شرح التاجر trader

[ميسون]

التاجر TRADER


البداية: متى أبدأ كتاجر؟؟
عند وصولك الى LEVEL 20 فأنا اقترح انك تبدأ بمهمة التاجر .اشتري الـTRADER FLAG والبسه وابتدي اعمل التجارة بتاعتك .
ايه هيا الحاجت اللي محتاجها علشان ابقى تاجر صح؟؟

1- حيوان لنقل البضائع (حصان/جمل) وتقدر تشتريه من عند بائع الحيوانات في المدينه وخللي بالك من الحصان هوا لنقل البضائع ومتشتريش الحصان بتاع التنقل العادي .
2- POTION للـ(حصان/جمل) علشان تزود طاقته كل ماتنقص اثناء وانت ماشي .
3- POTION ليك انت ويكون كتير وتجيب من النوعين HP و MP لأنك حتواجه THIEF كتير اثناء عمليه التجارة بتاعتك .
4- يفضل اللبس بتاعك يكون ARMOR لتحمل ضربات الـTHIEF وفي ناس حتقول ان الـARMOR اتقل في الحركة من الـPROTECTOR حقولك ان السرعة بالنسبة ليك كتاجر مش مهمه لأنك حتكون مرتبط بسرعة الحيوان اللي معاك (حصان/جمل) لأن لازم تكون جنبه على طول وكل شوية حيطلعلك THIEF.
5- يكون معاك WOLF (اختياري) علشان يساعدك في ضرب الـTHIEF لأن ممكن انت تضرب THIEF والـWOLF يضرب THIEF تاني .
ايه الفرق بين الحصان والجمل ؟؟
1- الحصان اسرع في التنقل والمشي بتاعه وسرعته هي METER 4 وطاقته حوالي 6500
2- الجمل سرعته اقل من سرعة الحصان وبيمشي بسرعة METER 3 وطاقته حوالي 13000 يعني ضعف طاقة الحصان وده بيفيد طبعا كتير في قوة احتماله للضربات من الـ THEIF بس سرعته اقل.
اشتري منين البضائع بتاعتي وابيعها فين ..انا مش عارف ؟؟؟
اولا انت حتعمل تجارة بين مدينتي JANGAN و DONWHANG والعكس . وانت نفرض انك حتبتدي في مدينة JANGAN يبقى تشتري الحيوان بتاع التجارة بتاعك وتشغله وتروح في المدينه عند NPC بتاع الـTRADE وتشتري منه الكمية اللي انت عاوز تبيعها في المدينة التانية وتخرج برا المدينة متجهاً الى المدينه التانية .
انا LEVEL 20 ومعايا 2.000.000 جولد هل ممكن اشتري بيهم بضاعه وابيعها اغلى في المدينة التانية ؟؟
1-بص ياسيدي في حاجة اسمها TRADE STAR وطبعاعلشان انت LEVEL 20 فممكن تطلع TRADE STAR 1 وده لسبب لأن الـTRADE STAR 1 مينفعش الـTHIEF PLAYER يهجم عليك فقط اللي حيهجم على التجارة بتاعتك الـTHEIF بتاع الكمبيوتر فقط وده بيبقى اعلى منك بـLEVEL 1 او اقل منك بـLEVEL 1 وطبعا ده حتقدر عليه .
ازاي اعرف ان انا TRADE STAR 1 ؟؟
وانت بتشتري البضاعه بتاعتك وبتحطها في الحيوان بتاع التجارة بتاعك حتلاقي حاجة اسمها INDECATOR وهي عبارة عن علامة نجمه ووجود نجمه واحده معناه انك STAR 1 وممكن تقعد تشتري لغاية ماتجيب STAR 2 وترجع اخر حاجة انت اشتريتها وتبقى STAR 1 بمعنى اخر انك تملى الحيوان بتاع التجارة بتاعك على آخره ويكون STAR 1 .
طب انا مش عارف اشتري بضاعة ايه في قدامي بضائع كتير ..اجيب ايه ..ايه احسن حاجة ؟
لازم تبقى عارف ان كل سلعة موجوده انت ممكن تشتريها وتحطها على الحصان بتاعك ليها ميزة عن سلعة تانيه وانا حقولك دلوقتي ايه انواع السلع وكل واحده تشتريها بتديك قد ايه GOLD و EXP :

