|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
05-03-2010, 12:11 PM
|
#1 | ||||||||||
  
|
 اهلا بيكم فى اولى حلقات مسلسل عريس من عالنت  يلا استعدوا هاتو الفيشار وتعالو    الحلقة الاولى وموضوع الحلقه وكام حلقه بعديها (عريس من على النت)   ،،كاميرا 1..................استعد 2............................صور سباعى هات الشاى اكشــــــــــــــــــن تركت عفاف الكمبيوتر التي تقضى عليه معظم وقتها فجأة وصرخت بصوت عالى مااااما ..... يا ماماااااااااااااااا .....يا ماماااااااااااااااا الأم : فيه إيه يابت بالراحة إخواتك نايمين عفاف: معلش يا ماما أصلى فرحانة .... فرحانة اوي اوي الأم: خير يا بنتى فرحينى معاكى كدا ربنا يفرح قلبك عفاف: عريس يا ماما عريس الأم : يا ألف نهار أبيض يا ألف نهار مبروك لولولولولولولولولولولولولولوى وبعد دقيقتين أحضان وقبلات تذكرت الأم الأم: ألا قوليلى يابت عريس مين دة اللي هيتقدملك وماقلتليش من ساعة ما جيتى من الجامعة ليه ؟ عفاف: لأنى لسة عارفة دلوقتى حالا يا ماما الأم بإستغراب: عارفة دلوقتى حالا؟؟؟؟؟؟ عارفة منين يابت دة انتى لسة قايمة دلوقتي من قدام الكبورر.... عفاف : ههههههههههههه كبورر ايه بس يا ست الكل اسمه كمبيوتر الأم:مش مهم المهم عرفتيه ازاى ؟ ومين أصلا العريس دة يعنى جاى منين؟ عفاف:من النت يا ماما ظلت الأم المسكينة تنظر لابنتها باستغراب وهى تراجع كل ما تعرفه من كلمات ولم تجد لكلمة النت أثر بينها فسألت عفاف.......... الأم: النت ؟ ودى تبقى فين دى يا بت؟ عفاف: فين ازاى يا ماما؟ الأم: يعنى فينها من الوايلى الى احنا فيها؟ تركبيلها مترو ولا اتوبيس ولا تأخديها تاكسى اوعى يابت يكونوا بيروحولها بالقطر؟ عفاف : هههههههههههههههه ايه يا ماما الى انت بتقوليه دة؟ مترو إيه وقطر إيه؟! دة النت الأم: أيوة يا بنتى عرفنا انه الزفت بس دة موقعه فى انه بلد بالظبط ؟ عفافى كل البلاد يا ماما الأم باستغراب : انتى اتهبلتى يا بت؟ يعنى إيه فى كل البلاد؟ عفاف: يا ماما النت دة عبارة عن كمبيوترات كتير في العالم وفيه معلومات كتير اوى الأم:معلومات ايه يابت انتى هو انتى هتتجوزى دايرة المعارف؟؟؟؟؟؟ عفاف:المهم يا ماما ان فى واحد متقدملى عن طريق النت الأم: ودة اتقدم ازاى يعنى؟؟؟؟؟ عفاف: بعتلى إيميل الأم فى ذهول : ايميل؟ بعتلك إيميل جارنا المسيحى؟ وإزاى يا بت تقبلى تتكلمى مع الى اسمه إيميل ده وهو مين عشان الزفت بتاعك ده يبعته لينا!!!!! عفاف فى سرها طب افهمها ازاى دى بقــــــــــى ؟؟؟ عفافا ماما اهدى إيميل جارنا مين بس ...! الأم: مش انتى الى بتقولى يابت عفاف:إيميل يعنى جواب بس على النت الأم: برضه هتقوليلي عالزفت يابنتى أنا مش فاهمة البتاع الى بتتكلمي عليه دة عفاف:النت دة ياماما حاجة فى الكمبيوتر ممكن نبعت فيها رسائل لناس برة ونستقبل منهم رسائل برضه دة غير حاجات كتير الأم:أنا ماليش فى الكلام دة اللي انا عايزة أعرفه هو مين ومعاه شهادة ولا لأ ؟ واصله ايه وفصله ايه ؟؟ عفاف:هو اسمه حاتم وطالب فى هندسة حاسبات و قاطعتها الأم الأم : طالب؟؟؟؟؟؟؟؟؟؟ عفاف: أيوة ياماما بس فى آخر سنة الأم : بصى أنا ماليش دعوة بالموضوع دا أنا هتصل بأبوكى وهو يتصرف اتصلى بيه انتى عالموبايل وأنا أكلمه زمانه عالقهوة وفى قهوة المعلم حسنين رن الموبايل بتاع عم حلاوة العنتبلى الجزار cut  ،فاصل ونواصل مش هتقدر تغمض عينيك  |
||||||||||
|
| إعلانات google |
|
|
|
05-03-2010, 12:15 PM
|
#2 | ||||||||||
  
