اخطر ما يمكن أن تقرأه عن ميزانية مصر في حياتك

[على علكة]

في الجلسة المسائية لمجلس الشعب الاثنين الموافق 22-3-2010 واثناء مناقشة حساب ختامي لميزانية 2008 -2009 اثيرت موضوعات مثيرة تتعلق بالحساب الختامي للدولة تصل الي درجة الفضائح المدوية بل أم الفضائح دون جدال :
كنت اود ان اثير مواضيع مختلفة منها مثلا استيلاء وزير المالية علي 400 مليون جنيه من صندوق التأمين الاجتماعي للعاملين بقطاع الأعمال العام والخاص بناء علي تعليمات وزير المالية ودون سند من قانون كما ذكر تقرير الجهاز المركزي للمحاسبات وهذا كان يتحتم ابلاغ النيابة العامة عن هذا الاستيلاء المفضوح والغير قانوني للأرامل وأصحاب المعاشات

وكنت اود ان أتحدث عن عدم ادراج اعتمادات لأموال لعلاج الأطفال بالتأمين الصحي تنفيذا لقرار مجلس الوزراء رقم 15 منذ عام 1997 مما جعل العجز المالي لمواجهة هذا الموضوع يصل الي 400 مليون جنيه

وكنت اود ان اتحدث عن فضيحة توفير 200 مليون جنيه خاصة بدعم الصعيد رغم ان الصعيد و مواطنيه في حاجة ماسة الي عشرات اضعاف هذا المبلغ للتنمية المختلفة وتوفير فرص عمل مما يدل علي نجاح الحزب الوطني في تدجين نواب الأغلبية من الصعايدة واكتفاؤه بترديد شعارات جوفاء عن التنمية بالصعيد اتضح أنها كاذبة و فضحها تقرير الجهاز المركزي للمحاسبات

كنت اود الحديث عن نقص أموال الاستثمار الأجنبي المباشر وتراجعه في الوقت الذي زاد وتصاعد هروب أموال المصرين للاستثمار بالخارج وهو مؤشر جد خطير يدل علي سوء الأحوال الداخلية والتي أدت الي هذه النتيجة الحتمية

إلا أن ما أثاره الزميل النائب أشرف بدر الدين أثار حفيظتي وغضبي لخطورة ما ذكره وتجاهله كل المسئولين المتواجدين بالجلسة عمدا وهروبا من المسؤلية ومحاولة للإفلات من العقاب المفترض

ذكر النائب ان هناك مبلغ 1272 مليار جنيه لم يدرجوا في تقرير لجنة الخطة ولا يعرف احد اين ذهبت هذه الأموال ولا كيف صرفت و لمن ؟ ..... ولم يجبه احد ؟!!

ظننت في بادئ الأمر انه يبالغ أو انه قرأ المبلغ خطأ .. فراجعته بعد انتهائه من كلمته فأكد صحة الأرقام التي ذكرها

لما جاء دوري في الحديث قررت ان لا أتحدث فيما كنت اود الحديث فيه مما ذكرته في بداية المقال وقررت ان اتأكد بنفسي من السيد المستشار رئيس الجهاز المستشار جودت الملط فسألت : هل ما ذكره الزميل النائب من ارقام صحيحة ؟ هل فعلا الصناديق الخاصة بها مبلغ تريليــــــــــون و272 مليــــــار جنيه ؟ فلم اسمع ردا من احد !! قلت إن مسئولية المجلس خطيرة ,مبلغ بهذا القدر” تريلـــــــون و272 مليار ليس بالمبلغ البسيط ليست ملاليم ولا فكة حتي لا يهتم بها احد !! لماذا لم يدرج هذا المبلغ في تقرير لجنة الخطة والموازنة ولصالح من ؟

نحن نتحدث ليس عن مليار جنيه بل نتحدث عن الف مليار من الجنيهات ومعهم فكة تبلغ وحدها 272 مليار اخري ؟؟ نريد مسئولا واحدا يرد علينا .. رئيس لجنة الخطة يسمع ولا يبدي اي اهتمام ويتشاغل بالحديث مع جاره والباقي "يبحلقون" فيّ دون اجابة !! لماذا لايجيب احد ؟

