

[makomak]

انا كنت عاوز اعرف ازاى اعمل بف للماستر فى التاكسى ويرجع تانى يقف فى السيف زون ؟؟؟ ارجوا الاجابة بالصور وشكرا

[AbdElLatif]

بص يا سيدي

أنت تكتب صفر في في رقم 4 في الصورة دي



و بعدين تضبط البفات اللي أنت عاوزها تتعمل

و تخلي المؤئر اللي في رقم 4 في الصورة دي على آخره ( على اليمين خالص )



طيب إفرض في وحش ضربك و أنت رايح تديله بف

طبيعي البوت هيضربه دفاعاً عن نفسك

ساعتها بقى تعلم على الإختيار اللي تحت القائمة رقم 3 في الصورة دي ...اللي إسمه ) Don't attack (back) at all )



كده البوت هيروح يبف اللي هتقوله عليه و يرجع مكانه و لو وحش ضربه في السكة هينفضله

بس ملحوظة

حاول ما تخليش اللي أنت هتديله البف ده يبقى بعيد عنك

عشان آخر الـ Range بتاع الأوتو بف هو 30

و بالتوفيق

[makomak]

انا شاكر ليك جدا عشان على طول بترد على اسئلتى وكمان موضوعك الرائع فى الاس بوت اللى من غيره مكنتش هعرف اى حاجة .... بس انا المشكلة عندى فى البارتى بف مش بيظهر بفات البارد اللى انا فاتح فيها بيظهر قائمة بفات زى اللى فى الصورة فوق دى بس مش عارف اصلا ازاى اعلم على اللى انا هديله بف ... بعد ما بعمل ريفرش زى ما انت قلت فى موضوعك بيظهرلى الناس اللى معايا فى البارتى كلهم اعلم على الماستر وادخل اسمه فى المربع اللى فيه البفات بس برده مش عاوز يديله بف.... مع انى حاطط فى قائمة سكيلز البفات كلها بس بيعملها وهوه واقف فى مكانه مش بيروح للماستر يديهالو .... معلش طولت عليك بس خليك معايا للاخر يمكن اعرف اعملها ... شكرا ليك

[AbdElLatif]

بص بالنسبة لبفات البارد زي الـ Dance و كده

دول تحطهم في قائمة الـ Skill

يعني كأنه بيرفعهم للعموم يعني بيترفعوا للبارتي كلها دول بتحطهم في قائمة البفات اللي يعملها البوت

يعني

هتجيب الصفحة دي و تختار في رقم 4 نفس الإختيار اللي في الصورة Buffs While Training

و في رقم 5 تحط الـ Dance و المانا أوربيت و كل البفات اللي بتتعمل للبارتي كلها



أما لو في بفة بتتعمل لواحد بس هتلاقيها في الجزء اللي في الرد اللي فات بتاع بف البارتي

بس خد بالك المانا سايكل اللي بتتعمل لواحد بس مش هتلاقيها

دي البوت بيعملها ليك أنت بس يعمي مش هيعملها لحد تاني غيرك

يعني المختصر المفيد

البفات اللي بتتعمل للبارتي كلها تحطها في رقم 5 في الصورة اللي فوق دي

و البفات اللي أنت بتعملها لناس معينة زي بف الواريور مثلاً دول هتلاقيهم في بف البارتي

يا لسة في حاجة تانية قول

و لو تمام قول برضه

[makomak]

بصراحة حاولت ومعرفتش بس كل مشكلتى انى مش عارف ازاى اعلم على اللى انا هديله بف ياريت تفهمنى اكتر........... شكرا ليك

[AbdElLatif]

بص يا سيدي



دوس على كلمة Refresh اللي تحت رقم 2 دي

هتلاقي أساماء الناس اللي معاك في البارتي

علم على إسم اللي أنت عاوز تديله البفات

و بعد كده علم على البفة اللي أنت عاوز تديهاله

و دوس على السهم عشان يودي إسمه تحت البفة

و ما تنساش بعد ما تخلص

تدوس على Save Settings

شوف كده و قولي

[kakan]

والله انتة 100 100 انا عامل كل دة بس فية مشكلة انا عاوز اخلى السرعة ابوفها على طول ازاى

ولك جزيل الشكر

[AbdElLatif]

بص يا جميل



نفس هتجيب نفس القائمة رقم 4 دي اللي هي buffs whle training

و تحط بفة السرعة في البتاعة رقم 5

بالتوفيق

[kakan]

شكرا يا باشا بس انا فى بارتى كان معاية واحد بيعمل باف السرعة كل دقيقة تقريبا يعنى لو حد مات مش حيفضل لحدماوقت السرعة ينتهى انا اقصد يبفها على طول او كل دقيقة يعنى

ليها حل عندك ؟

[AbdElLatif]

لا للأسف هو البوت بيعملها كل لما تخلص من عندك أنت بس

يعني لما هي وقتها يخلص

أو أنت تموت مثلاً

لكن إنه يعملها كده كل شوية لأ

بس عموماً

هي أصلاً مش بتقعد كتير

يعني يا سيدي مجتش على الخمس دقايق اللي الواد هيقعد فيها من غير سرعة

:flex:

[kakan]

شكرا ليك للمساعدة

[AbdElLatif]

عفواً

بإنتظار صاحب الموضوع الأساسي

يا ريت لو المشكلة إتحلت تقولنا عشان نقفل الموضوع

[kakan]

الحمد للة انا عرفت الحل للمشكلة بتاعتى حبيت بس اضيفة للموضوع

انا جربت وحطيت سكيلة السرعة فى مكان سكيلات الضربات والله اشتغلت معاية كل وحش يقرب منى البوت يعلم علية وبدال ما يضربة يعمل البافة بتاعت السرعة الكلام دة مش من اختراعى واحد صحبى قالى علية فى الجيم

[makomak]

معلش ياجماعة اسف بقالى كام يوم مش ببص على الموضوع بتاعى عشان كنت متابعوا فترة مكانش فى حد بيرد لكن انا هجرب واقلقوا عملت ايه اسف على التاخير...... شكرا على الاهتمام

[makomak]

انا جربت زى ما انت قلت بس فى حاجة غريبة انا حطيت اسم الماستر تحت البف بس بيروح يديله ال مانا بس مش السرعة وانا اهم حاجة عندى السرعة انا عاوزه اصلا يديله سرعة بس مش اكتر ياترى ايه اسم البفة اللى احط اسم الماستر تحتها عشان يديلوا السرعة....... شكرا واسف غلى الاطالة..