الهاكـر المصـرى حسـام..

[pepo_pepo]

السلام عليكم ورحمه الله وبركاته

أزيكم جميعا أنا اخوكم كريتكــال

نيوكر لفل 100 critcaL

المهم مش هطول عليكم انا هدخل فى الموضوع على طول

انا اشتريت اكونت إسمه Dead_SiIent من واحد إسمه حسام اللى هو Lonelygirl

يدوبك شهر واحد بتاع البرميم خلصت البرميم سايب الاكونت يلفل عادى ونمت عشان اصحى اروح الشغل

صحيت الساعه 4 الفجر لقيت الجهاز مقفول فتحت الجهاز وبدخل الأكونت ديد سيلنت مش راضى يدخل قومت غسلت

وشى وفوقت كده وبجرب تانى مش راضى برده يدخل بجرب افتح الايميل الضامن بتاع الاكونت الياهو يعنى هو كمان مش

بيفتح قولت بس ادخل بكريتكال بقى لقيته دخل اول حاجه ببص فيها على الاكونت فى الجيلد ملقتش ديد سيلنت

فى الجيلد عرفت ان الاكونت اتسرق منـى وقولت عوضى على الله ومفيش اى مشاكل والحمد لله على كل شئ

الاكونت كان فيه أيتمـز تعادل 500 مليون + اتنين مليار جولد + تصحيه ديفيل + 142 سيلك تمام

كل ده انا خسررتوا بجانب انى شارى الاكونت من حسام بـ 500 جنيه

بكلم حسام لقيته بيقولى ازاى انا هرجعهولك وهات الايميل الضامن للميل الياهو ومتقلقش عشر دقايق بس

فين حسام ملقتش حسام روحت نمت تانى يوم ادخل الجيم ألاقى حسام ضارب جلوبال انه رجع ديد سيلنت بأربعه

مليار جولد حسام اللى بايعهولى ب 500 جنيه يعنى ميعملوش اتنين مليار يشترى الاكونت ب 4 مليار ما يعادل 1200

جنيه مصرى قولت يمكن كل شئء جايزز .. بصوا يا جماعه الايتم بتاعة كريتكال كمان كانت على اكونت ديد سيلنت

ودلوقتى بقى حسامـ إتكشف ليا وعرفت إن هو اللى سرق الاكونت ازاى انا مش هقول إزاى انا هجيبلكم دليل قاطع

يأكد ان هو اللى سرق الاكونت ... خليكوا معايا

[pepo_pepo]

