الفرق يبن الاسكندرانيه و القهراويه

[AleX_BoY]

نهارده موضوع عباره عن شويه فروق بيناالا سكندرانيه وبين اخواتنا وحبايبنا المصاروه "اللى من القاهره يعنى"

فى القاهره : ايه ده الحاجه دى "جامده اخر حاجه"

فى اسكندريه : ايوووه الحاجه دى جامده اوى

فى القاهره : انا مش نمت من امبارح "تحس انك بتكلم طفل"

فى اسكندريه : انا منمتش من امبارح "ناس جد الجد"

فى القاهره : انا هشوف الموضوع ده

فى اسكندريه : انا حشوف الموضوع ده

فى القاهره : استيكــه "اللغه العربيه واخده حقها شويه معاكم" وقال كمان مساحه "بلدى بلدى يعنى"

فى اسكندريه : جومه عادى خالص جومه

فى القاهره : صباعى "ياعينى عليك يابنى"

فى اسكندريه : صوبعى اهى مفيهاش مشكله فله شمعه منوره اهى

فى القاهره : الزمالك عمل ايه النهارده الاجابه كيسب

فى اسكندريه : عادى الزمالك كسب ليه نزود حروف وخلاص مش لما نقدر على الكام حرف اللى عندنا نبقى نزود

فى القاهره : جلابيه "كلمه مبالغ فيها"

فى اسكندريه : عبايه "زى الفل"

فى القاهره : يقولك ميكروباص "ثقافتك انجليزى اوى يا عمنا micro bus"

فى اسكندريه : بنقول مشروع "شجع لغه بلدك"

فى القاهره : قال ايه اوطه يااااااااااااااى "دى كلمه من السبيعينات اصلا واتلغت بقالها "100سنه

فى اسكندريه : طماطم "جايه من كلمه توماتوز يا جماعه لازم يكون عندك ثقافه انجليزى برضه"

فى القاهره : خمسين قرش "الرياضه واخده معاكم حقها اوى يا اخواتى"

فى اسكندريه : نص جنيه "اهى يا جدعان فيها ايه زى العسل اهى"

فى القاهره : قال ايه يا اخويا يقولولك لبان " والنبى انا لو دخلت سوبر ماركت اقوله هات لبانه واللهى يطرنى بره المحل

فى اسكندريه : مستيكه "شايفين الاسم كله مازيكا"

فى القاهره : (سد الحنك) على رأى عادل امام يا خراااااااااااابى وبيجيلكم نفس تاكلو حاجه اسمها كده

فى اسكندريه : (حلاوه دقيق) شايفين الاسم متدلع ازاى يعنى دى الحلاوه بتاعه الدقيق

فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات

فى الاسكندريه : جبنه مثلثات عادى ماهى شكلها كده مش بنتفلسف احنا

فى القاهره : (جبنه رومى) دى على اساس انها بنت عم الديك الرومى

فى اسكندريه : الجبنه مصدرها من تركيا يبقى اسمها جبنه تركى ولا ايه يا جماعه

فى القاهره : قال ايه طعميه ويجى واحد يتفلسف ويكتبلك طع100 ناس فاضيه

فى اسكندريه : فلافل معروفه طول عمرها زى ما فى روميو وجوليت فيه فول وفلافل

فى القاهره : يقولوا ايه فول بالزيت حار "اكيد بيجيبو الزيت ده من العربيات"

فى اسكندريه : فول بالزيت والليمون مش بنحب ننكر حق حد زي ما نقول الزيت نقول الليمون

فى القاهره : يقولك ايه على البمبونى (ارواح) انتم الاطفال عندك طالعين من بيت الرعب ولا ايه عادى دى المفروض حاجه للاطفال يعنى اسمها يبقى لايت بمبونى زى عندنا فى اسكندريه

