يا رب نفهم

[Eslam_lover]

بسم الله الرحمن الرحيم

انا عندى فكرة صغيرة كدة بس هى كبيرة جدا بالنسبة ليا

انا كنت بقترح اننا نعمل حاجة زى الرقابة اللى فى الافلام كدة ويبقى دورها هنا تعديل المشاركات والمواضيع وليس حذفها أو غلقها لان انا بجد حزين من المشرفين هنا لاى سبب حتى لو كان تافه يقولك يغلق الموضوع والمصيبة يكتب لا تعليق طيب ما تعلق يا عم وفهمنا يمكن احنا فهمنا تقيل شوية أو يمكن نكون مبنفهمش والمصيبة الكبرى ان فى موضوعات جميلة اوى فعلا ولكن المشرف باشا علشان شاف غلطة واحدة فى موضوع كامل يقوم يغلق الموضوع كلة ويغلقة طيب ليه كدة ؟؟؟ احنا بشر مش ملايكة وكلنا بنغلط دة مش عيب بس المهم نستفيد من اخطائنا , المفروض بقى يا حضرات المشرفين ان الغلطة بس هى اللى تتشال مش الموضوع كله الا بقى لو الموضوع كلة من اولة لاخرة شتايم وانا معتقدش انه ممكن يحصل أبدا ولا أية كنت بقرا مرة موضوع كدة واحد عملة للاهلى وكان الموضوع جامد بجد يمكن علشان انا اهلاوى بس مش معنى كدة ان مشرف يدخل الموضوع ولمجرد انه زملكاوى يتحجج ويقولك لا تعليق الموضوع يغلق طيب ليــــــــــــــــــــــــــــــــــــــه ؟؟ انا عارف ان الموضوع كان فيه غلطات بس مش كبيرة كانت ممكن تتمسح بدون ما يغلق الموضوع ولا المشرفين هنا بيحبو يرسمو شوية ويحبو يمارسوا سلطتهم .

بصراحة انا حزيـــن بجد والله ومش عارف ليه كدة
ممكن حد يجاوب عليا بس يا ريت تكون اجابة منطقية
------------------

للعلم انا عندى فكرة تانية عايز اعرضها بس مستنى أشوف الوضع فى الفكرة دى

[super_man619]

بص يا باشا

بالهدوء و براحه كده

المشرفين مبيغلطوش الا قليل اوي اوي اوي

و لما بيغلطو بيعتزروا و يصلحوا

وانا بعتزرلك نيابه عنهم عن اي حاجه غلط عملنهالك

ثانيا

حكايه الرقابه ديه صعب اوي تتعمل

لان انا مش همشي ورا الموضوع كلمه كلمه اصلحها

و يمكن تكون كلمه واحده تغير معني الموضوع و تغير رونق الموضوع من موضوع معارض مثلا الي موضوع مؤيد

ثالثا

الموضيع المغلقه ديه بتغلق لسبين ملهمش تالت

الموضوع مكرر

الموضوع مشكله و اتحلت

في حاله المواضيع التافه

او الي هدفها التجريح

او مخالفه للقوانين اذا كنت قريتها

فا ديه بتحذف

لان لو مشيت عدلت فيها

ممكن الموضوع ميبقاش له لزمه

يعني لو شلت كلمات التجريح في شخص معين الناس مش هتفهم حاجه

و الموضوع مش هيبقا له لزمه

و هيحذف برده

اعتقد كده انا جاوبت علي كل اسالتك

يبقي الموضوع ده يغلق

و حضرتك لو عايز مني اي طلبات انا في خدمتك علي الرسايل الخاصه