ازاي تعلق بنت .... ملف شامل وقوي جدا

[a7lashabab]

السلام عليكم ورحمة الله وبركاته

هااياات عليكم يا احلى اعضاء

التوبيك ده مختلف خاااااااالس عن اى توبيك تانى ليه بقى قولولى ليه

اقولكم لان التوبيك دا هيكون للشباب اكتر من البنات

بس بما انه للشباب احب اعرف تعليق كل بنت عليه وهل الكلام دا صح ولا نوووووووو

وبالنسبه للشباب عايزة بردو اعرف انتو فعلا بتعملو كدة ولا لا يعنى كل واحد من الشباب يدخل يقول رايه فىالكلام ده؟؟؟

الكلام ده على لسان شاب زيكو يعنى الانكار مش هيفيدكم

ندخل بقى على الموضوع ونشوف الكوارس اللى فيه



اولا تروح تقف جنبها وتقولها ياأنسة ممكن كلمة
طبعا هى مش هتعبرك *** وواقف جنبها
عادى تقوم قايل بسرعة يا أنسة يامدام
هتقوم هى جيالك بس هتكون زعلانة علشان قولتلها يامدام
وهتقولك عايز ايه تقولها ممكن رقم تليفونك
هتقولك عايزو ليه
تقولها انا لسة شارى موبيل جديد ومفهوش ارقام وعايز رقم يونس الموبايل
طبعا هتعمل حاجة من الثلاثة دول
اولا ً هتضحك ضحكة خفيفة وتمشى طبعا وراها يامعلم متسبهاش الا متاخد رقم موبايلها
واشطة يامعلم

ثانيا ممكن تكون بنت فرى وتديلك الموبايل على طول واشطة برضو يامعلم

ثالثا ممكن تقلع الشوووز اللى لابساها وتضربك بيها وساعتها تخبط دماغك فى الحيطة وتعملها محضر وانا هشهد معاك
وهتيجى لغاية عندك تترجاك وسعتها تعمل اللى انت عايزه

ودى طريقة مضمونة جابت معايا نتيجة
وأى واحد عندو طريقة جديدة يكتبها



دى طريقة جديدة وجامدة
ومحدش يقولى حاجة وعلشان البنات متزعلش

ازاي تعلق البنات

تعليق البنات : يعني إزاي توقع البنت في هواك

مش أي حاجة تانية لا سمح الله

مبنقولش تعاكسها

أكيد فهمتوا يا بناتيت


قبل ماتعرف ازاي توقع البنت في هواك لازم تعرف الاول البنت بتحب ايه وبتكره ايه



الفتاة من سن 17 الي 21 سنة أي فترة الدراسة في الكليات


مقدمة: الفتاة العربية بتعاني من ضغط نفسي وعصبي في المنزل و المجتمع وذلك
في المنزل بتعاني من تسلط الاهل عليها والسؤال في الرايحة والجاية اما في المجتمع (الشارع):
نظرة الشباب اليها وكثرة المعاكسات
اما (الإعلام) وذلك من خلال مشاهدة الافلام و سماع اغاني وإلخ........

البنت في بداية سن17 بتحس انها خلاص كبرت وبقت عروسه : طبعا بتبقي خلاص عدت مرحلة الثانوية ودخلت مرحلة جديدة وعالم جديد فبتبقي عوزه تعمل جو لنفسها وطبعا نفسها في حد يشاركها العالم الجديد طبعا من حقها لانها مفتقدة عنصر الامان
طبعا مش هتدور علي شريك من نفس جنسها لان اصاحبها من البنات بيبحثو هما كمان فتيجي تبص علي الشباب الي حوليها



أ ) البنت هتفضل اي نوع من الشباب

1- البنت بتحب الشاب البرىء الطيب الي واخد ركن لوحده ( مش دايما ً )



2- يكون شيك وكاجول وتكون خفيف الدم مرح ولطيف وتكون جانتيه وياريت يكون روش بس مش اهبل




3-تحذير اياك تتظاهر بشرب السجاير البنات مبتحبش الي بيشرب سجاير (مع العلم انك تقولها بعد ما تتعرف بيها عشان قال تساعدك علي انك تبطلها بالطريقه دية تقدر توطد علاقتك بيها)



