| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
13-11-2010, 02:31 PM
|
#1 | ||||||||||
  
|
شــرابـــ  مقلوبـــالحلقة الرابعة نبذه عن شخصيـــات الحلقه: (هذه القصه والشخصيات م وحى الخيــال ) ╝»صلاح╝»ضاربها صرمة  ╝» نسرين╝»خجولة بطريقة مش معقولة  ╝» تمورة ╝»شاب كول غير معقول  ╝» مي╝»فكك مني تعرف تعيش  3 2 1 GOoOoOoOoOo مكالمة بين نسرين ومي مي:صباح الخير يا نسرين عاملة ايه؟؟! نسرين:الحمد لله تمام انتي عاملة ايه ؟؟ مي :تومام بسزعلانة منك خالص مالث  نسرين:مني انا ايدا لالالالا موش معقول ليه بس؟؟!  مي: عزماكي ومعرفاكي علشان تيجي حفلة عيد ميلادي وانتي ولا جيتي ولا سالتي نسرين:سوري معلش انتي عارفاني ماليش في الجو دة مي:ليه بس كنتي تيجي تفرفشيلك شوية وتفكي عن نفسك مش كلو دراسة وبس نسرين: لا انت عارفة اني مبحبش الجو دة والزحمة والناس مي:والله انتي هتجننيني ايه اللي انتي فيه دا يابنتي طب بقولك ايه هشوفك في الجامعة ولاايه نسرين:لا اكيد هاجي طبعا  مي :هو انتي كدة في الفرفشة ملاقكيش في الحضور والالتزام اكتر منك مفيش  نسرين:خليكي انتي في بارتيهاتك وخروجاتك وخليني انا في نفسي  مي:انتي بجد مشوفتش منك اتنين بقولك ايه سلاموز ناوواشوفك هوناك يا كميلة نسرين : هو دة اللي انتي شاطرة فيه سلاموز وسلافراولة اوكي بس ايه مش هنروح سوا مي:مش هينفع هروح انا وناس زمايلي وعارفة لو قلتلك مش هتنرضي فانا خدتها من قصيرها وقلتلك نتقابل هوناك نسرين:امممم خلاص اوكي اشوفك هناك سلام "تنتهي المكالمة وكل واحدة تستعد لمغادرة المنزل" ونروح بالاحداث الى الجهة الاخرى مكالمة بين صلاح وتمورة بس بطريقة مختلفة حبتين قول تلاتة يعني لو امكن اربعة خمسة تمورة :صبح صبحيابرنس اليالي  صلاح:صبح ...اهو صباح وخلاص يامهيس انتا . تمورة: صباح العسل عليك يا باشا ايش اخبارك؟؟! صلاح :تمام و 100فل 15 من قبل ما تتصل تمورة :وجالك قلب تشتمنى على ساعة صبحية صلاح:صبحية مين وسميحة مين يابني لخص وانجز عايز ايه تمورة :اه فكرتنى ها ايه رايك في اللي قلتو ؟؟! صلاح: انت يابني فوق شوية وسيبك من الغرا اللي بتشربو على اصبح متجننيش  تمورة:هو انا بسالك عن الغرا يابني رايك في اللي قلتو سيب الفطار دلوقتي صلاح: انت هتجنني انت قلت حاجة وانا مش واخد بالي ماتخلص يابني عايز ايه تمورة:ايووووو هو انا لسة مقولتش يوه يقطعني  صلاح :يسمع منك ربنا ياشيخ اخلص خنقتني تمورة:منا جايلك في الكلام اهو ايه رايك في خروجة امبارح والبنات اللي كانت معايا البت ام شعر اخضر عنها عليك صلاح:ياريتك ما جيت في الكلام مين دي يابني انت اتجننت صدعتني انت واللي كانو معاك امبارح دول تمورة :يانهار يعني ولا واحدة منهم عجبت؟!!!! صلاح: دي بنات دماغها تايهه منها وهربانة زيك تمورة:ما دا الحلو اللي فيهم تقول اسمك ليها من هنا تسالك عليه من هناك صلاح:هنا وهناك عايز ايه على اصبح متمشورنيش مش فاضيلك تمورة :الله لغتك مش عاجباني شكلك ناوي تفشل وتحضر تاني صلاح : في