لماذا لا تجيب ياسيادة المستشار ونحن نحترمك ؟ لماذا لا تجيبنا الحكومة ؟ أكرر اين هذا المبلغ ؟ وكيف صرف ؟ ولماذا لم تدرجه اللجنة في تقريرها وتجاهلته تماما ؟ لماذا لا ترد يا سيادة رئيس المجلس ؟ قال : يرد رئيس الجهاز ! اما وزير المالية فقال : لن يرد عليك احد ... تحدث براحتك !! فرددت عليه : بالطبع سبق أن سببت الدين .. وتتعالج علي نفقة المواطنين ... ولم يحاسبك احد؟ فهل سيحاسبك احد علي الف مليار جنيه ومعهم 272 مليار اخري ضائعة ومختفيه في الحساب الختامي ؟

· إن المبلغ الضائع وقيمته 1272 مليار جنيه تجاهله تقرير لجنة الخطة والموازنه جريمة في حق الوطن والمواطنين وتوضيحا لما يمثله هذا المبلغ في الميزانية أقول أنه :

· يتعدي الناتج الاجمالي كاملا للوطن.

· ويبلغ 14 مرة ضعف العجز الموجود والذي تعاني منه الموازنة.

· ويبلغ 5 مرات ضعف الايرادات العامة للدولة {البترول – قناة السويس – الشركات والمصانع – الجمارك والضرائب}.

· ويبلغ 4 مرات ضعف التفقات العامة للبلاد { الصحة والتعليم والمياه والصرف والرصف و الطرق و..... }.

أجاب المستشار جودت الملط بأنه ادرج مخالفات الصناديق الخاصة في تقريره في البند رقم 35 وأنه ذكر ان ثمة مخالفات شابت اعمال الصناديق والحسابات الخاصة والوحدات ذات الطابع الخاص بلغت جمله ما أمكن حصره 3955 مليون ج تم تصويب ملاحظات بلغت 144 مليون ج وجاري متابعة ملاحظات اخري بنحو 3810 مليون ج . ثم تم سحب كلمتي واعطيت لنائب أخر لشكر الحكومة علي انجازاتها ؟؟!!!

جاءت هذه الجلسة في ذات اليوم الذي نشرت فيه الصحف خبر حبس نائب الحزب الوطني الملقب بنائب القمار سنتين لأنه ضبط متلبسا بتهريب 550 تليفون محمول من الجمارك ودفع غرامات تصل الي 100 الف جنيه تقريبا نتيجة رفض الوزير بطرس غالي التصالح معه !!

ويبدو ان هذا التواكب جاء ليبين ان الصغار يلعبون في خانة الآلاف { ثلاثة اصفار} بينما الكبار الآن يلعبون في خانة التريليون { التريليون 12 صفر } - اي بالعامية " كل برغوث ودمه " .

كنت اتصور أن أغلبية مجلس الشعب ستثور علي ما وضحته المعارضة من جريمة ارتكبتها لجنة الخطة والموازنة ورئيسها في حق الشعب من تجاهل لمبلغ بهذا الحجم وبهذه القيمة إنحيازا لمصالح الشعب بدلا من مصالح حزبية فاسدة

وكنت اتوقع من رئيس المجلس الأستاذ الدكتور / احمد فتحي سرور موقفا آخر غير موقف الصمت الرهيب الذي لاذ به مخالفا دوره عن حماية مصالح الشعب ودوره كرئيس للمجلس من المفترض أنه يراقب أداء الحكومة .

أما الحكومة فأفصحت عن موقفها بما قاله وزير ماليتها : لن يرد عليك أحد !!

أخشي ان اتعرض إلي انفجار المرارة بل إلي انفجار في المخ اذا استمرت هذه الأوضاع دون تغيير !

