|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
25-02-2010, 04:40 AM
|
#1 | ||||||||||
  
|
  متحاولش تبقى حد تاني ..غير نفسك خليك واثق في نفسك قوم دور بنفسك جوا نفسك..هتلاقي حاجة محدش فيها ينافسك  أكيد كلنا عارفين الكلمات دي وسمعناها كتير، بس كام واحد فعلا مر بالحكاية دي، كام واحد فعلا مكنش واثق في نفسة، وحاول وقدر يثق في نفسة، كام واحد مش شايف اصلا انة واثق في نفسة..؟؟؟ أنتم مش مضطرين انكم تقرو كلامي ده، بس لما تحاولو تتدو لنفسكم فرصة تقرو في أحتمال تستفيدو من الكلام اللي ممكن يكون مش جديد عليكم. أعتقد كتير منكم عندة نسبة الثقة تكاد تكون معدومة.  قـد تكــون مبـدعــا لكـــن عـدم ثقتك بنفسـك تذهب بإبداعك أدراج الــريــاح طب لية متحاولش تبحث عن ثقتك بنفسك بداخلك، وتقويها، وتعلي بيها، وتعلي هي بيك..!! أنا بتساءل لو انت موثقتش في نفسك الان متي تثق بها.؟؟ نوعية حياتك تتوقف علي مدي اتصالك بنفسك اولا، ثم بالاخرين. لية متتديش نفسك فرصة تثق فيها وتحاول تثبت انها فعلا قد الثقة دي، انا مش بتكلم عن انك تثق في نفسك لحد الغرور، لكن بتكلم علي الثقة المطلوبة في جميع مجالات حياتك. فكر كده لو انت مش مدي لنفسك الثقة بالقدر المطلوب، مين هيدلها الثقة دي..؟ لا يستطيع اي مخلوق علي وجة الارض ان يؤثر علي احترامك او تقبلك لنفسك او احاسيسك بدون اذنك. الكلام ده معنا ان لو انت احترمت نفسك وتقبلتها ، وثقت فيها ، الناس كمان هتثق فيها. بس لما انت تتخلي عنها وتفقد الثقة فيها، محدش هيقدر يحترمها لأن انت صاحبها مش مقدرها فطبيعي الناس تقلل منها، وخلي بالك اللي بتشوفة في الدنيا الدنيا بتشوف فيك. وما الحياة الا انعكاس نظرتك في المرايا.  العقل الباطن بيترجم اللي بتقولة لفعل ويدعمك تقولة انا مش واثق في نفسي، يبقا هيدعمك علي عدم ثقتك في نفسك، يبقا لأزم تكون رسائلك الداخلية ايجابية وليس سلبية ، لأن لو انتظرت غيرك يديلك الدعم ده يبقا محدش هايدعكم غيرك ولا احد يستطيع مهما كان ان يفقدك احترامك لنفسك. يبقا الافضل تحسن الصورة اللي شايفها عن نفسك علشان الناس تشوفها بنفس القدر. يقول الكاتب كريم الشاذلي : أجمل ما فيك هو أنك أنت .. إذا وثقت بما حباك الله به من نعم ومقومات وشخصية . فستصل تلك الثقة إلى الجميع . وتدفعهم إلى احترام شخصيتك واستقلالها السقوط يبدأ حينما تقلد و تكون امعة إمعة .. ليس لك شخصية مستقلة .. يبقا من دلوقتي لما تبص في المرايا وتشوف نعم ربنا عليك من نعمة السمع والبصر والنفس والحركة وكلة ده أكيد هاتحمده وتتقبل الشخص اللي شايفة في المرايا ده مهما كان مش جميل في نظرك او نظر غيرك، عشان هو في الاول والاخر خلقة ربنا. انت مجموعة نعم ربنا جمعها فيك، فعلا انت بنفسك طاقة خييييييييير، بس لو انت فعلا قدرت تشوفها كده. يقول الدكتور ويليام جيمس “إذا انتظرت التقدير ستقابل بالإحباط التام” يقول خبراء علم النفس: ضعف التقدير الذاتي هو سبب كل مشاكل الادمان في العالم.. معني كده ان انت اللي المفروض تقدر ذاتك مش تنتظر تقدير من الناس. يعني مثلا لما تعمل حاجة فعلا انت حسيتها انجاز في حياتك ادي نفسك هدية، اعزم نفسك علي الغدا،اشتري حاجة كان نفسك فيها، كافئ نفسك قبل ما تنتظر من الغير ده. لما تحس انك مضايق وعندك شعور بالاحباط، حاول تخرج نفسك من ده، لأن مهما كان اللي قدامك بيحاول يساعدك مش هيعرف يوصل لدة لو انت مش متقبل ولا عندك استعداد لدة. احترام وتقبل الاخرين كمان هم. بس في مشكلة لو انت مش عارف نفسك ومتقبلها ومحترمها كما هي، مستحيل تقتدر تحترم اللي قدامك او تتقبلة بعيوبة ومميزاتة، عارف لية لأنك لو غير متقبل ذاتك هتطلع عقدك علي الناس. فعلا دي حقيقة وكتير بنشوف ناس بتتحقد وتحسد غيرها او تعمل لغيرها مشاكل، او تحاول تقلل من الناجحين او او ...