شـريـط الاهـداءات |
|
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
11-10-2009, 11:49 PM
|
#1 | ||||||||||
  
|
بسم الله الرحمن الرحيم
موضوعنا انهارده غير عادي موضوعنا مش كوميدي ولا عشان نسمع نكته ونضحك علينا موضوعنا باين من عنوانه هو صحيح الرجالة ماتوا في 73؟!! احنا مش هنحكي قصه ولا فيلم احنا بس هنشوف موقفين من الشارع المصري بيتكرر في اليوم اكتر من مره وتقريبا الاحداث بتبقى واحده بص معايا وشوف واحكم في الاخر وجاوب على سؤال موضوعنا انهارده . الموقف الاول المكان: أتوبيس مزدحم جدا.. الزمان: الساعة 8 صباحا سيدة حامل تحاول إيجاد مساحة فارغة داخل الأتوبيس المكتظّ. السيدة الحامل: "لو سمحت وسّع شوية مش عارفة أقف" شاب فنكي: "جرى إيه يا ست إنتي؟؟ ما إنت شايفة الدنيا زحمة".. صمت طويل.. شخص يقف فجأة استعداداً للنزول، والشاب قفز بسرعة ليجلس مكانه دون أدنى اهتمام بالسيدة الحامل.. الشاب الفنكي: "الدنيا زحمة أوي.. مش معقول واقف من الصبح ما حدش قام علشان أقعد.. الناس جرى لها إيه؟؟" ويحاول أن ينام مسندا رأسه على ظهر المقعد حتى وقت النزول. عجوز يجلس في الخلف ويراقب المشهد من البداية: في نظرة استنكار وغضب يرد: "تعالي يا بنتي اقعدي مكاني.. أنا مش عارف الدنيا جرى فيها إيه! الظاهر إن الرجالة ماتوا في 73". يقف العجوز مستندا على ذراع الكرسي ويده الثانية على عكاز قديم وإلى أن يغادر الأتوبيس وهو مستنكر من الحالة التي وصل لها رجال مصر، وكيف أنهم بحق ماتوا في 73 كما نقول. المشهد الثاني: المكان: شارع جانبي في وسط البلد الزمان: يوم 6 أكتوبر - الساعة 12 ظهرا خناقة في وسط الشارع، والجميع يمر عليها ويكتفي بالمشاهدة من بعيد.. عصام: "ما تيجي يا أخي نشوف الناس دي ونفضّ الخناقة.. كده هيموّتوا بعض وما حدش سائل!!" فتحي: "باقول لك إيه، بلا خناقة بلا بتاع.. خليهم ياكلوا بعض، ولو ماتوا يبقى أحسن أهو نرتاح منهم.. ما ينوب المخلص إلا تقطيع هدومه.. وبعدين كده هنتأخر على ميعاد الواد عمرو، مستنينا في شارع سليمان باشا بالمسائل.. يلا بقى".. صوت شادية في خلفية المشهد من كشك صغير: ما شافش الرجال السمر الشداد فوق كل المحن ولا شاف العناد في عيون الولاد وتحدي الزمن ولا شاف إصرار في عيون البشر بيقول أحرار ولازم ننتصر أصله ما عدّاش على مصر.. يا حبيبتي يا مصر وهنا ينطلق صوت صاحب المحل العجوز: "اقفل يا واد الراديو ده، قال ما شافش الرجال قال.. تيجي تشوف دلوقتي، الكلام ده كان زمان.. فعلا الرجالة ماتوا في 73 ".عرفت إحنا بنتكلم على إيه ولا لسه؟؟ على تلك العبارة التي نرددها كل يوم، وعقب كل مشهد مؤسف تنهار فيه قيمة أو مبدأ أو تموت فيه الأخلاق: "الرجالة ماتوا في الحرب" جملة نرددها بمنتهى التلقائية وتحمل بين حروفها ذلك المعنى الذي عجزنا أن نسميه لسنواتٍ، ويسميه المثقفون انهياراً أخلاقياً؛ ولكن الناس العاديين اختصروا ذلك كله في تلك الجملة التي تؤكد دفن أخلاقيات المصريين مع شهدائها في حرب أكتوبر 1973. وبعيداً عن كون حرب أكتوبر نفسها بالنسبة لكثير من الشباب مجرد ذكرى سطر ونص في كتب التاريخ، أو اسم لكوبري "زحمة أوي"، أو اسم لمدينة جامدة بس ناقصها مترو، أو على حد تعبير شخص عادي سئل سؤالاً بسيطاً: "بماذا يذكرك 6 أكتوبر؟" "ده عيد ميلادي، بيفكرني بماما وبابا".. يعني أصبح ذكرى بعيدة مجوّفة لَدَينا، وخالية من معنى، تتذكره وسائل الإعلام باستضافة رموز الحرب الذين مازالوا على قيد الحياة، وأفلام "الرصاصة لاتزال في جيبي"، و"أغنية على الممر" و"أيام