¤©§][§©¤][ فتيان الليل.....وفتيات الليل..... ][¤©§][§©¤ (الحلقة الثانية)...

[! FiRe !]

اهلا تانى بيكم يا شباب ، يلا نكمل قصتنا عن فتيان الليل ، ونتابع الاحداث ، اللى وقفت عند انو محمد التفت وراه ، وفجأة :

عمرو : ايه يا غبى ، تجرينى وراكم اتنين كيلو الله يخرب بيوتكم .

محمد : مين ، هو انتا يا هانتر ، الله يخرب بيتك يا شيخ ، خضيتنى ونزلت قلبى فى رجليا .

عمرو : ههههههههههههههههههههههههههههههههههههههه ، عادى ، ^^ .

محمد : عادى؟؟؟؟؟؟؟؟؟؟؟؟؟؟ ، الواد امجد انتا عارفه جبان ، زمانه روح بيتهم .

عمرو : بيتهم مين يا عم ، دا زمانه راح اسيوط بلدهم ، هههههههههههههههههه .

محمد : والله يمكن ، هههههههههههههههههههههههههههه ، المهم ، نبقا نكلمه بعدين ، تعالى اوريك حاجة هتتجنن منها .

عمرو : حاجة ايه؟؟؟؟؟ .

محمد: تعالى بس ، انا هحكيلك لحد ما نوصل .

عمرو : نوصل فين؟؟؟

محمد: ما تيجى وانتا ساكت .

وراح ماسكه وشاله وحطه على كتفه !!!

عمرو: اه اه اه ، خلااااااااااااص ، يا غبى بطنى ، هاجى هاجى ومش هفتح بوقى .

محمد : ما كان من الاول ، عالم جبانات بصحيح .

عمرو: ماشى ، لك يوم يا ظالم .

ومشيوا وراحوا عند الخرابه اياها ، وحكى محمد لعمرو كل حاجة من طأطأ لسلامو عليكو !!!!!

فى نفس الوقت ، فى مديرية امن الجيزة ، كان فى احداث مهمة جدا بتدور ، هتفرق كتير وهيكون ليها دور كبير فى قصتنا ، تعالوا نشوف ونتابع ......
"انتا ازاى يا حضرت الظابط تروح تمسك شباب وترميهم فى الحبس بدون تهمة ، وما نابنا احنا بس غير الشكاوى من اهالى العيال دول "

"يا فندم دول كانوا شاربين مخدرات ومتدهولين عالاخر ، دا حتى منظرهم بيقول كده ، وبعدين اساسا هما كانوا....

"انتا ملقتش معاهم حاجة ، تحبسهم ليه ، بتهمة ان منظرهم مش تمام ، ولا بتهمة المشى فى الشارع بعد الساعة اتنين صباحا ، لتكنش سيادتك عامل حظر تجول من ورانا "

"يا سيادة اللواء انا والله...."

"بس ، اسكت ، انتا كده تعديت حدودك يا عبد الرحمن ، اتفضل على القسم بتاعك يا حضرة النقيب "

النقيب عبد الرحمن : يا عمر باشا انا كنت بنفذ العدالة ، نفس العيال دول سرقوا محل بقالة من اسبوع وراحوا اشتروا مخدرات بالفلوس ، ولما قبضنا عليهم للاسف كانو خلصوا كل حاجة ، وهما يستاهلوا يا فندم واظن ان دى العدالة يا فندم .

اللواء عمر : عدالة ايه يا سيادة النقيب المحترم ، العدالة بتطبق حسب القانون ، وطالما القانون لا يجرمهم اذا هما مش المفروض يدخلوا الحبس .

النقيب عبد الرحمن: بس يا فندم الناس المجنى عليهم ذنبهم ايه ان العدالة عمياء !!!

اللواء عمر: هو دا قانون البلد ، هتعمل ايه ، ومفروض عليك وعلى غيرك ، اتفضل يلا على قسمك انا مش فاضيلك .

النقيب عبد الرحمن: تمام يا فندم .

