๑ஐ๑۩۞۩๑ஐ๑ ‏مسلسل ممتع عم سميح فى المصيف مسلسل كوميدى و ممتع ๑ஐ๑۩۞۩๑ஐ๑ ‏

[L0RD_Slaiver]

قصة لذيذة نقلتها علشان عيونكم

وبصراحة انا بهني الكاتب علي قصتة اللطيفة دي





و يا جماعة دى منقولة انا عدلت فيها شويت حاجات بس





منقووووووووووووووووول





الحلقة رقم الاولى






التجهيز للمصيف






ام سميح : أبو سميح قوم معايا نجهز الشنط


أبوسميح : أنت بقالك يومين بتجهزى فيهم ..فيه أيه تانى


أم سميح : الكام كرتونه دهمت عايزاك تربطهم معايا


أبوسميح : كل دوول هو أحنا مهاجرين ... ؟

اية اللى انتى عملاه دة يا حاجة .. لله الامر من قبل و من بعد
وربنا يعدى يومين المصيف على خير فيها أيه الكارتين دى كلها


أم سميح : الكارتونة دى فيها التموين الشاى والسكر والزيت

ودى للصابون والرابسو والبطاس ودى فيها كارتونة لحمه متلجه

ودى فيها كارتونة فراخ ودى فيها قراقيش وشوية قرص

ودى فيها عدة الشاى والكنكه والكبايات ودى فيها البوتجاز الصغير والأنبوبه

ودى فيها ملايات وأكياس مخدات وكبرتيات (كوفيرتات) ودى فيها لعب ولاد أبنك سميح

والعجلة والبوته والأتارى



أبو سميح : ما تلفى المطبخ معاكى وأودة السفرة


أم سميح : أبن حلال فكرتنى آخد الهون والخلاط ومخرطة الملوخيه والمنخل

والعصارة والفتاحه والمشابك



أبو سميح: وأيه الكارتونه أللى هناك دى


أم سميح : دى فيها العوامات وفردتين كاوتش جايبهم سميح من حوده السواق

علشان ينزلوا بيهم البحر



أبو سميح : تعالى نحسب عدد الناس أللى جايه معانا



أم سميح : مفيش هم همه بتوع السنة أللى فاتت ويزيد عليهم

أختى جمالات وعيالها


أبو سميح : أف .. ملينى يا أم سميح علشان نعرف ندبر لهم مكان للنوم

والمواصلة أللى حتودينا ..قولى وخلصينا


أم سميح: أكتب ياسيدى .. بنتك عائشة وعيالها

وجوزها 7

بنتك صفيه 8

وحيد وعياله ومراته 5 ..

أختى جمالات وعيالها 3

مش حتاخد غير العيال الصغيرة بس وتسيب الباقى مع أبوهم


أبو سميح : أحسن برضة.. كده يبقى 23 مش ناسيه حد تانى


أم سميح : مفيش غير أنا وأنت

وسميح ومراته وعياله 7


أبو سميح : حلو قوى قفلنا الـ 30 نفر ..

أحنا كنا عاملين حسابنا فى مينى بص 24 نفر تقدرى تقوليلى حنعمل أيه فى العدد الزيادة


أم سميح : بسيطه ياخويا تبقى كل واحدة من ولادك تاخد العيال الصغيرة على رجليها


أبو سميح: ده أنتم عايزين لورى وكمان بمقطورة


أم سميح : ماتحبكهاش قوى كده كله يتدبر


أبو سميح : الشقة ياوليه ثلاث أوض بس


و فيها 6 سراير تقدرى تقوليلى الناس دى كلها حتنام أزاى



أم سميح : السنه أللى فاتت كنا 27 وقضيناها

ناس كانت بتنام بالنهارفى الشقه وناس بالليل وناس نايمه على البحر

سيبها هى الأمور بتمشى لوحدها وعلى رأى المثل حصيرة الصيف واسعة



أبو سميح : واسعة واسعة لحد ما بهوأت يا أم سميح



أم سميح : المرة دى عملين نظام جديد للأكل

أحنا كده خمس عائلات فى عين العدو كل عيله عليها الأكل فطار وغداء وعشاء لمدة يومين

وكل واحدة من بناتك وستات ولادك عارفه كدة وواخده معاها أكل نص سوا علشان تعرف تمشى أمورها

فى اليومين بتوعها


بنتك عائشة عامله حلتين كفته أرز باللحمه الجملى وثلاث صوانى مكرونه فرن

وبنتك صفيةعامله دكرين بط وعشر تجواز حمام وحلتين محشى..

