حقيقة جائزة الافريكان ميوزك اورد

[Diabian]

الســـــــــــــــلام عليكم يا شباب

انا بقالى فترة مش بتكلم ولا موجود فى المنتدى بسبب الدراسة وانتو عارفين ثانوى عام بقى

والنهاردة جاى اوضحلكم جايزة Africa Music Award

لانكم فاهيمن حاجة تانية خالص
فاهمين ان تامر حسنى هو خد احسن جايزة من ضمن الجوائز ( ودة من عاشر المستحيلات طبعا )

اولا : عمرو دياب كان مترشح لجائزتان فقط واللى هى Best Artist Northern Africa & Best African Male Act
ام تامر كان مترشح اى 3 جوائز واللى هى Best Artist Northern Africa , Best African Male Act ,
African Artist Of The Year

والسبب الرئيسى ان عمرو اترشح لجائزتين فقط هو ان عمرو معملش اللبوم السنه دية

طبعا عمرو من اول التصويت وهو كان مكتسح فى الجائزتان فى اول يومين من ابتدائها
اما تامر فا كان معندوش امل غير فى الجائزة اللى مش مترشح فيها عمرو

والحقيقة احنا كنا بنصوت لمغنى افريقى واحد بس عشان منخليش تمورة يا خودها
لان احنا عارفين ان تمورة لوخدها هيتغر علينا ويتكبر تانى بمعنى اصح ( هيتنطط علينا)

المهم فعلا بدائنا نصوت للمغنى الافريقى لمدة 4 ايام بعدين بصينا ولقينا واحد من جمهور تمورة بيعتبنا
وكان بيلومنا وقالنا ,, مينفعشى اللى بتعملوة دة مفروض تقفوا جمب تامر لانو مصرى وعيب لما نصوت لافريقى
تانى واحنا عندنا تامر ,,

والله العظيم وبقولها بصراحة وامانة شديدة وقفنا وقلنا احنا نخلينا فى جاويزنا احنا وملناش دعوة بتامر
وفعلا سيبنا التصويت وبقينا نصوت فى جوايزنا بس

لان احنا جمهور محترم وذو عقلية متفتحة

المهم يوم تسليم الجوائز اخدنا الجائزتان بالفعل لكن عمرو مكنش هناك يستلمها عشان كان فى حفلة
لاس فيجس التى لا تنسى
واللى استلم الجائزتين هو الموزع الكبير " عادل حقى "

لكن لما جية تامر ياخد الجائزة بتاعتوة الفشخرة بدات يا شباب
والوطنية كانت بتقطع تامر يا عينى بقيت هعيط من كتر كلامو عن مصر
اللى يوم ما طلبت منة انه يادى الخدمة العسكرية ليها رفض وزور وهرب من خدمتها

ويعدين بقى نفاجا جميعا بمنظم الحفل انو يقول جائزة امر افضل من جائزتين عمرو
طبعا كلام سخيف جدا واكيد وراة محسن جابر ( متعاودين على افعالك علشان تخلى تامر احسن
من عمرو ودة من عاشر المستحيلات )

وبقول للناس كلها ان مهما تامر عمل ولا اخترع مش هيوصل لعمرو ولو بعد قرون
لان صعب يستوى اللى تعب واجتهد وبذل قصارى جهدة لكى يصل الى كلمة مطرب
عن انسان لم يتعب قى شئ ويصل لمكانة عاليه دون مجهود او اى شئ يذكر غير ( خليها تاكلك )

ومنظمين جوائز افريقا ميوزك اورد معندهمشى شرف ولا مصدقية للجائزة الاهم هو
الفلــــــــــــــــــــــــــــــــــوس

يا رب تكونو فهمتم وعارف ان جمهور تمورة هيعترض مهو خلاص بقى
دلواتى بقى ملك القارة ونجمها الساحر
طيب ازاى دة حصل , بشئ واحد فقط
انى بغنى اغانى هابطة ليس فى كلمها اللى الاسفاف والانحلال والدمار

ولو ملحقتوش نفسيكم قبل الانهيار كلنا مش انتم وبس لا دة كل الجيل مهدد بالانهيار التام
وسعتها يبقى راح كل شهيد فى حرب 73 سدى وراح كل شئ
صدقونى انتو زمنكم بتضحكو بس بتضحكو على نفسيكم لانكم مفكرتوش قبل ما ترودو او تعملو شئ

هذا هو نجــــــــــــــــــــــــــــــــــم الجيـــــــــــــــــــــــــــــــــــــــــــــل

لا بل اسمه الحقيقى هو مدمر الجيل

واســــــف على الاطالة
ويا ريت من كل ديابى هنا ميتكلمشى باى كلمة وحشة خليك محترم لانك من جمهور محترم مع فنان
اكثــــــــــــــــــــــــر احترام

[Ahmed Abd AlaZiz]

مشكور على الخبر

[TUNNER§]

ارجو من المشرف يمسح الموضوع عشان مغلطش في صاحب الموضوع معلش يعني ..

مخ طفل :-

دي اول حاجه بس لو الموضوع استمر هيبقى في حاجه تانيه انا محترم نفسي عشان انا مع النجم تامر حسني وبحبه فا ساكت بس لو الموضوع استمر هيبقى في ( الفاظ خارجه )

وانتا بتقول مينفعش جمهور عمرو جمهور محترم :-

تمام وبتتريق على النجم تامر .. بس انا مش هطول لاني لو طولت هيبقى في غلط فيك بجد وفي كلامك

شكرا

[del_piero]

لول يا ابنى
انت اكيد بتحب عمرو صح طب هو فى ايه يتحب ؟؟!!!
بزمتك جربت تسمعه فى حفله و هو بيغنى لايف والله العظيم والله عامل زى البق.... هو هو بيغنى سورى فى اللفظ
بس دى الحقيقه صوته فعلا صح وحش لكن فى الاغانى اللى بنسمعها فى الابومات و السى دى و على النت
كله شغل تظبيط صوت و مشى حالك و انا مش بنكر اننى بحب اسمع عمرو و لكن لحد البوم كمل كلامك بسسس
اللى بعد كدة هو اللى كله فى الضياع . اما حوار ان تامر متكبر و الكلام دة مصدقش انا اعتقد ان حراسه تامر
مضربتش حد من الجمهور قبل كدة لكن عمرو افترى بعيد عنك.
اما بقى تامر باشا اللى الناس بتموت لما تشوفه بيغنى فى حفله دة كل برضه كلام فاضى على ايه يعنى مش امله
يعنى دة مطرب عادى بس قدر يحقق نجاح فى وقت يعتبر
مش كتير بالنسبه لعمرو دياب اللى بيغنى من ايام الهكوس لكنه لما بيغتى لايف فى اى حفله
صوته مش بطال لكن مش زى ما قولنا .
عموما اسف على الاطاله لكن الاتنين دول فعلا هما يستاهلو لقب مدمرى الجيل
يا ريت الناس تحاول تنضف سمعها شويه . و اوعى تكون فاكرنى عملت انحياز لحد فيهم
و الله ابدا دى وجه نظرى مش اكتر انا اصلا مش بحب غير تلاته
امير الغناء العربى هانى شاكر & محمد فؤاد & ايهاب توفيق
و اظن دول فوق مستوى الشبهات

اسف مرة تانيه على الاطاله و ياريت اسمع وجه نظرك انت كمان

[ALEX_MOON]

انت شكلك مش طايق تامر

[TUNNER§]

يا جماعه الموضوع يتمسح احسن والله هيبقى في الفاظ خارجه