وبعد هذا النقاش الجاد الحار ، خرج النقيب عبد الرحمن من مكتب اللواء عمر بمديرية امن الجيزة ليجد العقيد عمرو ماندو فى وشه علطول ، فادى التحية العسكرية ، ودار نقاش صغير بينهم ، تعالوا نشوف قالوا ايه ....

النقيب عبد الرحمن: اهلا يا فندم مساء الخير .

العقيد ماندو : اهلا بظابطنا الهمام ، ازيك يا عبد الرحمن ، وازاى احوال منطقة مشعل والسمان؟؟؟

النقيب عبد الرحمن: كله تمام يا فندم وتحت السيطرة ، بس.....

العقيد ماندو يرفع رأسه قليلا ويقول : بس ايه يا سيادة النقيب؟؟؟؟

النقيب عبد الرحمن: لا يا فندم مفيش ، مفيش حاجة ، دى مسالة لا تذكر !!!

العقيد ماندو : اكيد العيال بتوع المخدرات مش كده .

النقيب عبد الرحمن: بالظبط يا فندم ، بس حضرتك عرفت منين؟؟

العقيد ماندو وهو يبتسم : انتا ناسى انى و عمر اصحاب من زمان ولا ايه ، ثم اتبعها بضحكة تنم عن ظفر ودهاء .

النقيب عبد الرحمن: اه طبعا يا فندم ، العيال دول هيجننونى ، كل مرة نقبض عليهم يطلعوا منها زى الشعرة من العجين .

العقيد ماندو : مش يمكن هما اذكى مما تتصور يا سيادة النقيب؟؟

النقيب عبد الرحمن: لا يا فندم مستحيل ، مستحيل عيال زى دول يخططوا التخطيط دا وبالذكاء دا ، دول مساطيل 23 ساعة فى 24 يا فندم ، انا اللى بشك فيه انو وراهم منظومة بيديرها رئيس عصابة بصحيح ، وهما يادوب افراد بسيطة فيها .

العقيد ماندو : بقولك ايه ، انتا هتاخدنا فى دوكة ، ريح بالك زى اللى قبلك كلهم ، وسيب العملية دى لمكافحة المخدرات ، وهما لما يحتاجوا مساعدة اديهم قوات ، مش اكتر ، لكن هتوجع دماغك ليه ، وتتعب روحك وتتعبنا معاك ، وتزعل اللواء عمر منك ، مع انك ظابط كفؤ ومتميز ، اسمعها نصيحة منى يابنى .

النقيب عبد الرحمن وهو بيبص فى الارض وكأنه شايل على اكتافه هموم الدنيا كلها : شكلى هعمل كده يا فندم ، شكلى فعلا .

العقيد ماندو : كويس ، صحيح ، افتكرت ، انتا معزوم عندى يوم الجمعة عالعشا ، دى ايمان نفسها تشوفك وتتكلم معاك عن ميعاد الخطوبة ، ولا انتا عايز تكسفنى وتكسفها زى المرة اللى فاتت "

النقيب عبد الرحمن : لا ازاى يا فندم ، حضرتك و ايمان على دماغى من فوق ، طبعا هحضر يا فندم ، طبعا ، عن اذنك .

وخرج النقيب عبد الرحمن من المديرية متجها للقسم بتاعه ، قسم الهرم ، وهو بيفكر طول الطريق ، تعالوا نسمع افكاره...

"يا ترى انا صح ؟؟ ، ولا انا تاعب نفسى عالفاضى ، ومأخر خطوبتى بسبب العيال دول ، وبعدين ايمان ذنبها ايه فى العملية دى كلها ، ياااااارب ، الهمنى الصبر والحكمة ،

لأ ، انا صح ، العيال دول وراهم منظمة ، ولازم اوقعها كلها ، ولو اتكلف الامر تأخير خطوبتى ، لا ، خطوبتى ايه ، لو اتكلف حياتى !!!!"

