| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
26-05-2010, 12:34 AM
|
#1 | ||||||||||
  
|
السلام عليكم ..... كتير منكم تسائل هو انا ليه مش بكتب ادب ساخر - والله ولا واحد سألني – وبما اني ساخر فقولت اسخرر معاكم شويه >>> هكلمكم النهارده يا كتاكيت عن السب بالدين اه ايوه السب بالدين , الموضوع دا مهم اوي خصوصا ان الدين دا هو كل حاجه يعني انت من غير دين زي الانعام كدا مالكش فايده وفي الاخره هتتشوي ان شاء الله نرجع للموضوع اللي هو السب بالدين هقولكم قصص اقروها واحكموا بنفسكم اتنين من اصحابي بيتناقشوا في مسأله فقهيه عسره واحد منهم حالاتي طول عمره في السعوديه والتاني صوفي ... قعدوا يتناقشوا بتاع ساعتين في الموضوع ودا مصر على رأيه ودا مصر على رأيه لحد ما سخنوا اوي في النقاش – الكلام دا كله في الشارع – وقام واحد قايل للتاني والله العظيم انا ممكن اسبلك بالدين في 3 دقايق قام التاني قايل وانا يعني معرفش اسبلك طب يلعن تيييييت والتاني رد بدينين وانا واقف مستغرب جدا لسببين الاول : هو السب بالدين سهل اوي كدا ليه التاني : - ودا اللي شغلني اوي – اشمعنى في 3 دقايق بالتحديد ولغاية دلوقتي معرفش وبعدها عادي بقى محصلش حاجه واتصالحوا في ساعتها والدين فضل مسبوب ... الغريب ان الحوار كان فقهي ووصل لانهم خرجوا من المله دا برضو فكرني بواحد صاحبي غير الامورين اللي فاتو - والله عيال شرده - واحنا واقفين في البلكونه بنبص على ... احم قصدي بنتفرج على الشارع فجأه الواد قال لبنت في الشارع ما نعرفاش : يا بنت تيت التيت انتي اللي في القلب جمله مقفاه لو فاهم يعني ايه مقفاه اساسا وعادي وكمل كلامه معانا ولا كأن حاجه حصلت طبعا انا برضو استغربت – مقضيها استغراب مش عارف ليه – واستغفرنا ربنا وزعقناله وهزقناه شويه وخلاص مش عارف الموضوع سهل اوي ليه لا والغريب ان كتير اوي ممكن يسمع واحد بيسب بالدين ويسكت انما لو شتمت عمرو خالد ولا حتى تامر حسني تلاقي القيامه قامت هو البشر اغلى عندنا من ربنا خلاص ؟! اذكر مثلا – اشمعنا السادات بيذكر مثلا وانا لا – اني في رمضان وانا راكب المواصلات والسواق ماشاء الله مشغل قرآن وحاجه فل ولسه صاحين وفجأه واحد كسر عليه بموتوسيكل .. قام السواق سابب له بالدين وشاتمه بامه ونزل له وكانت حاجه تمام اوي اللي غاظني اني مشغل قران , دا زي لما واحد يشوف بنت عاوزه تخلي معاد المحاضره من 8 ل تمانيه ونص ويقول ان كيدهن عظيم – حدث بالفعل – المهم الراجل اللي جنبي في الميكروباص ماسكتش اتنرفز وقام باصصلي وقايل : طب هو كسر عليه , ايه ذنب الدين تؤ ... طب بيشتم الدين ليه دلوقتي هو الدين عمل له ايه – الكلام دا ليا انا – وانا كالعاده مستغرب كالعاده وبقول في نفسي وانا مالي بالذات جاي يقولي هو انا قمر الدين يعني جاي يشكيلي ! ما يقول للسواق وفضل كدا لحد ما كنت انا كمان هعمل زي السواق بس ربنا ستر وسكت بعد ست اشهر باين او انا مت باين مش فاكر بالتحديد اتحكالي مره ان واحد راجل كبير سمع عيال بيسبوا بالدين في شارع قريب من هنا - هنا اه عندي - قام طالع لهم وقال لهم ما تسبوش الدين يا ولاد تتتت التتتتت بجد حاجه مهزله بمعنى الكلمه لا وعاوزين يسترها معانا وبنقول مش عارفين ربنا غضبان علينا ليه ما نص البلد بيسبوا بالدين طبعا قياسا على كدا اخوانا في بلاد الشام بيسبوا برضو عمر ما كان السب بالدين له لهجه وانا سمعت كتير الجميل ان ثقافة السب بالدين دي ما وصلتش الخليج ابقوا فكروني ابعت اتنين من العماره اللي قصادي يعلموهم واهو بالمره يقل السب بالدين في العماره لحسن انا بقيت مدمن سماع سب بالدين في كل وقت - انا قلت كلمة سب كتير لدرجه مغثيه , صح ؟ – والجمل الاعتراضية اكتر من الكلام نفسه - حظكوا كدا اعمل ايه - المهم بقى لما تشوف واحد بيسب بالدين تعمل ايه الاصح عشان تعلم اللي قال ان كدا غلط وفي نفس الوقت ما يتلعنش اللي جابوا ولا بلاش اكمل |
||||||||||
|
التعديل الأخير تم بواسطة WELFA ; 26-05-2010 الساعة 12:42 AM
|
| إعلانات google |
|
|
|
26-05-2010, 12:38 AM
|
#2 | ||||||||||
  
