…ـண…▓… ازاى تحب المدرسه (لطلبه الاعداديه فقط) …ـண…▓…

[superman_344]

طبعا احنا كلنا كارهين المدرسه علشان الاسباب التاليه

1-شئ خارج عن ارادتك يعنى بتروح غصب عنك

2-بيعملوك اقل من سنك

3-انك بتصحى سبعه الصبح وغصب عنك

4-بيدوك واجب طويل اوى علشان تحلوا فى البيت وانت بترجع مكسر مش قادر

5-المنهج صعب والمدرسين مش بيشرحوا كويس

6- بينقصوك بتاع 20 درجه فى كل ماده علشان اعمال السنه الى انت عملتها كلها


طب نعمل ايه

شئ ومغصوب علينا

يعنى منروحش

لا طبعا لازم تروح علشان تتعلم

ومنبقاش جهله ونبقى قدوه لى اولادنا

لما نكبر

بس فى طريقه علشان تقدر تحبها

هقولك

انا هعرف اغليك تحب المدرسه وتحس انها شئ للترفيه

انت طبعا عايز تعقد على الجهاز وفى نفس الوقت تكون مخلص كل حاجه

بص ماعليك الا الاتى

اظن كلوا بيرجع من المدرسه على الساعه 3:20 بيوصل البيت يعنى

انت تخلص واجبك مهما كان طوله توصل 4 او 4:20

تتغدى وتريح شويه تبقى 5:30 مثلا

تذاكر تبقى 6:30

شوف قدامك قد ايه من 6:30 لى حد ماتنام لعب

امال عايز ايه ؟؟؟؟؟؟؟؟؟

الحكايه ان الشعب المصرى كسول وابن ***

عايز كل حاجه سهله

انت عايز ترجع من المدرسه تعقد على الجهاز على طول

طب مانا عندى فكره حلو

من 6:30 نام لى حد 9 واعقد من 9 لى 1

ونام 1 هتصحى 7

نمت 6 ساعات

ولعبت 4 ساعات

ومخلص واجباتك ومذاكر دروسك

اظن كدا حكايه اشطه خالص

واحد يقولى طب انا برجع من المدرسه مكسر كل عضمه فى جسمى

اقوله الواجب مش هيتعبك اوى يعنى لما تعمله مأظنش انوا حاجه كبيره اوى لما تكتب كام كلمه انجليزى على كل كلمه عربى وتنظم وبخط جميل والمذاكر 40 دقيقه كفايه اوى مانتاش فى امتحانات

...!!!!

انا لما كنت فى الاعداديه كنت مخنوق فى اول سنه

لكن بعد كدا بقيت احب المدرسه وبزعل اوى لما اغيب



انا لا انقل المواضيع

بل هم ينقلون


superman_344

[tadros950]

ربنا يخليك بس انسى ان حد يحب المدرسة خالص

[DeViL_MaSTeR]

شكرا بس المفروض الموضوع ميبقاش اسموا كده يبقى اسموا ازاى تلعب اكتر وتذاكر اقل انا في تانية اعدادي والمنهج جايبين نصه من ثانوي وحاجات غريبة بس بذاكر

[leader]

المشاركة الأصلية كتبت بواسطة tadros950 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ربنا يخليك بس انسى ان حد يحب المدرسة خالص

اولا بجد فكرة جديدة وجميلة جدا وانا مبسوط انى شوفت موضوع بيتكلم عن كده

ثانيا فعلا لازم الواحد ينظم وقته ياجماعة ومتخافش مش هيبقى systematic يعنى مش لازم هتبدا مذاكرة الساعة 7 بالظبط مثلا بس لما تكون منظم وقتك وعارف انك المفروض تذاكر امتى وتلعب امتى هتفرق وطبعا ممكن ايام تعكس على حسب المزاج وده بيسمى الجدول المرن

ثالثا بالنسبة للرد اللى فوق ده بص احنا بنتكلم بجد وموضوع جد والكلام ده مينفعش يتقال بجد ولا بدافع الهزار لانه فى الاخر بيتصدق والله يعنى انت لو قعدت تقول انا غبى وعلى طول بتقول الكلمة دى هتتحول بعد فترة لاعتقاد وهتصدقها وهتتحول فعلا لانسان غبى والعكس طبعا لو قلت انا ذكى

وللاسف هى دى فعلا الثقافة الموجودة دلوقتى خلاص بقى الطبيعى اننا بنكره المدرسة واللى غير كده نتريق عليه بقى ويبقى هو الغريب وعلى فكرة انا مش عايز احلف بس انا متاكد 100% ان كل مشاكلنا هتتحل لو احنا حبينا المدرسة كل مشاكلنا

[superman_344]

المشاركة الأصلية كتبت بواسطة tadros950 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ربنا يخليك بس انسى ان حد يحب المدرسة خالص

لا فى ناس بيحبه المدرسه

واقربهم ليك انا

المشاركة الأصلية كتبت بواسطة king_of _nuker عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا بس المفروض الموضوع ميبقاش اسموا كده يبقى اسموا ازاى تلعب اكتر وتذاكر اقل انا في تانية اعدادي والمنهج جايبين نصه من ثانوي وحاجات غريبة بس بذاكر

طب مانا كنت فى تانيه اعدادى كان المنهج صعب زيك .!, مثلا انت كل يوم بتاخد كام درس جديد ؟!!

اظن 6 دروس مثلا لكل ماده درس جديد مثلا يعنى

هو شرحهم فى الفصل هتحتاج ايه تانى

لما تفتح كتاب كل ماده وتقرأ مثلا فى كل ماده 20 دقيقه او 15 دقيقه مثلا

هتبقى ذاكرت ساعه وفى ايام الدراسه العاديه

والواجب زى ما انا كتبت فى الموضوع

... الكلام الى بتكلم عليه ده لما تكون فى امتحانات ساعتها هقولك ذاكر بقى طول النهار

لى انك هتراجع على كل الدروس وهتكون ناسيها ...!!!! وهتكون صعبه

انا بطلع من الاوائل على فكره متفتكرنيش فاشل يعنى

وشكرا للرد والمرور

[ALEX_MOON]

موضوع طويل و جميل بس كلامك مش صح تانى حاجة حتى لو صح لما تطلع ثانوى عام مش حينفع النطام ده

[Islam Saeed]

شكرا على مجهودك

[superman_344]

المشاركة الأصلية كتبت بواسطة alex_moon عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موضوع طويل و جميل بس كلامك مش صح تانى حاجة حتى لو صح لما تطلع ثانوى عام مش حينفع النطام ده

كلامى لو مش صح حاول توضح ليه .., ومن المنطقى انوا مينفعش فى الثنوى لى انى كاتب لطلبه الاعدادى فقط
.,!!

المشاركة الأصلية كتبت بواسطة girldreams عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا على مجهودك

العفو