|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
28-10-2009, 01:45 AM
|
#1 | ||||||||||
  
|
  اول حصة :ازاى تبقى رزل فى المواصلات لو راكب فى باص أو ميكروباص وجنبك حد نايم اوعى تسيبه نايم كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى لو مش نايم متسيبوش فى حاله برضه عيب عليك متجيش ركز على سؤال واقعد اسألهوله كل شوية زى أنت نازل فين طب انت دفعت ولا لأ لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد أو قوله ماتنزل من الشباك لو انت فى أتوبيس وقاعد على كرسى وجنبك ناس واقفة استمتع بقى وخدك وقتك اتمطع بقى وقول ياسلام على الراحة الواحد مكنش عارف هيعمل أيه لو مش قاعد لو العكس بقى اقعد اسأل كل واحد انت نازل فين واقعد قول بصوت عالى ياجماعة محدش نازل قريب أصل انا عايز اقعد طول مانت واقف قول كده لحد مايقعدوك لما الكمسرى يجى ياخد منك الاجرة اسأله على تمن كذا مكان يعنى قوله هو لغاية الحتة الفلانية بكام طب لغاية الحتة دى بكام اسأل على تمن كل الاماكن اللى تعرفها لحد مايقولك ياعم خلصنى رايح فين قوله مانا عشان ابقى عارف بس وتقل فى العيار يمكن يسيبك ويمشى لما يدى حد تذكرة قوله ورينى كده لو سمحت واقعد اتأمل فيها لحد ما صاحبها يزهق ويشدها منك فى مفتش بقى ساعات بيطلع يفتش على التذاكر وبيطلع على السريع كده وينزل أنت بقى اوعى تديهاله علطول كده أزعل منك والله دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك كفاية كده بقى حرام المفروض تنزل قبل الناس ماتموت منك أستنى رايح فين أنت نازل عادى كده ولا كأنك رذل ولا حاجة وأنت نازل هيبقى فى ناس واقفة أعمل نفسك مش عارف تعدى وحاول تجاهد على قد ماتقدر وتضيع الوقت اللى تقدر عليه لحد الناس ماتشيلك وترميك بعد ماتكون جبتلهم السكر ورفعت ضغطتهم اتفق انت و صاحبك على انكو ترخمو على راجل واقف في اي حتة روح انت اقف جنبو في ناحية و الفت نظرو ليك بحركات باديك كانك اخرس مش بتتكلم حيبحلق فيك و يجي التاني صحبك يعني وراه و يعمل عملتك انت طبعا هاتغيظو و يقولك عاوز ايه مني قولو انت مالك انت انا بكلم اللي وراك ده عشان اطرش طبعا هيبص وراه و حيخبط دماغو في الحيطة درس تانى بس اجمل شويه فى الكلية هتقابل صاحبك وهتقعدوا على أى كافيه بقى هيجى الجارصون سيب صحبك يطلب الأول وبعدين استلم الجارصون بقى واديله نصيبه قوله عندك برجر ؟ هيقولك اه قوله حلو ؟ هيقولك تمام قوله اوك يبقى اكتب واحد شاورمة طب عندك كبده ؟ هيقولك ايوة قوله معمولة ازاى ؟ سيبه يرغى شوية وقوله انا اصلا مبحبش الكبدة فكك حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها المهم حاول تجيبله جفاف عقبال ماتطلب اللى انت عايزه وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة ومتنساش تعيب على الأكل وأنت بتحاسب وكمان تقول الحساب غالى فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم لو مسكتش أنا هقول للدكتور والحركة دى رذلة ومستفزة جدا بس اشطه يعنى وياسلام لو واحد وواحدة يبقى أنت كده جبت من الآخر لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن وبكده يبقى أنت مارست هوايتك وقضيت يوم رذل جبتلكوم درس جامد جدا واطول واحد انا عاوزك تتعلم منى هههه اسيبكوم أولاً : ازاي ترخم على ضيوفك ! لو عازم صحابك على العشاء مثلاً .. خليك انت خلص اكل اول واحد و بعدين روح بسرعة علشان تغسل ايديك .. و بعد ما تغلس ايديك افتح المياه على الساخن بس .. و اقفل الساقع خالص . و استنى شوية 10 ثواني كدا و بعدين اقفل المياه و شوف بقى اللي بعدك هيحصله ايه ---- لو جالك ضيف رخم .. روح اعمل شاي و خلي الشاي سخن موحوح و ما تحطهوش في (مج) .. حطه في كوبيات عادية و املاها للاخر علشان مايعرفش يمسكها ---- و لو عندك ضيف دمه تقيل و عاوز تفلسعه .. اظبط المنبه بتاع الموبايل بحيث كل شوية يرن يرن و اعمل ان في واحد بيتصل بيك و قوله ( ايه ؟ .. دلوقتي لالا .. عندي ضيف .. يمكن بعد 10 دقايق ولا حاجه ). و ما تلبسش ساعة علشان كل شوية تسأله الساعه كام و لما يكلمك ما تردش عليه من اول مرة .. اعمل نفسك ما سمعتوش ---- و لو واحد رخم و رغاي اتصل بيك حاول ترد عليه بكلام مختصر (ايوه .. ماشي .. حاضر .. اوكي .. لا .. هشوف) .. و لو فضل يرغي كتير ما تردش عليه و اعمل نفسك بتكلم واحد جنبك و بعدين قوله (آسف معلش كنت بكلم اخويا) و اعملها كزا مرة .. و لو طول قوي قوي بقى و مش عارف تخلص منه .. اعمل ان الخط قطع .. و انك مش سامعه و قول (الو .. الوووووووووو .. الوووووووووووو .. انت روحت فين ؟؟ ... الووووووووووووووووووو) و بعدين قوم قافل السكة ---- و لو في حد رافع ضغطك و عايز تعمل فيه مقلب خد ولاعه ***ن مقبض الباب وبعدين اعمل نفسه بتتكلم في الموبايل و قوله : افتح الباب .. --- ثانياً : ازاي ترخم على ناس في اوتوبيس ! اول حاجة انت مثلا مسافرسفر طويل باتوبيس يعنى حوالى 8 او9 ساعات فى الطريق طبعا هيبقى الكل على اخرة ودى فرصتك يامعلم عشان تزهق فى خلق الله اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس يقف والناس تنزل انزل قلب فى الشنط وطلعها برة ووقعها وافردها فى الشارع وتوه الشنط فى بعض بحجة انك بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى الشارع تدور على شنطها تانى حاجة وانت بتحجز خلى كرسيك جمب الشباك ادخل انت الاول ومتقعدش فى الكرسى الى انت حاجزة لا اقعد فى الى جمبة طبعا الراجل الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل يقعد فية جرى خلية يقعد سيبة متكلموش سيبة ساعة واتنين لحد مايكيف على المكان ويسلام لو كان نام وفى عز نومة ازغدة فى قلبة وقولة دا مكانى ياعم هيزعق ويقول انا قعدت فية الاول طلع التذكرة وحطها فى عينة او انده للسواق او وقف الاتوبيس واعمل خناقة لحد ماتقعد مكانك تالت حاجة قعدت مكانك وظبطت نفسك ياعم طبعا الراجل الى جمبك دا مش طايق يبص فى خلقتك خليك مبتسم دايما ومبسوط فى وشة عشان يتغاظ اكتر واديلة رست شوية خش على الى قدامك شوية افرد رجلك من تحت الكرسى وخبط فى رجلية كل شوية وان اكلم قولة اعملك اية رجلى طويلة ابقى احجزلك كرسيين ورا بعض ويسلام لو حاطط اكل تحت الكرسى اخبطة ووقعة فى الارض وكدة يبقى خلصت على الى قدامك ارجع للى جمبك تانى اول مينام ويريح نفسة صحية وقولة عدينى اروح الحمام لو سمحت هيقوم متغاظ طبعا وانت بتعدى حط ايدك على وشة دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فية ضحية تالتة قولة سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش غير حمام واحد واما تخرج لو لاقيتة لسة مستنى قولة على فكرة المية قطعة وسيبة وامشى كدة يبق انت كفرت كل الى فى الاتوبيس تقولى ياعم انت مزهقتش غير تلاتة هقولك لا بطريقة الشنط زهقت شوية واتمنى ليكم رحلة خنيقة ثالثاً : ازاي ترخم على الناس في المحلات ! ادخل اى محل جزم ويسلام لو كان فية زباين اقعد استنى لحد مازبون يقلع جزمتة عشان يقيس تقوم سادد منخيرك وتمسك بطنك وتقول اووووووووووووف وتعمل اكنك عايز ترجع وتقول لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى زى الطمطماية ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وهقهق اوى ويسلام لو وقعت على الارض من الضحك وبصلة من فوق لتحت خلية يشك انة مسخرة هتلاقية عملها على روحه ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول عشان انت جى الاول قولة لا خلص المزمزيل الاول هتقولك شكرا والراجل هيقوك اوك اول مايبدا معاها زعق اوى وقولة اية ياعم مش انا جى الاول ولا هيا كوسة ولا عشان بنت يعنى سبحان الله يجدعان نموت نفسينا يعنى عشان رجالة وسيبة وامشى قبل مايكلم ولا كلمة شوف واحد ماشى فى الشارع وعدى من جمبة وامسك منخيرك وقول يخرب بيت الاكل اللي بتاكلوه ده .. وبص له شوية بقرف وامشى فى حالك *** جزمتك اوى اوى وادخل اى محل نضيف وسيراميك واقعد اجرى فية ودور على اى حاجة طبعا هيتحرجوا يكلموك بس هما اصلا ميتين من الغيظ وانت بتاكل في اي مطعم ارمي نفسك علي الارض وصرخ وسمع الناس اللي بتاكل وقول جالي تسمم من الاكل ورخم اكتر ومدتفعش حساب الاكل وامشى على كدة رابعاً : ازاي ترخم على السواقين في الطرق ! لما يكون في نزلة بعد كيلو ولا حاجه .. ادي اشارة صفراء يمين و هدي و اول ماتيجي جنب النزلة قوم داخل شمال و مسرع هتلاقي اللي وراك اتغاظ سوق عربيتك في الاتجاه المعاكس واي عربيه تعدي من جنبك اشتم صاحبها لما تلاقي عربية مسرعة قوم مسرع انت كمان و اقعد زمرله و شاورله كإنك عايز تنبهه لحاجه و لما يقف .. قوله الكاوتش اليمين اللي ورا نايم .. هيقوم هو واقف علشان يشوفه .. بس في الحقيقة مافيش كاوتش نايم ولا حاجه --------------- انا حزود الموضوع علشان عيون الناس الرجاله الى ردت وياريت بلاش رخامه للناس الى مردتشى قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها . • هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول. • و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " . • لما حد يشكى لك من حاجه قوله أنا عندى مشاكل أكتر منك. • فى مطعم... بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟. • كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا . • و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت . • بعد عشر دقايق ، اعمل نفس الحركه تانى . • و انت بتتكلم مع شخص ما ، ماتبصش فى وشه أبدا . • و انت بتتكلم مع شخص ما ، افضل مركز فى وشه اوى . • طول ما أنت قاعد مع زمايلك ، صفر موسيقى نشيد بلادى بلادى . • علق فانوس كبير فى الشارع و حبال زينه ، بشرط ميكونش فى رمضان !!! . • أتكلم مع الناس بصوت الروبوت . • أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! . • و أنت فى المول ، ماتمشيش عادى ، لأ .. افضل نط لحد ماتوصل للمكان اللى رايحه . • فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا . • اعزم ناس فى حفلات ناس تانيه "عيد ميلاد او خطوبه او فرح ..." . • سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! . • أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! . • فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دى اوى يا جماعة" !! . • لو واقف جنب حد بيعد فلوس و فى وسط ما هوا بيعد قول اى رقم عشوائى "862" . • العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! . • و أنت ماشى فى حته اى حاجه تقابلك طبل عليها . • البس جراب زى الجراب اللى بيتحط فيه المسدس .. بس حط فيه الريموت كنترول . • غير القناه قبل نهايه الفيلم او الماتش او المسلسل بخمس دقايق . lأضحك لواحده ماتعرفهاش فى الشارع وقولها بصوت عالى " ازيك .. عامله ايه؟!!! ذ __ الحصة التالتة الموبايل بص ياسيدى أنت دلوقتى ماسك موبايلك وبتلعب فيه وبتسأل أى واحد جنبك أو حد متعرف عليه جديد رقمك كام ؟ سيبه يمليك نص الرقم كده وروح مشغل أى نغمة هو فاكرك بتسجل الرقم أتاريك بتلعب فى النغمات وهو بيملى عالفاضى بتاخد الرقم من حد مش معاك رقمه وتقوله قولى رقمك وأنا هحفظه عشان الموبايل فاصل شحن وشغل الغباء بقى كل مايقولهولك قوله غلط ومرة كده قولها صح يقولك تمام كده قوله اشطه يعنى هو كذا كذا وقوله غلط هيقولك يابنى حرام عليك بقى قوله معلش معلش عشان احفظه بس وسوق الاستهبال لحد ماتحرق دمه بتاخد الرقم من حد برضه قوله رن عليا عشان أسجل رقمك أنا حاطط الموبايل فى جيبى بس عامله صامت ومليهوله غلط بقى هيرن عليك هيلاقى اللى بيفتح عليه ويقوله آلو وقوله معلش معلش مليتهولك غلط قال يعنى حد بيتلخبط فى رقمه طريقة أضمن بقى قعد أخوك الصغير بموبايلك وقوله أنا خارج وأول ماتسمع صوت الموبايل أتكى على الزرار ده الزرار الأخضر ده ؟ أيوة ياحبيبى الزرار ألأخضر ده وأقول آلو ؟ برافو عليك تعجبنى نصاحتك قول اللى أنت عايزه وأطلع بقى يامعلم خد نمر ناس على قد ماتقدر أخوك يرد وأنت تقوله آآآخ نسيت الموبايل فى البيت وخليه يشيل بقى كل ماتتفق مع حد على ميعاد قوله أبقى رن عليا قبلها بنص ساعة عشان لو نسيت بس وأستناه فى الموعد المرتقب وأول ماتلمح اسمه رد علطول هيقولك بتفتح ليه ؟ قوله فاكرك بتتصل عشان غيرت الميعاد أو مش جاى قولت أطمن بقى بذمتك قولت أطمن ولا قولت أرذل ماشى ماشى ماعلينا قول لصحبك هات الموبايل بتاعك هعمل منه دقيقة هيقولك والله ممعيش غيرها برن بيها قوله ياعم دى مسألة حياه أو موت وخد الموبايل بقى أتصل بمامتك أيوة ياماما عاملة أيه ياحبيبتى ؟ أنتى عاملة أيه على الغدا النهارده ؟ محشى الله بموت فيه طب وأيه تانى ياماما ياماما ياماما عفوا لقد نفذ رصيدكم لو صحبك معاه كريديت كتير بقى أبقى خلى مامتك تحكيلك عملت المحشى ازاى صحبك بيتصل بس اتأكد انه بيتصل عشان حاجة مهمة عشان ميقفلش السكة فى وشك وكل شوية قوله خليك معايا كده أنت رجعت من الشغل يا بابا ؟ طب ماهو من ساعة مانت اتولدت وهو بيرجع من الشغل فى الوقت ده أيه الجديد أرجع لصحبك بقى أيوة معاك طب أستنى أستنى أيه الصوت ده ياماما أنتى فى المطبخ ؟ ماهى طول عمرها بتحضر الغدا فى الوقت ده طبعا الله يكون فى عون صاحبك اللى مش عارف ياخد منك كلمتين على بعض قول لصحبك حلوة أوى الرسالة دى هنقلها بس طويلة أوى طبعا كلنا فاهمين أنت بتلمح لأيه يارذل (هو عشان يطلع ذوق معاك هيقولك خلاص ياسيدى أبعت اللى عاجباك دى (واحدة بس طبعا فهمتوا قصدى من اللى بين القوسين أبعت بقى الرسايل كلها حتى لو فيها كلمنى شكرا وقوله بصراحة كله عجبنى بس ياخسارة الرصيد خلص كان ناقص واحدة نفسى أخدها أستلم رقم ابعتله كل يوم التلاتة بتوع كلمنى شكرا ورن عليه كل فيمتو ثانية مرة يتصل بيك أفتح ومتتكلمش ولا كلمة آلو آلو آلو رد ياحيوان وأنت باصص فى السما وعامل أهبل خليك كده بقى لحد مايغير الخط أو يبطل يشيل موبايلات بتبقى اسمها بالعربى ملاحظات ده فى نوكيا(notes)معاك موبايل فيه بلوتوث وقاعد فى مدرج الكلية أو سينما وكده أفتح الـ أكتب فيها - فكك منى - وأبعتها لكل اللى فاتحين طبعا أى حد هيستلمها هيقول أيه الرذل ده أنا يعنى كنت طلبت من خلقته حاجة قول لصحبك معرفش يا أخى الموبايل بتاعى ماله هيقولك أيه يعنى فيه أيه ؟ قوله رن عليا كده هيرن عليك أتكى على أى زرار فى الموبايل هيقوم فاتح عليه قوله شوفت بتكى على أى زرار يقوم الموبايل فاتح على اللى بيرن زيك كده (any key answer) طبعا أنت مشغل خدمة اللى هى خدمة أى زرار يرد على اللى بيتصل بيك وخليته يشيل المكالمة قول لصحبك حولى جنيه رصيد عشان أرن بيه بدل مانا مفلس يعنى يرضيك كده ولا هتستخسر فيا جنيه هيقولك لا مش هستخسر بس ازاى ؟ قوله تمام قولتلى ازاى تحولى ستة جنيه ولما يوصلوا أحولك أنا خمسة جنيه هيقولك ماشى حول بقى يامعلم ولما تيجى تردهمله هيقولك مينفعش تحول رصيد وأنت رصيدك أقل من سبعة جنيه وخليه يشيل الستة جنيه بحالهم والطريقة دى هدية منى ليكم الحصة الرابعة ازاى تبقى رذل مع صحبك لو خارج مع صحبك مشوار أو بتروحوا حتة معينة كلية أو مدرسة أو أى حاجة أتصل بيه قوله إوعى تنزل غير لما أفوت عليك وطبعا هو مش هيشوف وشك يرن عليك نفض يتصل بيك نفض سيبه لحد مايطق وينزل لوحده طبعا أنت عارف الأوقات اللى بينام فيها ولو من النوع اللى بينام بعد الكلية كلمه على تليفون البيت وقول للى يرد عليك يصحوه ضرورى وهما احتمال كبير مش هيكونوا سايبلنه عدة تليفون فى أوضته عشان طبعا ميقعدش يحب بيه طول الليل فا هيضطر يمشى لحد الصالة أقعد أرغى معاه ورذل عليه واحد هيقولى طب أرذل عليه ازاى طب خلاص متزعلش أعلمك يعنى مثلا تقوله خبر يزعله جدا حاجة حلوة تصدمة كده وتخليه بدل ماكان عايز ينام عينيه هتطلع من مكانها وفى الاخر قوله بهزر