|
100 100 الله ينور |
||||||||||
|
|
|
26-05-2010, 12:41 AM
|
#3 | ||||||||||
|
انا عمرى ما سبيت الدين لان من سب الدين فقد كفر ومع ذالك انا بشوف ناس بتسب لبعض الدين كهزار عادى خالص وكمان فى جنبهم يافطة موجودة فى الشارع مكتوب عليها من سب الدين فقد كفر وهما عادى خالص وانا عمرى ما شفت حد سب الدين وبعد كدة استغفر ربنا الناس بقى عندها سب الدين دة هزار ذى اى حاجة عادية |
||||||||||
|
|
|
26-05-2010, 12:50 AM
|
#4 | ||||||||||
|
بص انا لو لقيت واحد بيسب الدين و قولتلو حرام عليك كده حينزل من التوك توك اللي هوا بمثابه الbmw بالنسباله ويطلع 3 ميتين امي ع 4 ميتين اللي جالو اهلي ع كام قلم ع كام مطوه ويركب bmw ويطير يعني الواحد لازم يسمع و يطنش اعمل عبدو |
||||||||||
|
|
|
26-05-2010, 01:10 AM
|
#5 | ||||||||||
  
|
انا بقا لو شفت حد سب الدين ادامى انا هطلع ........... امه ( اكمل مكان النقط ) ؟ |
||||||||||
|
|
|
26-05-2010, 01:21 AM
|
#6 | ||||||||||
  
|
موضوع حطير فعلاً وعندك حق فى كل كلمة بس الأفضــل نبطله ومنفركش فى عواقبـــه لأن ملهــاش حدود وشكـــراً لموضوعك الجـــــامد ده :) |
||||||||||
|
|
|
26-05-2010, 01:58 AM
|
#7 | |||||||||||
  
|
اقتباس:
علشان تانصح واحد هينفخك و شكرا علي الموضوع الاكثر من رائع |
|||||||||||
|
|
|
26-05-2010, 04:38 AM
|
#8 | ||||||||||
|
من ســـــــب الديــــــــن فــــقــــد كـــــفـــــر واكيد الكل يعرف ما هو الكفر ( اعوذ بالله ) |
||||||||||
|
|
|
26-05-2010, 04:50 AM
|
#9 | |||||||||||
|
اقتباس:
شكرا يا Welfa على الموضوع |
|||||||||||
|
|
|
26-05-2010, 04:53 AM
|
#10 | |||||||||||
  
|
اقتباس:
مانت برضه لما تلاقى واحد كده ماتروحش تزعقله وتتخانق معاه او تشتمه الموضوع عباره عن انك تنصحه بكل ذوق واحترام وتفهمه غلطه بهدوء رضى بقى مارضيش اديك عملت اللى عليك وماتقولش مالكش دعوه الرسول صلى الله عليه وسلم فى حديثه قال من راى منكم منكرا فليغيره |
|||||||||||
|
|
|
26-05-2010, 05:46 AM
|
#11 | |||||||||||
|
اقتباس:
طب انا روحت البلد مره كنت رايح اصلي الجمعه لقيت الشيخ بيقول : العيال الصغيره الي بتسب الدين في الشارع اي واحد فيهم هشوه بيسب الدين هطلع 3 دين اهله |
|||||||||||
|
|
|
26-05-2010, 06:04 AM
|
#12 | |||||||||||
  