4- بتحب الشاب الخام الخجول الي ملهوش في البنات (طبعا انت لازم تتظاهر بكده عشان تعرف انها مش لوحدها في شباب زيها)

( ومش دايما ً بردوا بس هبقى أقولك على الصنف التاني تحت )



5- يا سلام أوي لو عنده حصان ابيض (عربية او موتوسكل طبعا عشان احنا في القرن21 مش في 16)انا علي فكره بفضل الموتوسكل وياريت يكون من نوع هامايا او حتي سوذوذكي
المهم يكون سبور





ب) خطوات تعليق البنت


بص يبني لازم تكون راكز يعني لما تحاول تعلق بنت زميلة في الدفعة مترحش تعكسها علي فكره البنت تموت في الي يطنشها
طبعا هتقولي طبعا انا نفسي امشي مع بنت اعمل ايه انا اقولك تعمل ايه تحاول تكون انعزالي يعني متحولش تصاحب شباب كتير يا ريت شخص واحد حاول تشارك في اي نوع من الانشطه تكون فيها مثال إتحادات الطلاب (الأسر) حاول تخشلها عن طريق نقل الدروس مثال(ممكن لو سمحت لم المحاضره تخلص انقل منك المحاضره ؟ لوقالت لك انا برده منقلتهاش تقولها علفكره في واحد اعرفه ممكن ناخد منه المحاضره اما لو قالت لك اتفضل انقل يبقي خير وبركه تحاول تمدح فيها (انتي خطك جميل اوي هتضحك وتقولك ده بس من ذوقك او تقولها ذوقك حلو في اختيار هدومك كده يعني ما انت لازم تتلحلح


وطبعا كدة يعم انت اتعرفت عليها
وعيش حياتك
ف2ى شوية نصائح هقولهلكو بعدين
هتخلى البنت تموت فيك





بص يا معلم



البنت من 13 الى17 سنة


بتبقى البنت لسة داخلة مرحلة المراهقة
ومعندهاش خبرة كبيرة فى الشباب
مجرد ماتسمعها كلام حلو وروش ولذيذ
هتلاقيها زى الحلاوة فى ايدك
وبعدين فى السن ده لازم تلفت نظرها
باللبس الجامد
ومفيش مانع تستشور شعرك لجذب الانتباه





الدخلة على البنت مهمة جدا وصعبة

بص الأهم والأصعب هو الإستمرار

خدوا شوية نصائح كدة تخلى البنت زى الخاتم فى صباعك




1-لازم تاخد بالك من ادق التفاصيل يعنى لو غيرت لون المونيكيرتقولها اللون ده جامد عليكى



2-اوعى تخليها تنتظرك يعنى لازم تروح فى ميعادك بالظبط ( عمري ما عملتها الحقيقة ) بس المفروض تتعمل



3-اوعى تقولها انتى تخنتى ولو هى اللى سألتك حاول تهرب من السؤال أو لو زنقتك اوي
قولها ده إنتي فراشة ماشية أدامي



4-اوعى تقولها انتى مبتفهميش ولو هزار



5-اوعى تتعمد لمس اديها في الأول على الأقل



6-ابعد عن المصطلحات الجنسية غزل عفيف



7-لما تكلمها فى التليفون متكلمش حد تانى وانت معاها على الخط



8-حاول تدلعها قدام اصحابها هما بيحبوا كدة

بيتفشخروا بعيد عنك ادام بعض



9-دايما حسسها بأنوثتها يعنى اول ماتشوفها قولها ايه القمر ده ، إيه الجمال ده

قرد أبيض يا إخواتي --- كدة يعني



10-لو هى زعلانة حاول تخفف عليها



11-احفظلك كام نكتةعلشان البنات بيحبو الولد اللى دمه خفيف



بصوا ياشباب

انا هقولكم عن حركة ملهاش حل
بس ادعولى



اولا ً هتعملها لو انت أخد عليها وبتمسك اديها
بص يا نجم انت وهو

اولا ً تمسك اديها وترشق عينيك فى عنيها




بص يا عسل انت وهو

هقولكو على شوية حاجات البنات بتكرهها فى الشباب




فى شاب يعد يسرح بالبنت بتاعته
ويحكيلها على بطولاته

يقولها انا امبارح لسة ماسك 9 عاجنهم
وهو يكون امبارح لسة متقلب



يقولها أنا كل صيف لازم أقضيه فى اسبانيا
وهو اصلا تلاقيه بيصيف بالعافية فى البانيو بتاع الجيران



