" مسافر عبر الزمان " ، قصة عضوين فى منتدانا،،،,,

[! FiRe !]

اعزائنا المستمعين،، لا مستمعين ايه بس ، قصدى احبائى الاعضاء والعضوات ، مساء الانوار ، احب اقول لكم ان القصة دى غير باقى القصص ، هنستمتع ونستفيد ، وكمان نطلع بفكرة ، والقصة دى عمل مشترك بين العضو اللذيذ القدير USERNAMO والعبد لله ، فاتمنى انها تعجبكم :



اولا التعريف بالشخصيات:-
الشخصيات مش كتيرة ولا حاجة هما اتنين بس>>
1- USERNAMO

انسان فريد من نوعه ، محب للعلوم بشتى انواعها ، تختلف نظرته للأمور عن نظرة الناس ليها ، دا لو كان بينظر للأمور اللى بينظر الناس ليها اساسا ^^ :D
17 عام
ثانية ثانوى صنا.. قصدى عام :D

2- Fire33

مع USERNAMO فى المدرسة ، لكن اصغر منو بسنة ، صديقه الصدوق ومع بعض دايما ، بايع القضية لكن بيساعد صاحبه فى حاجات كتير وقت الجد ، مرح الى حد ما
16 عام
اولى ثانوى عام


الفصل الاول :- البداية:-

فى المدرسة.....
" ويزووووووووو يا ويزووووووووووووووووووووووو ولااااااا"

USERNAMO : ايه يبنى فى سوق احنا ، ايه الاخبار

Fire33 : تمام يا عم ، عايشين اهو ، حفلات كل يومين وزيطة ، مشفتش ياض اخر حلفة ، يوووووووه ياما عاللى هناك

USERNAMO : كانت فين دى؟

Fire33 : فى فندق Movenpich اللى فى الرماية ، بس ايه ياض ، مشفتش البنات هناك ، اه ياما ، كلهم كده ان شاء الله جهنم وبئس المصير:p ، شعر اصفر وعيون زرقا واييييييييييييييه

USERNAMO : اوعدنا يارب :D

Fire33 : يوعدك ايه يبنى ، انتا خليك ماشى ورا دماغك ، وابوك هيجبلك واحدة من بلدكم تربيك وتعلم عليك :p:p:p

USERNAMO : ومالها بلدنا يا عمررررررررررررررررررررررررررررررررررررر

Fire33 : شفت جبنا سيرة البلد الشرشحة ظهرت :D ، ايوا كده اظهر وبان :D

USERNAMO : اه يا صفيق :D ، المهم ايه اخر اخبارك

Fire33 : اهو عايشين فى الدنيا نضرب وننضرب ، وانتا ايه اخر قراءاتك؟؟

USERNAMO : والله يبنى انا اليومين دول شاغلنى اوى موضوع النسبية والزمن ، عشان كده جبت كتابين واحد شرح نظرية نيوتن الزمن مطلق والتانية بتاعت اينشتاين اللى اثبت ان الزمن نسبى ، واهو هشوف هنوصل لايه فى الاخر.

Fire33 : نيوتن واينشتاين ، حسبى الله ونعم الوكيل ، سلام ياعم ناقصة احياء هى

USERNAMO : طب استنى بس

Fire33 : اوعى ياعم مش طالباك خااااااااالص ، اشوفك بالليل يا حبى

USERNAMO : تحب الليل انتا ^_^:D ، اوك سلام ياموزتى ^^


==================================================
فى بيت USERNAMO ....
"ترررن تررررررررن ترررررررن"
USERNAMO : انا هرد يا ماما ، الو

Fire33 : ايه يا واد ، بتعمل ايه؟؟

USERNAMO : انا قاعد بقرأ فى الكتابين اللى قلتلك عليهم ، خلصت واحد والتانى فاضل فيه بتاع 120 صفحة كده ، ماتيجى شوية

Fire33 : اوك انا نازل اهو متروحش هنا ولا هنا ;)

USERNAMO : حاضر يا عمو الظابط ههههههههههه ، سلام

Fire33 : سلاموزة
==========================================
وبعد ما وصل Fire33 ...

Fire33 : الله الله الله ، ايه يبنى كل الورق دا ، لالالا ، انتا مش مرتب ، انتا مرتبة :D:p:D

USERNAMO : ياض بطل لماضة بقا :) ، دى تصاميم لالة الزمن التخيلية اللى تخيلها اينشتاين ونيوتن

Fire33 : بقيت تشتم كتير انتا على فكرة ها

USERNAMO : ياض وربنا هحدفك بالشبشب ياض;) (وراح حادفنى بالـ.. قصدى حدف Fire33 بالشبشب:p)

Fire33 : عارف دى لو كانت جت فييا ، كنت هقوم اقطعلك الورق دا كله

USERNAMO : لا ياعم خلاص :D انا اسف

Fire33 : ناس تخاف متختشيش

USERNAMO : بس تعرف ياض ، انا اكتشفت حاجة غريبة

Fire33 : وانا اكتشفت حاجة غريبة انا كمان

USERNAMO : ايه هى دى؟؟؟

Fire33 : ريحة شراباتك اقوى من القنبلة الهيدروجينية :eek: ارحمنى هموت فطيس!!!!:eek:

USERNAMO : يلهوى :eek:، شراباتى دى بالنسبالك فورريه يا جزمة ، المهم ، اللى انا اكتشفته ان مش لازم نوصل لسرعة الضوء عشان نسافر فى الزمن زى انشتاين ما بيقول

Fire33 : امال ايه يا فالح!!!