أوجه تريليون و272 مليار دعوة للشعب المصري ليهب للدفاع عن امواله ومصالحه

اي 16 الف دعوة لكل مواطن مصري داخل أو حتي خارج مصر

إلي متي سنتركهم يسرقون وينهبون أموالنا

واخيرا مليون سلام أو تريليون سلام لكل المصريين

المصدر


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[على علكة]

يا اخوانا فاكرين الحلقة بتاعت عمرو اديب لم اتقابل مع وزير الخارجية و كلمه عمرو اديب عن النووى فى مصر و هل مصر حتعمل نووى .. المهم الوزير دخله فى تفاصيل فعمرو اديب قاله اه يعنى مصر فقيره متقدرش تعمل نووى ...؟

قاله سيادة الوزير لأ مصر غنية اوى اوى بس شوف نفسك و نفسى .. يعنى ناهبينها يا ولاد الحرامية

مفيش حل غير الاخوان عشان كده بيعتقلوهم
دول حيتحاسبوا على كل حاجة
المبلغ ده ممكن كده توصل الرواتب لعشر تلاف جنيه لو وزعوهم على الشعب انما ناهبين البلد ولاد الحرمية

[على علكة]

و للعلم ميزانية مصر لعام 2008 .. مصر اغنى من الكويت
و العراق اغنى من مصر بنسبة ضئيلة .. لازم الشعب ده يفوق و الحل فى الانتخابات
انا حدى صوتى للاخوان

[DeadlyMan]

مش عاوز ندي صوتنا لجمال مبارك هيبوزها اكتر ما هي بايظه

[على علكة]

يا ابنى اصلاً جمال مبارك هو رئس
ي الجمهورية انت فاكر ان حسنى مبارك هو الرئيس ؟؟
المشكلة مش فى وزير و لا اى حاجة المشكلة فى النظام كلو بتاع حسنى مبارك
لازم النظام يتغير من جذوره و الاخوان يمسكوا الجكم

ساعتها البلد حتتغير بحق .. مفيش حد فى الساحة دلوقتى غير الاخوان و محدش يستحق الدعم غير الاخوان
بعدين ما حسنى مبارك هو اللى بيشرح المسئوليين بس هو بيقسمها على كيفه من غير عدل
اللى معايا ياخد و اللى مش معايا يولع بجاز
بلد ابوهم هى اللى ورثوها .. حسنى مبارك ده كان سواق طياره

عارفين يعنى ايه سواق و نط علينا منا لسماء و اخد الحكم و كان ابوه فلاح ليه يتحكم فينا
المفروض اننا احنا اللى نتحكم فيه

[m_mm622]

منهم لله يا جدع دول اكلو البلد ومصمصوها ودلوقتى بيعصروها

[AleX_BoY]

والله الاخوان اخرهم مجلس الشعب او مجلس الشورى لكن حكم ورئاسه والكلام ده اول حاجه وده ممكن يعملوا معظم القوانين ممكن تتغير وحديك امثله اهو

1-اول حاجه هيلغى حوار القرض والفوايد من البنوك (يعنى اقتصاد البلد هيدمر ااكتر ما هو مدمر)

2-هنعد بقى ده يقول نطبق الشريعه الاسلاميه ونلاقى 5 احزاب طالعه تقولك لا و هنتفرم احنا فى النص

3- معظم وسائل الترفيه اللى انتا عايش عليها دى مش هتلاقيها تانى لو مسكوا

ده غير بقى قطع علاقات مع الدول و مع امريكا وينزل علينا عقوبات زى ايران بالظبط

وانا شايف ان احسن واحد يمسك الحكم هو جمال مبارك عنده خبره كويسه و شبعان يعنى مش هياخود فلوس زى اللى كانت بتتاخد الاول

[ameraldmooo3]

المشاركة الأصلية كتبت بواسطة AleX_BoY عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والله الاخوان اخرهم مجلس الشعب او مجلس الشورى لكن حكم ورئاسه والكلام ده اول حاجه وده ممكن يعملوا معظم القوانين ممكن تتغير وحديك امثله اهو

1-اول حاجه هيلغى حوار القرض والفوايد من البنوك (يعنى اقتصاد البلد هيدمر ااكتر ما هو مدمر)

2-هنعد بقى ده يقول نطبق الشريعه الاسلاميه ونلاقى 5 احزاب طالعه تقولك لا و هنتفرم احنا فى النص