ممكن يقولها انا امبارح لسة دادى شارى عربية فولكس بسات
وهو تلاقيه اصلا ابوه عنده عربية قردة



ممكن يقولها أنا النادى الأهلى بيجرى ورايا علشان أمضى معاه
وهو اصلا تلاقيه بيقف عرضة



وعلى فكرة ممكن بنات تصدق الكلام ده
بس هتبقى غبية
وانا معتقدش انك تحب تمشى مع واحدة غبية
انا بقول الكلام ده بس متزعلوش ياشباب
انا عايزكوا تكسبو قلوب البنات
مش تضحكوا عليهم







step one.........(1...
((لوشايف مزة فى الشارع عاجباك))


لو شايف وحدة فى الشارع جميله اوى وانت مش عارف تدخل عليها ازاى.....(استهبل)خش عليها بتقل وبابتسامة لطيفة واتكلم كأنك بتتكلم بجد وقولها مثلا ((لو سمحت هوة صيدلية ابوتريكة للاجهزة المنزلية فين ))هترد بحاجة من اتنبن.....يأما (معرفش )....يأما (احنا هنهزر ) .......

لو قالتلك معرفش

قولها ....لية هو انتى مش من هنا ....هتقولك لأ قولها امال منين؟؟؟بهبل كدة هتقولك من كذا....قولها اهلا بيكى انا فلان الفلانى وفى كلية كذا اصل انا من هنا وكنت بستهبل علشان اتعرف عليكى .......وهزر بقى ودوس يا معلم...

اما بقى لو قالتلك ((احنا هنهزر ))

قولها ((لا والله اصل انا قلبى تعبان اوى ومش عارف الصيدلية دى فين ))هتقولك ((طيب روح دور عليها بعيد يا حبيبى )) انت بقى هتقولها ((ما هما قالولى ان هى هنا فى الحتة دى فقلت اجى اسألك))

هتقولك حاجة من اتنين....
يأما ((معرفش هى فين )) ودى قولنا هترد عليها ازاى.....

يأما هتقولك ((يعنى حبكت هنا جمبى ))

انت هتقولها بقى ((ما هما قالولى هناك كدة هتلاقى واحدة زى القمر وعسولة وطيبة اوى هى اللى هتدلك يأما لو بصيت لعنيها شوية ممكن تخف<ملحوظة كالبوظة..البنات بتموت فى التسنيج يعنى حاول تزود على قد ماتقدر مع شوية رومانسية كدة جميلة > هتقولك(( يا سلام هما مين دول بقى اللى قالولك كدا )) هتقولها ((قلبى وعنيا وعقلى كلهم بيشاورو عليكى )) هتبتسملك ابتسامة لطيفة كدة.....دوس بقى يا معلم..........


<اهم حاجة تكون رايح عليها وانت حاطط فى دماغك انك هتكلمها يعنى هتكلمها ......ومتنساش تاخد النمرة قبل ما تمشى يأما كأنك معملتش اى حاجة خــــــــــــا لص.....



Step Two.........(2...

مجموعة نصايح.........

.....مجموعة نصايح عن تفكير البنات ومعظم الصفات اللى بيحبوها فى مز الاحلام......


1
البنت بتحب الولد يكون بتاع بنات و مقطع السمكة والبنات بتحبو ..وييجى على اديها هى وتهدية (يحبها هى )و تستحوز على كل تفكيرة
لأنه في اعتقادها تقول

ده لف ودار وشاف كل البنات واختارني أنا دونا ً عن كل البنات إللي عرفهم

هبل بعيد عنك
ههههههههههههههههههههههه



2

عامل البنت بتقل هتجرى وراك .... اجرى وراها هتفرقعلك <مش كل البنات>على فكرة

اقرف البنت تحبها .... حبها تقرفك ( سيد العاطفي ههههههههه )



3
احرص على ان البنت اللى نفسك تظبطها تشوفك(صدفة) مع بنات تانيين....لو معجبة بيك اعجابها هيزيد ولو بتحبك اصلا هتغير عليك اكتر وهتحس ان هى عايزة تحافظ عليك (بس متسوءش فيها )ماشى