حاجات كتير بنشوفها، دي ناس هي فعلا مش قادرة تتقبل ذاتها، ولا قادرة تحترم نفسها بقدر كافي، لذلك هتلاقيهم مركزين علي غيرهم وعلي التقليل من غيرهم، برغم انهم لو ركزو علي حالهم ونفسهم هيقدرو يكونو افضل واحسن من الناس اللي شايفينهم احسن منهم. غير ادراك تتغير حياتك. بمجرد ما تتدرك (اي تعلم) ان في مشكلة عندك في ثقتك في نفسك، اعمل وقفة مع نفسك علشان تعرف الاسباب وتحاول اكتر من مرة وبأكتر من طريقة تغير المشكلة دي، يبقا الحل بيبداء بمجرد ما تتدرك ان هناك مشكلة من الاصل. ربنا مخلقش حد من غير مميزات، حتي لو كانت ميزة واحده فيك احسن من الف عند غيرك، ودي كفيلة بأنك تثق في نفسك. لو ركزت انا علي عيبي وقللت من شأني الناس كلها هتركز في نفس العيب. لو شوفت الضعف فيا قوة، هقدر احقق كتير واثق في نفسي. مفيش حاجة اسمها مقايس للجمال. ربنا حط في كل واحد فينا حاجة حلوة، تخلي اللي قدامة ينجذب لية، مش شرط بس الجمال في الملامح فقط، أنما في حاجات كتير. ممكن في ضحكتك تجذب اللي قدامك مش شرط يعني. ومش لازم كل ما تقف قدام المريا تتطلع العيوب اللي في ملامحك وتخسف بنفسك الارض، بنظرتك للعيوب. لو ركزت علي الحاجات اللي تحبط بيها نفسك هتلاقي و هتبحط نفسك فعلا. لكن لو العكس برضة هتلاقي وكتير وهترفع من معنويات. القصد ان انت عندك الاتنين بس الفكرة في تركيزك انت عايز تركز علي اية.؟ في كتاب اعز اصدقائي نفسي يقول الكاتب. إن نفسي هي الإنسان الوحيد الذي يلازمني و سيظل يلازمني مدى الحياة في السراء و الضراء و إذا قررت الإستغناء عنه لن تكون للحياة معنى. .. فيجب ان تتقبل نفسك بحب حتى تتعايش مع نفسك و تكون لك بمثابة أعز الأصدقاء. وكما قال الدكتور روربت شولر "يمكنك أن تعمل فقط ما تعتقد أنك تستطيع عمله.. يمكنك أن تكون فقط ما تعتقد أنك تكونه.. يمكنك أن تحصل فقط على ما تعتقد أنك قادراً على الحصول عيه ويتوقف ذلك على ما تعتقده" ودلوقتي، لما تقرر انك فعلا تاخد قرار ثقتك بنفسك،علشان تكمل حياتك بكل ثقة، تقدر تاخد النصايح دي هتفيدك في الثقة. 1-حسن كلامك مع نفسك علشان تقدر تتديها الثقة المطلوبة. ولما تقول انا مش واثق في نفسي انت الاول بتدعم الصفة دي بأنك تقولها بتأكد عليها في عقلك اللاواعي، وده من اخطر التأثيرات عليك كلامك لنفسك 2- كلمة انا اي صفة بعدها العقل بيحتفظ بيها في العقل اللاواعي ويدعم العقل الواعي بيها ويبداء يجاريك فيها لحد ما فعلا تبقا حقيقة واقعية في حياتك. يبقا من انهاردة لما تقول ( انا ) خلي بالك من الكلمة اللي بعدها، هل هي سلبية ام ايجابية.؟ 3- تأكيدات الذات الايجابية. كل يوم اكد علي نفسك انك احسن مخلوق خلقة الله. ان بأذن الله تقتدر تعمل انك قد المواقف اللي بتتحط فيها، ادي نفسك قوة ودافع، وطاقة داخلية علشان تظهر عليك خارجيا 4- ولما تلاقي حد بينتقدك في اي تصرفـ، اعرف انة بينتقد تصرفك وليس ذاتك. تقبل النقد مهما كان لو قدر تتقبلة هتقدر تتحمل مسؤالية افعالك، ومتخفش لو معجبتش الناس، مش كل كلام الناس صح، ولا كلة غلط. وكمان ارضاء جميع الناس غاية لا تتدرك. يبقا وقت ما تحس ان حد بينقدك تقبل النقد اولا، ثم حاول تفرمت النقد ده، يعني تاخد منة الصح وتشيل منة الغلط. و تتأكد الاول هل ده صح هل فعلا حقيقي، طب لو مش حقيقي، يبقا اكيد في سبب تاني، لو عرفت السبب هتعرف هل ده صح او لأ، يعني من الاخر خد المفيد ليك، وغير المفيد سيبة، لكن مش معني كده انك تلغي ثقتك بنفسك من نفسك، وتبنيها علي ثقة الناس فيك، خلي اساسك ثقتك انت بنفسك. دي بعض النصايح اللي ممكن تساعدك في خلال ما أنت بتحاول تبني ثقتك بنفسك. وطبعا بوجهها لنفسي قبلكم وأكيد أنت مش محتاج اعرفك كل النصايح اللي أكيد انت عارفها علشان تثق في نفسك، بس أنت اللي منتظر حد يفكرك بيها، وانا من خلال كلامي، حاولت الفت نظرك لبعض النقاط، علشان تبقا الصورة كلها واضحة قدامك، وأنا بتخيل لوأنت مش أستفدت من الكلام اللي كتبتة ده وحرك جواك الثقة بنفسك، هتقدر ام تي تثق في نفسك..؟؟؟ وخلي بالك الأنسان سواء حاول يغير من نفسة او محاولش، الزمن بيغيرو حتي لو كان هو رافض التغير .. فالخيار لك وحدك، تتغير بنفسك، ولا تنتظر الزمن يغيرك؟؟   |
||||||||||
|
| إعلانات google |
|
|
|
25-02-2010, 04:51 AM
|
#2 | ||||||||||
 