3- معظم وسائل الترفيه اللى انتا عايش عليها دى مش هتلاقيها تانى لو مسكوا

ده غير بقى قطع علاقات مع الدول و مع امريكا وينزل علينا عقوبات زى ايران بالظبط

وانا شايف ان احسن واحد يمسك الحكم هو جمال مبارك عنده خبره كويسه و شبعان يعنى مش هياخود فلوس زى اللى كانت بتتاخد الاول

انا هوضحلك حاجة بسيطة
1-المفروض ان موضوع القروض دة حرام يعني الفلوس بتعتو حرام (اللي بيجي حرام بيروح حرام )
2- بوص مع احترامي ليك لو الشريعة لاسلامية مشينا بيها حلنا هايتصلح عشان مافيش حد هيسرق او يزني اويقتل الخ
3-والله لو الناس سبتها من موضوع الترفيه دة وكل واحد انتبه لشغلو او دراستو هنبها احس من اي حد
وعلاقات الدوال تغور فى 1000 دهية احنا العرب اللي مننا دلوقتي بيضرونا احنا عيزين واحد يصون كرمتنا
.البلد من ساعت حسني وهي بتتسرق يعني جمال لو مسكها هتفضل زاي مهيا وينكن اكتر
.انا بايد الاخوان اللى مهضوم حقهوم. وانا حاسيس ان جمال هيمسك البلد عفية
ورينا يستر علينا من الايام اللي جية وعلى راس المثل الخبر اللى بفلوس بكرا ينزل علية الاوكزيون :evil(1):

[على علكة]

المشاركة الأصلية كتبت بواسطة AleX_BoY عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والله الاخوان اخرهم مجلس الشعب او مجلس الشورى لكن حكم ورئاسه والكلام ده اول حاجه وده ممكن يعملوا معظم القوانين ممكن تتغير وحديك امثله اهو

1-اول حاجه هيلغى حوار القرض والفوايد من البنوك (يعنى اقتصاد البلد هيدمر ااكتر ما هو مدمر)

2-هنعد بقى ده يقول نطبق الشريعه الاسلاميه ونلاقى 5 احزاب طالعه تقولك لا و هنتفرم احنا فى النص

3- معظم وسائل الترفيه اللى انتا عايش عليها دى مش هتلاقيها تانى لو مسكوا

ده غير بقى قطع علاقات مع الدول و مع امريكا وينزل علينا عقوبات زى ايران بالظبط

وانا شايف ان احسن واحد يمسك الحكم هو جمال مبارك عنده خبره كويسه و شبعان يعنى مش هياخود فلوس زى اللى كانت بتتاخد الاول

هو بالمزاج و لاايه ..؟ و لا بالتعيين ده بالانتخاب
اللى خلا حصنى مبارك يقولك الاخوان مش حياخدوا النسبة اللى فاتت
و هو ايه اللى عرفه بقا اصل شكله هو اللى بيعين تزوير عينى عينك
اصحى يابا اصحى .. بقولك مصر العراق اغنى منها حبه صغيرين و مصر اغنى من الكويت
و اقل من ايران بحبة صغيره روح شوف ميزانيات دول العالم لعام 2008
مصر غنيه اوى اوى عقوبات مين يابا .. الاخوان دول يودوك البحر و يرجعوك عطشان
دى عالم ذكية اوى اوى .. بعدين باين عليك انك انسان مش مهتم بدينك نهائياً .. الفوايد دى ربا يا باشا
و معناها ان ربنا حيحاربك .. معليشى سؤال انت عارف عقوبات الربا ايه ..؟؟ معليشى تانى انت مؤمن بكل صفات ربنا ..؟؟ مؤمن بعقاب ربنا مؤمن ان ربنا مش بيسيب حاجة ..
ده اولاً ..
ثانياً وسائل ترفيه ايه يا باشا بقولك حاجة لم الخمره اتحرمت فى البداية كانت ماليه كل البيوت اتحرمت على مراحل لازم تهياً الشعب الاول و هم مش بالغباء يجوا مره واحد الشريعة الشريعة زى حماس دلوقتى هى من الاخوان و مش بتطبق الشريعة عشان فيه حرب و لسه ماسكين و الشعب فقير يعنى مش بيقطعوا ايد السارق عشان فيه حالة حرب و طبيعى الناس جعانه مش حتكون انت و الفقر عليهم يعنى الشريعة دى سماحة مش تشدد و بندور لك على غلطة