4
متعودهاش على التبزير فى الأول علشان بعد كدة هتقشطك اول باول ولو مصرفتش عليها زى الاول هتكرهك شوية بشوية



5
للأيامة دور كبير أوى فى الموضوع ...لازم تكون شيك.نضيف.لو سجاير يبقى مالبورو أبيض . موبيل ان3300.........لو شوية كلام عن نفسك وبابا وعربيته و الحوارات الفكسانة دى( بس متظروتش اوى احسن تفييشك ) بيس



6
اتفق مع اتنين اصحابك يعاكسوها وإنت معاها وافقعهم علئة شيك



7
خليك فى هزارك واد كدة شيك خفيف متعلقش على حاجة واحدة كتير حتى لو ظريفة....وانت بتعاكس لو ضحكت متسؤش فيها



8
اخر حاجة لو حبيتها اوعى تضيعها من ايدك ,علشان بعد كدة بجد هتتعزب جامد





Step Three.........(3...

((غراميات المرتبطين ))

(1).......الحركات اللى بتحبها البنات



1
مسك اليدين بمناسبة أو بدون مناسبة .

الحركة دى بتحسس البنات بالإطمئنان والراحة



2
أن تبعد لها خصلات شعرها التي وقعت على وجهها.

بتديلها انطباع تام بالإهتمام والعناية





3
مسح دموعها بأطراف اصابعك اذا تسبب لها أي شيء من البكاء.

بتحسسها بحنــــان لابعد درجة





4
ان تقول لها كلمة (أحبك ) حتى وهي غاضبة

تسيطر على تفكيرها وتبادلك الشعور وأحيانا ترد لك الكلمة




5
أن تقبل يديها وتعتبرها نعمة من الله وقل لها انك تشكر الله على أنه اهداك اياها..

تشعر المرأة عندها انها مميزة ولا احد ينافسها في قلب الرجل






(2) ازاى تخلى البنت تموت فيك اكتر


1- تعشق البنات المبالغة فى كل ردود أفعالهن ,
لهذا امنح فتاتك فرصتها بالتظاهر بالغضب لمجرد انك تأخرت نصف ساعة .



2- الغيره تدفع البنت إلى كراهيه الإستماع لذكرياتك عن حبيبتك السابقة .



3- عاده ما تستمتع البنت بإثارة غيرة حبيبها .



4- أكثر الأشياء التى تلفت انتباه أية بنت فى الولد هى تسريحة شعره ، كسرة البنطلون لو كلاسيك ، البرفان بتاعه ، الشوز وأناقته ، وساعة اليد



5- تشعر الفتاة بسعادة عندما تقبل يدها .




6- تفضل البنت الولد الذى يسمعها كثيرا ً.




7- عندما تعجب الفتاة بالشاب لا تتوقف عن لمس يديه وهى تتحدث .



8- البنت تحب الولد العاطفى . ( ومش كلهم )



9- لا تقول أبدا لأى فتاة ان وزنها زائد .




10- تبحث الفتيات عن ولد يجمع بين قوه الشخصية وخفه الدم .



11- تكره الفتاة الولد المدخن . ( مش كلهم بردوا )




12- احرص دائما على فتح الباب لها .




13- لا تملى عليها أوامر وتقول لها ماذا تفعل .




14- تعشق الفتاة مشاهدة الولد وهو يتشاجر من اجلها أو بينضرب عشانها بتفرح أوووووووووي .
هههههههههههههه



15- تكره الشاب الذى يتحدث طول الوقت عن نفسه .



16- عندما تعلم ان الشاب يحبها تتجاهله وعندما تتجاهله يقع فى حبها .




17- لا تحب الولد الذى يستغرق وقتا طويلا فى ارتداء ملابسه .




18- لا تقول لها أبدا انها لا تفهمك .



19- البنت بطبعها تعشق المجاملة .




20- تحب أن يلاحظ الشاب أى تغيير فى شكلها .



21- البنت تغفر لمن تحب مرة واحدة .




22- تكره الشاب الذى يستخدم ألفاظ خارجة .




23- تكره أن يتحدث الشاب لأشخاص موجودين معه اثناء حديثها معه فى التليفون .




24- لا تقل لها أبدا ان شعرها او ملابسها لا تناسبها .