اعتراض حضرتك تمورة:لا بيس يامعلم صلاح :معلم تمورة:ولا تاخد في ايدك يا باشا خلاص نحضر بس تفسحني لحد ما نخلص صلاح: خلاص يابني تعالى اوديك القلعة واكلك ترمس تمورة :قلعة احنا طالعين رحلة مع مس كوثر ما تركز ياريس  صلاح:بقولك ايه متخنقنيش اقفل ولما نتقابل نتفق اشوفك بعد ساعة سلام تمورة:لالالالالا ساعة ايه مينفعش مش هلحق اجهز نفسي صلاح:تجهز ايه يابني انت رايح فرح دي جامعة يعني محاضرات يعني دراسة تمورة:ايه الحسبة اللي تسد النفس على اصبح دي لا جامعة يعني بنانيت يعني كافيه وباتون ساليه ركز صلاح: انت يابني مش فايقلك لخص رنلي لما تخلص اخرك ساعة الا ربع تمورة: ايه ؟؟!!!!!!.....  صلاح: ـ  تيت تيت تيت قفل السكة في وش اخينا يلا بلا وجع دماغ داخل الحرم الجامعي البنوتين وصلو وصلت نسرين بس كانت مي مع زمايل ليها مي :هاي نسرين... نسرين : اه اهلا انتي هنا من امتى ؟؟  مي :منشوية كدة مش كتير نسرين : طيب كويس تستاذن مي من زمايلها وتمشي مع نسرين مي : ايه يابنتي دا واقفة مع زمايلي ولا سلام ولا كلام ولا اي حاجة نسرين : ما انا معرفهمش اكلمهم ليه مي : اخ منك انتي هو انتي بتكلمي اللي تعرفيهم لما تكلمي اللي متعرفيهومش نسرين: هو انا كدة مش عاجبك غيريني مي: اغير ايه انتي كرسي انتريه انا بحمد ربنا انك بتكلميني اصلا في هذا الحين وصل اخواتنا التانين ^ شاعره انا والله ^  تمورة :ياه الواحد يابرنس كان شكل الجامعة ايه صلاح:انت جيت هنا قبل كدا اصلا تمورة :اه وربنا حتة خدت البت سوسن ورحنا شربنا شاي مي تنادي على تمورة وترحم صلاح منه شوية مي :هاي تمورة نسرين:ايدا ايدا تمورة مين اللي بتندهي عليه دة مي :واحد طالب معانا هناعادي في ايه نسرين: وتندهيلو عادى كدة !!!  نسرين :بقولك ايه انا ماشية مي: يابنتي رايحة فين استني هنا تمورة :ياصباح الفل مي : اهو صباح تمورة: انتو متفقين على الكلمة دي ولا ايه نسرين:مي انا هسبقك انا على المدرج مي:استني بس ما انا جاية نسرين: لا معلش ابقي حصليني مي :اوك مي :انت يابني فين السي دي اللي خدتة من اسبوعين تمورة :اه اللي عليه فيلم يامهيس رد عليا ازيك سلامات صلاح:ايه الافلام اللي بتشفوها دي مي :وربنا ما شفتة لسة انا خدتو من البت مروة ودة خدو قال هيشوفو ويجبهولي وادي وش الرغيف تمورة:طب ممكن ولو نصه حتى عايز افطر مي: انت لسه هتهزر اخلص هتجيبو امتى تمروة :بكرة مش بعيد بكرة اجيبو مى: اما اشوف صلاح :وربنا انتو فاضيين مي :بقولكم ايه انا طالعة للبنت اللي سبقتني دي تمورة : بقولك ايه صحيح متنسيش انهاردة يوم الشات هتيجي؟؟ مي :هشوف لو خلصت هاجي اقعد معاكم شوية تمورة :بيس  وطلعت مي لـ نسرين صلاح: شات روم ايه وبتاع ايه ومالة الميل يعني عايز افهم تمورة:لالالا مش ممكن ميل ايه ياريس الشات روم له حاجة خاصة كدة ايوة يابني تكلم اصحابك في الزحمة كدة صلاح:انتو على طول كدا تحبو الدوشة والزحمة تمورة:امال ايه ياريس بس واحلى حاجة وانت بتتكلم ناس تفتحلك خاص وتديها بلوك وتكنسلها يااااااااااااااااااه صلاح : ياه ايه انت بتنده على واحد من بعيد يلا يا مهيس ورانا محاضرة تمورة :لا محاضرة ايه انا رايح الكافيتريا افيد ليا صلاح:قلت مرة يلا تمورة : وطلع الغلبان على المحاضرة غصبا واقتدارا بعد شوية حلوين كدة مي ونسرين خلصو محاضراتهم مي :بقولك ايه يا نسرين وراكي حاجة انهاردة ؟؟ نسرين:لا ليه؟!!! مي: لا مافيش ما تيجي تفرفشي معانا على الشات نسرين:  مي:ايه يابنتي انا قلتلك هنروح نبيع مناديل دا شات على النت نسرين:ما انا عارفة الشات لا طبعا مش ممكن مي: ايه المشكلة في دة كمان انتي خجولة انك تتكلمي فيس توك ...قضيها كتابة نسرين :لالالا مي: يابنتي اسمعي الكلام مش هتخصري حاجة احنا كلنا زمايل في بعضنا من الجامعة نسرين :لا هكلمك ميل احسن مي: as u like نسرين:يلا كملي طريقك واشوفك على الميل سلام مي:اوكي سلام الاخوة التانين خلصو محاضراتهم تمورة: صلاح:مالك يابني تمورة : ادعي عليكم بايه ياشيخ انت والقناه الفضائية الي جوة تى  صلاح:ويجيلك قلب تدعي على عشرة عمرك تمورة : لا ميجيش وعلى ايه يجي انا هدعي على اللي جابوه من النيل تي.في اللي بيرطن جوة دة صلاح:دا العشم بردك بس تدعي على الرجل ليه بس يابني عملك ايه بس ياشرير تمورة :وغد ــــــــ ورغاي اوي مبيفصلش دا الثلاجة اللي في بيتنا بتفصل يا جدع صلاح:  تمورة :بقولك ايه انا عايز اعدل دماغي بقى وانظفها من الوش اللي حصل فيها دى صلاح :طب اجيبلك ترمس؟ تمورة:  صلاح:خلاص يلا نروح ناو ودماغك هتتعدل واحنا في الطريق تمورة :ماشي كلامك يا زعيم صلاح:نفسي مرة اسمع اسمي منك تمورة:ان شاء الله الخطة الالفية الجديدة  صلاح:  تمورة:يلا على بيتك بقى واشوفك بعدين يا كبير صلاح:خلاص ماشي يلا سلام تمورة :هتيجي الشات بليل زي ما اتفقنا صلاح:هو احنا اتفقنا اصلا تمورة :اوكي يلا اشوفك هوناك سلاموز صلاح: يوصل كل واحد من شخصياتنا لبيتة ويشوف اللي وراه مذاكرة كفى الله الشر اللي اخد قيلولة واللي اتفرج على التيفي وجاء وقت اللقاء وتجمع الاصدقاء اولا البنوتين فتحو الميل عادي مي:بون سوار يا كميلة منورة نسرين:بنورك يا مي عاملةايه مي :عاملة مستهبلة نسرين: من يومك يا قلبي  مي : تفتح مي الشات وتسجل دخول في غرفة اللي بيتجمعو فيها وتدخل تلقي السلام الجمهوري قائلة مي :مسا التماسي مسا التماسي ع الورد اللي قاعد على الكراسي تمورة :مسا مسا على الزعماء ويبدا الحوار بين افراد المجموعة فيما بينهم مي ترجع لنسرين على الميل مي : ايه يا نونا بتعملي ايه ناو ؟؟! نسرين :مفيش ولا حاجة مي :طيب ما تسمعي الكلام وتعالي سجلي دخول دا هو يوم في الاسبوع بنفرفش شوية فيه نسرين :لا اعفيني انا معرفش حد فيهم دول مي :يابنتي كلهم زمايلنا نسرين :لا مش لازم مي : يابنتي اسمعي الكلام بس وتعالى يلا نسرين تفكر شوية وتقلب الحكاية في دماغها محدش يقولي هو مجنسكافيه لان ممكن يكون شاي نسرين :طيب اوكي بس مش هقعد كتير مي :طيب خلاص اوكي خشي شات وسجلي دخول وتعالي غرفة يابخت من بات خانق ولا باتش