الـجـروب الـرسـمى لـلـمـنـتـدى FaceBook | Official Group

**النقشبندى** · 08-04-2010, 10:48 PM

رسالة الى أبي الحبيب

أبي الحبيب حسني مبارك
مقدمه لسيادتكم برعم نشأ فى عهدكم وتربى فى كنفكم وشرب من بحر علمكم وحكمتكم التى أذهلت العدو قبل الصديق
تسمح لى أقول لك يابابا ؟
بابا أنا تعبان قوى ....لأ مش سنانى دى ودانى !!!...أيوه ودانى....أصلى سمعت كتير قوى عن حاجات حلوة حتحصل لنا وما حصلش منها حاجة ...حقول لك شوية حاجات منها واخواتى هنا يمكن يحبوا يزودوا عليها شوية حاجات تانية جايز أكون نسيتها ... بابا مش عايزك تزعل منى علشان فتحت لك قلبى
(1)
بابا...مصر فى السياسة والإقتصاد وحتى فى الرياضة بقت فى الحضيض.. بقينا زبالة يابابا صدقنى
(2)
الدول اللى كانت محدش بيسمع عنها خالص بقت أحسن مننا بكتير قوى يعنى دول زى الهند...الفلبين...حتى تايلاند عندهم إيدز وبرده بيشتغلوا وبيصدروا كمان....إنت نمت يابابا .....لسه صاحى... طيب أكمل
(3)
بتشوف قناة الجزيرة والعربية ودبى يابابا....شوف همه وصلوا وبقوا إيه واحنا بقينا إيه....الإعلام بتاعنا بقه زبالة بصراحة يابابا...تفتكر ده من إيه
(4)
المصريين اللى عايشين بره محدش بيسأل فيهم خالص يابابا....تصور لو حد منهم مات ...السفارة ما بترضاش تبعت جثته إلا لو الناس لمت من بعضها ودفعت المعلوم......ده غير إن سفاراتنا بتعاملهم بطريقة أخر جليطة وقلة حيا بصراحة
(5)
إحنا مابنزرعش قمح ليه يابابا ؟؟؟....أنا عارف إنك بتحب الكنتلوب علشان طعمه أحلى.. مش مهم
(6)
بابا...بيقولوا إن إسرائيل ممكن ترجع تحتلّنا تانى علشان المعاهدة اللى عموا أنور مضى عليها دى.....مينفعش تلغيها يابابا وندخّل جيش مصرى فى سينا
(7)
هوه ليه عمو عمرو خالد وأنكل يوسف القرضاوى ملهمش برامج على التليفزيون المصرى يابابا؟؟؟.. ليه كل البرامج بتطلع فيها روبى ونانسى ودينا؟؟؟....طب عمو طنطاوى ما بيزعلش لما بيشوف الحاجات دى يابابا
(8)
فيه إشاعة بتقول إن عدد الجراد اللى هاجم مصر 70 مليون جرادة يعنى نفس عدد شعب مصر وإن عمو كمال الشاذلى هوه اللى بعتهم علشان يقولوا نعم يامبارك .... صحيح إنهم كتبوا لك مبايعة على ورق الشجر يابابا
(9)
بابا.. وزير الزراعة الجديد ده باين عليه فقر وقدمه نحس.. اوعى تفرط فيه يابابا لأنه بقى أملنا الوحيد
(10)
بابا...إنت صحيح ناوي تجدد تاني ؟؟؟
باباااااااا......سيب شعرررررري ياباباااا.......مين الناس دول يابابااااااااا
همّا واخدنى ورايحين على فين يابابااااااااا ؟

أرجو تثبيت الموضوع

**BiG_STRONG** · 08-04-2010, 10:50 PM

انا مش شايف حاجة خالص

**النقشبندى** · 08-04-2010, 10:55 PM

كده هتشوف :a26:

**BiG_STRONG** · 08-04-2010, 10:57 PM

اقتباس:

المشاركة الأصلية كتبت بواسطة النقشبندى عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

كده هتشوف :a26:

اه كدا احسن بكتير:ANSmile24:

**النقشبندى** · 08-04-2010, 10:59 PM

[QUOTE=BiG_STRONG;2180244]اه كدا احسن بكتير:ANSmile24:[/QUOT

طيب الحمد لله

و شكرا على مرورك الجميل :ANSmile06:

**estokal010** · 08-04-2010, 11:02 PM

:ANSmile31: بلاش سياسة يا اخونا متزعلش يا بابا :h3:

**michilvxv** · 08-04-2010, 11:05 PM

شكرا

**magic_4_ever** · 08-04-2010, 11:10 PM

هاهاه موضوع جميل والله ومصر كده كده خربانه طول ما فيها حسنى ابن التييت وابنه جمال ابن التييت ربنا ينتقم منهم :a024:

**medo10** · 08-04-2010, 11:29 PM

انا خايف ارد ليكون حد هنا امن دولة ولا حاجة :060::060::060::Bebe20::Bebe20:

**ecsroman** · 08-04-2010, 11:40 PM

ههههههههههههههههه

عندك حق فى كل كلمة

**omar007** · 08-04-2010, 11:42 PM

كله فى الضياااااااع

**MoST_WanTeD** · 08-04-2010, 11:58 PM

كلو في السكالانس هههههههه

**_BaD_BoooY_** · 09-04-2010, 12:08 AM

ابوك ده عسل اوى بيحب الكنتلوب :deal:

**ValnTino** · 09-04-2010, 12:12 AM

انا بيسسس
:ma-atw83: :ma-atw83:

**Mesoo** · 09-04-2010, 12:20 AM

مشكورررر
:mbrok:

المواضيع المتشابهه
الموضوع	كاتب الموضوع	المنتدى	الردود	آخر مشاركة
_____(مفاجئة لعشاق تامر حسنى) { حفلة تامر حسني 2010 } _____	StarWars	بـعـيـدآ عـن سـيـلـك رود	33	19-02-2010 03:08 AM
كليب عيد ميلاد تامر حسني الجديد لعشاق تامر حسني	Step_By_Step	بـعـيـدآ عـن سـيـلـك رود	10	07-08-2009 11:19 PM
رساله للاخ الى كان بيطلب انهم يبعتو رساله لجوى ماكس عشان ال media المعدله	Amrmafia	أخـبـار سـيـلك رود أون لايـن	13	01-04-2009 04:27 AM

يتصفح الموضوع حالياً : 1 (0 عضو و 1 زائر)

	حفظ بياناتي ؟