بعدين اصلا الخوان يبنى اخدو 80 مقعد باللى بيحصل محدش يقدر يقول انا من الاخوان حتى
امال بقى لو اعترفوا بيهم ايه اللى حيحصل

بعدين فووء انت قريت الموضوع .. مش عاجبك الاخوان طيب اشرب بقا سرقة
بقول المرتبات ممكن لو باللى بيتسرق من البلد توصل لعشر تلاف جنيه للى بيقبضله 1500 جنيه
زى صفقة طيارات المضروبة اللى قالت عنها الجزيرة سرقة عينى عينك

يا حبيبى شبعان و لا جعان هو مبارك و عيلته هم اللى بيسرقوا لوحدهم .. جمال حيدى فلوس لاتباعه و رجالته
زى دلوقتى فيه ناس من رجال الاعمال كنت قريت واحد كتب توقيع لجمال مبارك بدمه ليه ..؟؟؟

عشان الفلوس واحد زى احمد عز لولا اللى بيحصل من سرقة و نهب مكنش عمل ثروة لنفسه
و بالهبل الحراميه كتار اوى اوى و جمال حيرضيهم كلهم و حنتسرق مش من جمال بس انما من اللى حوليه من الحرامية

بعدين قطع العلاقات مع امريكا بص ده مقال لجريدة يديعوت احرنوت شوف اليهود بيقولوا ايه على الاخوان
بيقولوا عليهم سياسيين جامديين اوى اوى و عندهم دهاء سياسيى
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
بص و اقرأ يا باشا ..

بص مفيش غير الناس دى فى الساحة و جمال حيبوظها اكتر و اكتر عشان فيه ناس راضيين عنه و راضي عنهم
هم اللى بيدعموه و هو اللى بيدعمهم زى احمد عز كده كان مهندس جربوع و بقا ملياردير
الحديد يغلى و يرخص عشان عز يتغنى



مش عاجبك الاخوان .. حتلاقى ستميت حرامى و مفيش حرامى حتلاقيه يسرق نص البلد و يخاف ربنا فى النص التانى
او يسرق حبه و يسيب الباقى الحرامى حرامى و الشريف شريف و المبادئ مبتجزأش

عموما اكيد الديموقراطية هى الحل .. حتى فوق الاخوان و لم يمسكوا الاخوان لو بقت حلوه حلوه عليهم و لو وحشة ننتخب غيرهم بس احنا محتاجين سلطة اعلى من كلو بحيث تعزل بسهوله الحكومات

[على علكة]

المشاركة الأصلية كتبت بواسطة ameraldmooo3 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا هوضحلك حاجة بسيطة
1-المفروض ان موضوع القروض دة حرام يعني الفلوس بتعتو حرام (اللي بيجي حرام بيروح حرام )
2- بوص مع احترامي ليك لو الشريعة لاسلامية مشينا بيها حلنا هايتصلح عشان مافيش حد هيسرق او يزني اويقتل الخ
3-والله لو الناس سبتها من موضوع الترفيه دة وكل واحد انتبه لشغلو او دراستو هنبها احس من اي حد
وعلاقات الدوال تغور فى 1000 دهية احنا العرب اللي مننا دلوقتي بيضرونا احنا عيزين واحد يصون كرمتنا
.البلد من ساعت حسني وهي بتتسرق يعني جمال لو مسكها هتفضل زاي مهيا وينكن اكتر
.انا بايد الاخوان اللى مهضوم حقهوم. وانا حاسيس ان جمال هيمسك البلد عفية
ورينا يستر علينا من الايام اللي جية وعلى راس المثل الخبر اللى بفلوس بكرا ينزل علية الاوكزيون :evil(1):

