نكت . مو اقف ( متجدد باستمرار )

[SeReNiTy]

سم اللة الرحمن الرحيم

دة اول موضوع و اول يوم لية يريت الموضوع يعجبكم و الوضوع متجدد بستمرار :)

جبتلكم النهاردة مجموعة من اشهر الجمل اللى بتتقال فى كل بيت مصرى و بتمنا الموضوع يعجبكم



*ربنا يرزقك بعيل يوريك اللي ورتهوني .


* جتها نيلة الى عايزة خلف تيجى تتفرج .


* امشى جاتك مشش فى ركبك.


* رحلة ايه ان شاء الله, على أيامنا ماكوناش بنتطلع زفت رحلات .


*أوعا حد يضحك عليك ويقولك جرب السيجارة دي.


* ايه الا مبالاه و الاستهتار اللي انت عايش فيهم دول .


* قوم اقرا لك كلمتين ينفعوك .


* وطي المدعوق ده شويه .


* انت فاكرنا نايمين على ودانا ؟


* بلاش أكل بره .


*ياريتك تحفظ دروسك زى مانت حافظ الاغانى.


* عيب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انت كل يوم تصاحبي واحدة جديدة ؟.


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* ما تعليش صوتك .


* وانت فاكر احنا مستنيين منك حاجه .


* المسلسل مش هينفعك ...قوم .


* متفتحش الباب لحد و انت لوحدك و متدلدلش راسك من شباك العربيه .


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا و خش اوضتك .


* ربنا يهديك ربنا يهديك ... وأحيانا .. انك لا تهدي من أحببت .


* صليت العصر ؟!


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* افرد ظهرك .


* لم شراباتك.


* ماتكلش فى ضوفرك.


* كنت فين لحد دلوقتى يا صايع.


* ماتتأخرش علشان عندك كلية بكرة بدرى.


* انا مش عارف انته طالع لمين.


* انا : ياماما بقه ايه ده ؟؟؟
ماما:مووو لما يخدك .


* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* البس فنله قطن تحت ودفي سدرك ودخل التيشرت في بنطلون البيجامه وانته نايم .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .


* احمد ربنا الاكل الى مش عجبك ده فى ناس مش لقينه .


* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* قومي سخني الأكل لأخوكي.


* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.


خلاص كدة :D دول الى اعرفهم

[Z00M]

^^ جامده والله العظيم وشكرا

[SeReNiTy]

المشاركة الأصلية كتبت بواسطة Ilovesilkroad عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] ^^ جامده والله العظيم وشكرا

شكرا على مرورك