1-white silk, leather, nephrite دول لما تيجي تبيعهم بيجيبولك 134 جولد و 128 اكس بي على كل واحده تبيعها.
2-red silk, footstall, agate دول لما تيجي تبيعهم بيجيبولك 205 جولد و 196 اكس بي على كل واحده تبيعها.
3-blue celadon, saddle, crystal دول لما تيجي تبيعهم بيجيبولك 277 جولد و 265 اكس بي على كل واحده تبيعها.
4-wolju celadon, horse shoe, jade دول لما تيجي تبيعهم بيجيبولك 348 جولد و 334 اكس بي على كل واحده تبيعها .
وطبعا الجولد اللي انت بتاخده ده ربح على كل واحده انت بتبيعها . وكمان الاكس بي على كل واحده .
طب هوا انا كده الربح بتاعي على البضاعه حيبقى قد ايه ...؟؟
الربح مقسم على حسب TRADE STAR اللي انت بتعملها بمعنى:
TRADE STAR 1 بتكسب 50% من اجمالي قيمة البضاعة بتاعتك
TRADE STAR 2 بتكسب 150% من اجمالي قيمة البضاعة بتاعتك
TRADE STAT 3 بتكسب 200% من اجمالي قيمة البضاعة بتاعتك
TRADE STAR 4 بتكسب 250% من اجمال قيمة البضاعة بتاعتك
TRADE STAR 5 بتكسب 300% من اجمالي قيمة البضاعه بتاعتك

طب انا اشتريت البضاع وخلاص بس مش عارف امشي ازاي .. واي طريق احسن ليا ؟؟


الصورة اللي انت شايفها دلوقتي دي فيها طريقين واحد ازرق والتاني احمر
الطريق الازرق : ده ينصح بيه للناس اللي LEVEL 20 لغاية LEVEL 23
الطريق الاحمر : ده ينصح بيه ابتداء من LEVEL 25
مش فاهم طب ما الطريق الازرق احسن من الاحمر ليه بقى الاحمر موجود ؟؟
الموضوع ببساطه ان فيه حاجة ليك اسمها TRADER LEVEL وده بيعلى بالظبط زي الليفل بتاعك العادي والاكس بي بتاعته بتيجي اكتر من طول المسافه وعدد الـTHIEF اللي نت بتقتلهم علشان كده في طريقين واحد الازرق لو انت لسه الليفل بتاعك صغير او عاوز تجيب فلوس بسرعه والتاني الطريق الاحمر لو عاوز تعلي الـTRADER LEVEL بتاعك اكتر.

طب انا عاوز اعرف ايه الوحوش اللي حقابلها وانا ماشي علشان ابقى عامل حسابي..؟؟
الاول وانت في الطريق داخل مدينة او ارض JANGAN :
1- Yeohas ودول عدوانيين يعني بيهجموا عليك لما يشوفوك بس ضعفاء جدا بالنسبه ليك ممكن تسيبهم وتمشي او تقتلهم انت حر
2- Young Tigers ودول مسالمين مش حيهجموا عليك خالص
3- Tigers ودول عدوانيين ولكن ضعفاء بالنسبه ليك ممكن تقتلهم او تمشي وتسيبهم
4- Black & white Tigers دول عدوانيين ولازم تقتلهم
5- Bandits ودول نادرا ماحتقابلهم بس دول مسالمين
6- Chakji Worker ودول مسالمين

