اسباب خساره المنتخب المصرى امام انجلترا والتقييم للاعبين ... ناقش

[Un_Wanted]

الاسباب اللى ادت لخساره المنتخب من وجهه نظرى

هيا عبقريه المدرب كابيلو بكل امانه
كان دارس المنتخب المصرى بشكل جيد جدا وعارف ان تميز المنتخب الممصرى بييجى من خط الوسط والنقل السريع للكره

عشن كده كان بيضغط علينا دايما من وسط الملعب وامتلك منطقه الوسط فى ظل غياب شبه تام لثلاثى الوسط احمد حسن وحسام غالى وحسنى عبد ربه

ولما فكر يهاجم الرجل برضه فكر بعبقريه ودرس ان نقطه الضعف الابرز عندنا هيا البطء فى الجبهه الشمال واستغلها بأنه نزل اسرع اتنين لاعيبه فى العالم ثيو والكوت وجون رايت فيليبس وخصوصا الاخير اللى عمل شوارع فى الشوط التانى

ده السبب الاول واللى ملخصه فى كلمتين هيا عبقريه كابيلو فى قرايه المنتخب المصرى بشكل جيد

السبب التانى بقى من وجهه نظرى هو ضعف الياقه البدنيه
لاعبيتنا مكنتش قادره تجرى فى الشوط التانى ووالله حتى الشوط الاول رغم تقدمنا انا مكنش عجبنى الاداء خالص وخصوصا الكور المقطوعه الكثيره من لاعبى الوسط

تقييم اداء اللاعبين

الحضرى : شوط اول جيد جدا كان نجم المنتخب فيه وشوط تانى ضعيف " الهدف الثانى يتحمل مسئوليته
هانى سعيد : اداء ضعيف جدا وكاد ان يتسبب فى هدف من خطأ فادح
وائل جمعه : اداء ضعيف وكان فيه ثغرات كتير فى الدفاع
احمد فتحى : الافضل فى خط الدفاع وكان اداؤه متميز فى الشوط الاول
احمد المحمدى : اداء رائع دفاعيا ولكن مقدرش يتقدم كتير هجوميا لاننا كنا مضغوطين
سيد معوض : اداء سىء جدا دفاعيا وهجوميا وكان ثغره استغلها المنتخب الانجليزى
احمد حسن - حسام غالى - حسنى عبد ربه : الثلاثى صفر مشوفتش منهم حاجه كويسه طول المباراه
محمد زيدان : اللاعب الافضل فى المنتخب حاليا واللاعب ده بصراحه حرام ميلعبش فى الارسنال لان طريقه لعبه مناسبه تماما لاسلوب لعب الارسنال
عماد متعب : اداء سىء جدا لم يظهر طوال المباراه

البدلاء

عمرو زكى : اداء سىء جدا لم نراه ولم نحس بيه
محمد عبد الشافى : اداء هزيل وبصراحه كان فيه فروقات فنيه كبيره جدا بين جون رايت فيليبس وثنائى الجبهه الشمال عندنا
ابو تريكه : تغيير غير منطقى بالمره لاعب لسه راجع من اصابه وظروف المباراه مش مساعده




بأختصار المباراه لم يجيد فيها الا محمد زيدان والمحمدى واحمد فتحى على فترات فى الشوط الاول ويؤيدنى فى كلامى التقييم اللى عمله موقع سكاى سبورت وهما خدوا اعلى درجات
وهما الثلاثى اللى حصل عليهم كلام من وكلاء اللاعبين ولفتوا الانظار والباقى كله كان دون المستوى

ملاحظه اخيره : مبحبش نبره الناس اللى بتقول ان فيه فروقات فنيه كبيره ومش لازم نزعل الى اخر الكلام
لا لازم نزعل من الخساره من اى منتخب مهما كان اسمه لان طموحاتنا دلوقتى تغيرت من منطلق المكانه اللى وصلنالها والناس شايفنها فينا

لا الفروقات الفنيه مش كبيره بينا
والدليل اننا لو اللاعيبه فى الفورمه والياقه بتاعتها كانوا كسبوا المباراه
وكمان ادائنا امام البرازيل وايطاليا اكبر دليل
واحنا كنا متقدمين اللى الدقيقه 58 والثلاث اهداف من اخطاء ساذجه جدا والجول الاخير اوفسايد ب 2 ميل زى ما صحيفه الجارديان وصفته والجول التانى خطأ ساذج جدا مش متعودين عليه من الحضرى

[☜ ĂиTaKą ☞]