USERNAMO :انا بقول ان ممكن توليد طاقة مماثلة من الحركة الدورانية ، ولو تلاحظ ان الارض كروية وحركتها دورانية وكل الكواكب كذلك والشمس برضو

Fire33 : يعنى انا لو دخلت الغسالة ممكن ارجع الاقينى طفل؟؟؟:p ، وبعدين انتا فكرك ان العلماء مفكروش فى كده يعنى؟؟؟

USERNAMO : غسالة ايه يا غبى ، المهم انا هعمل تجربة بسيطة ، كنموذج اولى ، ونشوف ، ايه رأيك تعمله معايا ، والنبى يا فيرو وحياة امك فريال:D:D:D:D

Fire33 : حلفتنى بالغالية ، خلاص انا معاك يا BOSS
================================================== ===
وابتدوا العمل فى المركبة الاولية بالحسابات اللى وضعها USERNAMO ، وجه اليوم المنتظر ، يوم التجربة العملية....

Fire33: ها ، شغل شهرين هيأتى ثماره النهاردة

USERNAMO : يارب يا فاير ، يا رب

Fire33 : العينة اهه

USERNAMO : الجهاز لو نجح هتبقا نقلة للبشرية ، بسم الله
==================================================
ووضع USERNAMO العينة داخل الاله ، وشغل المقبض بتاعها ، وبدأت الاله بدوران خفيف ، ثم اسرع فاسرع ، وبدأت السرعة تزيد والنور بدأ يرعش من كمية سحب الكهربا ، وبدأ الورق يطير ووحاول الصديقين لملمة الورق لكن كان مستحيل ، وفجأة!!!! حصل وميض شديد استمر اقل من ثانية ، واختى النموذج الاولى!!!
وفاتت ايام واسابيع ، وUSERNAMO مستنى ظهور الاله ، وكاد ان يسلم بالامر وان القصة كلها فاشلة ، بس فيوم ، وهو قاعد فى حجرته ، حصل نفس الوميض الشديد ، وظهرت الآلة الاولية وجواها العينة اللى عمولا عليها الاختبار ، وتجمد USERNAMO من الذهول ، وفى لحظات كان اتصل بـFire33 وجاله عالبيت ، وحصل الآتى.....

USERNAMO : ايه رأيك ، نفتحها؟؟؟؟

Fire33 : لا هنستنى لحد ما تفقس لوحدها !!!

USERNAMO: انتا هتهزر ، بسم الله ، ايه دا ، العينة سليمة ، التجربة نجحت ، نجحييييييييييييييييييييييييييييييييييييييييييييييي ييت

Fire33: الحمد لله يا صحبى

USERNAMO : انا عرفت ليه الالة اتأخرت ، اكيد هى سافرت فى المستقبل ، ودا شئ منتظر ، بالنسبة للى جوا الالة ، العملية مخدتش ثوانى ، لكن بالنسبالنا العملية قعدت كذا اسبوع ، فهمت ، يعنى فعلا السفر فى الزمن ممكن!!! انا مش مصدق نفسى!!!

Fire33: الحمد لله ، دا شئ روعة ، انا بقول ننزل نكمل ماتش الكورة بقا

USERNAMO: كورة ايه ، احنا قدام بوابة المستقبل ، وعالم جديد ، من دلوقتى مفيش حوادث لاننا هنقدر نتنبأ بيها

Fire33 : انتا اثبت انها سافرت فى المستقبل ، لكن الماضى.....

USERNAMO: مفيش غير طريقة واحدة نعرف بيها....

Fire33: ايه هى يا فالح؟؟

USERNAMO : لازم نجرب بنفسنا!!

FIre33: :eek::eek::eek::eek::eek::eek::eek::eek::eek::eek: :eek::eek::eek: ، ايه ، لا احنا متفقناش على كده ، انتا اكيد بتهزر ، انا وافقت اعملها معاك لكن مش اجربها معاك ، اعفينى انا ، لالالالالالالالالالالالا

USERNAMO : وحياة امك فريال

Fire33: ياعم انا بكرهها اساسا ، مليش دعوة

USERNAMO : كده كده؟؟؟ ، طيب ، ايه رأيك هتيجى بالعافية

Fire33 : لئاااااااااااااااااااااااااااااااااااااااااااااااا ااااااااااااااااااااااااااااااااااااااااا
وحمل USERNAMO المسكين Fire33 ورماه جوا آلة الزمن ، وشد المقبض ، وقفز جواها وقفل الكوة ، وبدأت الالة بالدوران ، ووسط صراخ Fire ووالدوران الشديد ، بدأو يطيروا داخل الالة ، وبدأو يقربوا من جدرانها ، وفجأة ، حصل وميض ، وتوقفت الآلة فجأة ، واتخبطوا الاتنين فى الارض ، وفقدوا الوعى ، وبعد كده......