السادات" لمن لايزالون يشاهدون القنوات الأرضية.. لكن ماذا عن الأخلاقيات.. عنا إحنا شباب مصر بعد 36 سنة من حرب أكتوبر؟! السؤال لك .. والإجابة لديك أيضا.. نحن الآن ومنذ أربعة عقود تقريبا ليس لدينا حرب مع عدو ظاهر؛ بل ما يقال لنا: إننا في سلام مع العدو الأساسي، ولا أعداء لدينا غير إسرائيل.. يعني من المفترض أن حالة الرخاء تنعكس على أخلاقياتنا وليس العكس.. وأن أعظم حرب في تاريخ مصر لا يصح أبدا أن تكون مجرد حرب عسكرية أعادت جزءاً من مصر وكفى، ودفنت معها أخلاقيات غالية مميزة للشعب المصري لتحل محلها اللامبالاة والسلبية وغياب الهدف والقدوة وحالة من التوهان، وشباب يختفي خلف الدخان الأزرق مكتفياً بجلسة علنية للشيشة على قهوة بلدي أو كافيه بالمعنى "المودرن"، وجلسة سرية مع أصدقائه ليضحك بهستيرية على لا شيء وهو يمسك بين أصابعه بسيجارة "محشية".. المنطق يقول: إن مصر التي أنجبت آلاف الشباب الذين دافعوا عنها بدمائهم وأرواحهم تنجب الآخرين الذين يرفعون راياتها -ليس على جبهة القتال فقط ولكن- في الشوارع والمدارس والجامعات ومجالات العمل المختلف.. لكن صفر المونديال في كل مجالات حياتنا يجعل مصر مثل مدرسة النجاح التي لم ينجح فيها أحد.. ولن ينجح فيها أحد أبداً، ونحن نعيش سنوات وباء الأخلاق الذي يشبه أنفلونزا الخنازير في سرعة العدوى به. اوعى تكون سرحت أو نمت.. الحكاية مش قصة فيلم؛ لكن إحنا فعلا نحتاج الآن إلى حرب أخرى ليست مع إسرائيل؛ ولكن مع أخلاقياتنا المنهارة.. وكما قال يسري فودة: إننا "نحتاج دعوة إلى الحرب.. لكنها حرب من نوع مختلف يقع ميدانها في بيوتنا وشوارعنا وجامعاتنا وإعلامنا"؛ لسبب بسيط، وهو أن بعد حرب أكتوبر لم يمت الرجال فقط، ولم تترمل نساؤهم فقط؛ ولكن ماتت الحالة الأخلاقية والإنسانية التي صنعت الحرب.. لسبب بسيط آخر؛ لأن الذين حاربوا لم نزرعهم في صوبة منعزلة إلى حين بدء الحرب؛ ولكنهم ولدوا على أرض مصر كلٌ في بيئته، والتي صنعت منه وقت الشدة بطلاً في الميدان وبطلا في المدرسة والجامعة والمسجد والشارع. ممكن تكون مختلف معانا وعندك وجهة نظر تانية، وتقول: إن مصر ليست بهذا السوء وأن تعبير الانهيار الأخلاقي ليس حقيقة؛ ولكنه من خيال مثقفين يعيشون في برج عاجي.. وأنه مازالت الأخلاقيات موجودة والحالة "زي الفل"، وأن شباب الآن أحسن ألف مرة من شباب أكتوبر 1973، أو تقول حتى: إن جملة "الرجالة ماتوا في 73" مجرد جملة للسخرية ليس إلا، أو ترى في نفسك أنه حين تحين الفرصة ستكون أفضل ممن رفع العلم فوق سيناء، وإذا جاءت الفرصة لن تتوانى عن كتابة "الله أكبر" بالدم على علم مصر.. لكن تذكر حينها أن الكلام أسهل بكثير من الفعل، وأن التضحية تحتاج إلى شخص آخر غير الذي يستمتع برائحة الحشيش والأفلام الإباحية على الموبيل.. "يعني الحكاية مش سهلة زي ما إنت فاهم"؛ وإلا ما كناش نمثل فيلم الهروب عند كل خناقة صغيرة في الشارع، أو نردد "وأنا مالي" مع وردة عند كل موقف يتطلب "وقفة رجالة". يا ترى الرجالة ماتوا فعلا في 73 زي ما بنقول.. ولا دي مجرد جملة بنقولها للسخرية من نفسنا؟ وشباب مصر 2009 ممكن يعملوا بطولات زي شباب 1973؟ ولا زمن البطولات راح وإحنا في زمن الدنيا خربانة وحجرين على الشيشه !! :eek: شاركني برأيك مش محتاج منك كلمه شكر كل اللي محتاجه منك تقولي بعد ما قريت الموضوع ده دلوقتي بتفكر في ايه هل انت فعلا مع ان الرجاله ماتوا في 73 ولا انت ليك رأي تاني !  |
||||||||||
|
| إعلانات google |
|
|
|
12-10-2009, 12:10 AM
|
#2 | ||||||||||
 
