اتبرع ولو 1 جولد لمصرى مبتدىء

[ابوسيف2007]

بسم الله الرحمن الرحيم
يارجاله ياريت تشاركوا معايا فى الموضوع ده ياجماعه ايه رأيكوا لما كل واحد مش محتاج يساهم بأى حاجه ممكن لبس هو مش محتاجه وممكن سلاح برضه واى حاجه انشالله 1 جولد وهيكون ليه الثواب عند الله يارجاله انا فعلا والله لقيت مصريين كتير فقرا جدا جوه اللعبه وانا عمتا بساعد اى شخص حتى اللى معايا فى الجيلد بتاعى وانا بصراحه برضه لقيت ان الفكره دى هتجمع المصريين كلهم اللى فى السرفر بتاعنا وكمان ده غير الثواب اللى انتا هتاخده .
وانا عمتا هاكون اول من يشارك فى الموضوع وده الميل بتاعى could_angel
واى حد عايز اى حاجه يكلمنى انا اسمى عبدالرحمن من القاهره.
معلش انا طولت عليكم.




شارك برد او موضوع لكن متكونش شخص سلبى

[mid0oo2010]

اتمنى ي حبى انى اساعد والله
بس انا
ضربان فى الفلوس وما بينزليش ايتيمز :d
ولما بينزل بيطلع مش بتاعى :d
بس انا ممكن اساعد اى حجد يطلب منى حاجة فى اللعبة من تلفيل او فلوس ان قدرت لو كان معايا او اى حاجة
انا معايا حاجات لفلات صغيرة لو حد عايز

[ابوسيف2007]

شكرا يا ميدو واحنا مش محتاجين منك غير اى حاجه انتا تقدر عليها زى انك تعمل تاكسى ببلاش او انشالله حتى تتبرع بجولد واحد بس هيكون فى حد هيستفاد بيه

[hell2010]

lol يا مان انا بردوا معيش فلوس معايى 2k حديك 1k و اخلى التانى علشانى

[lovelyag1]

موضوع حلو بس اعرف منين ان الشخص ده يتساهل يا مان !!
انا اتسبيت و اتلعنت و كان كلهم مصرين لو فيه حد محتاج مساعده
يبقى للناس الى نعرفها ف الجيم و متخدش الجيم ده بجد اوى
دى مجرد لعبه فا مش هنفول فقير و غنى فيها

[DR\Walid AbaZa]

اولا شكرا ياعبدوعلي الموضوع الجميل بس انا لرايي اولتهولك ابل كدة ان الي بيحتاج مساعدة بيعمل موضوع والي بيقدر يساعد بيرد لكن كدة في ناس حاتاخد حاجات من غير ما تكون محتاجة وزي ما اولتلك ابل كدة ابو بلاش كتر منة:D
وعشان نضمن ان الدعم وصل لمستحقية :D:D:D

[ابوسيف2007]

اولا انا متشكر ليكوا كلكوا انكم رديتوا على موضوعى

[ابوسيف2007]

ثانيا يا جماعه انا بقول اللى محتاج يعنى مثلا لو لقينا شخص فعلا محتاج بس احنا نعرفه كويس ليه بخل عليه واقل مثل على كده انا والله ساعدت شخص ب 300 ك وولف ولايه دلوقتى الشخص ده بيعمل المستحيل علشان يعلى فى اللفل بتاعه ويردلى الجميل وانا معاكوا برده انه ممكن الشخص ده نادرا لما نلاقيه دلوقتى بس ممكن اكيد هنلاقى كتير بس انا كل اللى بقوله ان لما نلاقى شخص فعلا محتاج لمساعده ومساعدناهوش يبقى احنا مش مصريين وعلى رأيى المثل اعمل الخير وارميه البحر .

[ابوسيف2007]

انا عارف يالفلى ان احنا فى جيم مش فى الحقيقه بس الجيم اللى انتا بتتكلم عليه ده مقارب بنسبه 50% للحقيقه وانتا لو دورت فى اللعبه هتلاقى فى اشخاص اغنيا اووووى وبرضه هتلاقى اشخاص متوسطين وبرضه هتلاقى ناس فقرا جدا

[ابوسيف2007]

شكرا يا هيل على المساعده الجامده دى وانشاء الله ال 100ك دوول يتعوضولك ب 1مليون

[mid0oo2010]

ي جماعة انا هعمل تاكسى ببلاش وهساعد اى حد فى تجارة حتى لو كان حرامى ونعمل تجارة سوا والمكسب بالنص وانا مستعد من دلوقتى بس الامتحانات قربت اوى فربنا يستر :d

[ابوسيف2007]

انا متشكر ليك ياميدو انك هتساعد وانا معاك فعلا ان الامتحانات خلاص قربت ويارب يوفقك ويوفقنا كلنا يارب

[الأمير القاتل]

يا جماعة أنا محتاج مساعدة والله أنا عايز واحد جدع يساعدنى فى حاجات كتير
أنا معيش الا اللبس والسلاح بس وماشى ربنا يعلم بى