شـريـط الاهـداءات |
|
|
||||||
| قـسـم الـريـاضـة الـعـامـة [ تهتم بجميع مجالات الرياضة تستطيع قراءة ووضع اخر أخبار اى مجال من مجالات الرياضة والمناقشة عليها ] [ النقاش فى حدود الالتزام بالقوانين بعيداً عن التعصب ] |
 |
|
|
أدوات الموضوع | انواع عرض الموضوع |
09-07-2010, 07:03 PM
|
#1 | ||||||||||
  
|
 هنبدأ على طول كدة ونخش فى الموضوع على طول الخلاصة إن هنا بإذن الله هتبقى الساحة بتاعة رياضة كمال الأجسام بكل ما يخصها من أسئلة وإستفسارات وحكايات وأساطير وأبطال يعنى أى حاجة فى دماغك عن اللعبة دى ادخل اكتبها هنا طبعا إن شاء الله كل فترة هحط فى الموضوع نبذة جديدة لإستفادة الأعضاء واللى عندة سؤال يسأل وإن شاء الله اقدر اجاوب عليه ولو معرفش إجابتة أكييد هستعين بصحابى الكباتن يعنى أى سؤال إن شاء الله ليه إجابة بس أسال وأستشير انت بس وسيب الباقى علينا إن شاء الله . رجاء بالله عليكم بلاش ردود ملهاش لازمة وبلاش أسبام وياريت الردود تبقى فى نطاق كمال الاجسام بس يعنى محدش يكتبلى حاجة عن الكارتية ولا المصارعة ولا رفع الأثقال تمام يا رجالة . ملحوظة : اكيد هيبقى فى نقل لحاجات معينة من مواقع تانية للإستفادة والعلم علشان محدش يدخل يرد يقولى انا قريت الكلام دة فى موقع تانى . بكرر تانى يا جماعة ممكن تكون فى حاجات هنا منقولة من مواقع كتير انا حبيت أقول للأمانة بس مش هينفع كل مرة أقول المصدر لإنى بجمع معلومات من كذا مكان ومن دماغى طبعا .  نبذة اليوم اهم اشاعات و افتكاسات و خرافات لعبة كمال الاجسام هات بقى شوية فشار او كيس شيبسى و اقرى يا معلم الافتكاسات الكتيرة اللى ملهاش اى لازمة 1- و من اكبر الافتكاسات ( اتمرن زى البطل عشان تبقى بطل ) الكلام اللى موجود فى المجلات الكتير و اللى الكابتن بتاعك يقولهولك او واحد قديم فى الجيم مثلا انك تلعب كل يوم و متريحش خالص عشان العضلة تزيد و تكبر ده كله كدب فى كدب و تحوير عشان يبيعوا منتجاتهم بس انت لما تخشلى تمرينة بنش مثلا و تروح لاعب زى ما قالولك بنش عالى بار و دمبل و تفتيح و بعدين مسطح بار و دمبل و تفتيح و مقلوب هكذا بردو و تقوم رايحلى على الاوفر و تخلص تقوم داخل باى انت كدة بتموت نفسك يا عم و تعدلى ساعتين او 3 فى الجيم !!! ليييه بالطريقة ديه هتتسبب فى انك تتمزق او تجهد العضلة زيادة ( اوفر تراينينج ) و تقل منك و ترجع متلاقيش نتيجة فى الاخر تروح سايب اللعبة يا كبير .. نصيحة ( العب قليل و صح .. كل كتير و مفيد .. حجمك يزيد ) حلو اوى انك تلعب يوم بارات بس و يوم دامبل بس .. و هكذا .. نوع فى تمرينتك و متعودش جسمك على حاجة معينة 2- ( اتدرب لحد ما العروق تبان ) يا جماعة العرق فى العضلة بيبان لما العضلة تتحط تحت ضغط معين ده بيزود ضخ الدم فيها مش معنى ان العرق باين عندك يبقى انت كدة بتلعب صح و العضلة بتزيد .. العضلة تزيد لما تلعب بأوزان تقيلة و تتغذى كويس و تشغل الياف العضلة عن طريق الحركة الكاملة