|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
|
أدوات الموضوع | انواع عرض الموضوع |
30-07-2010, 07:22 PM
|
#1 | ||||||||||
  
|
بســــــــــــــــــمـ اللــــــــــــــه الرحمــــــــــــــــــــــن الرحيـــــــــــــــــــــــم في الاول ياريت تشوفوا الفيديو الصغير ده عشان تعرفوا الغرض من التوبيك وان كلامي من الواقع مش تخيلات عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] Iam_Muslam : يه يا برنس مش ناوي تبطل سجاير بقي؟ .. صحتك يابني واحد من الناس : منا بدخن بقالي 10 سنين ومتهزليش شعرة وفوق الستين بيدخنوا وبعدين الاعمار بيد الله Iam _Muslam : منتا عارف ربنا اهو محدش قالك ان التدخين حرام ؟؟ واحد من الناس : مين قال حرام ؟ امال المخدرات ايه ؟؟ وبعدين هاتلي ايه او حديث بيحرموا التدخين ................................................ المشهد الثاني :ـ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] Iam_Muslam :مش ناوي تتحجبي صح بقي يا بنتي بدل الفتنة اللي انتي فيها دي ؟؟ واحدة من الناس : طب منا محجبة اهو ! Iam_Muslam:مش ده الحجاب الصح المفروض الحجاب يستر كل مفاتنك ومحدش يعرفك منه واحدة من الناس : هاتيلي ايه او حديث بيقولوا ان حجابي ده غلط ................................ المشهد الثالث :ـ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] Iam_Muslam : وا انتا مبتشيلش السماعات دي من ودنك ؟؟ الابن : هيا ودني ولا ودنك ؟؟ انا تاعبك في حاجة . Iam_Muslam:نتا متعرفش ان الاغاني حرام ؟؟ الابن : هاتلي ايه او حديث بيقولوا كدة . ........................................... المشهد الرابع والاخير :ـ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] الابن الصغنن:بابا هوا صحابة النبي كام واحد ؟؟ Iam-Muslam : !! الابن الصغنن:طب هوا النبي عمل كام غزوة??? Iam_Muslam !! الابن الصغنن: طب هما مين اولو العزم من الرسل ؟؟ Iam_Muslam : !! الابن الصغنن:مين العشرة المبشرين بالجنة Iam_Muslam : !! الابن الصغنن:طب انا سمعت الشيخ في الجمعة بيدعيلنا نشرب من حوض النبي ؟؟ ايه شكل الحوض ده؟؟ Iam_Muslam :!! الابن الصغنن:طب لو فاتني العصر ودلوقتي وقت المغرب اصلي العصر الاول ولا المغرب Iam_Muslam : !! الابن الصغنن:طب هوا مين لاعيبة الاهلي ال11 ومين الاحتياطي ومين المدرب وخدوا كام دوري وكام كاس ؟؟ Iam_Muslam : و تريكة وبركات ووائل جمعة و............................................... انا عارف اني طولت في المقدمة !! بس الموضوع اكبر من توبيك في منتدي احنا امتا هنعرف حاجة عن ديننا غير استخدامنا اليومي اكترنا عارف ان في خمس صلوات في اليوم ( وفي بيصليهم غلط ) بس لو سألت واحد دلوقتي ايه احكام الطهارة وايه منقضات الوضوء مش هيعرف متعرضتش لموقف ان مامتك او اخوك الصغير ييجي يسألك سؤال محرج زي مين اللي هيحارب اليهود قبل يوم القيامة المهدي ولا سيدنا عيسي ؟؟ انا ياما اتعرضت لمواقف من دي وفي الغالب مكانش عندي رد ليه ؟؟ لان احنا ماشيين بمبدأ من قال لا اعلم فقد افتي وكلنا بنقول لما نكبر هنعرف ونتعلم ونتوب ونقرا كتب طب حد فينا ضامن عمره ؟؟ حد ضامن يعيش لحد رمضان ؟؟ امال ليه بندعي ربنا يبلغنا رمضان ؟؟ ليه كل واحد فينا ميبقاش داعية في اهل بيته وفي نفسه اولا؟؟ ليه منتعلمش عشان لو اتسألنا يبقي عندنا رد ؟؟ الصحابي اللي كان بيتحط صخره علي صدره او بيتجلد لو كان ارتد ( معاذا الله طبعا ) ورجع عن دينه مكانش وصلنا حاجة من الدين ومع ذلك منعرفش حتي اسامي عشرة من 114000 حسب ما العلماء قدروا عدد الصحابة ليه سايبين كل حاجة للدعاة ؟؟ هما هيكفوا مين ولا مين ؟؟ وبعدين احنا مش عجزة ؟؟ ليه منتعلمش تجويد وكل واحد يعمل مقرأة في اهل بيته ولو حتي صفحة يوميا ؟؟ هتقول ايه لربنا يوم القيامة لو اتسألت عملت ايه لدينك ؟؟ هتقول كنت بذاكر ؟؟ طب خلي المذاكرة تنفعك !! احنا بنقضي في المتوسط 15 سنة تعليم في حاجات اغلبنا مش بيفهمها وبينساها ومش قادرين نقرالنا صفحة في كتاب يوميا عشان مفيش وقت والكلام صعب !! معلومة بسيطة : الشيخ محمد حسان خريج اعلام العلامة الحويني خريج السن قسم الماني ! الشيخ محمد حسين يعقوب مدرس حتي الدعاة الجدد ( مع اني دايما بختلف معاهم ) عمرو خالد خريج تجارة معز مسعود خريج اقتصاد مصطفي حسني ادارة اعمال يعني مفيش حد منهم بدأ حياته داعية او اتولد عالم او حتي خريج ازهر وفي نفس الوقت ده موقفش قصاد دراستهم ياريت نعمل حاجة لنفسنا عشان ييجي علينا الوقت اللي منحتاجش ندخل فيه علي النت عشان نعرف معلومات بسيطة عن ديننا وعشان قدام ربنا نقدر نلاقي حاجة نرد بيها لما نتسأل عن عمرنا فيما افنيناه وهفكرنفسي وافكركم بحديث النبي عن سهل بن سعد رضي الله عنه أن رسول الله صلى الله عليه وسلم قال يوم خيبر لعلي رضي الله عنه " فوالله لأن يهدي الله بك رجلاً واحداً خير لك من أن يكون لك حمر النَّعَم". رواه البخاري، ومسلم . حُمر النَّعم : الإبل الحمر، وهي من أنفس الأموال عند العرب. __________________________________________________ ______________ ملحوظة : رمضان داخل علينا والشيطان كان شادد حيلة افترة اللي فاتت وعلمنا 108 مسلسل ياريت نشد حيلنا الكام يوم الجايين ونشتغل ربع شغله عشان نجهز لرمضان لان مفيش حد بيقدر يدخل مرة واحدة علي صيام وصلاة جماعة وتروايح وقرأن لازم تعود نفسك من دلوقتي |
||||||||||
|
التعديل الأخير تم بواسطة Iam_Muslam ; 30-07-2010 الساعة 08:30 PM
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| مش عايز اتقل عليكم اللي مش هيساعد مش لازم يتعب نفسه بالدخول | THE DARK ONE 22 | قسم المواضيع المكررة و المخالفة | 14 | 16-04-2010 04:36 PM |
| |--*¨®¨*--| اللى فاكر نفسه طويل يجيى يورينى نفسه |--*¨®¨*--| | Un_Wanted | بـعـيـدآ عـن سـيـلـك رود | 2 | 20-03-2010 07:04 PM |
| هما كلمتين : لازم تخش | lovemepls | قسم المواضيع المكررة و المخالفة | 32 | 22-12-2009 12:45 PM |
| اللى فى بابل يطلع لى بره | semry | قسم المواضيع المكررة و المخالفة | 11 | 19-05-2008 01:20 AM |
.gif){kind=icon}
العرض الشجري