المهم أفضل أستفزه لحد ماتطير النوم من عينه لو صحبك بيتكلم فى التليفون حاطط السماعة على ودن وأستلم أنت بقى الودن التانية الفاضية خليه يحس إنه واقف فى مولد مش عارف الكلام جى منين بالظبط دبس صحبك فى كل حاجة مثلا فى مواصلات أو فى كافيه أو فى سينما أدخل سنترال إتكلم وقوله معاك فكة أصل معييش غير مجمد قال يعنى معاك ورقة بمليون جنيه أو قوله نسيت المحفظة فى البيت أو الفلوس ضاعت ولا إتسرقت أو متخانق مع باباك ومدكش فلوس خليه مش فاضل غير بعد كده ياخد مصروف ليه وليك لو صحبك رايح أى مشوار هيقابل حبيبته مثلا وقالك لو حد من بيتنا أتصل بيك قوله إحنا بنذاكر وأول ما حد يتصل قولهم لا والله هو تحت مش عندى وقوله يعنى أنت عايزنى أكدب قال يعنى الإيمان مقطع بعضه وصادق فى كله جت على دى لو لسه مخلصين إمتحانات الشهر فى المدرسة أو إمتحانات الميد تيرم فى الكلية ودرجات صحبك وحشة قوله أنا لازم أجى أذاكر معاك النهارده وطبعا هتشوف باباه ولا مامته وهيسألوك عن المذاكرة وكده قولها والله إحنا بنذاكر بس مش عارف هو جاب درجات وحشة وسيحله بقى خليهم يستلموه ويكبسوا على نفسه طول السنة ياسلام لو اتأخرتوا 5 دقايق كده عن المحاضرة والدكتور قال مش مدخل حد بعدى وطردكوا يبقى لازم تروح بيته وتشتكى لباباه ومامته وتعمل برئ ومظلوم دانتوا يادوب اتأخرتوا خمس قايق بس هتخليهم يخلوه يروح يفتح الكلية بنفسه من الساعة ستة الصبح عشان ميتأخرش عن المحاضرة خارج أنت من البيت بقى وبتستأذن باباه أو مامته بيقولوك ماتخليك ياحبيبى تتغدى معانا قولهم شكرا صحيح يابنى أنت عملت شيت مادة كذا وطبعا أنت متأكد إنه لا عمله ولا جه ناحيته الباشا بقى فى نص هدومه وهيرد باباه ولا مامته لا طبعا ويعمل ليه هو فاضى للحاجات دى والأهل مش بيتفاهموا فى حكاية الدراسة دى بالذات يعنى أقلبها نكد على صحبك قبل ماتمشى خد موبايل صحبك من غير مايحس وخبيه وخليه يفتكر إن الموبايل ضاع ولا إتسرق لحد مايجيب آخره لو هو مفتح شوية وواخد باله يبقى على نفسه برضه قوله ورينى الموبايل بتاعك كده وفى وسط القعدة استأذن مثلا هتجيب حاجة ولا هتعمل حاجة وخده وروح وخليه يدوخ عليك فى المكان ويتصل بيك مليون مرة لحد مايجى ياخده منك من البيت وياسلام لو مفاتيح عربيته يبقى يجى بتاكسى ويرجع بتاكسى بعدين يبقى يروح بعربيته امال هو يعنى يركب عربية وسواقين التاكسى ياكلوا عيش منين لو شوفته واقف مع واحدة طب عليه زى القضى المستعجل وخده بالحضن ودخل نفسك فى الكلام وخلاص ولو فاكر موقف محرج كده عن صاحبك ده مفيش مانع تقوله قدامها يعنى مثلا لو صحبك ده حاول قبل كده يتكلم مع بنت وأحرجته قوله يا أخى كل ما أشوفك واقف مع بنت زى دلوقتى كده أفتكر البنت اللى قالتلك لم نفسك ياروح أمك طبعا هو هيبقى واقف بيقول يا أرض إتشقى وأبلعينى وما شاء الله عليك كده هتبقى بتحطه فى موقف أرذل من التانى وهيبقى ربنا يصبره وممكن يدخل الجنة بسبب عمايلك دى طلع عليه اسمه يستفز وناديله بيه يعنى لو جت ناحيته دبانة مرة بالصدفة كده سميه دبانة وأستلمه بقى رايح فين يا دبانة جاى منين يا دبانة ياعم أقعد متعملناش فيها دبانة بحق وحقيقى فكره بالمواقف بتاعت زمان اللى بتضايقه كلها زى علقة حلوة كده من بابا او ماما هات حاجات ورذل عليه بيها يعنى مثلا لو بيحب الشوكولاته كل ماتدخل البيت هات واحدة فى إيدك وكلها قدامه ولا أقولك هات علبة وكل ساعة كل واحدة قدامه لحد ما يتحايل عليك تديله منها أو يتغاظ وينزل يجيب وأنت داخل البيت قوله فى واحد صحبك مستنيك تحت متقولوش هو مين عشان ميعملش ناصح ويتصل بيه يقوله اطلع قوله هو صحبك وأنا عارف شكله بس معرفش اسمه وخليه ينزل ويطلع على الفاضى لو انت الكبير قوله انت فاكر نفسك كبرت على الضرب ولا أيه و الكلمة دى رذلة ومستفزة جدا خليه يحط حاجة كانت فى إيديه زى مثلا قلم ولا موبايله بمجرد ما يحطه خبيه أنت علطول هيرجع مش هيلاقيه هيتغاظ جدا وهيفضل يقول دانا لسه حاطه هنا بإيدى من شوية لو نايم استخدم اى طريقة عشان تصحيه من النوم وهما كتار ما شاء الله عشان اللى معندوش خبرة برضه أقولك تعمل أيه قيد النور كأنك بتدور داخل تدور على حاجة وشغل أعلى نغمة فى موبايلك كأن حد بيتصل بيك ومفيش مانع تدور على الحاجة دى تحت المخدة والمرتبة اللى هو نايم عليهم مش هوصيك بقى وأنت بترفع المخدة اللى عليها راسه عشان تبص تحتها لو أنتوا الأتنين نفس نوع الموبايل أقعد ألعب فى البطارية بتاعتك عشان تبقى يادوب هتفضى وروح غير البطاريات وسيبهاله على شعره يعنى لو حد بس رن عليه ولا هو فكر يشوف الساعة هيفصل منه شحن وياسلام بقى لو مستنى تليفون ضرورى وفصل منه شحن تبقى مية مية ولو قالك هات بطاريتك إوعى تفرط فيها صحيح هى بطاريته بس هو هيعرف منين فكك لو شارى لبس جديد أصحى أنت من الفجر وألبسه وأنزل بيه ولو أتصل بيك قوله أصل أنا صحيت وملقيتش حاجة ألبسها روحت لبسته بقى وخلاص وبعد كده أبقى اشترى هدوم أحسن من كده عشان لما أتزنق فى هدوم وأحب أخرج الأقى حاجة كويسة وأقفل فى وشه بالمرة بلاش قرف مش شرط لبس بس أى حاجة جديدة لازم تحط عليها بصمتك السحرية الأولى قبل مايفرح بيها أمسح الحاجات اللى على الكمبيوتر اللى هو بيحبها أفلام أغانى صور برامج أى حاجة قوله أنا كنت مشغل الأنتى فيروس وهو اللى مسحهم شكلهم فيهم فيروس وفيروس رذل كمان إحم إحم لو واخد ميعاد من حبيبته يكلمها مثلا على الساعة 10 بالليل كده على النت ولا حاجة أنت قبلها بشوية تقعد تذاكر وتقوم تقول لباباك أو مامتك أنا عايز الكمبيوتر أريح شوية أنا بذاكر من بدرى خليه هو يروح يذاكر شوية لحد ما أريح ويبقى يجى يقعد وتبقى ضيعت عليه الليلة جبنا سيرة النت بقى والكلام هيفتح لأ خليها للحلقة الجاية أحسن بقى براحتنا أو ممكن الحلقة الجاية أكمل الرذالة فى البيت ويبقى بقى على باباك ومامتك قولولى بقى أيه أكتر حصة مستعجلين عليها فى دول أو أى حاجة تانية وأنا أعملها بس عايز أعرف أيه رأيكوا فى الحصة الخامسة الأول ؟ الحصة السادسة إزاى تبقى رذل مع حبيبتك كل ماتتفقوا على ميعاد روحلها متأخر وسيبها تتلطع وتتذنب شوية وأول ماتوصلها متديهاش إهتمام عشان أساسى هى هتطلع فيك عشان اللطعة أنت لاطعهالها دى فا حاول تتحجج بأى حاجة كأنك بتعمل حاجة فى الموبايل ولما تسألك بتهبب أيه ؟ قولها بستعلم بس عن الرصيد أو أى حجة هبلة يعنى ظبط كل مشوايرك المهمة على اليوم اللى هتقابلها فيه عشان تدبسها وتخليها تيجى معاك وياسلام لو كان فيهم مشوار من بتوع المصالح الحكومية اللى بيطلعك وينزلك مية مرة ويلففك المصلحة كلها حتة حتة يبقى تمام أوى رجلها على رجلك لما تقولك أنا جالى عريس قولها أيه ده بجد ؟؟؟؟؟ هتقولك أيوة مستغرب كده ليه ؟؟؟ قولها هو فى حد لاقى عرسان اليومين دول على العموم ألف مبروك ياحبيبتى لو طلعت بتحكيلك عن عيوبه عادى وبتقولك بقى أنا أتجوز واحد بالطريقة دى والكلام ده قولها ياحبيبتى آمال أنتى فاكرة أحمد زويل هييجى يتقدملك ماهو ده آخرك يعنى لو العكس بقى وقالتلك العريس عاجب بابا وماما وعنده وعنده وبيقولولى أنتى عبيطة قولها أنا كمان رأيى من رأيهم , هتقولك رأيك إن أنت كمان موافق عليه ؟ قولها لأ إن أنتى عبيطة طبعا الغرض الأول من الحوارات دى إن هى تحرك حضرتك عشان تروح تتقدملها أعمل عبيط بقى ورد على قد اللى بتسمعه وبس لو كنتوا فى نفس الجامعة بس كل واحد فى كلية وقاعدين سوا كل ماتشوف واحدة معاك فى الكلية سيب حبيبتك وقوم أتكلم معاها بأى حجة ولما ترجع قولها كنت بسألها على حاجة مهمة عندنا فى الكلية ولما تشوف واحدة تانية قوم برضه أعمل نفس الحوار ولما ترجع قولها أصل الأولى مكنتش عارفة فا سألت دى وهكذا لو هتدخلوا سينما هى طبعا عايزة تشوف فيلم رومانسى ولا حاجة أنت بقى أمسك فى إنك تختار فيلم كوميدى أو رعب لو كوميدى أفضل أضحك طول الفيلم حتى على الحتة البايخة ونفضلها خالص ولا كأنها جنبك اما لو دخلتوا رعب لو كنت بتحب أفلام الرعب ركز مع الفيلم ونفضلها برضه أما بقى لو كنت بتخاف وداخلة عند فيها أو عشان تثبتلها إنك بطل وقلبك ميت فا الحل الوحيد تعمل إنك رايح عليك نومة بس لو معرفتش تنام من صوت الأكشن فا ألبس نظارة سودة وقولها أصل الأشعة بتتعب عينى وغمض براحتك بقى يامعلم ونفض على الآخر لو بتتغدوا بره وبتسألها هتاكلى أيه وقالتلك أطلبلى زيك وأطلبلى أى حاجة من غير شطة وروح وصيه أنت بقى يزود الشطة على قد مايقدر ولما الأكل يجى قولها أنا كنت فاكرك بتقولى أى حاجة فيها شطة لو فى مناسبة زى عيد ميلادها أو الفلانتين أو أى حاجة أتصل بها والأول خدها فى الكلام وأقعد كلمها ساعتين فى حاجات فارغة ملهاش علاقة بالمناسبة وفجأة قولها ثانية واحدة ياحبيبتى هكلمك تانى فى حاجة مهمة ومتسألش فيها باقى اليوم وضيع عليها المناسبة بعد كده لما تسألك السبب قولها أصل كان فى كليب أول مرة أشوفه أو كنت بتفرج على فيلم عاجبنى وكنت بكلمك فى الفاصل ولما رجع اضطريت أقفل أو ماما كانت مجهزة الأكل وبتنادى عليا وأنا كنت جعان أوى ومقدرتش أستنى أى حجة رذلة تحرق الدم وخلاص لو جابتلك هدية وسألتك أيه رأيك فيها قولها كانت جابتهالى واحدة صحبتى أو قريبتى قبل كده زمان قصدك يعنى إن الهدية قديمة ومش مالية عينك ونفس الحوار فى مسجات الموبايل كل ماتبعتلك حاجة قولها اتبعتتلى قبل كده لو قالتلك مانا بشوف المسجات بتاعتك علطول قولها يبقى شوفتها فى موبايل حد أعرفه المهم إن أنا قريتها قبل كده حتى لو كنت أول مرة تشوفها فى حياتك مش بعيد هى بقى تألفلك مسج وتقولها شوفتها قبل كده وتبقى أتفقست يامعلم عادى برضه شككها فى نفسها وسوق فى الإستهبال ملحوظة مهمة : متخفش مش هتسيبك زى ماقولتلك محدش لاقى عريس اليومين دول الحصة السابعة إزاى تبقى رذل فى ماتش دلوقتى أنت قاعد فى كافيه مع أصحابك وبتشوف الماتش إزاى بقى ترذل على الناس اللى موجودة فى المكان أدخل أقعد أنت وأصحابك وأحجز جنبك كام كرسى وكل اللى ييجى يقعد قوله محجوز طبعا أنتوا معكوش حد تانى و صاحب الكافيه هييجى يسألك كل شوية افضل إديله أعذار بقى هما واقفين تحت هما اتصلوا قالوا جايين فى السكة لحد ما يبقى هيولع فيك قوم أقف كل شوية عشان تدارى على الناس اللى وراك كأنك بتطلع حاجة من جيبك أو أعمل نفسك بتتكلم فى الموبيل ومتسألش فى حد ويا سلام لو كان معاك علم ولا حاجة طبعا العلم ده وضيفته التقليدية تشجيع المنتخب أنت هتستخدمه إستخدام جديد خالص هيبقى وظيفته دلق المشاريب على المتفرجين والناس اللى هتطلب قهوة وعصير فراولة هتبقى