للتمرينة .. مش لما تعملى 100 عدة باى و تلاقى العرق بان عندك يبقى انت كدة واد معدى لما دهون جسمك تقل هتلاقى عروقك كلها بانت و ساعتها تتأكد انت بتصفى الدهون مش بتزود حجمك 3- و جينا لأهم و اشهر افتكاسة فيهم كلهم ( الاعداد القليلة للضخامة و الاعداد الكتيرة للتقسيم و التشريخ ) اللى الناس فهماه انك كل ما تخفف وزن و تلعب اكتر هتشرخ و تزود وزن و تلعب اقل هتضخم و ده اكبر غلط .. يا جماعة العضلة ليها 3 حالات بس يا اما بتزيد و تكبر يا اما زى ما هى يا اما بتقل و تنكمش مفيش حالات غير ديه .. لو عايز تكبرها علطول غير الروتين اللى انت ماشى عليه و الوزن بتاعك يزيد دايما و تلعب صح من غير مساعدة و تلعب حركة كاملة و تغذية كويسة عايز تخليها زى ما هى افضل اعمل الروتين اللى بتعمله دلوقتى و شغال عليه عايز تخليها تنكمش مفيش اسهمل من كدة يا عم .. قعد فى بيتكوا و متنزلش الجيم تانى مفيش حاجة اسمها التمرين ده بيقسم و التمرين ده بيضخم .. التقسيم ناتج من حاجتين و هما عضلة نضيفة معليهاش فاتس .. و تانى حاجة هى نسبة الفاتس اللى فى جسمك تكون قليلة الاوزان الخفيفة عمرها ما تبنى عضلات .. هى بتحرق السعرات الحرارية مش اكتر .. و لو عايز تحرقهم يبقى اجرى افيدلك او نط الحبل 4- ( السبت: بنش .. الاحد: ظهر ,,,,,, ) هو مش دستور لازم تمشى عليه .. انت لو عايز تزيد يبقى لازم تنوع فى الروتين بتاعك .. الروتين ميقعدش معاك اكتر من شهرين او اقل كمان بس خد بالك و انت بتغير الروتين عشان متجهدش نفسك و العضلة على الفاضى مع العلم ان العضلة بتزيد فى الراحة مش فى الجيم .. ريح اكتر تزيد اكتر .. ممكن تلعب 3/4 ايام و تريح الباقى .. متلعبش العضلة كل يوم عشان تزيد معاك .. كدة لو اتنطت عمرها ما هتزيد .. مرة واحدة فى الاسبوع لكل عضلة حلو اوى 5- ( فاجىء العضلة و خليها تخمن انت عايز ايه ) هههههههههه .. ديه اكتر واحدة مضحكة فعلا .. تروح للكابتن يقولك لازم تفاجىء العضلة بتاعتك .. حزر فزر يعنى هى النظرية فعلا صح .. لكن طريقة تنفيزها بتتم غلط خالص .. العضلة معندهاش عينين عشان تشوف انت الاول كت بتلعب بالبار و بعد كدة عملت نفس الحركة بس بالدمبل .. لا لا كدة لازم ازيد بقى ههههههههههه مفاجأة العضلة مش بنفس التمرين بأداة مختلفة و لكن بحركة مختلفة كمان .. العضلة بتفهم الحركة مش التمرينة عايز تفاجىء عضلتك يبقى مثلا بدل ما كت بتلعب علطول تجميع دمبل .. العب تفتيح .. كدة العضلة تزيد معاك .. و زى ما قلت قبل كدة غير الروتين دايما و متسبتش على حاجة 6- ( كل ما تطول فى الجيم و فى تمرينتك كل ما تزيد اكتر ) و ده اكبر غلط كتير من الناس بتعملوا و حتى الناس القديمة فى اللعبة بالطريقة ديه بيجهدوا نفسهم و عضلتهم فى ناس بتبقى نايمة فى الجيم و صبح و ليل و تعد 4 ساعات تلعب ياجماعة هرجع و اقول تانى اللى بيزود العضلة ( تغذية سليمة .. فترة راحة مناسبة .. تمرينة ذكية ) .. اخرك فى الجيم ساعة او ساعة و ربع لو