|
بص يا غالى اكيد فيه اختلاف وفيه فرق بس صدقنى ان لسه فيه خير جوه الناس ووقت الشده ووقت المحن بتظهر معادن الرجال هديلك مثل صغير جدا في عام 2006 تعرض بلدى لبنان لحرب دمويه اقل ما يقال عنها انها مذبحة - لكن استسمحك انى ارجع بالزمن لورا شويه وخليك تشوف المنظرده معايا شباب من الحى بتاعنا اعرفهم شخص شخص وبنت بنت كل يوم بالليل يسحبوا نفسهم ويروحوا يسهروا في اي مكان بره المنطقه وعايشين حياتهم بالطول والعرض لو بصيت على لبسهم وعلى تصرفاتهم هتقول مش ممكن العيال دى تعرف تدافع عن البلد بتقدم بالزمن شويه لقدام ونروح في وقت المحنه وقت العدوان نفس الوجوه ونفس الاشخاص لكن مع فرق كبير فرق السما والارض زي ما بيقولوا نفس الولد ونفس البنت شايلين سلاحهم وارواحهم على كفوفهم وطالعين يحاربوا المحتل الغاشم ما فكروش ولو لحظه واحده انهم ممكن ما يرجعوش تانى لحياتهم اللى كانوا فيها اختصارا للحكايه ان الدنيا لسه فيها خير والرجال تعرف وقت المحن تحياتى اليك على الموضوع الرائع ومساك سكر |
||||||||||
|
|
|
12-10-2009, 12:27 AM
|
#3 | ||||||||||
|
انا بحب اشكرك على ردك واحترامك للموضوع وصاحب الموضوع
انا شايف ان الموضوع مش هيبقى ليه اهميه كبيره لان القسم هنا معظمه ضحك ولعب وهزار انا قولت اعمل موضوع جد شويه واكيد الهزار والضحك ليه جزء كبير من حياتنا بس حبه كده وحبه كده انا معاك ومبقولش ان الناس كلها وحشه انا بقول الناس دلوقتي معظمها كده اكيد في رجاله صح وجدعان وجواها رجوله ومبادئ واخلاق زمان بس دلوقتي انت بتواجه حرب فكريه شبابنا بيدمر بطريقه بشعه شباب كتير ضاعت والمخدرات اكلت عقلها خلاص وفات الاوان انهم يرجعوا شباب كتير معندهومش مبادئ ولا اخلاق ولا احترام لحد مهما يكون سنه ومهما يكون قيمته حتى الاطفال دلوقتي لما يلاقوا الكبار بيعملوا كده عايزهم يطلعوا ايه اكيد زيهم ومن صغرهم |
||||||||||
|
|
|
12-10-2009, 01:41 AM
|
#4 | ||||||||||
 
|
بيقولوا أن أخر راجل مات غرقان فى حادثه موتوسيكل و من سعاته محدش يعرف حاجه عن جنس الرجاله و هل هو أنقرض و هل العلم والتكنولوجيا تقدر ترجعلنا الرجله سوأل يطرح نفسه!؟! والاجابه أن العلم والتكنوزوفت طلعت شباب سيس وروشه وفنكى مشكور يا بوب على الموضوع بس هتلاقى 80% من المنتدى شباب سيس و بيعملوا أكتر من كده بنطلون نازل لغيت الربه و جيل عامل ينزل على وشك من كتره و بنات و حوارت |
||||||||||
|
|
|
12-10-2009, 03:00 AM
|
#5 | ||||||||||||
  