مخنوق نسرين:اوكي بس متعرفيش حد انا مين مي :ـــــــــــــ طيب اوكي براحتك ودخلت نسرين الشات باسم دموع الندى وبداء الكلام نسرين:ايدا مي ايه كل دول كل شوية حد يجي خاص ومش حافظين غير جملة واحدة مساء الخير على القمر ممكن نتعرف مي:عادي عايزة تتكلمي اوكي مش عايزة نفضيهم وخليكي معانا احنا وبس نسرين :اوكي بس نسرين جالها لحظة فضول ترد على حد فيهم وبدا الاندماج في الحوار ولكن ليس تمام تاني يوم مي:ايه يا نونا دا انا شكيت ان انتي الي بتتكلمي امال فين الجو دة في ارض الواقع صاحبتنا وشها راح لو وجه غيرو  نسرين : ايدا اشمعنا مي: لا عادي حسيتك مش مقيدة ومنتلقة شوية عن كدة نسرين: عادي انتي عارفة مش بعرف. ....وينقطع الحديث بقدوم تمورة تمورة : صباحو عسل مي: صباح الخير عامل ايه تمورة: تماموز وانتي ؟؟ مي: الحمد لله ماشي الحال تمورة :اتفضلي ياستي السي دي اهو اي خدعة مي : ياااااااااااااااه اخيرا دا انا هعمل فرح ومش هعزمك تمورة : بقى كدة ماشي صحيح بقولك ايه من اللي اسمها امممممممم دموع الندى دي الاخ نطق الاسم منه لله والبت وشها قلب الوان الطيف مي: ايه مالها في ايه تمورة :مبتنطقش ياختي كل ما اجي اكلمها دلقاني ولا بتعبر مي :هى عرفت انك ازازة مية ولا ايه تمورة :دمك خفيف انهاردة ... يجي صلاح يقطع الحوار صلاح:ايه يابني بدور عليك ،، صباح الخير يا مي صباح الخير يا.  ..مي: نسرين اسمها نسرين صباح النور يا صلاح عامل ايه صلاح : اهلا وسهلا // الحمد لله تمام والاخ مدوخني وراه انت يابني مش ورانا مشاوير صلاح : اه صحيح طيب يلا استاذن انا نكمل كلامنا بعدين يا مي سلا مي :سلام مي: ايه يا نسرين مش هنروح بقى نسرين: اه اكيد يلا بينا مي: قوليلي صحيح ايه رايك في السهرة امبارح بزمتك مكانتش حلوة نسرين : اه كان جو جميل بس .. مي: بس ايه تاني انا مصدقت انك فكيتي وبتتعاملي مع الناس نسرين: مي: يلا اشوفك بليل بقى مش هتخرجي معايا نسرين : اممممممم لا عندي مذاكرة وشوية شغل في البيت مي : اوكي ابقي طمنين عليكي سلام توصل نسرين البيت وتجري على الكمبيوتر وتسجل دخول وترجع لعالم الشات من جديد وتبدا الكلام مع شخصيات متعرفهاش ولكن بشخصية متخفية لا يعلم احدا عنها ادنى شي غير اسم استعاري دموع الندى ويعدي الوقت ويفوت وهى لسة مخلصتش الشات وتاني يوم مي : ايه يابنتي مالك نيمانانة كدا ليه ؟؟ نسرين :لا اصلي منمتش كويس امبارح مي:اللي واخد عقلك يا جميل نسرين: لا كنت مشغولة شوية بس مي: طيب ما تروحي ترتاحي شوية يابنتي انتي مرهقة خالص نسرين :اه عندك حق يلا اشوفك بعدين وترجع نسرين للشات روم من تاني وهكذا مرة تلو الاخرى وفي تاني يوم مي : ايه يابنتي مالك ؟؟! نسرين : مافيش مش نمت كويس مي:اكيد مذاكرة يا موس نسرين :لا كنت ... مي: ايه بتضربي اخواتك؟؟!!!! نسرين : لا كنت ... بشيت  مي : نسرين : مي: لا مش مصدقة معقول !!!! نسرين : ليه لا ؟؟ عادي يعني هو انا بقولك رحت اقتل حد مي : لا عادي مستغرباكي مش اكتر نسرين : وليه تستغربه ؟؟ مش كنتي عايزاني انضم لجروبك مي: اكيد يا روحي ونورتيه صحيح هشوفك انهاردة في الحفلة  نسرين : اممممم لا عندي مذاكرة مي: هنرجع للخجل تاني مصدقت انك بقيتي كويسة وبتتعاملي مع الناس نسرين : لا لحد هنا واستوب ..مي : هو ايه اللي استوب شاطرة تتكلمي في الشات وبس يابنتي اتغيري شوية علشان يبقى ليكي مكان في الحياه نسرين : اصل كدة حاجة مش بتحرج ولا بتكثف من حد في التعامل دة ولو حصل حاجة بنهي الكلام مي: اه بالهروب منه يابنتي اتغيري شوية مش هتموتي لو اتعاملتي مع الناس بطبيعة مش هياكلوكي ولا هتفضلي عايشة جوة الشات روم بقيت حياتك نسرين : طب وفيها ايه ما كدا كدا بعامل الناس اهو  مي: طيب ما تقولي لنفسك اسمحيلي يا نسرين انتي كدة مش صح خالص لو على كدة بقى يبقى نسيب ارض الواقع وحياتنا ومسؤلياتنا ونقضيها شات وبس ،، فين شخصيتك الواقعية فين نسرين نسرين : عايزاني اعمل ايه يعني مي : عايزة نسرين هى اللي تتعامل مش دموع الندى اتغيري شوية الخجل مش وحش بس لو زاد يبقى خطر يبقى مش هيكون ليكي مكان في الحياه اتعاملي مع الناس بحدود وكل حاجة بس متقفليش على نفسك خالص وتعيشي في الشات لان لقيتي نفسك فيه نسرين : امممممممم هحاول اعمل زي ما بتقولي مي : صدقيني هتحسي براحة اكتر وبمحبة الناس ليكي ودا هيخليكي احسن وسعيدة طول الوقت لا تجلس مكتوف الايد حاول انت تعدل من شخصيتك الى ما هو افضل دائما والحلقة القادمة ان شاء الله |
||||||||||
|
التعديل الأخير تم بواسطة a7lashabab ; 13-11-2010 الساعة 02:53 PM
|
| إعلانات google |
|
|
|
13-11-2010, 02:48 PM
|
#2 | ||||||||||
  
|
 :v9v9net_00 3: جميلة اوى ( هى كام حلقة )  |
||||||||||
|
|
|
13-11-2010, 03:30 PM
|
#3 | ||||||||||
  
|
جميله  |
||||||||||
|
|
|
13-11-2010, 03:32 PM
|
#4 | ||||||||||
  
|
جميلة اوى |
||||||||||
|
|
|
13-11-2010, 06:01 PM
|
#5 | ||||||||||
 
|
جميل اوى والله يا واد تسلم ايدك |
||||||||||
|
|
|
13-11-2010, 08:40 PM
|
#6 | ||||||||||
 
|
شرباتك كترت  |
||||||||||
|
|
|
13-11-2010, 08:45 PM
|
#7 | ||||||||||
|
جميلة جدا تسلم ايدك |
||||||||||
|
|
|
13-11-2010, 08:50 PM
|
#8 | ||||||||||
|
يا جامد والله ممتاز  |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ll شرابـ مقلوبـ • الحلقة السابعة • ~ | a7lashabab | بـعـيـدآ عـن سـيـلـك رود | 9 | 16-11-2010 05:57 PM |
| ll شرابـ مقلوبـ • الحلقة السادسة • ~ | a7lashabab | بـعـيـدآ عـن سـيـلـك رود | 8 | 15-11-2010 01:21 PM |
| ll شرابـ مقلوبـ • الحلقة الخامسة • ~ | a7lashabab | بـعـيـدآ عـن سـيـلـك رود | 5 | 14-11-2010 12:00 PM |
| ll شرابـ مقلوبـ • الحلقة الثالثه • ~ | a7lashabab | بـعـيـدآ عـن سـيـلـك رود | 7 | 12-11-2010 07:06 PM |
| ll شرابـ مقلوبـ • الحلقة الثانيه • ~ | a7lashabab | بـعـيـدآ عـن سـيـلـك رود | 6 | 11-11-2010 09:34 PM |
.gif){kind=icon}
العرض العادي