انت مفترى .. اكتر من كدة انت بتهد العضلة مش بتبنى اى حاجة و بتتعب نفسك على الفاضى و المليان ولا هتحس بأى فرق 7- ( وجع العضلة دليل على نموها و زيادتها ) بردو ناس كتير تقولك لو محستش ان العضلة وجعاك يبقى انت مبتزدش و لو حسيت كدة تانى يوم اتأكد انها بتكبر ده كلام ولا ليه اى لزمة .. العضلة تعرف انها زادت لما تلاقي نفسك بتشيل اوزان اتقل .. بتعلب اعداد اعلى .. حجمك بيزيد تبع القياسات و ميزانك بيزيد 8- ( شرب المكملات فى ايام الراحة بيديك دهون ) لما تشرب المكمل بتاعك لو كان بروتين فى ايام الراحة عمره ما هيديك دهون بالعكس ده بيساعد جدا فى عملية شفاء العضلة و بيخلنى نسبة النيتروجين و الاحماض الامينية فى جسمك متساوية .. بالتالى هتحس بفرق فى التمرين 9- ( اى حاجة المحترفين بيعملوها ( روونى/جاى ) يبقى انا كمان هعملها و هتجيب نتيجة ) اكبر غلط ممكن تعمله فى حياتك انك تتمرن زى واحد من المحترفين اللى متعرفوش يا معلم ان المحترف ممكن يكون بيجهد نفسه فى الجيم ( اوفر تراينينج ) و يعد ساعات كتير يلعب و يعملك 20 مجموعة على معرفش 100 عدة .. لو عمل زيه يبقى كأنك بتنتحر و الله يا فندم .. المحترفين كل حياتهم منشطات فى منشطات .. فا مهما عملوا فى الجيم مش مهم لأنه كدا كدا حجمه بيزيد من غير دهون حتى لو بيلعب غلط 10- ( كل اى حاجة و متخفش مدام بتتمرن ) بردو تروح الجيم تقول للكابتن انا باكل كل حاجة بس عايز اربى عضلات هيقولك ماشى مش مهم ايدك على فلوس الاشتراك .. يا جميل اللعبة ديه تغذية و راحة .. لو مظبطش اكلك و مشيت على نظام غذائى كويس ملائم ليك يبقى ولا ليه اى لازمة اللى بتعمله .. انت عايز تفهمنى انك اول ما تخلص تمرينة رهيبة تروح البيت تضربلك 4 سندوتشات برجر ولا فراخ محمرة .. يا عم كل ده دهون ملهاش اى لازمة .. ابوس ايدك ابعد عن المحمر و المشمر ده .. خليك فى المسلوق دايما و الخضار حلو جدا و مفيد .. مع العلم ان جسمك بيحتاج نسبة دهون بس مفيدة ديه بتلاقيها فى سمك التونا .. مش مضرة بالجسم ديه و زيت الزيتون .. و حاجات كتير تانية 11- ( انت ممكن تبقى ضخم اد المحترفين من غير منشطات ) اهو ده الهبل بعينه .. كل واحد يخشلك الصالة بتاعته يلاقيلك كام صورة عملاقة متعلقة عال حيطة .. يقولك ياااه امتى ابقى زى دول تلاقى الكابتن فى ضهرك .. ان شاء الله بس استمر معانا بس و هتبقى قدهم بس هتاخد وقت حبتين .. واحدة واحدة تلاقيه بيجيب رجلك عشان تاخد مكمل من عنده ( اكيد مضروب ) شوية كمان يقولك بص انا هديك حقنة تخليك سوبر مان .. و ضر نفسك يا ناصح بقى المحترفين دول بياخدوا منشطات منسابة ليهم .. لكل محترف دكتور خاص بيه و يعرف ايه انسبلوا عشان ياخدوا .. مع العلم ان تقبل الجسم للمنشطات او المكملات ديه حاجة جينية وراثية 12- ( لعب الحديد هيوقف نموك ) النقطة ديه مهمة اوى للناس الصغيرة فى السن .. تروح الصالة الكابتن يقولك متلعبش و انت واقف و علطوا خليك قاعد و معرفش اعمل ايه