ولا فى الصيف بقى ينزلو بسلطاتهم ببابا غنوجهم ويقرفونا بقى زحموا القاهره لغايه لما عملوا دوله مع حالهم جوه القاهره واتقسمت 4 محافظات باين ولا ايه مش عارفلهم الصراحه وجايين يبوظوا بقى احسن حته فى مصر ويزحموها ولا لما ينزلو البحر البحر بيبقى عادى زى باقى البحور لونه ازرق فله شمعه منوره فجأه وبقدره قادر يبقى لونه بنى حاولت جاهدا ان اجد تفسير للحكايه دى مش لاقى

فى النهايه احب اقولكم القهراويه دول حبايبى حبايبى بحبهم موت موت موت موت
بس محدش يزعل منى انا واللهى بموت فى القاهره ةاهل القاهره واللهى اجدع ناس

[abdoevilman]

ههههههههه والله عندك حق انا من واحد من الناس من الاسكندريه مبنزلش بسببهم ولغتهم عجيبه طعميه طع100 ههههههه خفه تقبل مروري وسلاملي علي الاسكندرياه الزاي بعض واحنا زاي بعضينا قشطه استاذن انا يا عسل

[W0LVeRinE]

ههههههههههههه في حكايه البحر دي انا معاك انا من القاهره بس معاك في دي
وعلي فكره اسمها نص جني مش نص جنيه

[Ahmed_Nagy]

شكلكو كده من أسكندرية على العموم الجنيه أسمه جنيه و مطبوع على الورقة كلمة جنيه إيه بقى جني ديه ؟؟

و على فكرة على حد معلوماتي تركيا هي الرم زمان أوي و الله أعلم
ف عادي الجبنة الرومي الجبنة التركي مفرقتش كتير
على العموم شكرا للموضوع

[هتلر]

مشكورررررررررررررررررررر

[HiGhVoLTaGe]

والله عندك حق

[lnsr2000]

مظبووووط
كلامكAleX_BoY

[dondosh]

كلامك ملهوش اي لازمة خااااااااالص
علي كدة انت بتقول ان الاسكندرانية ارجل من بتوع القاهرة... تلاقيك من اسكندرية
ارجو غلق الموضوع و شكرا

[QeRa]

الجنيه

الاسكندرانيه : عاوز بجنى لب يا عمونا

القاهرة : بجنيه لب من فضلك

الشاى

الاسكندريه : كوباية شى يا بن عميــــى

القاهره : كباية شاى من فضلك

احنا لغتنا احسن طبعا فى القاهره

و على فكره احنا بنقول اوطة مش طماطم

[QeRa]

و يا ريت الموضوع يغلق

[HeeMa]

واضح انك عمرك مكلمت واحد من القاهره وجهاََ لوجه
الكلام ده من 10 سنين مش دلوقتي
خمسين قرش اتلغت
ارواح اتلغت
نستو ديه للفلاحين

[_NeRo_]

ههههههههههههه طبعاً كل كلامك غلط 100% كل الكلام ده سعات ناس من القاهرة عادي بيقولو ده وده عادي
و بعدين كلنا اخوات يعني يا جماعه و الموضوع يتغلق ليه بس موضوع هزار و ضحك مش اكتر
و فيه حجات انا اول مرة اسمع ان احنا بنقولها كده صراحه يعني

[commando133]

انا شايف ان الحكاية عادى وبعدين مش اللغة اللى حتحدد مين اللى احسن و بعدين الراجل بيهزر

ما الصعيدة لغتهم مختلفة والفلاحين كمان والبدو نفس الكلام و بعدين خدوا الموضوع بهزار احنا كلنا مصريين

متكبروش الموضوع ارجوا عدم غلق الموضوع ده هزار

[™_Dev!L_™]

ههههههه انا من الاسكندريه بس كل منطقه و ليها لكنتها في الـكلام
عادي يعني
شكرا

[HellZone]

قديم اوى
اية يا عم الحاجات دى القاهروية اتغيرو من زمااااااان