يا باشا المشكلة مش فى كده فيه ناس منتفعه من جمال و ابوه زى رجال الاعمال و هى دى المصيبة المصيبة مش فى مين شبعان ..
يعنى هو جمال اوله و اخره ايه 5 كيلوا لحمة فى اليوم ياكلهم و شوية فاكهه على نص كيلوا حلويات و شوكولاطة ياكلهم و لبسه و اكله و شربه و وصولات الميه و النور يا عم ياخدهم .بس دى تورته و جمال و ابوه بيوزعوها على مزاجهم و على حسب مصلحتهم

انت مدرك يعنى ايه مصر و العراق ميزانتهم تقريباً واحده فى عام 2008
و مصر اغنى من الكويت ..؟؟

هو وزير الخارجية فى لقائه مع عمرو اديب قاله مصر غنيه اوى اوى بس شوف حالك انا و انته

[fathyhero]

امتى الشعب المصرى يفوق من الغيبوبه اللى عايش فيها
انا نفسي يفوقوا ويعملوا مظاهرات وانقلاب فى الحكم فين ايام الثورة
احنا عايزين ثورة بجد عشان البلد حالها ينصلح انما كده للاسف عاملين زى النعام دافنين راسنا فى التراب
شايفين الظلم وساكتين بنتظلم وحقنا بيضيع قدام عينيا واحنا ولا نقدر نعمل حاجه
شعب جبان لحد امتى هنفضل كده
لحد امتى

[على علكة]

المشاركة الأصلية كتبت بواسطة fathyhero عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

امتى الشعب المصرى يفوق من الغيبوبه اللى عايش فيها
انا نفسي يفوقوا ويعملوا مظاهرات وانقلاب فى الحكم فين ايام الثورة
احنا عايزين ثورة بجد عشان البلد حالها ينصلح انما كده للاسف عاملين زى النعام دافنين راسنا فى التراب
شايفين الظلم وساكتين بنتظلم وحقنا بيضيع قدام عينيا واحنا ولا نقدر نعمل حاجه
شعب جبان لحد امتى هنفضل كده
لحد امتى

يا باشا الدعوة لوحدها مينفعش لازم يكون فيه نظام ..
يعنى مقلا انا حعمل ايه انزل اصوت فى الشارع لازم يكون اولاً تنظيم او جماعة
لازم تكون تحت لواء لان لوحدك مش حتعرف تعمل حاجة ابداً ..
ممكن نعل زى اللى حصل فى المحلة الكبرى شفت ايه اللى حصل نظيف نزل للعملوا اضطراب و كسروا الدنيا
و ولعوا فى البيوت و الاقسام نزل نظيف و ضاعف لهم الاجور اخدوا 50 % زيادة على اجورهم .. ينهار اسود

اشربوا بقا لو كل يوم حصلت محلة كبرى او حتى يوم واحد فى كل محافظات مصر محلة كبرى
شاعتها الشعب ده حيتغنى اوى اوى اشطة يعنى

[AleX_BoY]

يا باشا انت علرف يعنى ايه الاخوان يمسكوا الحكم؟؟؟؟؟

فهمنى بس انتا !!مش شرط جمال يمسك بس لو السما تطربقت على الارض اللى فى دماغ امريكا هو اللى هيمشى عاوزين الاخوان تمسك الاخوان هتمسك عاوزين ثوره تحصل فى البلد هتحصل ثوره فى البلد ومش فى مصر بس لا فى كل مكان

وبعدين يعنى حتا لو عملنا انقلاب وولعنا الدنيا و عملنا عصيان مدنى ما كل ده هيجى على دماغنا احنا
ما هو هيهرب بعتاولة البلد لحد ما الجو يهدا وبعدين تتطلع تلاقى امريكا تستنكر الاتقلاب وتؤيد الرئيس و ايران تستنكر و فى الاخر هيرجع يمسك و هيورينا ايام اسود من اللون الاسود ذات نفسه

وبعدين تعالى بقى يا استاذ سمعت حديث الرسول اللى بيقول قال رسول الله صلي الله علية وسلم: يأتي زمان علي أمتي يحبون خمس وينسون خمس ... يحبون الدنيا وينسون الاخرة يحبون المال وينسون الحساب يحبون المخلوق وينسون الخالق يحبون القصور وينسون القبور يحبون المعصية وينسون التوبة فإن كان الامر كذلك أبتلاهم الله بالغلاء والوباء والموت الفجأة وجور الحكام،