|
اللى يقول كده يبقى هو اللى مش راجل اصلا لان فى ناس حاربت فى 73 لكن ربنا مادهمش الشهادة وخرجو منها الحمد لله بخير ومنهم ابويا حضر الحرب من اولها لاخرها وهو ظابط جوى يعنى هو ارجل من اللى يقول كلمة على اى حد حارب مات او مامتش وكمام بس تيجى الفرصة الحرب لمصر وانا هكون اول واحد متطوع فى اول يووووم نفسى استشهد |
||||||||||||
|
|
|
12-10-2009, 03:12 AM
|
#6 | ||||||||||
|
موضوع روعة اشارت لجزئيه فعلن .. موجودة مش انتا بس ال بتشوفها انا كمان بس السلبية الموضة زى ما بيوقلوا ومحدش بيحب إلا نفسه |
||||||||||
|
|
|
12-10-2009, 03:42 AM
|
#7 | ||||||||||
  
|
أنا ليه تعليق صغير مش علي القضايا الأنت طرحتها في الموضوع ولكن علي مضمون الموضوع ذاته ( وانا بسألك هل أنت شايف أن المنتدي مصري بنسبه 100% علشان نطرح عليه قضايا تخص المجتمع المصري ) أنا لو مش مصري حأقولك المصريين فعلا ماتوا لكن علشان أنا مصري حأقولك ليس للأنسان إلا ماسعي وأنعدام الأخلاق دليل علي أنعدام الأساس التربوي وليس بالضروره دليل علي أنعدام الوطنيه التي كانت أحدي دوافع النصر وفي أغلب ظني أنت أكيدطبعا لا تعني أنعدام الأساس
|
||||||||||
|
|
|
12-10-2009, 04:45 AM
|
#8 | ||||||||||||
 
|
العبارة الأصح ان تقول ماااااااااااااااااااااااااااااااات فى 73 من الرجال الكثيييييييييييييييييييييييييييييييييييييييير .... فأين ما تبقى منهم !! الدنيا كبيره وواسعه |
||||||||||||
|
|
|
12-10-2009, 05:03 AM
|
#9 | |||||||||||
 
|
اقتباس:
علشان انا متاكد انا 95% من شباب المنتدى رجاله بجد مش زاى ما انت بتقول و مينفعش تقول كده غير لما تكون متاكد و ول 1% على الاقل علشان كده تتعتير اساء للمنتدى و للشباب المنتدى و ديه اساء انا مقبلهاش تقبل مرورى |
|||||||||||
|
|
|
12-10-2009, 05:30 AM
|
#10 | ||||||||||
|
يا عم هوا فعلا الرجالو ماتو فى 73 بس انا اعرف واحد منهوم لسه عايش اسمو ahmedbob007
|
||||||||||
|
|
|
12-10-2009, 05:46 AM
|
#11 | ||||||||||
  
|
عمر ما الموضوع يتحسب كدة بس زى ما فى اشياء بنكرها موجودة زى ما بردو فى رجاله و على الاقل بينك و بين اصحابك و ركز فى كلمه اصحابك مش المصلحة و الله لو بتموت ويقدر يفدك هيعملها الرجاله يمكن مات جزء كبير لكن فى نسبه رجوله كبيرة جوة المصريين و عمرها ما هتتشال و لكن محتاج مين اللى يرجعها او يصحيها فينا و من هنا ممكن نعمل حمله نحاول نشوف السلبيات و نقول حلها مش ندفنها |
||||||||||
|
|
|
12-10-2009, 12:24 PM
|
#12 | ||||||||||
 