ومرات سميح قالت أن عليهم السمك فى اليومين بتوعهم

ومرات وحيد مجهزه عجينة طعمية وعليها الطبيخ

والرز وعاملة ثلاث صوانى بسبوسه وكيك

وأحنا بقى معانا كرتونة الفراخ واللحمه وحنجيب الملوخية من هناك

ومنبهه عليهم أنهم يساعدوا بعض

واحدة للطبيخ وواحدة للتجهيز وواحدة لغسيل المواعين وواحدة لنظافة الشقة

ماتشلش هم يا أبو سميح هو فيه أحلى وأجمل من اللمه

مع أولادك وأحفادك ربنا يخليك ليهم



أبو سميح : ويخليكى ياختى





وأنتظروا الحلقة الثانية و ............


يوم السفر


و يا رب تكون عجبتكم



و يا جماعة بقولها تانى دة منقول انا قمت بتعديلات فقط

منقوووووووووووووووول

[alidndn1]

موضوع جامد اوي و انا مستني الحلقة الجاية

بس هو مفيش غير الراجل و مراته

[rulezz]

موضوع جميل فى انتظار الحلقة القادمة بس اكيد هيبقى فى غير الراجل و مراتة و الا هانطفى علية التلفزيون :p

[yuki2002]

مشكور

[L0RD_Slaiver]

مشكورين يا ماعة على الردود الحلوه دى

و متخفوش الحلقه اللى جاية ناس تانية اللى هتتكلم :dd:d

[STRQUEEN]

مشكوور يا مان
موضوع حلو

[L0RD_Slaiver]

مشكور يا برنس دا بس من زوقك

[DraKeviL]

مشكورر حلقه جامده منتظرين الباقي

[L0RD_Slaiver]

ان شاء الله قريب جدا هنزل الباقى

[xTHE_Draagon]

شكرا...!:)

[L0RD_Slaiver]

مشكورين

[L0RD_Slaiver]

الحلقة رقم الثانية


يوم السفر






ام سميح : يا بو سميح أنا كده شايف أن العدد كبير على العربيه

أنا كلمت شريكى قالى خد الأتوبيس المرشيدس أللى لسه طالع من العمره يقضيكم

وفى نفس الوقت يلين فى المشوار ده





ابو سميح مع السطى بيومى






أبو سميح : كويس قوى يا أسطى بيومى أهو نعرف نقعد براحتنا بدل الخنقه


بيومى : أنا قلت بالمرة أخد جماعتنا والعيال معانا يقضوا يومين من نفسهم


أبو ساميح : حتنزلوا فين فى أسكندرية


بيومى : الحقيقة أحنا ما عندناش مكان ننزل فيه قلت يعنى ننزل معاكم


أبو سميح : كان على عينى يابيومى ياخويا

المطرح ضيق والعدد ماشاء الله كتير وحيرانين حنبيتهم أزاى



بيومى : مش قصدى أن أحنا نبيت معاكم أنا والعيال حنبيت فى الأتوبيس

تحت العمارة أللى أنتم نازلين فيها وأحنا بس حنتاقل عليكم شويه فى أستخدام الحمام بتاعكم



أبو سميح : أن كان كده يبقى مفيش مانع وآديك حتنفعنا فى مشاوير البلاج ونص البلد



بيومى : أنت تأمر يا خويا
بس أنا حبقى أضرب لى كام دور نحمل فيه بالنفر على الأقل نجيب مصاريف المصيف


أبو سميح : وماله ياحبيبى أهو كله فايده والأيد البطالة نجسة


بيومى : خلاص ياعم أستبينا بكرة من بعد صلاة الفجر حقف فى الميدان

وانتم أتجمعوا ونتكل على الله بدرى قبل مالشمس ما تشد





زقه للنبى







بيومى : خلاص ياجماعه الكل وصل مافيش حد ناقص


مفيش يا أسطى سمى كده وأتكل على الله


بيومى : العربيه مش راضية تدور ..عايزين زقة ياجماعة


ييه من أولها كده ربنا يستر... الكل ينزل يزق


صوت حريمى : الرجاله بس أللى تنزل تزق !!