[ALEX_MOON]

ريحوا نفسكوا هو جمال

[على علكة]

المشاركة الأصلية كتبت بواسطة alex_boy عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا باشا انت علرف يعنى ايه الاخوان يمسكوا الحكم؟؟؟؟؟

فهمنى بس انتا !!مش شرط جمال يمسك بس لو السما تطربقت على الارض اللى فى دماغ امريكا هو اللى هيمشى عاوزين الاخوان تمسك الاخوان هتمسك عاوزين ثوره تحصل فى البلد هتحصل ثوره فى البلد ومش فى مصر بس لا فى كل مكان

وبعدين يعنى حتا لو عملنا انقلاب وولعنا الدنيا و عملنا عصيان مدنى ما كل ده هيجى على دماغنا احنا
ما هو هيهرب بعتاولة البلد لحد ما الجو يهدا وبعدين تتطلع تلاقى امريكا تستنكر الاتقلاب وتؤيد الرئيس و ايران تستنكر و فى الاخر هيرجع يمسك و هيورينا ايام اسود من اللون الاسود ذات نفسه

وبعدين تعالى بقى يا استاذ سمعت حديث الرسول اللى بيقول قال رسول الله صلي الله علية وسلم: يأتي زمان علي أمتي يحبون خمس وينسون خمس ... يحبون الدنيا وينسون الاخرة يحبون المال وينسون الحساب يحبون المخلوق وينسون الخالق يحبون القصور وينسون القبور يحبون المعصية وينسون التوبة فإن كان الامر كذلك أبتلاهم الله بالغلاء والوباء والموت الفجأة وجور الحكام،

لو السما اتطربقت على الارض اللى فى دماغ امريكا هو اللى حيمشى ..؟؟ ليه هى امريكا اله ..؟؟ و لا استغفر الله العظيم امريكا هى ربنا ..؟؟
ما حماس طردت الحرامية عباس ابو مازن و ماسكه دلوقتى و سلملى على امريكا و اسرائيل .. و معاها دلوقتى اسلحة دفاع جوى باعتراف نتياهو
يا عمى امريكا اصلاً مش فاضية لمصر و مش حتقدر تخش تحتل مصر دى ضربت العراقو قعدت تلطم و تصوت و خايفين من افغانستان لان طالبان انتصرت عليهم اكبر انتصار
يا عمى ببساطة شديدة اعمل زى ايران كلو خايف يضرب ايران ..
ايران عملت ثورة على نظام عميل لامريكا اصلاً .. و كان نظام علمانى و منع الحجاب .. و لم ثاروا عليه امريكا سكتت
امريكا متقدر تعمل حاجة يا صاحبى

بص بقا دلوقتى عندك حماس جوه تقدر مصر تصنع صواريخ مداها صغير و حتكون سهله و تديها لحماس و تشتغل مع حماس
زى ايران و حزب الله و انسى ايران تضربك .. لو عملتوا حاجة حندمركم .. كده يا برنس استخدم المتاح و هات منه فاعلية كبيره .. ايوه يا باشا ده عقاب من ربنا عشان سبنا الجهاد فى سبيل الله ..

انت محسسنى ان امريكا واقفه و مستنيا .. امريكا دى يا عمى متقدرش تفتح على نفسيها جبهات كتيره
ما عندك تنظيم القاعدة فى الصومال امريكا مدخلتش الصومال ليه ..؟؟ و ما عندك تنظيم القاعدة فى اليمن مدخلتش اليمن ليه .. عندك حماس مدخلتش غزة ليه .. و فى كل حتة بيروحوها بيتحط عليهم ..

يا باشا حماس دى جوهرة لمصر من السما .. يعنى لو مصر ادتهم اسلحة كيميائية اللى مصنفه ضمن اسحلة دمار شامل اسرائيل حتفكر تفكير كامل قبل اى حاجة