خليها الحلقة الجاية مع العضو المتميز امجد والى اللقاء...:D:D:D:D

[USERNAMO]

الحلقة الثانية

بعد ما وقع امجد و عبده و اغمن عليهم ^^ صحى امجد فى الاول و بيبص على عبده لاقاه واقع و الريالة نزلة من بقه و بيقول بصوت واطى بوس الواوا و انا مالى هيه !!
و فجاة و بدون اى مقدمات بيبص امجد حواليه لقى ان اللون الاسود المحيط بيهم بدأ يملا الدنيا كلهم و كأنهم وقعوا فى بير عجيب راح امجد جرى لعبده اللى نايم على ارض سوداء بردو و ده اللى حير امجد ! و مستمر عبده فى الغناء و هو مغمن عليه
امجد : عببببده يا عببببده
عبده : بس يا بت بقى انا مش هعمل حاجة غير البوس !
امجد : بوس يبن التيت انا مرعوب
عبده يفتح عينه يلاقى الدنيا سودا و الارض سودا و مفيش غير امجد بيبصله عبده بصله و قال يالهوى و اغمن عليه تانى !
امجد : يخربيت امك ... انا هبقى لوحدى هنا !!

فجأة بدأت الدنيا فى التلون و يرى امجد انه فى مقابر شكلها عجيب و يرى رجلاً يبكى بحرقة و ضربت الشمس اللى ظهرت فجأة فى وش عبده ففاق
_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-
عبده : ايه ده مقابر !! ااااااااااه ياما
امجد ساب عبده اللى كان بيجرى زى الاهبل فى المكان و راح للراجل وقاله

امجد : سلام عليكم

الرجل : عليك بمثله !

امجد : ممكن اعرف مين حضرتك .. انا اسف بس

يقاطع عبده الوار و يقول لامجد

عبده : سيبك منه ده شكله عفريت يا امجد يلا بينا نجرى من هنا ياعم

امجد نفضله و سال الراجل

امجد : حضرتك مين ؟

الرجل : انا الزمان !!

امجد يفتح بقه بغرابة و امجد يقول الالة نجحححححححححححححححححححححححححححححححححححت

عبده : انا كان مالى و مال الهبل ده انا كنت اقعد جمب امى فى البيت احسن

امجد : طب حضرتك بتعيط ليه

الرجل : على اللى بيحصل كل الرمزو الكويسة ماتت معتش فيه حاجة عدلة و كله بيجيب حمله على الزمن بس عارفين ايه اللى مصبرنى ؟

امجد : ايه ؟

عبده : اشجينا يا عندليب !

الرجل : ان كل الرموز دول عايشين معايا هنا

امجد : نعم ؟!

عبده : يبن المجنونة ... يلا بينا يا امجد ده شكله اهبل !

الرجل : تحبو تشوفو

بتلهف ... امجد : ياريت

عبده : وااااااااااااااااااااااااااااااء

الرجل: تعالو هوديكو عند واحد لولاه كان زمانكم عايشين فى الظلمة

عبده : عم سيد الكهربائى ؟!

امجد : توماس اديسون ؟!

الرجل : فعلاً اديسون ...

اخد الراجل امجد و عبده ماشى بيبرطم و بيقول وحيات امك يا امجد لموريك ..... و لكن و هما رايحين لتوماس اديسون قابلوا راجل اعجب به عبده بشدة ....
_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-
و نقابلكم فى الحلقة الثالثة مع العضو المتميز عبدوووووووووو

[rulezz]

لول ^^

[super_man619]

جامد ياض
و عايز اعرف ايهع الي حصل بعد كده

[7osso]

هيهيهييي والله جامدة اما نشوف اللي هايحصلل
يا مألفاتي نور حياتي

[Arc]

[colorهههههههههههههه جاامدة مشكور مستنييين الى حيحصل

[! FiRe !]

مشكورين يا شباب عالمرور ^^
وان شاء الله الحلقة التانية بكرا

[ecsroman]

ههههههههههههههههههههه شكلها كدة جامدة مستنين الجاية

[! FiRe !]

نورت يا باشا ^^

[™ Vitch« ®]

انا قرئتها كلها و بجد جامده جدا


انا عايز اعرف ايه اللى هايحصل فى الجزء التانى ^^

[Uchiha_Dante]

لووووووول بس عايزين العدد الجديد :d المفروض تكتب مذكراتك لوهتكتبها كده :d

[ziad kamel]

بعد كدة قمت من النوم ؟ ههههههههههههههه

[alidndn1]

مشكور يا جميل عالموضوع

[mr_spidy2]

شكراااااااااااااااا

[L0RD_Slaiver]

جاااااامد انا عايز اعرف اية اللى هيحصل