انتا نسيت جدو
:d

[ahmed4silkroad512]

مالك زعلان أوي كدة له دة ماتش ودي و هنلعبهم تاني و هنكسب

[ahmed4silkroad512]

isA

[Runner]

المشكلة فى حسن شحاتة

نزل ابو تريكة و ابو تريكة بقالوه 6 شهور مالمسش الكورة بس بردوه يمكن يكون تغيير تكريما لابو تريكة

بس الصراحة المنتخب طمعنا فى الفوز فى الشوط الاول :(

[welly]

صح و الله المشكله فى حسن شحاته

[eslamelking]

يا جماعة انتو بتتكلمو فى ماتش ودى مش ماتش كاس عالم انشاء اللة اهيجو مصر و نغلبهوم

[™VuaPhaHoai™]

تحليل روعه وفيه لمسه فنيه وابداعيه والميزه انه مجهود شخصي وحاجه زي الفل اولا:
انا معاك في احمد حسن وحسني الصراحه غباء شحاته ان يترك احمد حسن بهذا الاداء داخل الملعب اكتر من 30 دقيقه
احمد حسن يا ســاده هوا سبب اعطاء الثقه للمنافس واهدارها منا وكنا في امس الحاجه اليها لأننا لدينا رهبه اللعب ع ويمبلي ومع منتخب عريق كأنجلترا بل انهم اصحاب اللعبه
شوط اول متميز ,, اضاع امتيازه وبإقتدار احمد حسن فكاد في اكثر من مره التسبب في هدف عن طريق هجمه عكسيه للمنافس
جاء الشوط الثاني وفي عقلي انه سيقوم بتغير احمد حسن ومتعب بلا شك للأداء الضعيف جدا
جاء التغيير متأخرا في غمضه عين تحول الفوز والفرحه الي خساره ومأتم تلاعب لاعبينا بمشاعرنا ,, نزلوا الشوط الثاني ولم يدركوا اهمية المباراه واعتقدوا انها مباراه وديه !! كيف لا اعلم !!
انها انجلترا .. الانجليز صاحبو السبق في هذا المكان كنا ع مقربه من تحقيق فوز تاريخي ..
تخاذل شحاته وتخاذل لاعبو وخذلنا الحظ هو الاخر فالحظ حليف من يجتهد ونحن لا نستحقه
ثم خرجوا لتنويم الناس وانها مباراه وديه لا قيمه لها وانها تكريم للاعبي افريقيا !! تكريم بخساره مذله
ضغط علينا طوال اكثر من 58 دقيقه !! تركتنا لهم ليصولوا ويجولوا في الملعب !!
كان يكفيني اداء فقط !!
لكن لا اداء ولا نتيجه مستثنيا ثُلثي النصف الاول من الشوط الاول
اداء هزل جدا جدا جدا في الشوط التاني
شحاته نائم ام في دكانه لا نعرف !!
وبعد ان كان جمهورنا العظيم هناك يردد المصريين اهم اهم اهم اهم !!
اصبح لاعبونا مذله لهم .. كنا نريد كسر غرور الانجليز بعدما قالو اننا بدو ومتخلين في كره القدم ..
يا ســـاده هذه مذله ويارتنا مالعبنا خالص ..
ليست عبقريه كابيلو فحسب السبب في فوز الانجليز بل نوم وغباء شحاته في اخذ المباراه كتكريم حسب وصفه وايضا تخاذل لاعبو الدفاع ووسط الملعب ع ارض الميدان
فكان لاعبو الهجول في عزله تامه !! كأننا لعبنا ب 10 فقط !! او ربما اقل لأن احمد حسن وحسني لم يقدمو شيئا بل ان احمد حسن بالتمريرات الخاطئه الكثيره جعلني اعتبره ضمن صفوف كابيلو ..
والفائز الاكبر في هذه المباراه هو زيدان الفتي الذهبي للمنتخب ويستحقها هذا الفتي الرائع
يليه المحمدي يليه الحضري !!
و صفر كبير لشحاته ورفاقه من الجهاز الفني
شكراً لتحليلك الرائع وتقيمك ايضاً

[MoST_WanTeD]

علي فكرة حسن شحاتة ده انا دايمن بقول عليه مش كويس بس ماشي ببركة دعا الوالدين :d

[™VuaPhaHoai™]

المشاركة الأصلية كتبت بواسطة abdelbaser عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