عملت معاك أحلى واجب كل ما الجارصون يجى يسألك هتشرب أيه قوله كمان شوية اه قوله متشكر مليش نفس أو خيرك سابق كده يعنى كأنه عازم حضرتك على العشا ولا من بقية أهلك حاول تستفز الموجودين وأقعد قول دول أحسن مننا مية مرة دول مقطعينا دول أكيد هيغلبونا دول عملوا مليون هجمة وإحنا معملناش حاجة حتى لو كان الماتش لسه فى أوله والكورة متحركتش من نص الملعب أفتى فى كل كورة وأعملك نفسك ناقد رياضى بس على صوتك شوية التشكيلة دى غلط المفروض أبو تريكة يلعب ليبرو وعمرو ذكى باك يمين والمفروض حسن شحاته يطلع عصام الحضرى وينزل إبراهيم سعيد مدافع ويوقف شادى محمد حارس مرمى طبعا هتلاقى واحد ولا أتنين مش بعيد الكافيه كله بيقولك لو سمحت خليك فى الماتش أحسن دول عشان بس غايرين منك متاخدش بالك أنت من الحسد والغيرة دول دول ولاد الناس الوحشيين اللى بيسموهم أعداء النجاح أقعد اسأل اللى حواليك كل شوية النتيجة كام كام مع إنك مرزوع فى الكافيه من قبل الماتش بقرن أو هو إحنا المنتخب اللى لابس لون أيه !! أسئلة غبية على قد ماتقدر بقى حاول تخنق على الجارصون عشان يغيرلك القناة عشان فى مسلسل أنت متابعه ويغير الماتش أو حاول تتغابى عليه قوله مثلا على الصوت عشان مش (شايف)كويس على فكرة الحركة دى تم تجريبها من قبل وتمت بنجاح الباشا راح يعلى الصوت وكلنا موتنا من الضحك على غباءه طبعا كلنا عارفين إن الجمهور عامل قوى ومؤثر بس بالشكل ده أبقوا قابلونى لو خدنا البطولة ولا شمينا ريحتها ________________ الحصة الثامنة إزاى ترذل على البياعين تروح عند أى محل وتقف ومش وقفة واحد بيشترى يعنى متبصش حواليك وكده لأ أقف عادى هيسألك أى خدمات اؤمر يا باشا أى حاجة وزعه بأى كلمتين بقى وتجاهله تماما وأفضل واقف براحتك وفى الاخر خد بعضك وإمشى ولو كلمك مترجعش أدخل اسأل على سعر خماناشر تماناشر ألف حاجة كده ده غير إنك هتسأل على حاجات مينفعش تسأل عليها فى المكان ده يعنى فى حد يسأل على دوا كحة فى سوبر ماركت آه وماله عادى جدا خلص أسئلتك اللطيفة وبعدين خد بعضك وإمشى وكمان أنت معذور مانت ملقيتش عنده الحاجات اللى أنت عايزها يبقى هو اللى يستاهل ولا أيه خلى أى واحد بيشترى حاجة وبيحاسب عليها وأدخل أنت بقى فى الكلام قوله دانا لسه شاريها إمبارح من السوبر ماركت اللى فى الأخر ده بأقل من كده لو قالك ده سعرها فى الدنيا بحالها قوله بقولك شاريها إمبارح وحاول تشككه فى نفسه هيروح يسأل فى السوبر ماركت اللى بتقول عليه قوله معلش يمكن أنا جبتها من مكان تانى أو جبت سعر حاجة تانية وأنا مخدتش بالى ده بعد ما تكون وجعت دماغه ودماغ اللى كان بيشترى منه بس كفاية إنك فاعل خير أقترح على صاحب المحل لو سوبر ماركت مثلا إنه يعمل ركن صيدلية يحط فيه شوية أدوية وركن تانى يعلق فيه شوية ملابس وركن تانى حلاق وسيبر وكل اللى يجى على بالك يعنى من الآخر عايز تقلبهوله مول وده بما إن قلبك على مصلحته طبعا أكيد الكلام مش هيعجبه بس أنت اضغط عليه بقى زى ماتكون هتورثه ولا هتاخد نص الأرباح حاول تقنع أصحاب المحلات اللى بتشتغل 24 ساعة بإنهم يستغنوا عن الباب بما إنهم مش محتاجينه وإنك كمان هتجيبله مشترى حلو أو إنك مثلا كفاية يعمل ستارة لوقت اللزوم يا سلام عليك وعلى أفكارك النيرة أنا مش عارف الناس دى من غيرك كانت هتعمل أيه اسأل فى السوبر ماركت على تحويل رصيد مثلا هيقولك فى السنترال اللى جنبنا قوله يعنى أنتوا معندكوش ؟ بذكاءك يعنى هيكون عنده ويقولك فى السنترال اللى جنبنا كمل ذكاءك بقى واسأل كام سؤال فى الجول قوله أنا همليه الرقم وهو يحولى عليه ولا هو هيعرفه لوحده طب إديله الفلوس قبل ما يحول ولا بعد ما يحول ولا نصها قبل التحويل ونصها بعد التحويل هو فى الأول هيضحك عليك ويقول عليك عبيط ومش فاهم أى حاجة فى أى حاجة بس لما تزود فى العيار هيتخنق منك ويقولك أنا مال أهلى ياعم عنك ما حولت أدخل أى سوبر ماركت وأطلب منه يطلعلك مثلجات من التلاجة كفتة - برجر - أى مثلجات بقى وإنك رايح تحلق نص ساعة ولا ساعة بالكتير وراجع تانى بس عايزهم يكونوا فكوا عشان أنت هتروح تعملهم علطول طبعا الحاجات هتفك وتسيح كمان وأنت ولا حد هيشوف طلعتك البهية أدخل محل جذم وأطلب مقاس جذمة أكبر من المقاس اللى أنت بتلبسه وأعمل نفسك مش داخلة فى رجلك وضيقة عليك هيفضل يجيبلك كل شوية مقاس أكبر مقاس أكبر لحد ما يجيبلك أكبر حاجة وبعدين يستغرب ويجى يشوف واسعة عليك إزاى يلاقيها دخلت فى رجلك وتلبسك وتلبس كمان واحد معاك أدخل أى مطعم وأطلب اللى أنت عايزه وأطلب منه يظبطلك الأوردر عشان تاخده معاك أو هات الورق اللى فى بيتكوا اللى مش عايزه كله ولف وزعه على المكتبات وقولهم يصورولك منه نسخة نسختين تلاتة زى ما تحب لحد بس ما تجيب شوية حاجات وترجعله وطبعا أنت عارف اللى بعد كده هتاخد بعضك وتخلع ولا تعرف الأماكن المعفنة دى بعد كده يا سلام بقى لو سنترال وتعمل موبايلك صامت ولا تسيبه فى البيت وتروح تلزق لبتاع السنترال من صبحية ربنا لحد ما تقفل معاه السنترال هتفضيله البطارية وهتشغله الموبايل طول اليوم بس تعمل أيه بقى التليفون اللى أنت بتعمله ده مسألة حياه أو موت واللى أنت بتحاول تتصل بيه نومه تقيل وبرضه عشان ميبقاش شكلك وحش إبقى أعملك