|
انا لما حد يسب الدين بقوله حرام واعرفه غلطه انا عن نفسى لما بسبه من من كتر الخنقه اللى بتحصل فى وقتها بقول استغفر الله العظيم واتشاهد اقتباس:
انا فاهم قصدك بس اشمنعنى انت جايبلنى واحد عالم دين والتانى مغنى |
|||||||||||
|
|
|
26-05-2010, 06:40 AM
|
#13 | ||||||||||
|
Welfa انا يمكن معرفكش ونتا متعرفنيش بس انا بحترمك جدا جدا جدا عشان ده تانى موضوع اشوفو ليك فى الموضوع بتاع سب الدين ده انتا واحد خايف على دينه و ديه حاجه مش هاتلاقيها كتير بس اللى بيسب الدين ده مش بيبقى عارف انه بيسب الدين يعنى هو عاوز يشتم اللى قدامه و الدين عنده مش اللى هو حاجه مهمه اوى انما لو الناس عرفت قيمه الدين مش هاتلاقى حد بيسب الدين هى حمله توعيه فى التليفزيون تحبب الناس فى الدين و تشد الشباب يعنى مثلا فيها ايه لو اعلان البرنامج جابو الشيخ شاب و هو بيضحك او بيقول نكته .. ليها علاقه با الدين و كل حاجه .. بس متبعدش الناس عن الموضوع .. و الناس تقول ده بيهزر يعنى انتا تشوف الراجل ده ولا تشوف اعلان فييه واحد بيقول و هو بيزعق و وشو محمر و تحس انو هايموتك و يقول " هذا حرااااااااااااااااااااااااام " فاهم النقطه و لو الشباب اللى هما زيى و زيك و زى الاعضاء الحلوه اللى هنا حبت الدين و حبتو فى قلبها مش تلاقيه لابس الجلابيه و فرحان بيها و يقولك انا عم الشيخ لو حبينا الدين الناس كلها هاتحبو و مش هاتلاقى حد بيسب الدين معلش طولت علييك Best Wishes ScissorX |
||||||||||
|
|
|
26-05-2010, 07:54 AM
|
#14 | |||||||||||
|
اقتباس:
|
|||||||||||
|
|
|
26-05-2010, 08:07 AM
|
#15 | ||||||||||
|
شكرا ليك يا ويلفا والله علي الموضوع ده جزاك الله كل خير واحب اضيفلك ان سب الدين ده بيزلزل سبع سموات واللي بيسب الدين بيبقي اسمه كــــــــــــــــــــــافر وسب الدين حاجه لا يستهان بيها والله العظيم والله العظيم انا في حياتي عمري ما سبيت دين !! هقولك حاجه انا كنت بحلف ب والله زمان -عمري ما غيرتها لما جيت احلف بوالله العظيم كنت متردد جدا فضلت اكتر من شهرين خايف اسال حد فيها او اقولها عشان خايف لتكون غير محبوبه فما بالك بسب الدين ؟ تحياتي |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| أخطاء يوميه فى كلامنا عن الدين وعن الله { عز وجل } | AL.JokER | القـسـم الإسـلامـى الـعـام | 3 | 09-05-2014 09:41 AM |
| الله يلعن دى بلد الله يلعنها ليوم الدين | المدمن | بـعـيـدآ عـن سـيـلـك رود | 14 | 12-06-2010 06:57 AM |
| هذه بعض هواتف علماء الدين الموثوقين بإذن الله | ARABIAN_HERO | القـسـم الإسـلامـى الـعـام | 4 | 15-08-2009 05:24 PM |
| ناس حثاله !! حشى الحظور تعمل حاجه تلاقي يشتمك | Charlies_Angel | Bellona | 0 | 02-06-2009 08:18 PM |
.gif){kind=icon}
العرض العادي