25- تتحدث الفتاة كثيرا ً عن الشاب الذى تحبه .



26- الفتاة يمكن أن تحب شخصا واحدا , لكنها تعجب بألف .




27- لا تترك الفتاة تنتظرك .




28- هى لن تعترف أبدا بالحب لحبيبها إلا إذا اعترف هو فى البداية .




29- اعتذر لها حتى لو كانت هى المخطئة .



30- لا تفتح ابدا حقيبتها .



31- تتصرف بأدب أمام حبيبها .




32- تعشق النميمة .




33- تكره الولد الذى يعتقد انه يفهم فى كل شئ .



34- إذا جرحت مشاعر أى فتاة فعليك نسيان ان تعود إليك مره أخرى .



35- البنت تكره الولد الذى لا يفى بوعوده .



36- تكره الولد الذى يتعمد لمسها .



37- تكره الولد الضعيف .



38- تكره الولد الذى يسخر منها امام أصدقائه .



39- تكره الولد الذى لا يأخذ كلامها على محمل الجد



40-جيب للبنت بتاعتك ورد بمناسبة ومن غير مناسبة






خش وقول رأيك يامان انت وهو





شوية حاجات
ممكن تبوظ الدنيا مع البنت اللى عايز تتعرف عليها


زى

بتحلق لصحابك أو أنتيمك عشان البنت .

معناها : أنك بتحاول جامد أوي أنك تظبطها , أنت عرفت صاحبك من وقت طويل و أنت لسه مقابلها و مديها أنتباه أكتر , صباح كيس الجوافة ؟؟ .



مديها أنتباه جامد أوي لدرجة أنها أي حاجة ما تسمعهاش تقولها "أنت قلتي أيه" قبل ما تبقي في مرحلة عميقة في العلاقة (يعني في الأول بالذات) .

معناها : مديها اهتمام بزيادة في كلامها و طبعاً بيها أوي ,لو هتعبط في الكلام و أنت مش سامع حاجة منها ماتقولش "ايه" و الكلام ده , أفتح موضوع جديد خالص و مش عارف أقول ده مهم قد أيه , لو أنت قلت كده و أنت لسه متعرف يبقي هتحلقلك وش (قدام مفيش مشكلة لأنها هيكون معناها أنك مهتم بيها و دي حاجة كويسة) , لو أنت فتحت موضوع جديد هتعمل حاجتين جامدين :

أ)مش هتبقي مهتم بيها أوي .

ب)هتبقي برينس عشان أنت مش مهتم بالعبط اللي بتقوله و ده كده كده هيساعدك .



بتجاوب عن الأسئلة بوضوح زيادة أوي أو منطقي أوي كأنك بتفكر كتير أوي في الأجابة قبل ما تقولها .

معناها : خايف أن اللي قدامك ما يقبلكش الا لو أنت أقنعته كويس . يعني مثلاً :
بنت:أشمعني بتسأل السؤال ده ؟؟
الغلط:عشان بقالي كتير بفكر في الموضوع ده و مش عارف.
الصح:عادي بأتكلم (و بص عليها وأسكت خالص لغاية لما تتكلم) .

الأخيرة بتبين أن مش هتأهل نفسك ليها و مش هتدافع عن نفسك لأنها لو مش عاجبها يبقي يلا باي .



ترجع تاني لمراحل التظبيط الأولانية .

معناها : أنك نفسك فيها أوي و مهتم بيها جداً , في البداية البنت بتحب تختبر الولد في البداية عشان تشوف هو راجل ولا عبارة عن أيه بالظبط و طبعاً الصح أنك بتعدي الأختبارات بطريقة المغرور خفيف الدم و بعدها بتبدأ تدخل في بناء الراحة بأنك بتشيل الغرور و تبدأ تدخلها في دنيتك و تقولها شوية أسرار عنك عشان تثق فيك و تهزر معاها و تبقي لعبي , لو أنت دلوقتي رجعت لمرحلة الغرور و التريقة تاني و هي عرفت عنك أنك خلاص جامد , هتقول عليك أنك مغرور و وقح و هتقول كفاية كده منه , و الحل أنك تبقي لذيذ معاها و لو عملت حاجة أو أتريقت عليك بص الناحية التانية عشان تعتذرلك , لكن لو أنت أتريقت عليها تاني يبقي هتبوظ الحوار ,ده ممكن يوضح ليه كان فيه حوارات بتفكس أول لما بتزود في الهزار .