yasser_afefe (24/01/2010 0521 م): هاي
yasser_afefe (24/01/2010 0524 م): انتا هنا ياصحبي
dancer die (24/01/2010 0534 م): ايوة يا حبى
dancer die (24/01/2010 0536 م): ازيك
yasser_afefe (24/01/2010 0542 م): الحمد لله بخير
yasser_afefe (24/01/2010 0557 م): انا جبتلك ايتمز كرتكل من حسام
yasser_afefe (24/01/2010 05:14:02 م): الي لقيتها في الاكونت
yasser_afefe (24/01/2010 05:14:13 م): بس هوا كان في اسبير ولا لا
dancer die (24/01/2010 05:14:22 م): اه كان فيه
yasser_afefe (24/01/2010 05:14:29 م): بيقولي مفيش اسبير
yasser_afefe (24/01/2010 05:14:35 م): اداني شيلد
yasser_afefe (24/01/2010 05:14:39 م): وحجات كده
yasser_afefe (24/01/2010 05:14:43 م): ادخل بكرتكل
yasser_afefe (24/01/2010 05:14:50 م): وانا اديك الحاجه الي ختها
yasser_afefe (24/01/2010 05:15:06 م): انتا بتلبس ليت ارمور ؟
yasser_afefe (24/01/2010 05:15:12 م): برتكتور اصدي
dancer die (24/01/2010 05:15:18 م): بروتكتور
yasser_afefe (24/01/2010 05:15:22 م): اوكي
yasser_afefe (24/01/2010 05:15:27 م): انتا جوه الجيم
dancer die (24/01/2010 05:15:34 م): اوكى ثوانى هدخل
yasser_afefe (24/01/2010 05:15:37 م): اوكي
yasser_afefe (24/01/2010 05:15:51 م): انا هرستر كيف كيلر وادخل بالاكونت الصغير الي جمبو
yasser_afefe (24/01/2010 05:15:59 م): استناني عند استورج في الدون هانج
dancer die (24/01/2010 05:16:00 م): ربنا يكرمك يا حبى
yasser_afefe (24/01/2010 05:16:19 م): علي ايه ياصحبي
dancer die (24/01/2010 05:21:01 م): انا جوة
yasser_afefe (24/01/2010 05:21:54 م): اوكي انا ادام الاسترج بتاع الدون
dancer die (24/01/2010 05:22:00 م): وانا كمان
dancer die (24/01/2010 05:23:24 م): انت جيبتهم ازاى
yasser_afefe (24/01/2010 05:24:14 م): ختهم منو
yasser_afefe (24/01/2010 05:24:16 م): الصبح
yasser_afefe (24/01/2010 05:24:34 م): كان معايا علي الميك هوا وفير هل وترنفشا وارتها
yasser_afefe (24/01/2010 05:24:38 م): وتاملار بجاتو
dancer die (24/01/2010 05:24:57 م): ها
yasser_afefe (24/01/2010 05:26:02 م): كلمني جوه الجينم
yasser_afefe (24/01/2010 05:26:46 م): بأذن الله احاول اجبلك اي شيء كمان
yasser_afefe (24/01/2010 05:26:59 م): بس انا نفسي بس يجي يفتح ديد هنا في السيبر عندي
yasser_afefe (24/01/2010 05:27:05 م): عشان اعرف هيا فيها اايه
dancer die (24/01/2010 05:27:35 م): انا متشكر ليك يا حبـى
dancer die (24/01/2010 05:27:47 م): أعتقد دلوقتى انك صدقت ان حسام هو اللى سرقنى
yasser_afefe (24/01/2010 05:27:58 م): علي ايه ياصحبي والله لو في ايدي اي شيء تاني كنت متأخرت
dancer die (24/01/2010 05:28:06 م): بس ايه اللى حصل وخلاه يرجعلى الحاجات دى
yasser_afefe (24/01/2010 05:28:06 م): ياصحبي انا قيلك من الاول
yasser_afefe (24/01/2010 05:28:29 م): انا قعت اتحايل عليه شويه وشويه كلام حلو وهدخلك معايا البرتي
yasser_afefe (24/01/2010 05:28:31 م): وكده
yasser_afefe (24/01/2010 05:28:38 م): لحد مداني الحاجه
yasser_afefe (24/01/2010 05:28:39 م):
dancer die (24/01/2010 05:28:49 م): دى دماغ عيل صغير
dancer die (24/01/2010 05:28:52 م): مستحيل ده يكون شاب
dancer die (24/01/2010 05:29:05 م): وانا كنت فاكره صاحبى
dancer die (24/01/2010 05:29:11 م): لا اله الا الله
yasser_afefe (24/01/2010 05:29:19 م): انا قلتلك كده من زمان
yasser_afefe (24/01/2010 05:29:24 م): بس انتا مصدقتنيش
yasser_afefe (24/01/2010 05:29:32 م): بس يلا حصل خير
dancer die (24/01/2010 05:29:32 م): مش موضوع مش مصدقك
dancer die (24/01/2010 05:29:38 م): اصل انا اما اخد كل البيانات
dancer die (24/01/2010 05:29:45 م): خلاص المفروض ميعرفش يسرقنى
dancer die (24/01/2010 05:29:51 م): لكن ده سقنى اااى
dancer die (24/01/2010 05:29:52 م): مش عارف
dancer die (24/01/2010 05:29:55 م): سرقنى*
yasser_afefe (24/01/2010 05:30:00 م): والله مش عارف هوا عمل اايه وجاب الاكونت تاني
dancer die (24/01/2010 05:30:15 م): اكيد فى بج
dancer die (24/01/2010 05:30:16 م): اكيد
yasser_afefe (24/01/2010 05:30:41 م): اكيد شركه ياهو عملت اي شيء
yasser_afefe (24/01/2010 0526 م): المشكله في الاكونتات الي فيها بج دي
yasser_afefe (24/01/2010 0540 م): الي بيكون معمول فيها اميل ضامن
dancer die (24/01/2010 05:32:34 م): ok
dancer die (24/01/2010 05:32:42 م): أنا كده فهمت
dancer die (24/01/2010 05:32:51 م): مفيش اىميل ضامن تانى خلاص
dancer die (24/01/2010 05:32:55 م): ومش هشترى اى اكونت تانى اصلا
dancer die (24/01/2010 05:32:59 م): انا تعبت وربنا
dancer die (24/01/2010 05:33:02 م): ولا عارف اشتغل حتى
yasser_afefe (24/01/2010 05:34:24 م): والله انا لما فوكس اتسرق مني ندمت ان انا لعبت الجيم دي لان خلت ناس كنت فكرهوم اصحابي يعملو كده

