وصية حسنى بن مبارك

[egysika]

وصلنى الأيميل ده .. ولما عجبنى قلته أنقله لكم ..

الوصية

التفت الأسرة حول فراش الزعيم وهو يلفظ أنفاسه الأخيرة...

قال الزعيم بصوت ضعيف ولكنه حازم في نفس الوقت

حسنى: كلكم موجودين

سوزان: أيوه يا حسنى... أنا جنبك أهه... وأدى جمال وعلاء... قمرين دول ولا عينين

حسنى: طب اسمعوا اللي حقوله كويس

جمال: سامعينك يا بابا... اتكلم

حسنى: مصر دى كنز يا ولاد... امسكوا فيها بايديكم وسنانكم... بنسرق فيها بقالنا سنين وسنين ولسه بتدينا

علاء: هي دي البركة اللي بيقولوا عليها يا بابا

حسنى: أيوه يا بنى... ربنا يبارك لكم ولعيالكم فيها... ودلوقتى اسمعونى

علاء: انته علي الهوى يا بابا... اتكلم

حسنى: أنا مش مديون لحد يا ولاد... يعنى أي واحد يصيع عليكم ويقول لكم أبوكم كان مستلف منى فلوس تفوا في وشه علي طول

علاء: اطمن يا بابا... حرامى علي حرامى ما يلعبش

حسنى: أنا سيبت لكم يا ولاد اللي يكفيكم انتوا وعيالكم وعيال عيالكم ويفيض... فلوس متلتلة متتعدش... مش حقول لكم حافظوا عليها وبس... لالالالالا زودوها كمان وكمان لجل ما روحي ترتاح وأنا في تربتى

جمال: هيا الفلوس اللي انته عملتها يا بابا دي بتسميها فلوس... شفنى أنا وعلاء هنعمل ايه... ولا صحيح حتشوفنا إزاي... عموما ما تقلقش

حسنى: ودلوقتى اسمعوا وصيتى... الحكم لأولاد مبارك..... لزم أول ما جمال يحلف اليمين تغيروا اسم مصر وترجعوه زي ما كان زمان أيام الملك فاروق والملكة نازلي (المملكة المصرية)

جمال: مفهوم يا بابا... خش في اللي بعده

حسنى: الجيش والشرطة والأزهر... اوعوا واحد من التلاته دول يخرج عن طوعكم أبدا

علاء: مفهوم برده... اللي بعده... يا ساتر ده انته ملل

سوزان: عيب يا علاء لما تكلم أبوك كده

علاء: بهزر يا ماما

حسنى: الهرم لأم العيال... ليكى يا سوزان بعد ما خدمتينى بتفانى وإخلاص طول السنين دى

سوزان: هرم... هيا دى آخرة صبرى!... وده يسوى كام ده

علاء وهو يمسك بالآلة الحاسبة: يسوى كتير يا ماما ... لو تحبى اتصرف لك فيه ممكن يعمل معاكي مبلغ كويس

سوزان: مش حرضى بأقل من التلات أهرامات وأبو الهول

حسنى: مش خسارة فيكى يا غالية... أثار النوبة لعلاء... والأقصر لجمال... ودلوقتى نيجى للميه... الساحل الشمالي لعلاء والبحر الأحمر لجمال وقناة السويس تخصصوا دخلها صدقة جارية علي روحى

سوزان: أنته أكيد مخبول... مليار ونص دولار صدقة جارية علي روحك

جمال: ما تاخديش علي كلامه يا ماما... ده يبقي كتير لو طلعنا 100 ولا 200 جنيه علي روحه للفقرا

علاء وهو يمسك بالألة الحاسبة: ممكن نطلع لحد ألف جنيه يا جمال... السيولة تسمح

حسنى: أوعوا تفرطوا في حبيب العادلي من بعدى يا ولاد... حبيب قلبه ميت وأيده طرشه... وهوه ده اللي ينفع مع الغجر اللى هنا!!