عشان تطول و متعملش ايه عشان متقصرش الدراسات اثبتت انك ممكن تبتدى تلعب من سن 8 سنين .. ارنولد كان بيتمرن فى مرحلة نموه و مع ذلك نموه موقفش .. فا ده كله اشاعات سبب بقى الاشاعات ديه مييييييييين .. معظمهم المبتدئين .. كل مبتدىء يعملك افتكاسة جديدة و تمرينة غريبة و يقولك ده الصح حتى جرب و هتحس بالعضلة شغالة .. يا عم الكبير انا لو مسكت علبة بيبسى و اعدت احركها فى الهوا العضلة هتشتغل هههههههههه و كل مبتدىء يسمع كلمة من واحد ملوش خبرة اساسا فى اللعبة يقوم ناشرها بقى و يبقى دستور فى الصالة و بردو المجلات سبب اخر للاشاعات ديه .. عايزين يبيعوا يعملوا ايه يعنى !!! موضوعى خلص يا جماعة .. انا عارف انا خبطت فى ناس قديمة كتير و حطمت افكار ناس جديدة .. اعتذر عن كدة بس ديه الحقيقة .. ارجو ان محدش يزعل منى انا زى اخوكوا .. جى انصحكوا مش اكتر .. اتمنى انى اكون افاتدكوا .. و شكرا  اتمنى الموضوع يكون كويس ويعجب الناس ويا ريت يبقى فى إهتمام شوية بالرياضة دى . |
||||||||||
|
التعديل الأخير تم بواسطة Eslam_lover ; 10-07-2010 الساعة 07:03 PM
|
| إعلانات google |
|
|
|
09-07-2010, 07:18 PM
|
#2 | ||||||||||||
  
|
طب و الله العظيم يا باشا انا من يومين كنت بفكر فى كمال الاجسام بس للاسف مش عارف ابتدى ازاى و اعمل ايه....انا عندى15 سنة و يا ريت يا باشا تقولى بالظبط اعمل ايه.... و الف شكر موضوع فوق الممتاز 
|
||||||||||||
|
|
|
09-07-2010, 07:44 PM
|
#3 | |||||||||||
|
اقتباس:
اولا / شكرا لردك الجميل بص بقى لو عايز تبتدى تلعب اللعبة دى لازم يبقى فى دماغك الحاجات دى : 1- تحدد هدفك من اللعبة يعنى فى ناس بتدخل المجال دة علشان تحرق الدهون بس وفى ناس بتلعب علشان تعمل جسم فرنساوى يعنى تظهر العضلات بشكل انيق بدون ضخامة وفى اللى بيلعب للضخامة العضلية لإن كل جسم من دول بيبقى ليه تمارين وأهداف غير التانى . 2- تبقى عارف إن اللعبة دى محتاجة صبر جااااااااااامد يعنى مش علشان شايف كلة دلوقتى منفوخ تقول أشمعنى انا لا أوعى تفكر كدة خالص وركز فى تمرينك وملكش دعوة بحد . 3- متاخدش معلومة من اى حد علشان شوفتة شكلو جامد وعامل زى الوحش لإن كمال الأجسام لعبة فيها هبل وإفتكاسات كتييييييير اوى وللأسف ممكن تلاقى كابتن جيم يقولك حاجة غلط وتلاقى واحد جسمة عادى كدة زيى بس تلاقى عندة معلومات كويسة الحمد لله . 4- فكك من حاجة إسمها منشطات خاااالص ومتسمعش كلام حد يقولك لا متخفش خدها بس قلل ومتاخدش كتيير لو عايز تاخد حاجات مساعدة فى حاجات أسمها مكملات غذائية دى حاجات طبيعية مفهاش حاجة وفى نفس الوقت جامدة وبتعمل مفعول بس غالية شوية وهبقى اتكلم عنها فى نبذات قادمة إن شاء الله وهتكلم عن أسعارها إن شاء الله . 5- من اهم الحاجات اللى لازم تخلى بالك منها موضوع التغذية السليمة . 6- أهتم بالتمرين كويس جدااا ومتهزرش وانت بتتمرن يعنى خليك جد جداا جداا . 