يا جماعه انا مش طالب طلب انا عاوز كلو يخش هنا ويقرا بس و مش عاوز رد بس اقري

[GOKR]

السلام عليكم ورحمة الله وبركاته

إزيكم يا أصدقائى .. إزيكم يا إخواتى

كل سنة و إنتوا طيبين يا رب و بعوده عليكم السنين و الأيام و إنتم بخير و صحه و عافيه و قوه و شباب و حيوية

حملتنا ... إسترجل و بطلها .. مش سجاير و لا شيشة ولا معاكسات و لا شات و لا .... (واخدين بالكم


حاجه أكبر .. حاجه أخطر و أصعب و كتيييييييير حاولوا مقدروش

حاجه قطعت علاقة الناس بربها .. بقى فى برووود فى الدعاء و فى الصلاه و فى العباده

تحس كدا بمرارة جواك و حاجه بتعصرك من جوا و عندك إحساس إنك منافق .. أو كداب

بتقرر كتييييير أنك هتسترجل و تبطلها .. و فى الآخر بتطلع عيل قدام نفسك ... و بتستعيل نفسك أوى ى ى ى



و خايف !! خايف تموت على المعصية .. خايف تموت قبل ما تتوب .. قبل ما تلاقى الحل !!


و آخر ما تذهق ... تبدأ تصبر نفسك .. و تحط نفسك فى أوهام ملهاش نهاية ؟؟

" ياعم ما الناس كلها كدا .. دا النسبة بين الشباب 85% و بين البنات 73% ... فكك منى بقى ... الدين يسر مش عسر يا بوب

"بص أصل إنت مش فاهم .. دا الكلام دا تصبيره بس لحد ما أجوز و بعد كدا كله هيبقى تمام فى السكلانس



و ترجع تانى ... بعد ما تلاقى إنك مش قادر تصلى و بتسيب فروض ... و ضميرك .. و إيمانك .. و التربية اللى أهلك ربوك عليها

ترجع تلوم نفسك !! تأنب ضميرك ... و يرجع تانى يدب فى قلبك الخوف من الموت و سوء الخاتمة ؟؟

طيب بطل فلسفه بقى و قولى الحل ... عشان مش ناقصه مواجع و تأنيب ضمير و هتبقى إنت كمان عليا ؟؟؟

أووووووووف ...... إتخنأت






الحل فى قلبك ... آه فى قلبك .. محتاج تنضيف ... لازم تشيل الغشاوه اللى عليه

لازم تسمع كلام ربنا بقلبك ...... لازم تحس بصلاتك ... لازم تطلب من ربنا بجد

لازملك قلب حديد .. قلب صلب .. قلب مؤمن .. قلب أصلى مش قلب صينى



بجد لو عاوز تسترجل و تبطلها ... إعرف إن دا لنفسك .. لمصلحتك .. وكمان لرجولتك يوم الدخله يا عريس و منظرك قدام شريكة حياتك و أهلك و أصحابك و جيرانك


لازم تؤمن بكدا .. لازم قلبك يصدق كدا

لازم تعظم الذنب ... و تحس ببعد المسافة بينك و بين ربنا

لازم تسأل نفسك ..

ربنا شايفنى .. و سايبنى .. ؟؟؟ ليه ؟؟؟

ربنا شايفنى .. و بيرزقنى ؟؟ ليه ؟؟؟

ربنا شايفنى .. و بيسترنى ؟؟؟ ليه ؟؟


عارف ليه ؟؟ .... عشان ربنا بيحبك ... بيحبك أوووى

عيط و إبكى أووى على الكلمة دى

نزلك دموعك و إنت بتقول ربنا بيحبنى .. آه بيحبنى ..... عشان كدا سترنى لحد دلوقتى

و هيغفرلك ... والله هيغفرلك لو إنت إسترجلت و بطلتها ... لو إنت نويت تزود إيمانك

لو إنت غضيت بصرك .. و أخدت موقف مع نفسك

تخيل نفسك فى الموقف اللى إنت مش حابب تكون فيه .... تخيل نفسك ميت على معصية

تخيل فى الدنيا كلام الناس عنك من بعدك ..... و تخيل فى الآخره موقفك قدام كل البشر و إنت بتبعث على اللى مت عليه

و بتتحاسب .... و أعضاء جسمك بتشهد عليك ... عينك .. و جلدك و إيدك و رجلك


كل أعضاء جسمك هتتكلم و تقول عليك إيه .... ؟؟

إيدك هتبكى و تقرف منك .. و تطلب من ربنا إنه يعفو عنها و ميعذبهاش بسببك ..

و عينك ... هتقول يارب دا هو اللى خلانى أبص يمين و شمال على دى و دا ودول ..