|
شكرا ليك عنوان الموضوع جذاب و مثير شكرا ليك ^^ |
||||||||||
|
|
|
25-02-2010, 05:08 AM
|
#3 | ||||||||||
  
|
موضوع جـــــــــــامد جدا من اول كلمة لآخر كلمة صح فى صح مشكور يابرنس على الموضوع الرائع دة :p |
||||||||||
|
|
|
25-02-2010, 06:28 AM
|
#4 | ||||||||||
  
|
بس برده الواحد لو مله نفسه ثقه زياده عن اللزوم ممكن انه ينفج لا بهزر ممكن النه مثلا ملاقيش الي هوه عاوزه او ميلاقيش حاجه اصلا و سعاته يبقي نأبه طلع علي شونه |
||||||||||
|
|
|
25-02-2010, 10:42 AM
|
#5 | ||||||||||
|
لازم كل واحد يثق فى نفسه يا رجاله :) شكر يا باشا على الموضوع الرائع |
||||||||||
|
|
|
25-02-2010, 11:36 AM
|
#6 | ||||||||||
  
|
شكرا موضوع رائع و جميــل ^^ |
||||||||||
|
|
|
25-02-2010, 11:42 AM
|
#7 | ||||||||||
 
|
thnxxxx |
||||||||||
|
|
|
25-02-2010, 01:55 PM
|
#8 | ||||||||||
  
|
شكراااا |
||||||||||
|
|
|
25-02-2010, 03:23 PM
|
#9 | |||||||||||||||||
|
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
|||||||||||||||||
|
|
|
25-02-2010, 03:24 PM
|
#10 | ||||||||||
  
|
Thanks |
||||||||||
|
|
|
25-02-2010, 03:43 PM
|
#11 | ||||||||||
|
شكرا على الموضوع الجامد دة |
||||||||||
|
|
|
25-02-2010, 04:33 PM
|
#12 | ||||||||||
|
موضوع رااااااااائع شكراااااااااااا |
||||||||||
|
|
|
25-02-2010, 04:36 PM
|
#13 | ||||||||||
|
موضوع جـــــــــــامد جدا |
||||||||||
|
|
|
25-02-2010, 04:38 PM
|
#14 | ||||||||||
|
موضوع جامد فحتتتتتتتت مشكور يا برنس :) |
||||||||||
|
|
|
25-02-2010, 04:55 PM
|
#15 | ||||||||||
|
ربنا يكرمك بجد شمكور قصدى مشكور |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ]ç[™¤¼.¸¸.¨✔¨™★صفحة لدين الإسلام والرسول صلى الله عليه وسلم !ه ★™¨✔¨.¸¸.¼¤™]ç[ | ™_Raidestrike_™ | القـسـم الإسـلامـى الـعـام | 6 | 24-05-2011 01:36 PM |
.gif){kind=icon}
العرض العادي