وفى نفس اللحظة ، زاد النقيب من سرعة السيارة جدا واصبح طاير عالاسفلت مش بيمشى عليه ، وراح للقسم بتاعه ، وكله عزيمة واصرار ، على تنفيذ خطة ، وضعها فى لحظات ، وفعلا ، وصل القسم ، ودخل مكتبه ، واعتكف !!!

فى نفس اللحظات كان محمد اشرف وعمرو وصلوا بيت امجد ، وطلعوله الشقة ، وضربوا الجرس ، وفتح امجد بنفسه ، تعالوا نشوف ايه حصل بعد كده:

امجد : تعالوا تعالوا ادخلوا بسرعة ليكون الواد اللى عايز يقتلنا وراكو ولا حاجة .

محمد : يقتلنا مين يبنى ، انتا عبيط شكلك . دا كان عمرو .

امجد: ايييييييييييييييييييييييييييييييييه؟؟؟؟؟؟؟؟

عمرو : دى حقيقة يا برنس ، انا اول ما ندهت انتا خلعت وانا حصلت محمد وعرفنى.

امجد: يالهوى ، انا اترعبت ، انا قلت دا واحد من العصابة اللى خطفت الظابط ، وجايين يقتلونا .

والد امجد: عصابة ايه وظابط مين ياض انتا ؟؟؟

امجد: يا خبر ، لا يا بابا دا فيلم مش اكتر .

والد امجد: اه طيب ، خشوا اوضتك عشان تتكلمو براحتكو وكمان عشان عايز اتفرج عالماتش .

امجد: حاضر يا بابا ، يلا عالاوضة .

وبعد ما دخلوا الاوضة ، بدأو فى الكلام عن العصابة اللى شافوها خاطفة الظابط ، يلا نشوف بيقولوا ايه ابطالنا التلاته..........

امجد: الحكاية دى هتتجننى ، ازاى شوية عيال مساطيل يخطفوا ظابط شرطة ، انتوا عارفين يعنى ايه ظابط ، يعنى بيكون على بيته حراسة ، ومش بيمشى الا وسط العساكر وامناء الشرطة ، ويجوا شوية العيال دول يخطفوه من وسط الهلومة دى كلها ، الحكاية دى فيها انَ واخواتها .

محمد: عندك حق ، مستحيل عيال زى دول يعملوا عملة كبيرة كده ، حتى لو مساطيل هما مش مجانين .

عمرو: الحكاية دى ملهاش غير تفسير واحد .

محمد: ايه هو؟؟؟؟؟؟؟

امجد: الحقنا بيه ابوس اى حاجة.

عمرو: العيال دول وراهم عصابة كبيرة ، وهما بينفذوا اوامر حد اعلى منهم ، ورئيس عصابة والجو دا .

امجد: انتا بتهزر ، انتا عايش فى فيلم اجنبى لكلينت ايسد وود ولا ايه ، مرحبا فى ارض الواقع ، هههههههههههههه ، قال عصابة منظمة قال هههههههههههه.

محمد: بالعكس ، عمرو كلامه صح ، وصح جدا . والا هاتلى تفسير تانى ياخويا.

امجد: صحيح انا معنديش تفسير تانى ، بس اكيد العملية مش كده ، كده هتبقا وسعت اوى ، خلاص يا جماعة ، لالالالالا ، احنا نقفل عالموضوع ، ولا كأننا شفنا او عرفنا حاجة ، انا ادرى منكم بالمجرمين وبتوع المخدرات دول ، دول معندهمش تفاهم .

محمد: يا امجد دى مغامرة مش اكتر .

عمرو: بالظبط ، ولما نزهق او نحس بخطر ، هنقفل عالموضوع زى ما انتا قلت ، ويا دار ما دخلك شر !!!!

