نكت جامده

[mazenn22]

السلام عليكم اولا واخيرا
انا قريت مواضيع كتير منها الى يقطع القلب ومنها الى يفرح بس انا مش شايف اى موضوع يضحك الناس ويفرحها انا جايب شوية نكت جنان عشان الناس تضحك وتنبسيت
ارجو الردود
1:اهلاوى اتجوز زملكاوية ستتها .............. مع الاعتذار لنادى الزمالك
2:مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام 3: صرصار خارج من السوبر ماركت فرحان عشان شاف صورته على علبة ريد
4:واحد شاف واحد صيني وشاف عينه ، قال يابخته شبعان نووووووم
5:واحد مسطول سألوه عن رأيه فى الزواج المبكر رد قال : مبكر ، يعنى حوالى الساعه كم ؟6:مرة واحد مسطول قبض مرتبة وقاعد بيقسم المرتب مية جنيه ايجار مية جنيه مصاريف وعشرين جنيه حشيش ، البوليس خبط علي الباب قطع العشرين جنيه بتاعت الحشيش
7:مرة ست عجوزة قالوا لها الدش حرام قالت لهم الحمد للة بقالى 68 سنة بستحمى فى الطشت
8:ليه بيحطوا غطاء علي الزير ؟؟؟؟؟؟؟؟؟؟ علشان يحطوا الكوز عليه
9:واحد بيقول : انا بردان من المكيف , رد عليه واحد جنبه وانا منصور من طنطا :
10:مرة اثنين عندهم كلاب صيد صاحب ال*** الاول أول ما يضرب طلقة من الندقية ، يجرى ال*** ويروح يجيب الفريسة.... والثانى أول ما يضرب الطلقة ***ه يكّش.... فنصحة صاحبة انه يروح الافراح فى الارياف ، فال*** هيتعود على صوت الرصاص... راح الارياف وفضل يحضر فى افراح لمدة 6 شهور...... وبعدين رجع يصطاد ، راح ضارب طلقة من البندقية... راح ال*** وقف على رجله وقعد يزغرط :
11:واحدة عندها قطة كل ما تيجي تتخلص منها ... القطة ترجع تاني.... فبعتت ابنها يتخلص منها و يرميها بعيد عن البيت عشان ما ترجعش ... راح واخد القطة وقعد يلف يلف لحد م تاه عن البيت ورجع متأخر .....فسألتة والدتة اتأخرت لية؟؟ قال لها انا تهت ......قالت له طب رجعت ازاي؟؟؟ قال لها مشيت ورا القطة
12:مسطول بيقول لزميله ... عود الكبريت ده مش راضى يولّع .. الثانى راح قال له: غريبة مع انى لسه مولعه من شويه
13:مرة واحدة قاعدة مع جوزها قاللها انا بحب فيتراك قالت له و انا بحب مجدى قالها فيتراك دي مربى قالت له ومجدى ده عسل
14:مرة واحد مسطول لبس جزمة فردة حمرا و فردة بيضا فحط رجل على رجل شافو مسطول صاحبه و قال اول مرة اشوف واحد حاطت رجله على رجل الي جانبه
15:اتنين صحاب أغبية ... الاول بيسأل التانى : هو ابوك متنّك علينا كده ليه ؟ التانى : ليه بس حصل ايه ؟ الاول : من ساعة ما مات مبقاش يعدى يسلّم زى الاول
16:صرصار في وسط فريق نمل ، ليه؟؟؟؟؟؟؟؟؟؟؟؟؟؟ لاعب اجنبي
17:مرة 2 مساطيل واحد بيقول للتانى انا بابا هو اللى بنى الأهرامات .راح التانى قالة انت عارف البحر الميت بابا اللى قتلة
18:مرة واحد سمع ان الجرائد هتغلى ........... راح اشترى منها كمية كبيرة
19:>ليه الكتكوت مبيكدبش على الفرخه؟؟ علشان هيه الي فقساه
20:اتنين مساطيل ماشيين على سطح بيتهم واحد وقع فى الخزان ....التانى راح استناه عند الحنفية
21:مرة واحد حب يطور الطيارة الهليكوبتر ركب بدل المروحة تكييف
22:ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد.
23:واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد
24: مرة واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه
25:دكتور بيعمل عملية في مخ مريض وطلّع المخ وحطة في الصينية جنبه ، وشغال في الجمجمة شوية ودخلت قطة وكلت المخ.... الدكتور احتار ملقاش غير جوز الجزمة حطه في الجمجمة وقفل... وبعد كام سنة ساله واحد دكتور زميلة بيقول له اخبار مريضك بتاع الجزمة ايه ؟؟ رد علية وقال له عقبال املتك دا بقي مدير المستشفي بتاعنا
26:واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة
27:واحد غبى اشترى جزمة رياضة اديداس .. لقاها 3 شرط ..... راح حاططها فى الشاحن
28:مرة واحد بيتكلم مع صاحبة فى الموبايل فالخط بيقطع فصاحبة بيقولة الخط بيقطع لية فقال له اصلى جايب الخط بالتقسيط
29:واحد كمسري بيقول لابنه تذاااااااكـــــــــــــــــــــــر ............. تنجح
30:واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت
31:جذماجى مات بالجذمة القلبية عملوا له نعل فى الجرنال جم يعملوا له الاربعين لاقوه ضيق عملوا واحد و اربعين
32:واحد جندي حطوه في الجبهة على الخط الاول مع العدو وقالو له بس تحس اي تحرك للعدو فورا بتخبرنا... هنا عندك جهاز التليفون اتصال مباشر مع القيادة..... وفي احد الايام لاحظ الجندي تحرك العدو فرفع الهاتف وقال الو قيادة العدو على بعد 5 كم ..فقالو له علم ..........ثم بعد ساعة رفع سماعة الهاتف وقال الو قيادة العدو على بعد كيلو واحد.. فقالو له علم و اغلقوا الخط في وجهه ولم ياتي احد.............. وبعد نصف ساعة قال الو القيادة ...قالو له نعم.... فقال لهم اتفضلو احكو مع العدو
ارجو الردود بعد الضحك دة كلو وللمزيد اتفضلو بزيارة الموقع بتاعى

[HERO_xXx]

حلوة اوى النكت دية

[mazenn22]

المشاركة الأصلية كتبت بواسطة HERO_xXx عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

حلوة اوى النكت دية

thx 3la mrork

[masterzxc]

هههههههههههههههههههههههههههه مش مكانها يا معلم

[mazenn22]

المشاركة الأصلية كتبت بواسطة masterzxc عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههههههههههههههههههههههه مش مكانها يا معلم

mashe ya basha bs brdo 3shan ed7ko

[masterzxc]

حلوة منك

[hijacker]

:)

[DARK_MASTER]

يا جامد جامدة يا مان

[mazenn22]

thx 3la mrorko

[khaled007]

nokt gamda awyy wlahy ya man thxx

[mazenn22]

المشاركة الأصلية كتبت بواسطة khaled007 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

nokt gamda awyy wlahy ya man thxx

mashe ya basha

[hoobar]

ههههههههههه بجد انا ميت من الضحك :d

وشكرا علي النكت دي