|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
10-09-2009, 02:13 PM
|
#1 | ||||||||||
  
|
أعشق الأسئلة أكثر من المكرونة بالبشاميل (بالمناسبة هما ليه سموه باشميل؟!)، لأن الأسئلة هي الدليل الوحيد على أن عقلي يعمل وعلى أني أمتلك عقلاً أصلاً. ويلا كل واحد يشغل الجمجمة ويحاول يلاقى اجابة على الاسئلة دى § الكهرباء لما بتتقطع بتروح فين؟! § لو فيه شجرة وقعت على الارض فى الغابه، هل بقية الشجر هيضحكوا عليها؟ § ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟! § لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟ § ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟! § طيب لو كان الحب اعمى ..ليه واكلين دماغنا بالحب من اول نظرة؟ § لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟ § الأخرس بيكلم نفسه إزاى؟ § ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة! § معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟! § ليه البنات بتفتح بقها وهيا بتحط (ماسكرا) ؟ § إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟! § ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟! § ليه الناس مابتقولش (الرياضة فايز ومهزوم) غير لمّا تتغلب؟ § ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟ § ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟! § ازاى تقدر تعرف المسند بتاع كرسيك فى السينما؟ § ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟! § ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة! § ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟! § لما تيجي تتصل بواحد.. ليه الأرقام اللي بترد غلط.. ما بتكونش مشغولة؟! § لو كانت الأرض كرة – زى ما بيقولوا – طيب الماتش هيبدأ إمتى؟! § ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر". § إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟! § ليه بي***شوا العربية اللي واقفة صف تاني وقافله الشارع.. مع إن الشارع بعد ال***شة بيفضل مقفول برضه؟! § لو الصاعقة نزلت على حد بيموت متكهرب فورا، طيب لمّا الصاعقة بتضرب البحر، ليه السمك اللى فى البحر مابيموتش متكهرب؟ § لمّا الواحد بيعلّى صوت الكاسيت، هل ده بيسحب كهرباء أكتر؟ § لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟ § هل الحيوانات بتعطس؟ § طيب هل حصل فعلا فى يوم من الايام أن فيه واحد (ضرب عصفورين بحجر)؟ § ليه لما يكون الواحد جوه عربية والعربية داخلة هتعدى من نفق؟؟ تلاقى الواحد يوطى رأسه كإنه هو شخصياً اللي هيعدى من النفق مش العربية؟! § ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!). § ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟! § ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟! § بيقولوا (لكل قاعدة استثناء)..طيب ايه الأستثناء بتاع القاعدة دى؟ § ليه لما حد يحب يدي يدى معلومة بيبدأ الجملة بكلمة (بيقولك)، (بيقولك العربيات رخصت)! § ليه فيه ناس لما تعدى عليها وتقول (سلامو عليكوا) ما تسمعش منهم غير صوت بيقول "وع.. س س.. هه"؟! § ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟! § طيب ليه المذيعة بتقول أعزائي أفراد الأسرة.. وهى ما تعرفش حد فينا؟! § ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام"....طيب اللى بيسأل على مكان الحمام المفروض يشاور على ايه؟ § اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟ § طيب ليه اللي يسألني عن الساعة لازم يحلفني "الساعة كام والنبي؟!". § ليه لما تقول لواحد حاجة ومايسمعهاش كويس تلاقيه هو اللي علاّ صوته فجأة (بتقول ايه؟!). § ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي.. مثلاً "اللي ذاكر ذاكر خلاص". § ليه الواحد ما يشربش إزازتين "مزيل دهون" علشان يخس؟! § اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟ § لو " رُكب" الإنسان كانوا ورا مش قدام، كانت الكراسى هيبقى شكلها ايه؟ § ليه الواحد بيدوس على الريموت كنترول بقوة وعنف لما الحجارة بتشطّب؟ § التوأم الملتصق لما بيدخل السينما ، بيقطعوا تذكرة واحده ولا تذكرتين؟ § ليه الكبار بيطلع لهم شعر فى ودانهم؟ § لمّا البوليس بيهجم على شقة ويكسّر الباب، مين المسئول إنه يصلّح الباب ده؟ § لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس :' كفاية كدة :' اصل انا اعشق حاجه اسمها استفزاز :p:p:p:p |
||||||||||
|
| إعلانات google |
|
|
|
10-09-2009, 02:16 PM
|
#2 | ||||||||||
  
|
طب حاجه مستفزه اكتر انت ليه عملت الموضوع ده :) انا عارف ان كل اجابات الحاجات دى __________________:d |
||||||||||
|
|
|
10-09-2009, 02:26 PM
|
#3 | |||||||||||
|
اقتباس:
|
|||||||||||
|
|
|
10-09-2009, 02:35 PM
|
#4 | ||||||||||
  
|
والله موضوع حلو ومش مستفز انا كنت مترنفز من حاجه قريت الموضوع فرحت :p ومشكور جداً |
||||||||||
|
|
|
10-09-2009, 02:42 PM
|
#5 | ||||||||||
  