ثانيا وانت في ارض DONWHANG :
1- Chakji ودول ليفل 20 ومنتشرين في كل حته حاول تتفاداهم ولو معرفتش اقتلهم وهما عدوانيين
2- Ghost Bugs دول مسالمين
3- Devil Bugs ودول عدوانيين ومتفرقين يعني ممكن تتفاداهم بس لو دعت الحاجة اقتلهم
4- Earth Ghosts وده عدواني من الدرجه الاولى وسريع جدا وده ل انت لفل 20 ياريت تسيبهم وتجري لأن لنهم حيبقى احمر بالنسبه ليك صعب انك تقتل واحد ولو اتلم عليك 2 فانت في عداد الموتى ده لو انت لفل 20

وبكده يبقى كل حاجة انت محتاجها عرفتها واتمنى لك تجاره سالمه وغانمه وانا جاهز لأي اسأله وارجو ان يكون الموضوع الم كل شئ
انتظروا شرح الـ HUNTER و الـ THEIF
ومساكم سكر

[soma_zuma]

تمام يا مان Thx

[Anubis]

المشاركة الأصلية كتبت بواسطة soma_zuma عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تمام يا مان thx

مان مين :d دى بنت اسمها ميسون موشكور اوى يا ميسون وياريت تشرحيلنا الهنتر والثيف;)

[it is me]

thx

[mzr555]

شرح وافي و ممتاز
شكرا ليك

[lll]

مشكور جداااااا ... شكراا على المجهود بجد الموضوع طويل

[peaceforce]

مشكوووووووور ياباشا شرح جامد و ياريت شرح الهانتر

[matrex_zoro_1]

أولاً :شكراً علي موضوعك .
ثانيا:ً نت بتقول إن ال Trade ال *5 بتجيب مكسب 300%
معني كده إن أنا لو إشتريت Trade ب 1000000 آخود عليها مكسب 3000000 صح.

الكلام ده غلط .

أنا تاجر Lvl 5 مش بطلع إلا *5 أنا بشتري ال Trade ب 1.252.000 k

ببيعها بحوالي 2.5000.000 K

بعني المكس مش 300% خالص.

[ESAMO2009]

thx

[كلر]

طيب

وينه لبس تاجر

[ميسون]

المشاركة الأصلية كتبت بواسطة matrex_zoro_1 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أولاً :شكراً علي موضوعك .
ثانيا:ً نت بتقول إن ال trade ال *5 بتجيب مكسب 300%
معني كده إن أنا لو إشتريت trade ب 1000000 آخود عليها مكسب 3000000 صح.

الكلام ده غلط .

أنا تاجر lvl 5 مش بطلع إلا *5 أنا بشتري ال trade ب 1.252.000 k

ببيعها بحوالي 2.5000.000 k

بعني المكس مش 300% خالص.

يا استاذ المكسب بيتقسم ما بين الجولد اللى انت بتكسبه وما بين الاكسبرينس اللى انت بتاخده لما تسلم البضاعه ومجموع الاتنين 300 % لو انت فايف ستار فهمت مش تبص للجولد بس وتقول هو ده الربح بتاعى لاء الربح بيتقسم اكسبرينس وجولد

[matrex_zoro_1]

المشاركة الأصلية كتبت بواسطة ميسون عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا استاذ المكسب بيتقسم ما بين الجولد اللى انت بتكسبه وما بين الاكسبرينس اللى انت بتاخده لما تسلم البضاعه ومجموع الاتنين 300 % لو انت فايف ستار فهمت مش تبص للجولد بس وتقول هو ده الربح بتاعى لاء الربح بيتقسم اكسبرينس وجولد

شكراً علي التوضيح

بس انت الغلطان بردوا xD

كان المفروض تقول إن المكسب بيتقسم بين الGold وال Exp .

شكراً مره تانيه علي الموضوع.

وعايز منك شرح زي ده لل Special Trade .