|
السلام عليكم ورحمة الله اولا : انا احب اشكرك جدا على الموضوع الرائع واهتمامك بموضوع كهذا ثانيا : حضرتك اليوم اشيرت الى جزئية مهمة جدا فى الشارع المصرى وانا معاك ان فى شباب كدة بس والله العظيم فى ناس الله ماصلى على النبى رجالة جدا وكل واحد بيبان فى وقت الشدة وعلى هذا انا أقول لك ان الشارع المصرى لحد اليوم يملك رجالة والحمد لله بس فى حاجة اسمها زى مافى الخير فية الشر وعلى هذا زى مافى العيل فى الراجل وان قدر الله وقامت حرب فى مصر هتشوف صح الشباب والرجالة اللى فى مصر على حق انا من كلامى هذا انا مش بقول لحضرتك ان الكل رجالة لأ يبقا انا كدة بكذب عليك بس عايز حضرتك تنتبة شوية وتركز فى رد الاخت (ميسون) شوف قالت اية لحضرتك وهتفهم كلامى شكرا ليك بجد على هذا الموضوع |
||||||||||
|
|
|
12-10-2009, 12:33 PM
|
#13 | ||||||||||
|
100 100
|
||||||||||
|
|
|
13-10-2009, 12:53 AM
|
#14 | ||||||||||||||||||||
|
اقتباس:
اقتباس:
بس انا عايز افهمك حاجه انت لو قريت موضوعي كويس كنت فهمت ان كلامي عن شباب اليومين دول اللي انا واحد منهم حضرتك واحد منهم وانا قولت زي ما في الوحش في برضه رجاله وكلامي مينطبقش خالص على والدك لانه ده من ابطال حرب 73 اللي فوق راسنا وانا عايز اقولك برضه ان والدي كان من الناس اللي اشتركوا في الحرب وانا فخور بكده وهو لسه عايش وموجود وربنا يديه طول العمر وربنا يكتبلك ويكتبلنا جميعا اننا نموت شهداء اقتباس:
بشكرك على ردك وانا عامل الموضوع ده يمكن يكون جزء صغير ونحل مشكله من مشاكلنا الكتيره اقتباس:
انا عامل الموضوع ده عشان كل واحد يقول رأيه ونتناقش كلنا سوا شكرا على ردك اقتباس:
شكرا على ردك اقتباس:
اكيد يعني نسبه الشباب الكويسين في المنتدى او في اي حته هتكون اقل من النسبه اللي حضرتك بتقول عليها ديه شكرا على ردك اقتباس:
اقتباس:
رجاله معاك وده نادر انك تعمل صاحب يخلصلك ويحافظ عليك في الايام ديه بس الشباب اللي موضوعنا بيتكلم عنهم اكيد مش هيصاحبوا غير ناس زيهم اكيد في سلبيات كتير لازم نعلاجها في مجتمعنا وان شاء الله ديه تبقى الخطوة الجايه بس انت ادعيلنا وايدك معانا . . شكرا على ردك اقتباس:
سؤال فين الرجاله دول اللي ساعه الحرب هيروحوا يدافعوا عن مصر ؟ انزل شوف الشباب في الشارع عاملين ازاي في ناس زي الفل بس مش كتير مش دول اللي مصر ممكن في يوم تعتمد عليهم مع العلم ان هقول ان اكتر من نص شباب بلدك مش حاسين بالدنيا وبيشربوا ويحششوا والدنيا خربانه  اقتباس:
في الاخر شكرا لكل اللي اهتم ورد على الموضوع انا شايف ان في ناس فاهمه قصدي غلط انا مش قصدي ان كل الشباب مبقوش رجاله وانعدمت فيهم الاخلاق لا مش كده انا شايف ان نسبه كبيره من الشباب كده واكيد زي ما في الوحش في الحلو بس الوحش في الزمن ده بقى اكتر وانا شايف ان مش دول الشباب ان لو الحرب قامت هيضحوا ويروحوا يدافعوا عن بلدنا لو مش مصدقني انزل الشارع وشوف والشباب بيعملوا ايه مع بعض وفي الشارع ولا في احترام لاخلاق ولا لكبير ولا لدين حتى انا بقول الكلام ده بعد ما شوفت وعرفت وسمعت كتير بس برضه في شباب بيحبوا بلدهم وعارفين دينهم كويس بس قليل ونادر انك تلاقي رجاله |
||||||||||||||||||||
|
التعديل الأخير تم بواسطة Blue_Sky ; 13-10-2009 الساعة 12:56 AM
|
|
13-10-2009, 01:03 AM
|
#15 | ||||||||||
|
والله هى زى ما سيد ابو حفيظه قال سيداتى سيداتى عشان مبقاش فيه رجاله |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| 14 نجم ونجمة هوليوودية ماتوا في حوادث مؤلمة وغامضة | SŦorm | بـعـيـدآ عـن سـيـلـك رود | 2 | 13-11-2015 08:02 PM |
| ::: أدباء مصريون ماتوا منتحرين ::: | ™Shi6on | بـعـيـدآ عـن سـيـلـك رود | 13 | 29-09-2014 12:46 PM |
| أخر طلب من الرجالة اللى هنا بس (كل الرجالة تدخل) | سامح غريب | قسم الاسئلة و الاستفسارات لعمل السيرفرات الخاصة | 23 | 07-08-2012 05:51 PM |
| اللي اختشوا ماتوا!! | Solitary | بـعـيـدآ عـن سـيـلـك رود | 28 | 07-06-2011 03:10 AM |
| احنا مسلمين صحيح .. و مؤمنين بالله صحيح .. لكن اتضحلى اننا منعرفش مين هو ربنا .. | احمد ناصر | بـعـيـدآ عـن سـيـلـك رود | 14 | 12-08-2010 05:16 PM |
.gif){kind=icon}
العرض العادي