جمال: بس ما بيعجبنيش شنبه يا بابا

حسنى: أنته مالك ومال أم شنبه... احنا بنشترى مجرم

جمال: أعاهدك يا بابا أني هخليه معايا ومش حفرط فيه أبدا

حسنى: الشيخ طنطاوى يا ولاد راجل بركة... يمين يمين شمال شمال... أوعوا تفرطوا فيه...

بس ما تخلوهوش يصلي عليا لأني بصراحة مش متأكد إن كان ربنا حيقبل منه ولا لأ!!

علاء: ولا يهمك يا بابا... حخلى أنكل كمال الشاذلي يصلي عليك

حسنى: والله لوعملتها يا علاء لكون متبرى منك إلي يوم الدين

علاء: بهزر معاك يا بابا... أنكل كمال مش حافظ الفاتحة

حسنى: المشير طنطاوي يا ولاد... مش حوصيكم عليه....

الراجل ده عامل زى الست المستحية... حاطط وشه في الأرض علي طول وعمره ما استجرى يرفع عينه فيا... وفي نفس الوقت ماسك الجيش بإيد من حديد

سوزان: هوه فعلا خجول وكل ما يشوفنى ما يقوليش غير يا ست هانم... إبقي خليه معاك يا جمال

جمال: حاضر يا ماما

حسنى: عايز جنازتى يا ولاد الناس تحكى وتتحاكى عنها... هاتوا المخرج الإيطالي ده اللي إسمه مكافيللي يصورها

علاء وهو يمسك بالألة الحاسبة: هوه حيكلفنا كتير... لكن ممكن في الأخر نلم مبلغ معقول لو خلينا شركة أجنبية تحتكر حق توزيع الفيديو في أوروبا وأمريكا

حسنى: عايز أحلي مدفع يشيل النعش يا ولاد

جمال: مدفع رشاش

سوزان: الهزار مش في الحاجات دى يا جمال

جمال: آسف يا ماما

حسنى: عايز أدفن في شرم الشيخ يا ولاد جنب أولمرت وشارون

علاء: يعنى بلاش كفر مصيلحة

حسنى: لأ كلها براغيت يا علاء... وإسم شرم الشيخ كمان أشيك بكتير

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[MSoliman]

هههههههههههههههههههه

ربنا يستر عليك يلى عامل التوبيك

[‏MissÖTÖ]

ههههههههههههههههه

[STRQUEEN]

اربنا يوفقك
أنا لو اتمسكت هعترف من أول قلم :ANSmile33:

[tomeknight]

ههههههههههههههههههههههههههههه:ANSmile24:

[_BaD_BoooY_]

المشاركة الأصلية كتبت بواسطة STRQUEEN عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اربنا يوفقك
أنا لو اتمسكت هعترف من أول قلم :ANSmile33:

هههههههههههههههههههههههههههههههههههههههههههههههه

[Wise Knight]

مش عارف ليه حاسس ان البوكس داخل بضهره !! ربنا يستر

[!_Secotrr_!]

انت خلاص يا صبـرى
اوعتوقيلت خلاص ^^ :mbrok: :mbrok:
:a27:

[Mysterious]

ههههههههههه
هنبقا نجبلك عيش وملح :h3: صدى عيش و حلاوه

[لاتحزن على بنت خانتك]

^_^

بص مش عشان تضحك الناس تعرض نفسك للخطر ... عننا ما ضحكنا المهم انت
:wrd:

خلى بالك من نفسك اهم ... احنا مش فى امريكا يا عسل

[mamomoro]

[aljokar20]

حاجه من الاخر بس ربنا يستر

[وائل شكرى]

الى الاخ صاحب الموضوع و الى الاخ المشرف على ما اظن ان فى قوانين للكتابه فى القسم هنا و من ضمن بنود القوانين انه ممنوع الاساءه للحكام و الرؤساء العرب صح ؟

ارجو الرجوع لقوانين القسم

[Danger_B0y]

ههههههههههههههههه ماتخفش مش هفتن عليكـ

[!!DonTAsk!!]

ههههههههههههه