الحب الاول

[STRQUEEN]

هبتدى بحاجه بسيطه اوى بشويه حاجات كلنا حسناها وعشناها مع اول حب عشناه وحس بيه قلب كل واحد فينا الحب الاول .....
من منا لم يقع فريسة الحب الاول ... من منا لم يتمتع بهذا الالم اللذيذ وعاش يرسم اجمل احلام بارض الاحلام ... من منا استطاع ان ينسى اول لمسة يد عندما كان يشبك اصابعة باصابع حبيبة .... من منا استطاع ان ينسى تلك اللحظة التى مرر فيها اصابعة بين خصلات شعر حبيبة ..... من منا استطاع ان ينسى او مرة سمع فيها حروف كلمة ( بحبك ) عندما سمعها او عندما نطقها
من منا استطاع ان ينسى اول مكان جمع بينة وبين حبة الاول
فى يوم شوفت فيلم الوساده الخاليه طبعا هو فيلم جميل جدا بس اول جمله كانت على التتر هى الجمله دى : ( فى حياة كل منا وهم كبير اسمة الحب الاول )
دى اول جمله كانت فى فيلم الوساده الخاليه بتاع عبد الحليم وزبيده ثروت طبعا الكاتب هو احسان عبد القدوس والمخرج كان صلاح ابوسيف .
طبعا قعدت افكر فى الجمله وبصراحه وقفت كتير عند الجمله وسالت نفسى ؟!
هل الحب الاول وهم ام حقيقة وهل يستحق فعلا منا ان نتذكرة الى اخر العمر ؟
هل اذا عشنا لحظات مع الحب الاول نكون خائنين لشركاء حياتنا الواقعين ؟!!!!
فى الواقع ان الحب الاول هو اجمل حقيقة لانة اذا كان وهم فما الذى يجعلك تتذكرة بعد ان مر علية وقتا كبيرا وقد تزوجت و انجبت و نجحت بعملك و كونت ثروة وتاكل افضل الطعام ولكنك تبقى متعطشا لاول طعام تناولتة مع حبك الاول حتى وان كان حتى ولو كان 2 فول من عربيه الفول اللى فى الشارع او شويه ترمس وسودانى على الكورنيش ويسلام بقى لو شويه حمص الشام ؟! و اول هديه جبتها لحبيتك فاكرها طبعا وفاكر كانت ايه وتلاقيك شيالها وبرضه فاكرين اول هديه جتلنا وقد ايه كنا فرحانين بيها !!!

فالحب الاول هو حقيقة باقية ولكنها حقيقة بقلوبنا و مشاعرنا بداخل صندوق الامانى التى لم يسمح لها القدر ان ترى النور
ولكننا اذا استعادنا الحب الاول بداخلنا و عشنا للحظات معة و ابتسمنا بعد ذلك هل بهذا نخون شركاء حياتنا ؟!!
بالطبع سياتى ضمير النفس ويقول انك تخون بالفكر فى طرف اخر ولكنى ارى .... انة لا توجد خيانة لانة شى مضى ولكنة حى بداخل الشخص فاذا حاسبنا كل شخص عن خيانتة بالتفكير فى حبة الاول سيقف كل العالم امام (محكمة الغرام) ليسالة( قاضى الاخلاص) عن سبب خيانتة الفكرية ومن ادرانا وقتها ان القاضى نفسة لا يفكر فى حبة الاول ؟؟؟!!
فالحب الاول هو الشئ الموجود و بداخلك و ملكك بينك وبين نفسك فقط
وكل واحد ورايه فى الموضوع ده
والصراحه راحه


تحياتى
strqueen