[3anter]

ربنا يعوض عليك

ربنا مبيسبش حد

[pepo_pepo]

أعتقـد كده إنى مش بقول أى كلامـ

أنا يا ياســرر حطيت المحادثه دى عشان انا مش عايز الأكونت لأن ده أكونت حتى لو رجع زى ما سرقه هيسرقوا تانى

يعنى ميتهلش انى اتعب فيه

لكن انه ياخد الجولد وكل حاجه على الأكونت ويقول ان الأكونت مفيهوش حاجه

طيب منين لقيت حاجه كريتكال فيه ورجعتها

كل ده عشان بارتى

أنا مش محتاج اكونت ديد سيلنت بس لو انت بجد خايف من ربنـا ترجعلى الجولد حتى حرام عليك يا أخى

والسلامـ ختامـ

[7shash]

بص يبوب انا مش بدافع عن حد بس انا بقول الحق الموضوع متفبرك كونت نزلت برنت وتاني حاجا الكلام قدامي الحصل الشترا منو حسام الاكونت لقه البس فالسترج فياسير سقل حوسام هوا في حاجا في الاكونت فاحوسام قلو في لبس شينيز فياسير لما شاف البس قال دى بتاع كركتل وقلو جيبو ارجعهولو دى مسكين دى الحصل اما الموضع النتا كتبو وبالتوريخ انا اكتبلك اخو ولو تحب اجبلك برنت كمان وخليك تسدق النا عايز اقولو

[pepo_pepo]

طيب منا اوفر عليك كل ده وأقولك إسئل ياسـر إذا كان الكلام ده متفبرك ولا لأ

غير كده انا مش كاتب الموضوع عشان أتوسـل للناس وأقولهم هاتولى حقـى الشكوى لغير الله مذله يا بوبـ ولا إيه

أنا بس بحب أعرف الناس مين حسـام بيــك

وانا مش محتاج حاجه من الأكونت والجولد وكل حاجه هو خدهـا والفلوس اللى انا اشترتها بيه منه

بسم الله الرحمن الرحيم .. قل لن يصيبنا إلا ما كتب الله لنـا صدق الله العظيم

بسم الله الرحمن الرحيم .. وعسى أن تكرهوا شيئاً وهو خير لكمـ وعسى أن تحبوا شيئاً وهو شرا لكم صدق الله العظيمـ

حقى ربنـا هيرجعهولى سواء فى الدنيا أو الأخره

وشكرا لحضورك يا بـوب

[Rayan lover]

ربنا يعوضك احسن منوا ان شاء الله

تقبل مرورى

[santa_cruz]

انت اللى غلطان لانك اشتريت حاجة من واحد حرامى وانت عارف انه حرامى ومحدش ناسى انه سرق اكونت _lonleygirl_
واكونتات تانية كتير
انا مش فاهم ازاى تتعامل مع واحد ريحته وحشة كده على العموم اتمنى انه يطلع عنده شوية دم ويرجعلك حاجتك مع انى اشك انه يرجعلك حاجتك وربنا يعوض عليك

[كورابيكا]