مش حينفع ده كل واحده فيكم وزنها فوق الـ120 كيلو أنزلو زوقوا معانا حرام عليكم


هيلا هوب ..هيلا هوب ..ألله أكبر ما يجبهاش ألا ستتها


رجاله ورق


ألحقوا أركبوا ياجماعه


بيومى : سمعونا الفاتحه والصلاة على النبى أن ربنا يوصلنا بالسلامه


ولا ضالين آمين.......


أفتح لنا الكاسيت ياعم بيومى


الكاسيت عطلان


أفتح الكاسيت بتاعك ياشيكو..هاتى الشرايط اللى عندك يا نعناعه


عايزين أغانى خفيفه ع الصبح لأن فيه ناس نايمه..حاضر


شغل منير ياشيكو..ماشى


أم فاروق قومى وزعى سندوتشات الفطار


انا عايز جبنه رومى ومربى..

مفيش ياروح تانت غير فول وطعميه وحلاوة ..

أيدك ياواد يا طفس ..

أنا مالى أنا عايز حلاوة..

خد أكتم ..عيال معجونه بمية عفاريت..

لا وأنت الصادقة معجونه بميه معدنيه ..قهقه قهقهقه



أيه ياعم بيومى ماشى على مهلك ليه ..


الطريق مقفول يظهر أن واحد من البهوات طالع مارينا وقفلين له السكه..ربنا يستر ..

بطلوا المواكب فى القاهره ورجعوها على الطريق السريع ناس غاويه منظره..

ربنا يخلصنا منهم


( الكل فى صوت واحد: آميييين)


- ( بوكس للشرطة ومجموعة من الضباط والأمناء يشاورون للأتوبيس بالوقوف على جانب الطريق )



- بيومى : لجنه يا جماعه إللى معاه بطاقه يطلعها



- ( يصعد إلى الأتوبيس ضابط شاب ومعه مخبر ويتجولون ويطلعون على البطاقات )


- الضابط : أنت ياجدع ياللى نايم بطاقتك


- بابا ..بابا أصحى بوليس


- بوليس هوفيه أنا ماشفتش حاجه ياباشا دى عايشه وعايلها أللى كانوا معليين الكاسيت


- الضابط : عايشة أيه وكاسيت أيه ..بطاقتك يا خفيف


- رقم قومى ولا كارتون


- هات أى زفت خلصنا


- خد بطاقتك ياعم محروس ونام


- محروس : هو فيه أيه ..


مفيش حاجه نام ..


شوفيلى يا عايشه سندوتش أحسن أنا جعت قوى


عائشة : مفيش يامحروس أنت مش لسه واكل من ساعة لحقت تجوع..



خلاص قربنا نوصل الرست



- ماما عايز أعمل بيبى ..وأنا كمان ..وأنا كمان



- بت ياسحر خدى العيال دى خليهم يعملوا بيبى فى الحفرة المداريه هناك


- سحر: قدامى كل العيال اللى عايزة تعمل بيبى


- ( ينزل عشرة أطفال من مختلف الأعمار وينتشرون بجوار الأتوبيس ليلبوا نداء الطبيعة )


- سحر : أف أف كتكم القرف أنتم واكلين أيه ..

وهى تقول أللى يخلص يطلع الأتوبيس ويقعد فى الآخر


- الضابط يتنبه للريحة ..طلع الأتوبيس ده من هنا بسرعه


- بيومى : أمشى أزاى ياباشا والعيال لسه ماخلصتش


- الضا بط أمشى أنا ياسيدى ..أجمع القوة بسرعة وحصلونى على نقطة المرور


- الأتوبيس بالكامل يضج بالضحك وهم يشاهدون الضابط وهو يمسك أنفه ويهرب باللجنه


- أطلع ياواد أنت وهو خلاص مشييوا..كفايه أحسن حنموت أحنا ....... قهقهقه..... قهقهقه


- ياخرب بيت عقلك ياعايشه ..كل ماتقابلنا لجنه ..تسيبى عليهم العيال..قهقه قهقه


- ييومى : خلاص ياجماعه أحنا داخلين على الرست ..

نريح ساعه ونتكل على الله ومش عايزين تأخير



وأنتظروا الحلقة التالتة و .............


تعالوا بينا نقرأ الفاتحه

[Arc]

بجد قصة جااامدة
ماشى يا عم بتنافسنى فى قصة حنفى
بس ديه احسن و بضحك جاااااامد
شكراااا كل يو بقة تنزل حلقتين

[john_Brave]

مشكور

[mido4835]

عاوزيين الحلقه الثالثه