( ::+::+:: يــــــا صــــــــــبــــــــــاح الـــــــبـــطـــــاطــــــا ::+::+:: )

[White Angel]

( ::+::+:: يــــــا صــــــــــبــــــــــاح الـــــــبـــطـــــاطــــــا ::+::+:: )



موضوعنا الليلة ملوش دعوة بالبطاطا خالص

لكنها

قصة طريفة أحببت أن أطلعكم عليها



احنا طبعا عارفين الشباب وعارفين ان الفلوس معاهم زى الهوا
مش بيفضل فى ايديهم قرش .

وده حوار بين شاب من دووول حب يستلف من مامته 50 ج علشان يشحن بيهم الموبايل .

لكن الوالد حالف طلاق تلاته ما تديله فلوووس .

علشان كدا راح استلف من جدته .

وكان الحوار كالآتى :

هو : إزيك يا ستى .

هى : بنتى .. إيه بنتى دى يا قليل الأدب .

هو : يا ستى بقولك إزيــــــــــــــــــــــك يا ســـــــــتـــــــــى .

هى : أنت بتزعق ليه يا واد أنت أنا بافتكر بتقول بنتى .

هو : بتفتكرى إيه !! هو أنتى يا ستي حتى بتفتكرى إسمك .

هى : جسمك .. ماله جسمى يا قليل الأدب .

هو : يا ستى إرحمينا شويه بقي وشيلى الزلط اللى فى ودانك .

هى : قدامك ؟ هو إيه اللى قدامى يا واد أنت .

هو : يووووووووووووه يادى النيله .

هى : البليله .. أه البليله حلوه والله .. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .

هو : يا حول الله يا رب هو حد جاب سيرة البليله يا ناس .

هى : القلقاس ! ؟ أه بأحب القلقاس أهو كله نعمة ربنا .

هو : يا ستى ابوس ايديكي أرحميني أنا لا جيبت سيرة قلقاس ولا أناناس .

هى : لأ لأ لأ عيب يا بنى .. عيب لما تجيب فى سيرة الناس .

هو : يا ستى هو أنا جيبت في سيرة حد .

هى : أه يوم الحد كان إمبارح بس والنبى يا بنى ما أنا فاكره النهارده إيه !! ؟
يكونش النهاردة الجمعه يا واد .

هو : لا يا ستى النهارده الخميس .

هى : البوليس !! وعايز منك أيه البوليس إنت عملت إيه يا منيل على عينك ؟

هو : يييييه بقولك إيه يا ستى نفضى ودانك وطرطقيهم كده وإسمعينى .

هى : رضعينى !! أرضعك إيه ياواد أما إنك قليل الأدب صحيح .

هو : يا ستى أنا إتفطمت من زمان الحمد لله بس عايز منك قرشين كده سلف .

هى : علف !! إنت بتربى بهايم يا واد ؟؟

هو : يا ستى بقولك سلف !! سلفينى خمسين جنيه عايز أشحن التليفون .

هى : كومبيليزون !! كومبيليزون إيه يا للى مش متربى .

هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن .

هى : أشتم !! وكمان عايز تشتم يا قليل الأدب .

هو : بقى كده يا ستى طب ماشى خدي عندك بقا !!
بقولك إيه يا ستى .

هى : وظيفتى .. وظيفة إيه يا بنى أنا طالعه علي المعاش من زمان .

هو : رمان إنتى عايزه يا ستى تاكلى رمان .

هى : أه نفسي في السمان ..
هو فيه سمان دلوقتى يا بنى من بعد أنفلونزا الطيور .

هو : أه العبور !! أه ده كان سنة تلاته وسبعين .

هى : سامعين ؟؟ سامعين إيه خير الله إما إجعله خير هو فيه حاجه .

هو : بتقولي ايه يا ستى ..عايزة قهوة سادة .

هى : عياده .. عايز تودينى العيادة ليه يا بنى هو أنا عيانه .

هو : صقعانه .. صقعانه ليه بس يا ستى دا حتى الجو النهاردة حر .

هى : كفالله الشر !! شر إيه يا بنى اللى بتقول عليه ده .

هو : بقولك إحنا على البرررررررر .

هى : أه يابنى منا عارفه الخروف ليه فرو ..
وبيبقي كمان تخين .

هو : أه إبنك حسين !!..ماله إبنك حسين .

هى : العجل سمين !!
أه هانجيب إن شاء الله في العيد عجل ندبحه ولازم يكون سمين .

هو : إيه يا ستي بتقولي ايه .. أسفين .. طب أسفين ليه !!

هى : عايز خمسين جنيه !!
طب مش تقول كده من الأول هو أنت مكسوف منى يا واد ههههههههه .

هو : ياااااااااااااااااااااااه أخيرآ يا ستى الحمد لله .. هاتى بقى .

هى : أجيب إيه ؟

هو : هاتى الخمسين جنيه !!

هى : تحسين بيه .. تحسين بيه مين يا واد .

هو : يالاهووووووووووووووووووووووووى .

صـــعــبـــــان عـــــــلــــيـــــــا أوى

أنا بتهيألي ان نهايته لازم تكون في مستشفي الامراض العقليه دلؤقتى.

[Step_By_Step]

ههههههههههههههههههه نفسها في السمان لوووووووووووول
شكرا يا باشا

[HellZone]

ههههههههه
كنت قتلتها و انتحرت بعدها احسن :giveup:

[_NeRo_]

هي حلوة جداً بس مكررررة كتيرة جداً بس متشكرين

[Ahmed_Nagy]

يا عم أنا لو مكانة كنت بعت الموبايل

[gadanfar]

هههههههههههه
شكرا يا مان جمبلة موت

[MoST_WanTeD]

فعلن مكررة بس شكرا

[White Angel]

نورتم التوبيك
ممكن تكون مكررة بس لما بحثت لم أجد شيئاً مشابهاً
شكراً لمرورك

[kgk]

رمضان كريم

[poiu]

هي حلوة بس هي مكررة و كنت هعملها بس أولت بلاش عشان مكرره

[GoldPhoenix]

ههههههه
دى طالعه من الترب بكفاله

[mobes]

حلوة جامدة شكرا

[amr159951]

ههههههههههههههالفكرة مكررة لكن التوبيك نفسه روووووووووووووعة

[Controlled Black]

هيا جميله بس متكررة بعدد شعر راسك و بعدد البنات الي انا عرفتهم

[iBorn2OwnU]

ههههههههه حلوة