[Ahmed Abd AlaZiz]

جامد يابنى والله روعه

[HecT000R]

قشطة بالهبلــ

[!_ToGoO_MorY_!]

يا ولاد الايه

ده القاموس الى ماشى عليه فى المعاكسه

انا بعمل كده وواسخ من كده

انت عارف انا مره خليت صف بنات ماشى

وقمت عامل صنيه بعجله جامده ادامهم كنت هشيل رجلهم

وعلقت واحده منهم الى كانت عجبانى بغمزه بس وادتلها رقمى فى ورقه فى ايدها

والحمد لله

ادامى 6 مزز ساكنين فى البيت الى فى وشى كل يوم يجيبوا ميت واحده عندهم

وانا عندى متوسكل

بتمنظر بيه كل يوم اودمهم ^^

[faroky3000]

ايه الكلام الحلو دة كلوا

[ALEX_MOON]

ايه يا عم انت نقلت من الشربات للبنات هههههههههه

[| - CreSpO - |]

يا مقطع السمكه و ديلها ياض

[TeMoN1]

الواحد اتعلم كتير

والله لهجرب

[HelL_l3OY]

المشكله حاجه بسيطه جدا
ان انت في معظم كلامك بتتكلم علي نوع البنات الي بيحب يتعاكس او بمعني اكثر البنات الفري شويه

في نوع من البنات و ده نادر و يبقي محظوظ الي يلاقيه
النوع الي هو خام لسه
ملوش دعوه بحد
لو عملت اي حاجه من الي فوق دي هيكون رده حاجه من اتنين ياما تسيبك و تمشي ياما ولا هتعتبرك موجود
علي فكره النوع ده موجوج و اصعب حاجه انك تعلقه او حتي تتكلم معاه

[super_man619]

المشاركة الأصلية كتبت بواسطة !_togoo_mory_! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا ولاد الايه

ده القاموس الى ماشى عليه فى المعاكسه

انا بعمل كده وواسخ من كده

انت عارف انا مره خليت صف بنات ماشى

وقمت عامل صنيه بعجله جامده ادامهم كنت هشيل رجلهم

وعلقت واحده منهم الى كانت عجبانى بغمزه بس وادتلها رقمى فى ورقه فى ايدها

والحمد لله

ادامى 6 مزز ساكنين فى البيت الى فى وشى كل يوم يجيبوا ميت واحده عندهم

وانا عندى متوسكل

بتمنظر بيه كل يوم اودمهم ^^

ايوه يا بتاع الموتوسيكل

كحرت

انا بقالي 6 شهور مش عارف اتكلم مع البنت الي انا عايزها

بس اوعدك

هجرب

[sasa0magik]

موضوع جامد تسلم ايديك واعتقد ان كل الشباب ماشى على القاموس ده

[☜ ĂиTaKą ☞]

اشطات

اشطا اشطا يعنى

انا ضفت للقاموس اللى عندى كتير

فى حاجات مفيده بردوه

تسلملى يا حبى

[TUNNER§]

هـهـهـهـهـه

جامداااااااااااااا

بس انتا جربت كل دول :)

[White Angel]

هنجرب يعنى هنخسر حاجة

لا
لا
لا

يوم كنت أنا و أصحابى فى دريم بارك ، المهم كنا فى قطار الشرق الطابور طــــــــــــويــــــــل
قدامنا بنتين و إحنا كنا 3 المهم قعدنا نعاكسها ، المهم كان فاضل 2 بس و القطر يكمل
فإحنا قلنا للراجل لا إحنا 3 ، و البنتين قوالوا لا إحنا الدور اللى جاى
قولنا إشطه كدة إتعلقوا خلاص عايزين يركبوا معانا
المهم بعد لما نزلنا لقيناهم معاهم 3 جبال جبال بمعنى الكلمة مش بنى آدمين خالص
لسا جايين يتكلموا معانا كله خد ديله فى سنانه و طلع يجرى

:weight_lift:

نصيحة و الأجر على الله
بلاش معاكسة خالص

اسأل مجرب و متسألش A7laShabab
^^

[ironhulk38]

كل ده موضوع ده انتا قاموس يا عم