استفسار هى جوى ماكس ماسونية صهيونية

[احمد ناصر]

بسم الله و السلام عليكم
يا اخوانا انا عايز اشحن سلكات و بريميم و هيصة و متخفوش انا مش حمار عمرى ما حدفع قرش ساغ واحد فى اللعبة
انا حبيع جولد و من فلوس الجولد اشحن لان الفلوس مش لعبة دى حاجة مهمه و حنتسئل عنها يوم القيامة

المهم اللى حنتسئل عنه بجد لو قلنا ان اللعبة دى يا اخوانا لو طلعت ماسونية
لان انا شفت منظر الجامع اللى بيتداس عليه بالرجلين فى البينون طبع اهانة للاسلام

غير كده مش عارف ممكن تكون شركة اسرائيلية او بتتعامل مع اليهود و كده يعنى و بصراحة خايف

[hashoooom]

كلامك مظبوط
ومتنساش كمان انها فاشية وامبريالية وعميلة

وعجبي

[احمد ناصر]

يا عم بقا بطل هزار انا بكلم بجد ..
هى ماسونية و بتعامل مع اسرائيل و لا لأ ..
يعنى واحد كده و عايز فلوس عشان عايز اشحن بريميم و خايف من ربنا ..


انت عارف يعنى ايه فاشية .. دى خلصت من زمان

[™_Dev!L_™]

لا عشان المخترع كوري
تم الرد

[احمد ناصر]

مش فاهم بردوا ..

[احمد ناصر]

طاب و هم الكوريا يعنى وحشيين كدا و بيحبوا الفلوس للدرجة دى ده حتى بتوع كوريا مش محتاجين فلوس

يعنى تفتكروا ليها علاقة بالماسونية

[احمد ناصر]

اصل خلوا بالكو ممكن تكون بتتعامل مع الماسونيين عشان اليهود مسيطريين على كل حاجة فى الدنيا

[sherif5600]

لا يارجاله الشركه كوريه الأصل و متانسوش ان الحنه العند البنون ديه موجوده بس مش بالحجم ده... و اصلاً ديه حاجا حلوه شوف الجامع الكبير ده .. ده كده بيغظم الأسلام اكتر.... و بعدين لو الشركه كده مكانوش عملوا Heros of alexandria عشان heros of alexandria بتعظم في مصر !!

[Curse_master]

يا جماعة أنا مش عارف مين بيزرع الأوهام دي في دماغكم ..... اللعبة دي تم تصميمها من قبل الشركة الكورية جوي ماكس الشركة لها عدد كبير من حاملي الأسهم من كل الجنسيات ولكن مجلس الإدارة غالبه من الكوريين .... اللعبة طبعاً هدفها الأول والأخير الربح وده مش عيب ..... والكلام ده اتكلمنا فيه كتير وقلنا ان الجامع في taklamakan ده كان في تركيا وفعلاً غمره الثلج من فترة كبيرة ولكن مش القصد التريقة لأن صدقني لو فيها أي تريقة على أي دين من الأديان أنا ملعبهاش ...... شيل الأوهام دي من دماغك وإن كنت منصحكش أنك تدفع فلوسك عاللعبة دي لأنها راحت أو جت لعبة تافهة ..... تم الرد .... يغلق