و شهوتك ... هتقول يارب دا هو اللى أثارنى على معصيتك .. يارب أنا مخلوق مسخر ليه لا حول لى ولا قوة .. متعذبنيش بسببه


شوفت الإحساس بالقرف و ضيق الصدر اللى بيجيلك دا جايلك منين ؟؟

جايلك منك ... لأن جسمك عبد لله .. كل جزء فيه بيسبح ربنا طول الوقت ..

و إنت بتأمره بالمعصية !!





ما تيجى نقرأ قرآن ؟؟؟ تعالا كدا نشوف أى سورة فى المصحف ....


بس إقرأ بقلبك ؟؟


أنا مصحفى فتح على سورة الإسراء تعالا كدا ننقى منها بعض الآيات و نتدبرها سوا


:: بسم الله الرحمن الرحيم ::
إِنْ أَحْسَنتُمْ أَحْسَنتُمْ لِأَنفُسِكُمْ وَإِنْ أَسَأْتُمْ فَلَهَا فَإِذَا جَاء وَعْدُ الآخِرَةِ لِيَسُوؤُواْ وُجُوهَكُمْ

:: بسم الله الرحمن الرحيم ::
إِنَّ هَذَا الْقُرْآنَ يِهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا كَبِيرًا

:: بسم الله الرحمن الرحيم ::
وَكُلَّ إِنسَانٍ أَلْزَمْنَاهُ طَآئِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنشُورًا

:: بسم الله الرحمن الرحيم ::
اقْرَأْ كَتَابَكَ كَفَى بِنَفْسِكَ الْيَوْمَ عَلَيْكَ حَسِيبًا

:: بسم الله الرحمن الرحيم ::
مَّنِ اهْتَدَى فَإِنَّمَا يَهْتَدي لِنَفْسِهِ وَمَن ضَلَّ فَإِنَّمَا يَضِلُّ عَلَيْهَا وَلاَ تَزِرُ وَازِرَةٌ وِزْرَ أُخْرَى

:: بسم الله الرحمن الرحيم ::
وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا وَكَمْ أَهْلَكْنَا مِنَ الْقُرُونِ مِن بَعْدِ نُوحٍ وَكَفَى بِرَبِّكَ بِذُنُوبِ عِبَادِهِ خَبِيرَاً بَصِيرًا

تذكر :

أن الله يراك




:: بسم الله الرحمن الرحيم ::
مَّن كَانَ يُرِيدُ الْعَاجِلَةَ عَجَّلْنَا لَهُ فِيهَا مَا نَشَاء لِمَن نُّرِيدُ ثُمَّ جَعَلْنَا لَهُ جَهَنَّمَ يَصْلاهَا مَذْمُومًا مَّدْحُورًا

:: بسم الله الرحمن الرحيم ::
وَمَنْ أَرَادَ الآخِرَةَ وَسَعَى لَهَا سَعْيَهَا وَهُوَ مُؤْمِنٌ فَأُولَئِكَ كَانَ سَعْيُهُم مَّشْكُورًا

:: بسم الله الرحمن الرحيم ::
كُلاًّ نُّمِدُّ هَؤُلاء وَهَؤُلاء مِنْ عَطَاء رَبِّكَ وَمَا كَانَ عَطَاء رَبِّكَ مَحْظُورًا

تذكر :

أن الله يحبك ولا يريد عذابك و هو يمن عليك برغم أنك تعصاه و يسترك و لا يفضحك



:: بسم الله الرحمن الرحيم ::
انظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلآخِرَةُ أَكْبَرُ دَرَجَاتٍ وَأَكْبَرُ تَفْضِيلاً

:: بسم الله الرحمن الرحيم ::
لاَّ تَجْعَل مَعَ اللّهِ إِلَهًا آخَرَ فَتَقْعُدَ مَذْمُومًا مَّخْذُولاً

تذكر :

لا تكون عبداً للشهوه فهذا شرك بالله



:: بسم الله الرحمن الرحيم ::
وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولئِكَ كَانَ عَنْهُ مَسْؤُولاً

تذكر :

أن أعضاء جسدك ستشهد عليك



:: بسم الله الرحمن الرحيم ::
وَإِذَا قَرَأْتَ الْقُرآنَ جَعَلْنَا بَيْنَكَ وَبَيْنَ الَّذِينَ لاَ يُؤْمِنُونَ بِالآخِرَةِ حِجَابًا مَّسْتُورًا

تذكر :

الذين لا يؤمنون بالآخرة فى موضوعنا هذا هم الكافرون الذين يوفرون سبل المعصية على وسائل الإعلام والإنترنت
و بقراءة القرآن يجعل الله بينك و بينهم حجاباً مستوراً



:: بسم الله الرحمن الرحيم ::
وَجَعَلْنَا عَلَى قُلُوبِهِمْ أَكِنَّةً أَن يَفْقَهُوهُ وَفِي آذَانِهِمْ وَقْرًا وَإِذَا ذَكَرْتَ رَبَّكَ فِي الْقُرْآنِ وَحْدَهُ وَلَّوْاْ عَلَى أَدْبَارِهِمْ نُفُورًا