امجد: وانتوا ايه ضمنكوا انكوا متكونوش دخلتم فى الغويط قبل ما تحاولوا تخرجوا ، وساعتها تبقا الفاس وقعت فى الراس ، وهيبقا فيها دم ، لا يا جماعة ، انا لسه مصرُ اننا نقفل عالحوار من اساسه ، قبل ما نغوط ويستحيل علينا نطلع ، لاننا لو حد منهم عرف عننا ، هنتأذى ، ولو احنا نجونا ، احتمال يراقبونا ، وساعتها اهلنا وحبايبنا واى حد بنتعامل معاه ، هيدخل فى الموضوع ، وممكن يتأذى ، لا يا شباب ، مش المفروض توصل للدرجة دى .

محمد: ايوا كمل يا جبان ، قول ان انتا خايف ، يا جبان .

امجد: لا يا محمد ، صحيح انا منكرش انى خايف ، لكن انا مش جبان ، كل الموضوع انى بحسب الامور بعقلانية .

عمرو: طب انا عندى حل وسط ، يرضى جميع الاطراف ، انا محمد نحصل على مغامرتنا ، وانتا تنعم بالامان ومفيش خوف

محمد: ودا ايه ان شاء الله .

عمرو مع ابتسامة تدل على الدهاء: احنا نروح احمد رجب ، هو خبير اليكترونيات ، ممكن يساعدنا بجهازين من بتوع التنصت على اننا نتابع العصابة ، من بعيد لبعيد ، واكيد دول مساطيل ، مش هيعرفوا جهاز التنصت من الخنفسة الميتة !!!! ، هاه ، موافقين ولا ايه؟؟؟

محمد بابتسامة عريضة : قشطة ، دا كده احسن بكتير من مراقبة العصابة بنفسنا ، حلاوتك يابو الافكار ، ههههههههههههه .

عمرو بيبص على امجد : وانتا يا ميجو؟؟؟

امجد اللى وشه فى الارض بيفكر قال : اكيد موافق بدون اى شك .

عمرو: طيب انا هتصل احمد حالا ونحدد ميعاد ، ونقوله عالحوار ونشوف اذا كان هيساعد ولا لأ ، لحظة

، عن اذنكوا.
عمرو: الو ، احمد باشا ، عامل ايه ، بقولك ، عندى ليك حوار جامد اخر

حاجة......

وبعد ما شرح هانترمان لديابلو كل التفاصيل ، اتفقوا انهم يتقابلو عند ديابلو يوم

الجمعة بعد الصلاة علطول ،، والباقى الحلقة الجاية يا شباب ^^

[MoST_WanTeD]

شكرا وكمل مواضيعك

[JUMPER]

هههههههه
جامده يا معلم
أكمل أكمل ......

[Cup]

استمر + مكشور على الموضوع الرائع دة

[PVD]

اشطة يا وديع بس اوعى تأخر علينا فى الجزء اللى جاى
انا مستنى اهو ..... اصل الحوار دى بيفكرنى بيا انا واصحابى ^_^

[omar007]

على فكره انت عيل غبى
مضووعك كده مش هيتثبت علشان انت مش عالمها فى مضووع واحد
انت عامل كل جزء فى موضوع ليه يا غبى

بس القصه حلوه اووووووووى اوووووى ياض هو انت مالفها لوحدك ولا معاك مين

[STRQUEEN]

مشكوور

[وائل شكرى]

كمل يا غالى انا متابعك اهو ..

[King_of_WizZ]

الف شكر يا باشا

[A_R]

كمل انتا قلت حلقتين كل يوم صح

[StarWars]

جمدة اوى يا باشا

بس انتا زكى اوى انك عملت كل جزء فى موضوع كدة مش هيتثبت

[!_Secotrr_!]

كـــــوول ^^

[! FiRe !]

شكرا يا شباب عالمرور
وانا عاملها لوحدى يا عمر
وبالنسبة للتثبيت
الصراحة انا زهقت ، مش هتنفع تتعمل موضوع واحد
ولو مش هتتثبت مش مهم
انا زهقت اوى اعملها موضوع واندرو يقول مفيش تثبيت لحاجات مش كاملة
اثبتوا على حل
وانا يا سيدى مش هعملها موضوع واحد
ومش عايزها تتثبت