نفس الكلام حصل مع أكونت _lonleygirl_ الي هو المفروض باعه لـ جولدن
بعد ما باعه بأيام رجع الاكونت تاني و سحب الأيميل الضامن
و الكلام دا حصل يوم 22 / 1 يعني من يومين بالظبط

مع الأسف جولدن معملش بتحذيري لما قولتله الشخص دا انا مش بستريحله
لكن هو قالي ان فيه شخص ضامنه
قولتله زي ما تحب

عليه العوض و منه العوض :)

ياريت يا جماعة لما نشتري أكونت عليه أيميل ضامن لازم يتوفر عدة أشياء
اهمهم :
ان يكون فيه ثقة بين الطرفين
يعني متروحش لواحد تاريخه أسود و ضعيف النفس و تشتري منه اكونت

تاني شئ ميكونش الأيميل الضامن ياهو و دا بسبب عدة ثغرات بتمكن الشخص الي مكريت الأيميل دا
يقدر يرجعه في أي وقت بعد كدا

ممكن واحد يبيعلك اكونت لفل 95 وانت تغير كل البيانات و تغير بيانات الأيميل الضامن
وبعدين يجي بعد كام شهر تكون انت صرفت على الاكونت
وطلعته لفل 100 و خلصتله الفارم ..إلخ..
ويجي الشخص دا يرجع الأكونت منك تاني بعد ما أنت قدمتله خدمة و ظبطتله الاكونت و خليته آخر تمام

الدنيا معدش فيها خير

ربنا يهدي الجميع

[DeaTh_Rule]

ربنا يعوض عليك

[mistervip]

بسم الله الرحمن الرحيم

احب اقول بس كلمتين
اولا : انا عايز اعرف دلوقتي الموضوع ده جه في اسمي ليه ؟
ثانيا :انتا دلوقتي كتبت الموضوع ده علي المنتدي هل تتوقع ان حد هنا ممكن يجبلك الاكونت حتي لو هوا مع حسام او مع غيره كانو رجعو اكونت فوكس
ثالثا : انتا نو رجعلك لبس كرتكل وانا جبتهولك من حسام يعني هوا كان ممكن يقولي ان الايتمز مش معايا ومكنتش هقدر اعمل اي شيء طبعا لان هوا حر في الاكونت
رابعا : السبب انو اداني الايتمز بتعتك انو يدخل بارتي طيب مهوا ليفل 99 يعني ممكن يروح يدخل اي بارتي تاني صح ؟
خامسا : الاكونت نو لو جه فتحو عندي ولقيت كل الي انتا بتقلي عليه الحاجه الي انتا بتقول عليها هعمل ايه هخطفو ولا هحبسو اظن ان هوا مش صغير ومن الحته كل الي فيها ان هعرف ان الحاجه معاه وحتي لو معاه فيها ايه ؟

هوا اشتري الاكونت ياريت اسمي ميجيش تاني في المنتدي في اي حوار من ده وانا قلتلك يامحمد ان الحاجه بتعت لو مع حسام انا هجبهالك ولو هوا علي حق مش هقدر اعمل شيء

[haytham_ah2007]

انت افضل الناس اللي قبلتها في السيرفير ده

مش عارف اقولك ايه

ربنا يعوض عليك بس لو محتاج شئ كلامني

بس اللي حصل انت خدت منه اميل الياهو اللي هو عامل له اميل ضامن علي الهوت ميل

ويقدر يرجع الاكونت من خلاله

[كورابيكا]

المشاركة الأصلية كتبت بواسطة haytham_ah2007 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] انت افضل الناس اللي قبلتها في السيرفير ده مش عارف اقولك ايه ربنا يعوض عليك بس لو محتاج شئ كلامني بس اللي حصل انت خدت منه اميل الياهو اللي هو عامل له اميل ضامن علي الهوت ميل ويقدر يرجع الاكونت من خلاله

عامتاً الياهو بيدي الأحقية للي مكريت الأيميل إنه يقدر يرجعه في أي وقت
حتى لو عامله ألف أيميل ضامن.

[Fire_4_Ever]

انتا اللى تستاهل يا كركتل بيك

القانون لا يحمى ________