|
مـــــــــوضوع جامد و الله ^^ تسلمــ ايدكــ |
||||||||||
|
|
|
10-09-2009, 02:57 PM
|
#6 | ||||||||||
|
لا انا عندي الاجابات 1- لما الكهرباء بتروح المحطه بتاعتها 2- لو الشجره وقعت علي الارض بقيه الشجر مش هيضحقوا عليها دول هيعيطوا و هيروحوا يدفنوها 3-في الشارع مكتبوب ابتسم انت في الجيزه انت متعرفش اني دي نكته؟ اكيد اصدهم حاجه تانيه و انت عرفها 4-بيزودا سعر السندو تش علشان علشان الصلاطه غليه 5-الحب اعمي فعلا بس الناس الي بتغني لبسين نضاره 6-حد يطول يبقي كابتن ماجد حتي يبقي بيشوط الكره بتدخول جون وش 7-الاخرس مش بيكلم نفسه دا المجانين هما الي بيكلموا نفسهم 8-اكيد و هو نايم بعمق كدا بيعملها علي نفسه كل شويه 9-ممكن يكون اتلسعت من الشربه انا مكنتش معالك علشان اعرف انت اتلسعت من الشربه ولا لا وحتي لو اتلسعت من الشربه هتنفخ في الذبادي ازاي و هو صاقع 10-البنات بتفتح بقها علشان يعرفوك انهم غسليين سنانهم 11-اكيد الاهلي و الزمالك كان عندهم متش ودي مع مصر في كاس العام 12-علشان الاقصر فيها اثار و الاثار موجوده في اماكن تانيه زي كفر ابو اتاته كدا 13-هو مفيش غير فايز و مهزوم الي بيلعوا رياضه ؟وع انتي اول مره اسمع علي واحد اسموا مهزوم انا اعرف فايز بس 14-اصلا اكتشفوا ان الشامبوا بيتشرب انت متعرف كدا ولا ايه حتي اسال دماغك كدا 15-الراجل بيوطي صوت الراديوا علشان محدش من الشارع ياخد باله انوا عندوا راديوا يقوموا يسرقه ولا حاجه 16-بعرف مسندي عادي يعني بعد في اخر صف وسند علي الحيطه 17-عادي اناس ممكن تقوا مهندس او يسطه اي حاجه الي بتيجي علي السان بقي انما المهندس بيبقي شايل شنطه سوده فعلشان كدا ب ييقلولو يا دكتور 18-اكيد يعني لازم يقولوا التفاصيل في النشره دي كدا تبقي مستشفي متقلقش عندي اجابات الباقي |
||||||||||
|
|
|
10-09-2009, 03:17 PM
|
#7 | ||||||||||
|
لا والله مش مستفز ولا حاجه ده دمه خفيف أوي و مضحك جدا تسلم ايدك و شكرا علي موضوعك |
||||||||||
|
|
|
10-09-2009, 04:20 PM
|
#8 | ||||||||||
  
|
يا مان الموضوع داه جامد تسلم ايدك |
||||||||||
|
|
|
10-09-2009, 04:47 PM
|
#9 | ||||||||||
 
|
no Coment |
||||||||||
|
|
|
10-09-2009, 04:49 PM
|
#10 | ||||||||||
 
|
موضوع جامد جدا بس انت نسيت حاجه لما قولت كل الاغاني بيبقي فيها عيون نسيت تكتب (عيونوا دار) اوي تنسي عمو تامر حسني تاني لحسن يزعل ^^ههههههه |
||||||||||
|
|
|
10-09-2009, 05:05 PM
|
#11 | ||||||||||
|
هههههههههههههههههههههههههه اسئله تحير |
||||||||||
|
|
|
10-09-2009, 05:16 PM
|
#12 | ||||||||||
  
|
lo |
||||||||||
|
|
|
10-09-2009, 08:27 PM
|
#13 | ||||||||||
|
هههه شكرا لى كل الى رد على الردود الجميله ده و المرة الجايه حجيب حاجات مستفزة :d |
||||||||||
|
|
|
10-09-2009, 09:15 PM
|
#14 | ||||||||||
|
ههههههههه موضوع جميل جدا وزى العسل وصاحبه اجمل منه :p بزات بتاعت الدكتور والبشمهندس هههه دى عندك حق فيها :p |
||||||||||
|
|
|
10-09-2009, 10:37 PM
|
#15 | ||||||||||
|
حلوة بس منقولة من موقع اخويا Hooknet صح ولا انا غلطان :P :P :P :P :P |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| حاجة مستفزة بجد | ahmed_mehrez | مـنـاقـشـات عـامـة حـول سيلك رود أون لايـن | 2 | 06-03-2017 12:10 AM |
| أيها العضو ☺ أيها المشرف ☺ أيها المراقب ☺ | Fighter Cool | بـعـيـدآ عـن سـيـلـك رود | 21 | 13-07-2011 08:51 AM |
| قصه حب جامده اوى ادخل واتحداك لو خرجت غير باكى | ™King0FCream™ | بـعـيـدآ عـن سـيـلـك رود | 25 | 24-04-2010 01:52 AM |
| مشكلة جامدة مش لاقى ليها اجابة | The_One | مـنـاقـشـات عـامـة حـول سيلك رود أون لايـن | 3 | 30-08-2009 04:11 AM |
.gif){kind=icon}
العرض المتطور