7- التمرين الصح بيبقى من ساعة لــ ساعة وربع متخليش حد يقولك أتمرن لحد متتوجع وجسمك يبوظ الكلام دة غلط جدااا . 8- أعرف إن التمرين الكتير والمتواصل غلط ومش بيساعد على نمو العضلة بل بالعكس بيحرق البروتين بتاع العضلة , وأفهم وأعرف إن العضلة بتنمو فى وقت الراحة يعنى متروحش تتمرن 7 أيام فى الأسبوع وتقولى أصلى عايز أبقى زى أرنولد . 9- متصدقش حد يقولك الحديد بقصر وبيوقف النمو والحوارات دى . 10- لسة فى حاجات كتيييييييير تانية لأنها رياضة كبيرة فياريت تتابع الموضوع معايا وإن شاء الله تحقق هدفك . |
|||||||||||
|
التعديل الأخير تم بواسطة Eslam_lover ; 09-07-2010 الساعة 09:09 PM
|
|
09-07-2010, 08:04 PM
|
#4 | ||||||||||
  
|
شكرا جزيلا ليك .. موضوع رائع و شامل والله
.. الظاهر الناس كسلت تقراه كله هههههههه .. مضايقش نفسك و اهلا بيك فى القسم |
||||||||||
|
|
|
09-07-2010, 08:09 PM
|
#5 | |||||||||||
|
اقتباس:
وشكرا لمرورك الكريم يا ريس . |
|||||||||||
|
|
|
09-07-2010, 08:36 PM
|
#6 | |||||||||||
|
اقتباس:
تمام ربنا معاك
وباذن الله لو في تفاعل هنثبيت الموضوع و اول سؤال انا 17 سنه تنصحني بي ايه في الرياضيه ديه |
|||||||||||
|
|
|
09-07-2010, 09:08 PM
|
#7 | |||||||||||
|
اقتباس:
وبالنسبة لسؤالك يا باشا إجابتة نفس الإجابة اللى جاوبتها فوق بالظبط أتمنى تقراها كويس وطبعا دى مش كل حاجة فى كمال الأجسام لسة فى حاجات تانية كتيييييير وزى ما قولت دى رياضة كبيرة اوى وإستفساراتها كتير اوى يعنى انت عليك تسأل وانا اجاوب وإن شاء الله كل يوم فى جديد . |
|||||||||||
|
|
|
09-07-2010, 09:24 PM
|
#8 | |||||||||||||
|
اقتباس:
ثانيا: انا ان شاء الله متابع الموضوع لانى بجد نفسى يبقى جسمى سليم و قوى.. و مرة تانية احب اشكرك اوى على الموضوع ده و كان لازم حد يعملوا فعلا من زمان اوى و الحمد لله انك جيت  ....و اتمنى لك دوام التوفيق ان شاء الله
|
|||||||||||||
|
|
|
09-07-2010, 10:12 PM
|
#9 | |||||||||||
|
اقتباس:
|
|||||||||||
|
|
|
10-07-2010, 07:36 PM
|
#10 | ||||||||||
|
أية يا جماعة انتو مش مهتمين ليه بس بالرياضة دى مع انها بتنمى الشخصية والجسم عايزين تفاعل علشان الموضوع يكبر ويستمر وانا عند وعدى إن شاء الله كل يوم او يومين فى نبذة صغيرة كدة على السريع وهرد واجاوب على كل الأستفسارات من الأعضاء ---------- مستنيييييكو يا شباب |
||||||||||
|
|
|
11-07-2010, 01:26 AM
|
#11 | ||||||||||||
|
مشكور فعلا ماحدش مهتم بالرياضة دية وهيا رياضة مهمة جداا مشكور على الموضوع الرائع 
|
||||||||||||
|
|
|
11-07-2010, 03:01 AM
|
#12 | |||||||||||
|
اقتباس:
|
|||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ۩۞۩ ۩۞۩ ۩۞۩ أحدث البرامج اللازمة لتشغيل اللعبة بدون اى مشاكل ۩۞۩ ۩۞۩ ۩۞۩ | ironhulk38 | قسم المواضيع المكررة و المخالفة | 32 | 26-12-2011 09:12 PM |
.gif){kind=icon}
العرض العادي
