| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
05-09-2010, 06:45 PM
|
#1 | ||||||||||
  
|
. . . النهارده هحكيلكم حدوته صغيره كده وعايز اخد رأيكم فيها ماشي يا قمامير . . . كانوا 3 جارات جمعتهم الجيره وكانوا قريبيين جدا من بعض بحكم ان سنهم متقارب جدا وكمان ان زيجاتهم تمت ورا بعضهم وكان اولادهم بيحبوا يلعبوا مع بعضهم ورغم وجود المشاحنات بسبب خناق الاطفال مع بعضهم الا ان الحب والموده بينهم كان موجود . . . طيب انت عمال تتكلم مش تعرنا بيهم حااااضر من عنيا اسمائهم فاصوليا و عايدة و مؤمنه مؤمنه كانت كل رمضان بتقضيه في طاعه وصلاة لكن مكنتش بتآخد بإيد فاصوليه وعايده بس السنه دي قررت انها تآخد بإيدهم ودار بينهم الحوار التالي . . . اجتموا مع بعض في بيت احداهن وبعد السلام والذي منه .. دار الحوار التالي فاصوليا :يا سلام ..كل سنه وانتم طيبين يا بنات رمضان فاضل عليه اسبوعيين عايده : وانتى طيبه مؤمنه : تقبل الله منا ومنكم صالح الاعمال عايده : احلى حاجه في رمضان المسلسلات...انتوا عارفيين انا محضره كراسه فيها كل المسلسلات اللي هتيجي في رمضان وكمان مواعيد الاعادة بتاعتها ويا سلام بقى ده فيه حتة مسلسل هيجيي الاعاده بتاعته بعد الفجر شكله جااامد بعد ما جوزى والعيال يتسحروا ويصلوا الفجر ويناموا قعد اسمعه على رواقه فاصوليا : حرام عليكي يا شيخه مسلسلات ايه اللي هتضيعي فيها رمضان دي؟؟ مؤمنه : امال انتى هتقضي رمضان ازاي يا فاصوليا؟ فاصوليا : انا بردو محضرة كراسه بس هكتب فيها كل الوصفات اللي هتيجي ..ايوة يا شيخه امال ايه؟؟ ده الواحد بيبقى مستنى رمضان عشان الاكل..دول بيجيبوا شويه اكلات في التلفزيون تجنن تجنن عايده : ايوة يا اختى ما انتى مش همك الا على بطنك فاصوليا : بس يا عايده اعاده ..ده انتى يا اختى مش بتشوفي المسلسل الا لما تشوفي الاعاده بتاعته ... كان عندهم حق لما سموكي عايده.....يا عايده اعاده مؤمنه : ايه يا بنات ؟؟ انتوا هتتخانقوا ولا ايه؟؟ لا انتى صح ولا انتى كمان صح عايده وفاصوليا بصوت معترض واحد: ليه بقى ان شاء الله؟! مؤمنه : رمضان ده شهر عبادة وطاعه مهواش شهر اكل ومسلسلات احنا لازم نستغل رمضان على قد ما نقدر مش يمكن نكون من عتقاؤه فاصوليا : ايوه يا اختى ما انا بقيم ليله 27 وبعض الايام الفرديه عشان ببقى مشغوله في الكحك والذي منه عايده : لا انا بقيم العشر الاواخر كلها بس بشوف الاعاده للمسلسلات وبس مؤمنه : بردو مسلسلات وكحك ... يا حبيبي رمضان ده مش بيجيي كل يوم ده هوه مرة واحده في السنه لازم نستغله ونتم عبادته على اكمل وجهه طيب قوليلي يا عايده المسلسلات دي عباره عن ايه؟! مش بتكون قصة حب او واحد فقير واغتنى يا اما بمجهوده يا اما انه سرق يا اما شويه كلام سخيف المقصود بيه اننا نضحك ده غير الهدوم اللي بينسوا يلبسوها الممثلات والمناظر اللي تكسف...مش صح كده يا عايده؟ وانتى بقى يا ست فاصوليا!! فاصوليا : وانا ايه بقى هوه انا بعمل حاجه حرام؟؟ده اكل وطبخ وكده مؤمنه : ايوه هوه مش حرام بس اللي بتعمليه انتى حرام..حرام لما تصرفي قد كده في الاكل وتقضي اليوم بطوله في المطبخ لأما قدام التلفزيون عشان تشوفي احدث الاكلات ايوه احنا مش هنبطل نعمل اكل لكن في حدود المعقول مش كده ولا ايه يا فاصوليا؟! عايده وفاصوليا : طيب قوليلنا نعمل ايه؟ مؤمنه : بصوا بقى...مسلسلات لئه خااالص ...اكل بأسراف بردو لئه يعنى يكون في حدود المعقول...اتفقنا عايدة و فاصوليا : اتفقنا مؤمنه : لازم بقى نبتدي اننا نحط اسس قبل رمضان ما يبتدي يعنى ..نروق الشقه ونظفها تنظيفه كويسه...نجيب هدوم العيد للعيال... نجيب خزين البيت اللي نقدر عليه وينفع انه يتشال في الفريزر مثلا لما رمضان يبدأ لازم نستغله في الطاعه والعبادة والصلاة نشوف البرامج الدينيه المفيده او نعد ع النت نقرأه المفيد نحفظ سوره من القرأن...هنتفق على سوره نحفظها وكل يوم بدل قعدة الرغي اللي بنعملها هنسمع اللي حفظناه... نروح مع بعض نصلي التراويح ونصلي تهجد يكون شعارنا في رمضان ؛ سأعبدك ربِ كما لم اعبدك من قبل ؛ ها..هتكونوا معايه؟؟ بس معلش جه فى الاخر و احنا محتاجين الحبة اللى فى الاخر دول |
||||||||||
|
| إعلانات google |
|
|
|
05-09-2010, 06:56 PM
|
#2 | ||||||||||
  
