السيلك المضروب !!! - الموقع العربي الاول للعبة Silkroad Online

**xBoWx** · 12-10-2009, 11:27 PM

السلام عليكم ورحمة الله وبركاته ..

اخباركم ايه ان شاء الله كلو يكون تمام

احكيلكم موضوع بسيط كده بلصدفه النهارده وانا مع واحد صاحبى هو بيلعب سيلك رود بس هو على سيرفر غير اللى انا بلعب فيه يعنى معرفش اخبار صاحبى فى اللعبه كتير لأنه مش معايا فى نفس السيرفر

المهم قابلته النهارده وبسئلو انت لفل كام يا معلم لسه نوب زى ما انت ضحك وقالى انا لفل 99 استغربة وموت من الضحك قولتو انت بتشغلنى وكده قالى تعاله معايا ورحت عنده البيت والقى الاكونت اللى كان لفل 50 بقا لفل 99 ff

مش مصدق طبعا ازاى يابنى قالى ياعم انا هعرفك كل حاجه وحكالى الموضوع قالى انا اعرف واحد بيشحن سيلك مضروب هو قالى مضروب وانا قولتلو مبروك البلوك يا باشا وضكت عليه قالى افهم بس المهم قالى انا بشحن 2000 سيلك ب 200 جنيه يوم الثلاثاء وبخلصهم فى نفس الوقت اللى انا شحنت فى بيشحن برميمات بئا و كل حاجه بسيلك اهم حاجه انو يخلص ال 2000 سيلك ولما يخلص ال 2000 بيكون محضر كارت سيلك مش مضروب 100 سيلك ويشحنهم فى الاكونت
وبكده بيقولى انو والله وبيحلف انو بقالو 6 شهور وباشا ولا بلوك ولا حاجه

بس الصراحه انا مش مصدق عشان كده انا حبيت اعرف رأيك لو حد فعلا يعرف الحوار ده يقولنا صاحبى ده بيشتغلنى ولا حقيقه ولا ايه ؟؟

يلا مستنى الردود ;)

**Instructor** · 13-10-2009, 12:07 AM

دة مش مضروب ولا حاجة دة اسمو Click and Buy و دة كمان بيكون موجود فى صفحة الشارج سيلك
و على فكرة مش لازم تخلص كل السيلك ولا حاجة عادى خلى السيلك فى الاكونت عادى
هو بياخد بلوك فى حالة واحدة لو الفيسا الى مشحون بيها السيلك مضروبة او مفيهاش رصيد , غير كدة مضمونة 100 %
تقبل مرورى

**seeme5** · 13-10-2009, 12:22 AM

المشاركة الأصلية كتبت بواسطة Instructor عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

دة مش مضروب ولا حاجة دة اسمو Click and Buy و دة كمان بيكون موجود فى صفحة الشارج سيلك
و على فكرة مش لازم تخلص كل السيلك ولا حاجة عادى خلى السيلك فى الاكونت عادى
هو بياخد بلوك فى حالة واحدة لو الفيسا الى مشحون بيها السيلك مضروبة او مفيهاش رصيد , غير كدة مضمونة 100 %
تقبل مرورى

انت كلامك صح بس انا سامع ان السلك ده بيجيب بلوك لو مشحون علي الاكونت E-pin قبل كدا

و يا ريت كلامك يطلع صح

**GOOD_WIIZARD** · 13-10-2009, 02:35 AM

انا مش عايز افتي بصراحه بس انا سمعت مره ان الاكونت المشحون عليه سيلكات مضروبه ممكن ياخد بلوك في اي وقت مش شرط في فتره قريبه يعني لو صاحب الفيزا المسروقه بلغ عن الحوار ده انا مش متاكد والله بس انا سمعت كده مره قبل كده

**xBoWx** · 13-10-2009, 02:44 AM

شكرا على الردود وان شاء الله هكلم الراجل اللى بيشحن نفسو واعرف منو كل الحوار واجبلكم الرد الصح بتاع الحوار ده

وشكرا مره تانيه على المرور

**hamada_alex** · 13-10-2009, 03:05 AM

**Death Vision** · 13-10-2009, 04:34 AM

وش بلوك :d:d

**albrans_eg** · 13-10-2009, 10:01 AM

هياخد بلوك ميري

**lover_boby** · 13-10-2009, 10:04 AM

هو و حظة بقى

**osama_ahly** · 13-10-2009, 11:22 AM

اكيد هياخد بلوك بس مش شرط في وقتها ممكن حتى ياخده بعد سنه بس اكيد هياخد

المواضيع المتشابهه
الموضوع	كاتب الموضوع	المنتدى	الردود	آخر مشاركة
السيلك المضروب	abdo333	مـنـاقـشـات عـامـة حـول سيلك رود أون لايـن	5	22-01-2015 09:34 PM
السيلك المضروب	venom33	أخـبـار سـيـلك رود أون لايـن	19	31-07-2009 09:28 PM
خطورة السيلك المضروب	lord123123	مـنـاقـشـات عـامـة حـول سيلك رود أون لايـن	1	14-04-2009 06:14 PM
مساعده السيلك المضروب	nano	مـنـاقـشـات عـامـة حـول سيلك رود أون لايـن	1	14-07-2008 05:15 PM

يتصفح الموضوع حالياً : 1 (0 عضو و 1 زائر)