علي فكرة حسن شحاتة ده انا دايمن بقول عليه مش كويس بس ماشي ببركة دعا الوالدين :d

بركه؟؟ لا تعليق ولا داعي لي لذكر حسن شحاته !!
فاز ع ايطاليا 1/0 بركه !
قدم اداء مذهل امام البرازيل بركه !!
فاز ع نيجيريا بركه
اسكت العالم بالفوز ع الجزائر بركه !
ولا داعي لذكر غانا وما قبلها ع ارضنا !!
فعلا انه مدرب بركه دعا الولدين
فإن كان بركه ياريت يفضل ع طول ونكسب بركه لوووووول
بزمتكم ديه تبقي كوره ؟؟
الحظ يا عزيزي صدقني لا يحالف إلا من اجتهد وفعل كل ما بوسعه ده ان اعتبرنا انه حظ في كل شيء
وهذا خاطئ بالمره ..
هوا ليس بالعبقري ولكن لديه قدره التحكم ع لاعبيه واعطاء الدفعه المعنويه لتحقيق الفوز وهوا ما افتقده الفريق مع اسود الانجليز لأنهم اعتبروها وديه !!
شحاته هذا الرجل العظيم يجب ان يُعمل له تمثال احسن مما عمل لكريستيانو !!!
ولا شك عندي انك اهلاوي ^^

[lover_boby]

يا جدعان الراجل ما غلطتش و احسن ناس اللى تتعلم من اخطاءها و مافيش بنى ادم ما بيغلطش كل بنى آدم خظاؤن

[D00M]

إن شاء الله الجيات أكتر . :)

[tetoking1680]

المشاركة الأصلية كتبت بواسطة mido040 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بركه؟؟ لا تعليق ولا داعي لي لذكر حسن شحاته !!
فاز ع ايطاليا 1/0 بركه !
قدم اداء مذهل امام البرازيل بركه !!
فاز ع نيجيريا بركه
اسكت العالم بالفوز ع الجزائر بركه !
ولا داعي لذكر غانا وما قبلها ع ارضنا !!
فعلا انه مدرب بركه دعا الولدين
فإن كان بركه ياريت يفضل ع طول ونكسب بركه لوووووول
بزمتكم ديه تبقي كوره ؟؟
الحظ يا عزيزي صدقني لا يحالف إلا من اجتهد وفعل كل ما بوسعه ده ان اعتبرنا انه حظ في كل شيء
وهذا خاطئ بالمره ..
هوا ليس بالعبقري ولكن لديه قدره التحكم ع لاعبيه واعطاء الدفعه المعنويه لتحقيق الفوز وهوا ما افتقده الفريق مع اسود الانجليز لأنهم اعتبروها وديه !!
شحاته هذا الرجل العظيم يجب ان يُعمل له تمثال احسن مما عمل لكريستيانو !!!
ولا شك عندي انك اهلاوي ^^

والله الراجل ده قال اللي في قلبي
أحلي حاجة في المصري أنه له 100 وش وممكن تقول 110 عشان الحبايب أول ما نفوز تلاقي الكل يهلل بشحاتة ده عمل اللي ما إتعملش دا رجل الإنجازات وشوية تاني كانوا رايحين يرشحوه للرئاسة لكن أول مأزق تلاقي الكل قلب علي الوش 114 ليه كده هو لتفضل معاه علي طول يا تسيبه من أساسه ولا إنتوا مش معايا
وبعدين الراجل ده أفضل مدرب كرة عربي علي الإطلاق والأدلة زي عين الشمس

[EL_Banditto]

التقييم 10/10 و تسلم ايد المشرف
بس يا جدعان مش احنا الى نقرر اذا كان المعلم مدرب كفاء ولا لا
لان الموضوع ببساطه بيتحسب بالانجازات
يبقى المعلم معلم و التلميذ هيفضل طول عمرو تلميذ

[kingmedo_2]

حرام عليك حسام غالى عمل شغل جامد فى الماتش و كفايه كوبرى جيرارد

السبب الى خلانا نخسر مش عبقريه كابيلو

السبب كان بطئ لاعيبه مصر فى الشوط التانى و الهدف الثالث اوف سايت اكيد

و بصراحه منتخب انجلترا ده منتخب متواضع

و اداء المنتخب الزطنى مكنش وحش للدرجه

كان كويس بما اننا اول مره نلاعب انجلترا فى ارضها

ولازم نخلينا وراء المنتخب سواء خسر اوكسب

من وجهت نظرى الماتش خلص 2 - 1 و احسن لاعب فيليبس ( اقصر واحد فى الملعب ) :d