موضوع نقاش علي اللعبة

[mohamed_200]

ممكن اسال سؤال للناس كلها

انت الي يخليك تدفع فلوس علي لعبة ؟

يعني انا اعرف ناس فيه السيرفر عندنا مصريين


كل شهر premium plus+ Gold Ticket + New Avater + pet + global +Devil


طيب منين كل داه ؟ وحتي يعني الي يخليك تدفع فوق ال 300 جنيه علشان لعبة ؟


طيب مانا اقولك حاجة متروح تشتري بيهم هدوم ليك او يا جدع حتي لو ذكيت بيهم


يا جماعة فوقوا انا عندي 2 Chars


واحد warrior lvl 110


واحد wizz lvl 94 والله العظيم يا جماعة ال acc wizz داه عمري مشحنت عليه كتير للدجة دي هي بس premium


واحدة كمان والاكونت ال 110 شحنت عليه كتير بس انا فوقت واتندمت اصل مش معقولة اجيب 110 وعمري مشحنت

silk دي عمرها متحصل يعني فوقوا يا جماعة وعلي فكرة اللعبة دي اصلا صاحبها راجل يهودي


الي يخليك تدفع فلوس فيها داه حتي انا شفت موضوع فيه التليفزيون علي من عمر اديب اللعب ال online

حرام 100 % انك تدفع فلوس فيها ياريت يا جماعة تفوقوا فيه الاول والاخر اصلا اللعبة دي يهودية


انا عمري مهشتري silk تاني اصلا كفاية كدة حتي لو lvl 120 . 130 .140 نزلت بردوا مش هشحن


ارجوا الردود والمناقشة فيه الموضوع داه

[omer_mido_]

هو اليهودى كافر ؟
ولا انتا اصدك اسرائيلى ؟
هو انتا معاك حق ان احنا منشحنش سيلك
انا عن نفسى بقالى 4 سنين مشحنتش 1 جولد او 1 سيلك

[BlueSky]

هسألك فى سؤال
انت ليه عملت موضوع جديد و فى موضوع كده فعلا
ثانيا كلامك مظبوط انك تصرف عاللعبه حرام بس هو انت يعنى لازم تصرف عشان توصل
انا جبت lv100 warrior-cleric FF من غير تفة سيلك معادا الdevil spirits جبتها شهرين يعنى 200 سيلك ومجبتش حتى premium ولا اى حاجه
لو انت معندكش صبر عالexp يبقى تخلى اللعبه تصرف على نفسها و انت كده معملتش حاجه غلط انت بتجيب الجولد تبدلو بسيلك والسيلك اللى انت هتجيبو ده e-pin يعنى بيكون تمنو مدفوع للشركه قبل منتا تجيبو اصلا
هما مش هيستنو منك انت انك تصرف او متصرفش انت متعرفش ان الناس فى اوروبا و امريكا بالذات بيصرفو عاللعبه دى يوميا قد الى كل الى شافو الموضوع ده بيصرفو عليها فى الشهر ده لو مكنش سنه فوق انت جوى ماكس مش مستنى المصريين انهم يدفعو انت مهما قلت المصريين هيبطلو يدفعو ماشى اوك طب انت كده نزلت ايرادات جوى ماكس كام ..... ولا حاجه ولا يكمل حتى 10% من اللى بيصلو كل سنه
فاهم هتقولى بس انت برضو لو دفعت حرام طب اقولك على حاجه
احنا عندنا فى السيرفر جماعه اتراك الكل متغاظ منهم عشان شغلو دماغهم وهما دلوقتى اجمد union عندنا 5 او 6 صحاب عملو حاجه حلوه اوى
بقو هما اجمد جيلد فى السيرفر و عملو يونيون حلو و بقو بياخدو hotan fortress بصابع رجلهم الصغير بعد كده يوزعو الجولد اللى خدوه منها على بعض و يبيعوه و الماستر بتاعم ده اكتر واحد مجنون alchemy فى السيرفر ال+10 ده بيعملو فى قاعده واحده و يبيعو لك ان تتخيل بيكسب كام جولد فى الاسبوع و يبيعو
انا اعرف واحد من الجماعه دول بيقولى انا مكنش حلتى حاجه اول مادخلت اللعبه كان عندى 19 سنه و اسرتى حالها متوسط زينا كده لو شفت صورته دلوقتى مش هتصدق ان هو ده, بقى عامل زى اللى بينهبو من البنوك و يخلعو برا مصر هنا كل ده من اللعبه ولما تشوفهم جوه اللعبه اى افاتار جديد ينزل يجيبوه فى ساعتها و الdevil spirits مش بتتشال من عليهم و نفس الكلام عالpremium تخلص يقولك ثوانى هجيب واحده تانيه دلوقتى وبيكون تبديل جولد بسيلك واله احنا اللى مخنا مقفل انا نفسى اعمل زى الناس دى بس مينفعش لوحدى
تقدر تقولى ان اللى هما بيعملوه ده حرام؟؟ ازاى يعنى واحد استغل لعبه عشان يغنى نفسو و يمكن انت لو مكانو تدى الفلوس دى لاهلك يستفيدو بيها

هتقولى التجاره مع اليهود حرام اقولك بصراحه انا مش عندى مثال ولا دليل ولا متأكد انها حرام ولا لا . بس لو هى حرام تقدر تقولى الحكمه ايه! هتبقى عشان طبعهم فى الغدر بس هو هنا هيغدر بيك فى ايه انت بتتعامل فى لعبه تاخد و تدى (معلش يمكن دى حته غلط بس بحاول اعمل رد شامل عشان محدش مش فاهم حاجه يرد عليا تانى)

انا زعلان انى هسيب اللعبه قريب. كان نفسى اعمل فيها كده شوف اتن لما تجيب جولد و تبيعو دانت كأنك بتشتغل من غير تعب بعد كده لما اتخرج اعمل اللى انا عايزو مش اقعد اعيط واقول انا فقير
وايه رأيك لما تدى نص جنيه ليهودى يرجعلك من واحد تانى خالص انت متعرفوش 5 جنيه وتتصدق بيهم مثلا كده يبقى النص جنيه ده حرام؟؟ معلش هاتلى دليل او نص من القران او سنه يقول ده انا شايف انو مش حرام انك تجيب سيلك طالما انو هيساعدك و فى نيتك انك تبيع اللى تجيبو او نسبه منو لمنفعتك او منفعة اهلك

وبعدين لو الكلام عن اليهود انت زعلان ليه انت لما تدفع لهم شويه بس تاخد اكتر واللى تاخدو ده لو انت وطنى اوى كده يعنى تتبرع بيه لاخوانك فى فلسطين يعنى ده يبقى حرام فى ايه لامؤاخذه

هنا مينفعش تقول غير انما الاعمال بالنيات
ده رأيى بالرغم ان انا مصرفتش عاللعبه بس لو لقيت فرصه انى اعمل كده هصرف و بعد كده ارجع اضعاف اللى صرفتو ربح

[دوحة لارج]

مفيش داعى نبرر لانفسنا الغلط لو هنعملو .........لا نعمل الغلط ونعترف واحنا بنعملو اننا على غلط تمام علشان يمكن ربنا يتوب علينا فى يوم من الايام وربنا يهدينا جميعا ونسيبها مطلقا
شكرا على الموضوع