ام محمود.. يخرب بيت ام محمود

[kiko200562]

السلام عليكم يا شباب


وصباح الورد عليكى ياsilkorad4arabأسمحولى اتكلم بالبلدى كدا والبلدى يوكل و وحد يشغلنا اغنية شيال الحمول يا صغير.. ودوقى يا مزيكا
كلنا مخنوقين ومضيقين ومش طيقين دبان وشنا من اللى بيحصلنا الايمدى بنزين وحركات وقلة ادب يا راجل دا احنا حقنا اتاكل وبنضرب بالدزمة وبنقول كماااااااااااان


المهم علشان اختصر حصلى موقف حبيت احكية ليكم


انا من سكان حى الهرم المحترم قوى قوى قوى قوى ولو حد لية اى رائى تانى يقابلنى على اول شارعنا ...
والمصيبة كلها بقى فشرعنا دا
اه والله شارع ابن نكتة كلة ضحك .. المهم عندنا واحدة بتبيع جرايد ست غلبانة قوى اسمها ام محمود وبتبيبع بيبسى وكولا وشكولاتة ودلع يا معلم ودلللللللللع
المهم هفتنى فيوم انزل اجيب فيروز واظبط نفسى وادلع كدا قدام الكمبيوتر واشغلى فيلم من اللى بالى باللك واعلى الطاسة(فيلم رعب يا جدعان بطلوا التفكير الوحش دا )
وهوبا نطتيت فى الحتة البرمودا وهوبا على الشبشب ابن الجنية واخدت بعضيتى زى الشاطر وادحرجت علىالسلم وعلى ام محمود رشق اهى ااقرب واحدة منى وزى العسل اصلا الست دى بتعتبرنى زى ابنها
روحت وقفت عندها لقيت عندها .. واحد جرنا لواء فى الشرطة يا لهوى يا ام محمود لية كدا يا ولية عملتى اية تانى مخدرات يا ولية عيب وانا كل دا شغال فمخى الزبالة وعمال اقول فنفسى لييييييييية يا ولية ليييييييية هجيب كادبورى ومورو منين من بعدك لييييييييية يا ام بيبوو لية يا ولية عيب .. روحت هناك
السلام عليكم
قالتلى وعليكم السلام يا استاذ ازيك
قولتلها تمام تمام
ولقيت سادة البية اللواء بصلى حتة بصة.. قولت بس اكيد السكسبيح اللى فركبى بان ودا سبب بصتة ليا
طيب هيرمى السلام بقى عليا استعد يا ولة
ولا عبرنى
طيب هيقولى ازيك
ولا عبرنى
قررت انى اخد موقف جامد جدا
وبصوت جبار
قولت لام محمود
اية يا ام محمود مفيش فيروز ساقعة ولا اية
قالتلى عينى
وجبتهالى قولت احسن بدل ما كنت اتعصب اخدوا بالالم على وشوا
وهيا جاية عمالة تقولى وانا عندى اغلى منك وارخص منك وكلام غريب كدا
قولتلها شكرا يا حجة وادتها الفلوس وقالتلى ثوانى افكللك وفجاة الجبانة..
وقالتلى شوفت يا استاذ عمر شوفت اللى حصل مش غلوا البنزين
وانا فمخى اللة ينتقم منك دا لواء يعنى مش امين شرطة يعنى مش هعرف اقولة بم ولا عن
وهيا تقول حكومة بنت .. وانا اقولها لا يا ام محمود متقوليش كدا يا ام محمود جيبى الباقى متاخر
وديا تقول
وتقولى انتا عارف لو بيصلوا
وانا اقولها اااااااااااااه لا مش عارف
كانوا راعوا رابنا يابنى
وانا اصوت داخليى وركبى بتطرقع على الجيران
وايوة يا ام محمود الباقى وحياة ابنك محمود خلي اليوم دا يعدى
وفجاة عم الاسد اتكلم
وقالها لية يا امحمود انتى عندك عربية علشان تسوقيها
وانا هنا ضحكت بقى
ههههههههههههههههههههههههههههههههههههه
اصلوا كان سوال غبى
هههههههههههههههههههههههههههههه
بتاعت جرايد عندها عربية ... منين هتجيب فلوسها هههههههههه يا حمار انتا
ههههههههههههههههههههههههههههههه
اه عندها عربية والله نص نقل شيفيرولية ومحدش يتريق وهيا اللى بتسوقها سعات او ابنها بيجبوا فيها الجرايد
قالتوا ايوة يا خويا والواد راح يمونها وقالى يا اما جيبى فلوس زيادة لان المواكيس علوا الاسعار
وانا اصوت عاوز اقولها دا لواء مش اخوكى دا ممكن يصقف يوقع علينا مية نار مغلية من السما
وديا ترغى
ومسكانى من ايدى اللى بتوجعنى الباقى يا ولية انتى
وهيا ولا هنا
وتقاوح مع اللواء ربنا يجعل كلمنا خفيف علية
وتقولة وتشتم وتهزق والراجل مبتسم وباصصلها هيا وفجاة بصلى
وانا عاوز اقولة احنا هنعزل يا باشا
وقالها طيب يا ام محمود ربنا يباركلك فى الكشك بتاعك يلى سلام عليكم
قولتلة بعلو صوتى
وعليكم السلام ورحمة الله وبركاتة
انصرررررررررررررررررررررف
اولعععععععععععععع
رووووووووووووووح الحلاوة حلاوة الروح
روووووووووووووووووووووووووووووووووح
دا طبعا فسرى كلة
المهم بكل برود
قولى يا بشمهندس
وانا ايييييييييييييييية اخلصى وديتنا فداهية الراجل قالك خالى بالك من الكشك دا هينفخك ههههههههه هينفخك يا ولية انتى وولادك
بتقولى يا بشمهندس مش دا جاركم هوا منفوخ لية
قولتلها علشان لواء
قالت فجاة .. طيب
اخدت الباقى ومشيت .. ومخى بيقولى طيب طيب اية
كانت من دقيقة ثوراجية وعمالة تزعق وتتكلم وتلعن وتسب
وفجاة لما عرفت انوا لواء قالت طيب وخلاص
معلقتش لية
ومين فينا اللى كان جبان اصلا
انا ولا هيا
بس انا اصلا مبتكلمش كتير فى الشارع مش علشان حاجة بس علشان شخصيتى كدا بهزر مرتين تلاتة مع اصحابى وباقى اليوم بحب اسمع واشوف تصرفتهم
ومع الناس كلها كدا عمتا
رد فعل ام محمود كان غريب قوى
مقالتليش وسايبنى بتكلم قدامة كل دا ولا دعت علية ولا حاجة
مع ان الست دى معروف عنها دعها اللى بيجيب مفعول فظيع انا لسة منزلتش من البيت لحد دلوقتى علشان مكسل مش اكتر
بس هنزل ابص على الكشك
ياريت يا شباب حد يفهمنى هيا قالت طيب لية
خوف ولا زهقت وعارفة ان مفيش حاجة هتحصل
ولا اتصدمت ولا فى اية اللى حصل لانى مفهمتش
والسلام ختام يا احسن شباب وعلى فكرة انا بموت فى تعليقتكم الساخرة

الموضوع منقول من شاب زى العسل