تذكر :

هؤلاء هم اصدقاء السوء .. فإبتعد عنهم



:: بسم الله الرحمن الرحيم ::
وَقُل لِّعِبَادِي يَقُولُواْ الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ إِنَّ الشَّيْطَانَ كَانَ لِلإِنْسَانِ عَدُوًّا مُّبِينًا

:: بسم الله الرحمن الرحيم ::
إِنَّ عِبَادِي لَيْسَ لَكَ عَلَيْهِمْ سُلْطَانٌ وَكَفَى بِرَبِّكَ وَكِيلاً

تذكر :

أن الله يحبك و ينسب عبوديتك له ... و هذا فخر كبير لك .. فلا تتركه



:: بسم الله الرحمن الرحيم ::
وَمَن يَهْدِ اللّهُ فَهُوَ الْمُهْتَدِ وَمَن يُضْلِلْ فَلَن تَجِدَ لَهُمْ أَوْلِيَاء مِن دُونِهِ وَنَحْشُرُهُمْ يَوْمَ الْقِيَامَةِ عَلَى وُجُوهِهِمْ عُمْيًا وَبُكْمًا وَصُمًّا مَّأْوَاهُمْ جَهَنَّمُ كُلَّمَا خَبَتْ زِدْنَاهُمْ سَعِيرًا

تذكر :

يمكنك أن تتوب و أن تطلب الهدى من الله .. حتى تتجنب هذا المصير



:: بسم الله الرحمن الرحيم ::
وَيَقُولُونَ سُبْحَانَ رَبِّنَا إِن كَانَ وَعْدُ رَبِّنَا لَمَفْعُولاً

:: بسم الله الرحمن الرحيم ::
وَيَخِرُّونَ لِلأَذْقَانِ يَبْكُونَ وَيَزِيدُهُمْ خُشُوعًا

تذكر :

إبك لله خشية و خوفاً و تضرعاً






شوفت سورة واحده فقط من القرآن فيها كام معنى و فيها كام دليل و أد إيه قوة و أد إيه خوف و أد إيه طمئنينة


و أهدى لكم هذا الدرس الرائع للشيخ هانى حلمى

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

و أهديكم هذا المقطع من الطفله التركية التى تتحدث عن رسول الله

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


و إنشروا هذا المقال وفقكم الله ولا تنسونى بالدعاء أن يحسن الله خاتمتى

جروب الحملة على الفيس بوك

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

منقول للافاده و التحزير

[محسن عبده]

شكرا علي المووع بجد

[AbdElLatif]

والله ما عارف أقولك إيه

يعني 50 مليون ألف كلمة شكرا ليك

أنا هبدأ عشان الناس متتكسفش

و هقول

أنا من الناس دي اللي بينيلوا الزفتة دي

و بقالي كتيييييييير بحاول أبطلها و كل مرة بإختلاف المده برجعلها

أنت عارف إيه المشكلة

المشكله و حل البتاعة دي إنك تملأ فراغك بأي حاجة

بس متعدش كده لا شغلة ولا مشغلة

اقيت نفسك فاضي

إنزل إخرج إتفسح روح عند واحد صاحبك


سبب الزفتة دي هي وقت الفراغ




و هنشره في القسم اللي أنتمي إليه إن شاء الله

[Fight3r]

بجد مشكوووووور بس ياريت ميخوشش مشرف يمسحو ياريت لو هيتمح يتنقل الى القسم الدينى مش اكتر

تحياتى ليك

[BonDooZeR]

بجد بجد شكرا يا حسام على الموضوع الجامد اوووي ده و ان شاء الله يجازيك خير على الي انت بتعملوا ده بس ياريت مش يدخل اي مشرف و يمسحوا او على الاقل ينقلوا الي القسم الديني او الي قسم بعيدا عن سيل رود

[ahmed0ali]

بجد مشكوووووور

[knight_versatchi]

thx

[GOKR]

الف شكر ليكم كلكم وانتا يا بيبو واحشني والله

[sheko2008]

موضوع فى غاية الروعة

و كلام فى السليم 100/100 بارك الله فيك

[emir_romance]

بجد موضوع جميل ربا يبارك فيك يا مان وللاسف انى عارف ده بس مبعملش بيه

[_BabY LoVe_]

الف شكر على الموضوع الذى فى غايه الروعه

[Spartaa]

بجد انت راجل صالح ربنا يارب ينور ايمانك

[M07aRB]

مشكور انك بتذكرنا

[ForGet Me]

لا اله الا الله محمد رسول الله

[_ TeaM4KiLL_]

موضوعك جميل جدا شكرااااااااا

وجزاك الله كل خير