|
بارك الله فيك يشرفني اني اول واحد يرد عليك  |
||||||||||
|
|
|
05-09-2010, 06:58 PM
|
#3 | ||||||||||
  
|
شكراا موضوع جميل و علي الفطار ههههه |
||||||||||
|
|
|
05-09-2010, 07:01 PM
|
#4 | ||||||||||
  
|
شكراا موضوع جميل ...  |
||||||||||
|
|
|
05-09-2010, 08:10 PM
|
#5 | ||||||||||
|
αиɢєℓs мαy нυяτ  
|
عندك حق و الله با أم إسماعيل دول بقوا عالم فاضية  _________________ تسلم ياض يا عمر .gif "111 (20)") |
||||||||||
|
|
|
05-09-2010, 08:13 PM
|
#6 | ||||||||||
|
موضوع جميل اوى تـــســلـــم ايدك |
||||||||||
|
|
|
05-09-2010, 08:16 PM
|
#7 | ||||||||||
|
شكرا ياض على الموضوع الرائع  |
||||||||||
|
|
|
05-09-2010, 08:23 PM
|
#8 | ||||||||||
|
شكرا موضوع جميل بس فين صورهم زى اللى فاتت  |
||||||||||
|
|
|
06-09-2010, 03:51 AM
|
#9 | ||||||||||
 
|
استمر |
||||||||||
|
|
|
06-09-2010, 03:56 AM
|
#10 | ||||||||||
 
|
عمر انت دماغك هربانه منك اوي .. انا هشفلك اتنين كدا يلموهالك |
||||||||||
|
|
|
06-09-2010, 04:35 AM
|
#11 | ||||||||||
|
THxxxx |
||||||||||
|
|
|
06-09-2010, 05:00 AM
|
#12 | ||||||||||
|
موضوع حلو اوى |
||||||||||
|
|
|
06-09-2010, 05:47 AM
|
#13 | ||||||||||
|
تسلم ياغالى |
||||||||||
|
|
|
06-09-2010, 07:53 AM
|
#14 | ||||||||||
|
موضوع حلو اوي بس ايه الأسماء العجيبة نظامها معاك الويمين دول  |
||||||||||
|
|
|
06-09-2010, 09:24 AM
|
#15 | ||||||||||
|
موضوع جميل شكرا :) |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| صور غير عادية ابدااااااااا | asd_eg | صـور سـيـلك رود | 39 | 20-07-2009 05:32 PM |
| صور غير عادية ابدااااااااا | asd_eg | قسم المواضيع المكررة و المخالفة | 19 | 19-07-2009 12:26 AM |
| مكتبة نكت عادية مش على المشرفين | LastThief | بـعـيـدآ عـن سـيـلـك رود | 6 | 06-09-2008 09:25 PM |
.gif){kind=icon}
العرض العادي