مكالمتين بجنيه كده ولا حاجة إحنا برضه مبنحبش نرذل على حد ولا نوقف أكل عيش حد أدخل مثلا محل تصليح موبايلات وكده وفهمه بقى إنك ناوى تشترى المحل اللى لازق فيه وناوى تفتحه برضه تصليح موبايلات وإكسسوارات وكده وعايزه بقى يعلمك بقى تصلح الموبايلات البايظة إزاى والحوارات دى كلها عشان تعرف تمشى المشروع طبعا هو هيفرح جدا وهياخد كلامك على الرحب والسعة محل خضار بقى أو فواكه أضربلك كوكتيل على الماشى بقى بما إنك بتدوق موزاية على تفاحاية على مشمشاية هو صحيح مش مغسول بس ببلاش وبما إن الحاجات مش مغسولة يستحسن يكون فى حمام قريب من المكان اللى أنت فيه ده إذا صاحب المحل أصلا سابلك الفرصة دى ومثبتكش وطلع على جسمك البلى المستخبى بس خد بالك الخوف مش حلو عليك فى التوقيت ده لو بتشترى حاجات كتير من السوبر ماركت وكده أشترى كل اللى أنت عايزه ولما تخلص روح السوبر ماركت اللى بعده ومعاك الحاجات كلها وأشترى منه حاجة بربع جنيه على قده كده طبعا الحاجات دى كلها هو بيبيعها وأنت شاريها من مكان تانى وجاى تاخد حاجة بربع جنيه الله على كرم أخلاقك بتحب تنفع كل الناس أو فى فكرة أحسن بعد ما تجيب الحاجات برضه قوله إنك عايز أكياس بلاستيك عشان الحاجات كتير وتقيلة وخايف الأكياس تتقطع منك والحاجات تقع وبالمرة بقى أعمل أهبل وخد منه الأكياس وإمشى من غير ما تحاسب لما يطلب منك الحساب قوله ماهو السوبر ماركت اللى إشتريت منه إدانى زيهم ببلاش توقع منه أى رد بقى تقدر بقى تدخل محل حاجات حريمى واللى واقفة فيه بنت أو ست وتسأل على حاجات متخصكش والله عليك والقلم نازل على وشك أدخل أى سيبر وشغل مثلا لعبة مصارعة واستعمل المقولة اللى بتقول أضغط أجمد تضرب أجمد يعنى كل ما تتكى على زراير الكيبورد أجمد المصارع اللى بتلعب بيه يضرب أجمد وممكن نزود عليها أضغط أجمد تضرب أجمد وتحرق دم صاحب السيبر أجمد فى حوار بقى مش فاكر كنت شوفته فين تقريبا فى فيلم بس ركز فيه أوى عشان ده ممكن تجنن بيه أى حد أصلا أطلب بجنيه جبنه هيجيبلك بجنية جبنة وبعدين قوله ولا أقولك مش عايز جبنة هات بجنية حلاوة هيجيبلك الحلاوة وهيطلب منك الفلوس قوله مانا إديتك الجبنة بدل الحلاوة هيقولك طب وفين فلوس الجبنة قوله وهو أنا يعنى خدت الجبنة ________________ الحلقة التاسعة إزاى تبقى مذيع الأدوات بسيطة جدا ميكروفون من بتاع عربيات الخضار وكاميرا إنشالله حتى تكون كاميرا موبايل أو أشترى دماغك وحاول تقنع اللى قدامك إن القمر الصناعى بيصوركوا شرط أساسى عشان تكون مذيع إنك تكون متوتر وبتلقلق فى الكلام وسمعك ضعيف يعنى كل شوية تخلى اللى قدامك يعيد كلامه مش مهم كام مرة المهم يعيده وخلاص لحد ما يوصلك ده إن وصلك فتح موضوعات عبيطة يعنى تبقى أنت أصلا مش فاهم السؤال ولا فاهم بتقول أيه مع التركيز مع الضيف على إنه بيكدب أو بيحاول يخبى وإن السؤال واضح وصريح جدا وهو اللى بيهرب منه ممكن مثلا توقف واحد وتقعد تكلمه على إنجازاتك إنك دخلت كلية زراعة لحبك للإعلام وحلمك إنك تكون مذيع وبتحب أيه وبتكره أيه هتبقى فكرة برنامج ناجح جدا بعد ما جهزت نفسك وحضرت مواضيعك الجامدة جدا طبعا مش مشكلة الشخص اللى هتختاره لأن مفيش حد هيعدى من تحت إيدك ناقص أيه ؟ تختار المكان المناسب طبعا مش هتلاقى أنسب من سينما أو مسرح مش هتفرق كتير يعنى دول تقريبا أكتر مكانين هتلاقى فيهم ترحيب وقبول وأنصحك تخليك فى السينما أحسن لأن المكان بيكون ضلمة نوعا ما وكمان أصل فى المسرح هتضطر تطلع تسجل مع الممثلين لو بتصور فى نادى وقابلك واحد بيتدرب تنس لازم تقنعه إنه يحول وتوريه مزايا الكرة الطائرة وكرة السلة حتى لو كان قذعة ومش باين من الأرض هو الأول هيقول بحبها أو بيلعبها كويس والأوهام دى كلها بس أنت لازم تكسب فيه ثواب وتعرفه مصلحته فين وهو أكيد أكيد هيسمع كلامك بس متكلموش وهو بيتدرب إستنى لما يخلص بمعنى أصح لما يسيب المضرب من إيده أقنع واحد مبيعرفش يغنى إنه يغنيلك حتة من أغنية طبعا هو هيقولك كتير مبيعرفش يغنى وصوته مش حلو بس مع الإلحاح اللى مش هيعرف يهرب منه هيوافق غصب عنه بمجرد بس ما يفكر يغنى وقفه فورا وعيب عليه جدا وإديله إستمارة طويلة عريضة من التهزيئ والبهدلة ومتنساش تختمها بجملة لما أنت صوتك وحش ومبتعرفش تغنى بتغنى ليه ؟؟؟؟ هات واحد وبعد ما تتكلم معاه فى عدة مواضيع ملهاش علاقة ببعضها ده لو كان الهرتلة اللى أنت بتقولها ده تتسمى مواضيع وقوله الحقيقة إحنا برنامجنا أسمه عيبك أيه عبارة عن إن إحنا بنتكلم مع أى حد وبعدين من خلال كلامنا بنحكم عليه ونقوله على عيوبه عشان يصلحها وإبتدى بقى حط فيه عيوب الدنيا والآخرة حتى لو منها إنه بيشخر وهو نايم قال يعنى عايش معاك فى نفس الأوضة على نفس الفكرة السابقة بقى إعمل برنامج بيتكلم عن اللبس والموضة وإستلم واحد من أول تسريحة شعرة لحد نعل الجذمة بتاعه تريقة يعنى أكيد شعره باهت ومقصف وده من قلة الغسيل قميصه فيه ألوان كتير أوى زى بتوع السيرك حتى لو كان القميص لون واحد وغامق لو تشيرت يبقى مش شيك ولونه بلدى ومش ماشى مع باقى الهدوم إذا أعزائى المشاهدين اللبس مش متناسق ودل يدل على إن صاحبه معندوش ذووووووق شوفت إن مهنة المذيع مش مستاهلة إزاى ومبروك عليك نجاح برامجك مقدما ________________ ودي بمناسبة رمضان الحلقة العاشرة إزاى تبقى رذل فى رمضان؟؟! خليها من البداية كده بداية كويسة وعرف الناس الرؤية أيه وبداية الصوم إمتى ما أنت طبعا معاك الإشاعات المغرضة كلها قصدى الأخبار الحصرية كلها بس إوعى تسوق فيها وتقولهم مفيش رمضان السنة دى عارف الرسالة بتاعت بمناسبة رمضان أحب أكون أول واحد يقولك عايز كرتونة تمر العادى ماشى لو بعتها مرة واحدة واللى بعتهاله هياخدها بهزار ويعديها اللى مش عادى بقى لو قعدت تبعتهاله كتير وكل شوية والمهم إنه يحس منك بالإصرار والعزيمة أيه يعنى هتخسرلك بتاع 5 جنيه رصيد لكن أضمنلك إنك تكسب كرتونة التمر أصل فيها أيه لما واحد يشترى دماغه بكرتونة تمر زينة رمضان بقى يا سلام لو جبت علبة بوية وفرشة وجيت على باب واحد عزيز عليك أوى ونفسك تعمله مفاجأة وروحت كاتبله على بابه بخطك المزخرف الجميل رمضان كريم لو كان بابه بنى ولقيته دهنه بعدها أسود يبقى مش محتاج أقولك إن الأبيض بيبان فى الأسود أكتر من البنى لو لقيته شايل الباب وحاطط ستارة وماله تمشى برضه لو لقيته سايب الباب مفتوح من غير حاجة إكتبله على الأرض لو لقيته عند الجيران اللى تحتهم سيبك منه أنت عايز الجيران تقول عليك أيه ؟ لو جاتلك فرصة إنك تشتغل سواق أتوبيس أو ميكروباص متضيعهاش من إيدك بس الحرفنة بقى إنك عقبال ما تهدى وتقف عشان يركبوا هيكونوا جريوا وراك يجى كيلو ومش بعيد تلاقى ناس إكتشتفت إنها وصلت لحد بيتها جرى يعنى واحد طول النهار بيوجع فى قلبه فى الشغل ومستنيك بقاله يجى ساعة فى عز الحر ويجرى وراك قد كده عشان يركب معاك إبقى قابلنى لو الناس دى عرفت تنزل طبعا الشوية اللى قبل آذان المغرب دول ساعات الواحد بيبقى مستنى الفطار ومش عارف يعمل أيه ممكن تطلع سماعات الكمبيوتر بتاعتك البلكونة وتنزل الآذان على جهازك وكل شوية تشغل بداية الآذان الله أكبر الله أكبر هتلفف الناس حوالين نفسها بس لو حد فطر بسببك أنا مليش دعوة لما تعزم حد على السحور لازم تحدد أنت هتتسحر بأيه وهو هيتسحر بأيه أنت أعمل على قدك كام ساندوتش فول على كام جبنة حتى علبة زبادى واحدة هو بقى مفيش مانع تحطله ملوخية وشوربة ولو معجبوش إبقى حطله سمك مشوى ولا أقولك خليها رنجة أستلم واحد فى ميعاد السحور وفوت عليه عشان تكلمه فى موضوع ضرورى وأفضل أرغى وأمسك فيه ومتديهوش أى فرصة لحد الفجر ما يدن وقوله طب تمام أسيبك بقى تتسحر يا سلام لو عزمت ناس على الفطار وفهمتهم يجوا متأخر شوية عشان عندك مشوار مهم الأول وتخليهم يرنوا الجرس زى ما هما عايزين فى الوقت اللى أنت بتحضر فيه الفطار عشان تفطر على رواقة مع نفسك لو معزوم عند حد على الفطار تعالى على أكتر حاجة عجبتك فى الأكل وقول مين اللى عامل الأكلة دى ؟ هترد أكيد واحدة وهتقولك أنا أيه رأيك عجبتك ؟ قولها متعمليهاش تانى لو كنت من النوع اللى مبيعرفش يفطر كويس أو بتشرب سوائل كتير فا مبتعرفش تاكل غير بعدها بشوية وأنت قايم من على الفطار من باب الذوق اللى أنت معزوم عندهم هيمسكوا فيك تكمل أكل فاجئهم بقى بالحقيقة المرة وقولهم مانا لسه هاكل كمان شوية وأقعد أتفرج على التلفزيون وخليهم كل شوية يجيبولك أكل إنشالله تقعد تاكل لحد السحور بس يا خسارة مش هينفع تتسحر غير مرة واحدة لو كنت من هواة العزومات أوى يبقى أعزم نفسك عند 30 واحد فى الـ 30 يوم بشرط أنت اللى تعزم نفسك أنت اللى تحدد يعملولك أيه على الفطار أنت اللى تحدد هتبات معاهم ولا لأ وهتسحر معاهم وهتتسحر أيه أنت اللى تقرر هتفطر عندهم تانى ولا لأ لأن كده كده هما مش هيقرروا أو أنت إختيارك هيتحمل حاجتين بعكسهم اختيارهم هما اللى هيبقى أكيد حاجة واحدة بس ________________ |
||||||||||
|
| إعلانات google |
|
|
|
28-10-2009, 01:49 AM
|
#2 | ||||||||||
 
|
مكرر يا مان بس مشكور و للامام |
||||||||||
|
|
|
28-10-2009, 03:23 AM
|
#3 | ||||||||||
  
|
ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكر شكرشكر شكر شكر شكر شكر شكر شكر شكر شكر شكر شكر شكر شكر شكرشكر شكر شكر شكر شكر شكرشكر شكر شكر شكر شكر شكر شكر شكر شكرشكر شكر شكرشكر شكرشكر شكر |
||||||||||
|
|
|
28-10-2009, 03:31 AM
|
#4 | ||||||||||
 
|
ههههههههههه مشكور |
||||||||||
|
|
|
28-10-2009, 06:47 AM
|
#5 | ||||||||||
 
|
مشكور |
||||||||||
|
|
|
28-10-2009, 09:16 AM
|
#6 | ||||||||||
  
|
موضوع حلو و مواقف برده متميزة متجيش خير من شخص متميز البرادة |
||||||||||
|
|
|
28-10-2009, 09:16 AM
|
#7 | ||||||||||
|
هاهاهاها... |
||||||||||
|
|
 |
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| لما بعمل اى كويرى بتظهر الرساله ده | geraya.sama | قسم الاسئلة و الاستفسارات لعمل السيرفرات الخاصة | 1 | 04-02-2020 07:52 AM |
| يا جماعه الرساله دى بتجيلي وانا فاتح من الكلينت العادى و بيقولى الرساله دى ومش عارف الحل | katrooo | قـسـم الاسـئـلـه و الاسـتـفـسـارات حـول الـلـعـبـة | 1 | 09-06-2017 01:17 AM |
| فيه رول باك بكره لازم تعمل تاكيد على الاميل الرساله ده وصلتنى | SCOPY | مـنـاقـشـات عـامـة حـول سيلك رود أون لايـن | 13 | 09-05-2011 11:51 AM |
.gif){kind=icon}
العرض العادي
