رشح نفسك لقيادة السيرفر او مشرف

[mazagangy]

السلام عليكم ورحمة الله وبركاته

اعضاءمنتدي سيلك رود4عرب الكرام

نظراً لعدم وجود مشرفين في
بعض السيرفرات تم فتح باب الترشيح

فايدة المشرف :

- تنظيم المواضيع

- حذف المخالفات

- حل مشاكل الاعضاء فى السيرفر

- حث الاعضاء على المشاركة وزيادة المواضيع الهادفة وزيادة النشاط فى القسم

- الرقى بالقسم لجعله من افضل اقسام المنتدى

دى بعض الاهداف اللى المشرفين بيتنافسوا علشان يحققوها ويكونوا من افضل المشرفين فى المنتدى

علشان كدا يا جماعة انا عملت الموضوع دا ... دلوقتى بقى انا ليا طلب عندكم

بس ارجو من الناس انها تحترم كل كلمة هقولها فى الموضوع

- مطلوب عضو من اعضاء سيرفركم يبقى مشرف عليكم ..

بشرط

- عدد مشاركاته تبقى ازيد من300 مشاركة ..( علشان نضمن انه اكتيف فى المنتدى وبيدخل كتير )

- السن يكون 17 سنة او ازيد ( علشان طبعاً زى ما انتم عرفيين فى اطفال كتير بتلعب اللعبة دى والادارة مش عايزة طفل يتحكم فى ناس كبار لما هيبقى المشرف سنه اكبر من 17

سنة هيقدر يتعامل مع الناس بشكل افضل)

- يكون محبوب من الناس فى سيرفره ( علشان مش عايزيين نعين مشرف بينه وبين الناس مشاكل على طول )

- يكون بيدخل على المنتدى كتير ( علشان فعلاً يبقى اد المسؤلية ويهتم بقسمه .. ويكون النت عنده كويس )

-يتقدم بأفكار في طلبة لكيفية تنشيط السيرفر
والخطة ألي هايمشي عليها

اظن الشروط المطلوبة حاجة بسيطة قوى

دلوقتى بقى يا اعضاء السيرفر المحترمين انا طالب من كل الناس اللى بتشارك فى السيرفر هنا انها تدخل تكتب حاجة من اتنين :-

1- انا عايز ابقى مشرف

2- العضو الفلانى ينفع يبقى مشرف

اظن الكلام بسيط جداً....

فى الحالتين الناس هتكتب الحاجتين دوول

- السن

- و سبب الإشراف ؟

-ووجة نظرك لتنشيط السيرفر وافكارك

بعد كدا الادارة هتقوم بالنظر فى الموضوع

وتشوف مين اكتر عضو الناس قالت ينفع يبقى مشرف .. وهنعمل موضوع تانى ونقوم بالتصويت من اجل اختيار افضل عضو ينفع للإشراف وبعدها هيتم تعينه مشرف

--------------

دلوقتى بقى اللى هلاقيه داخل الموضوع وبيقولى موضوع جميل وشكراً على الموضوع والحوارات دى انا مش هحذفله مشركته

انا هحذفله عضويته بكل مشاركاته اللى كانت قبل كدا فى المنتدى ... وصدقونى فى حاجة زى دى ;)

انا محدد الردود هتقتصر على ايه فى الموضوع هنا ... يبقى ارجو ان الناس متخرجش عن نص الموضوع

طوول ما انت بتحترم قوانين اى موضوع .. احنا هنحترمك ونشيلك فى عنينا من جوا

لكن هتغلط يبقى متلومناش على اللى هيحصل

دلوقتي مطلوب من كل واحد شايف في نفسة ينفع للقسم بتاعة
يروح فية ويشوف الموضوع ويكتب فية رد بالمواصفات دية



واشاء الله

في غضون
5 او 6 ايام هايتم اختيار المشرفين

[ThehoTLine]

لو سمحت حضرتك سؤال بس ممكن تعمل الموضوع دة فى قسم الريد سى
اصلى بلعب على السيرفر

واعتقد مفيش مشرفين كفاية فى القسم فا لو سمحت
تعلم موضوع بس هناك
وانا عاوز ابقى مشرف
سنى 18
سبب الاشراف عاوز اخلى القسم نشيط زى ما الاستاذ خالد عمل موضوع مثبت هناك وقال عاوزين ننشط القسم وانا حاطط فى دماغى خطة محددة لكدة

ومتزعلش انى ادخلت فى قسم غير قسم ولكن لعدم فى الموضوع فى قسمى

تحياتى لك

[iSlaM_SolM]

انا عاوز اكون مشرف
السن :17
سبب الاشراف :هو تطوير القسم الى الاحسن انشاء الله عشان انا بحب المنتدى واى حد بيحب حاجه بيخاف عليه
ووجهه نظرى فى تنشيط السيرفر :1/ كل عضو يحاول يضع موضوع ويتبعه او اكثر حسب قدرته واى عضو عاوز اى حاجه فى الجام يسئل وحنا كلنا موجدين للرد
2/الناس فى العبه تجيب بعضها فى المنتدى واللهى دا احسن حل عشان فى ناس كتير ملهاش فى المنتديات بس لو تعرف ان فى منتدى كدا هتيجى وتشارك
3/كثرة المواضيع المثبتة بتموت أقسام السيرفرات علشان كل حاجة موجودة في المواضيع المثبتة مفروض نعمل مواضيع مختلفه مثل
دردشة .... بيانات .... فورتريس .... تحليل شخصيات ....تقييم ..... يونيكات