|
جامدة اويـ :d |
||||||||||
|
|
|
05-03-2010, 12:17 PM
|
#3 | ||||||||||
|
هالللللللو يا شباب طبعا مستنين عم العنتبلى بفارغ الصبر علشان يقول رايه فى الجوازه النيله دى يلا بينا نشوفو عمل ايه  الحلقه التانبه كــــاميرا 1 .......................اجهز كاميرا 2 ................استعد كاميرا 3.......................صور  فيــن الشاى يا سباعى أكشــــــن  أكشــــــن حلاوة العنتبلى وبصوت خشن: أيوة مين ؟ الأم : أنا يا معلم العنتبلى: عاوزة إيه يا ولية ؟؟؟؟؟ الأم: تعالى يا خويا شوف بنتك جايلها عريس من النت العنتبلى: بتقولى منين ؟؟؟؟؟؟ الأم: من النت يا حاج العنتبلى: يعنى إيه ؟ فهمينى الأم: ياخويا لما أفهم أنا ابقى أفهمك تعالى انت واسألها بنفسك العنتبلى: ماشى ... هخلص دور الطاولة دة وهاجى على طول ثم أغلق الموبايل وأخذ يكلم نفسه نت....!!!! دة يطلع ايه دة كمان؟؟؟؟ تكونشى الولية مراتى اتهبلت ؟؟؟؟؟ بس هى ناقصة هبل ؟ ماهيا كدا كدا مهبولة من يومها سأله صاحبه الذى يلاعبه الطاولة: مالك يا معلم حلاوة ؟ انت بتكلم نفسك ولا ايه ؟ فانتبه المعلم حلاوة وقال لعنتبلى: قولى يا زينهم بما إنك كدا متعلم ومتنور ومعاك تالتة ابتدائى يطلع إيه النت دة؟؟؟؟؟ طبعا المعلم زينهم اترسم بقى وأخذ وضع فخر وعزة وهو يجيب وإنت ايه اللي عرفك بالأشكال دى يا معلم ؟؟؟؟ العنتبلى: اهو عرفت وخلاص بقى زينهم: والله يا معلم حلاوة أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل فى العراق العنتبلى: ااااااااااااه يعنى زى تليفزيون كدة يعنى زينهم: لا يا معلم مش زى التليفزيون وإنما تقدر تقول عليه جرايد بس بتتشاف على الكمبيوتر العنتبلى: يا دين النبى معقولة ياد الجرنال يدخل عالشاشة الصغيرة دى؟؟ طب بيدخلوه ازاى؟؟ زينهم وقال عامل فيها فكيك بقى : مش فى فتحات ورا فى الشاشة يا معلم أكيد بيدخلوا الجرنال منها العنتبلى:أكيد الناس دى فاضية وموراهاش أى حاجة تعملها زينهم: هو كدة بالضبط يا معلم بس ليه دة كله؟ العنتبلى: أصل الولية مراتى بتقولى بنتك جايلها عريس من النت زينهم: ألف مبروك يا معلم أكيد تقصد ان متقدملها صحفى!!!!!!!!! العنتبلى وهو مبسوط: بجد ياد يا زينهم؟ زينهم: طبعا يا معلم ماهو زى ما قلتلك النت عبارة عن جرايد عالكمبيوتر يبقى قصدها ان واحد جرنالجى اتقدملها مبروووك يا معلم كدة ممكن تعمل دعاية للمحل بتاعك فى الجرنال وتطلع صورك انت والعجل فى صفحة الحوادث العنتبلى: طب العب يا وش السعد العب رمى زينهم الزهر ثم صرخ .......دش راحت عليك يا معلم CUT انتهت حلقتنا النهارده ياترى ايه اللى هيحصل بعد كده |
||||||||||
|
|
|
05-03-2010, 12:17 PM
|
#4 | ||||||||||
 
|
ههههههههههههههههههههه موضع تحفة يا عبدالله زى معتنة على طول |
||||||||||
|
|
|
05-03-2010, 12:46 PM
|
#5 | ||||||||||
  
|
حلوه أوى الفيلم ده مش ده بردو الفيلم اللى غنو فيه أغنية "متجوزينى يا ماما أوااااااااااام يا ماما يا ماما" ولا اللى غنووو فيه "يامّا القمر على بابا .. نور قاناديله ... يامّا أرد البااا اااا اااااب ولاا أناديله أناديله يامّا" هههههههههههه جامده بس أمتى بقى (الحته بتاعت وديع) هتيجى وتقول لأمها و أبوها الجزار "الوحش الكاسر .. أسد الغاب .. طويل الناب" (والحته بتاعت الأكشن) لما عم حلاوه طحينيه (أسف أسف) أقصد العنتبلى الكبيييييير قوى (ده جزاااار يابا) يقول : "لا يسلم الشرف الرفيع من الأذى حتى يراق على جوانبه الدم" و يقوم مطلع الساطور من تحت الجلابيه و يعد يجرى ورا أسد الغاب طويل الناب لحد ما يزنقه فى المطبخ و يقفشه من رباط الجذمه قبل ما ينط فى المنور يقوم طويل الغاب يقلع الجذمه بسرعه و يهوى فى المنور و أثناء سقوطه يتعلق فى حبال غسيل أم أحمد لتخفف من أثر السقطه علشان مايموتش و الفيلم يخلص و هنا بقى تبقى (الحته التراجيدى) لما العنتبلى الكبير (يعمل زى الجزار اللى فى لعبه الفيديو جيم بتاعت مصطفى اللى بيقول فيها <أدووووووجن> و يعد يلف حوالين نفسه زى الدايخ) ينط وراه فى المنور و الساطور فى أيده و الجيران كلها بتبص من المنور و العانتبلى يقوم مطير دماغ طويل الناب (أه يطيرها زى الأفلام الهندى) و الدماغ تطير لفوق و تطلع للبت و تقولها "معشوجه" و تقع لتحت تانى (حته أفلام رعب معوقه) و طبعا رقبه طويل الناب غرقت الجيران دم و نافوره دم طلعت من المنور بتاع العماره (و الحته الرومانسى) البت تفضل قاعده تسح دموع أسبوع من غير أكل قدام الرسايل اللى كان باعيتها ليها و صورته و هو فى الترعه بالفنله الكات و الأندر (لا لا مش بوكسر)سليب من الأبيض اللى بيبين البضاعه ده و كده يبقى أنا لميت كل أنواع الأفلام فى فيلم واحد هيكسر الدنيا أيواااا كده يا وديع هههههههههههههههه يا رب الرد يعجبك و تقبل مرورى |
||||||||||
|
التعديل الأخير تم بواسطة _3AbKaRiNoO_ ; 05-03-2010 الساعة 12:54 PM
|
|
05-03-2010, 12:51 PM
|
#6 | ||||||||||
  
|
يخرب بيت جمالك يا عم ايه ده |
||||||||||
|
|
|
05-03-2010, 01:02 PM
|
#7 | ||||||||||
 
|
هههههههههههه حلوة |
||||||||||
|
|
 |
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ܔܓܛܜܓܛܜ ما هو التنويم المغناطيسي ܔܓܛܜܓܛܜ | °•.♥ AhmeD ♥.•° | بـعـيـدآ عـن سـيـلـك رود | 22 | 03-07-2011 01:21 AM |
| ܔܓܛܜܓܛܜ اسكندريه عروس البحر المتوسط ܔܓܛܜܓܛܜ | WadCool | بـعـيـدآ عـن سـيـلـك رود | 32 | 15-03-2011 04:52 AM |
| ܓܛܜ كن عضواً متميزاً و مواضيعك مثــالية و ردودك راقية مع هذا الموضوع ستجد طريقكܓܛܜ | (¯`WinXP´¯) | قـسـم الـتـرحـيـب و الـتـعـارف | 22 | 27-11-2010 12:12 PM |
| ܔܓܛܜ رباعيات صلاح جاهين (الجزء التاسع)ܔܓܛܜ | omar007 | بـعـيـدآ عـن سـيـلـك رود | 11 | 22-08-2010 02:23 AM |
| ܔܓܛܜ شكرا للحياه واسف للواقع ܔܓܛܜ | omar007 | بـعـيـدآ عـن سـيـلـك رود | 20 | 11-02-2010 03:03 AM |
.gif){kind=icon}
العرض العادي
