اللهم بلغنا سور الصين العظيم :(

[NUKERMohameD]

رمضان بالصيني …..拉马丹野兽

غريبة مش كده ، ما غريب الا الشيطان.تيجوا نشوفها صح,يلا بينا.
السنة دى الفوانيس شكلها جديد زى المفتش كرمبو وغيره وطبعا شئ اكيد كله “made in China”

سجادة الصلاة شفت مكتوب عليها إيه جنب درجة الحرارة اللى مفروض تتغسل بيها اكيد اكيد “made in China”

يا أخى سبحان الله الصين معظمها مش مسلمين ومع ذلك علمت حاجات للمسلمين زى الجلاليب وسجاجيد الصلاة والطواقى بتاعت الصلاة برده يمكن ده الاحتراف,احتمال.

ممكن اسأل سؤال.فى احلى من الفستق الايرانى؟ مظنش طب جربت الصينى ده احلى من الايرانى.يعنى مفيش حاجة الصين معملتهاش من لبس (قطن هه قطن…..)

لعب,اجهزة كهربية,الكترونيات,سيارات,حتى المكسرات!!!!!!

احنا مش بنحسد احنا بنستعجب بس يعنى احنا كانا ملوك القطن طويل التيلة دلوقتى لو حد جاب اى حاجة مصنوعة فى مصر بيتكسف انه يقول انها صنع فى مصر(والنبى مش البنى ادم ده معندوش دم)

طيب الاكل الحبوب معظمها صينى يا خبر, صينى اه إشمعنا بس اذا مكانتش الذاكرة بتخونى احنا كانا سلة حبوب العالم الامبراطورية الرومانية كانت بتاكل من عندنا!!!شفت الحال عامل إزاى كفاية كده احسن يجلكوا الضغط والسكر انتوا لسه صغيرين على الامراض دى هسيبكو دلوقتى.وكل سنة واحنا بناكل من الصين

الصين ماركة رمضان
(موثق شهر عقاري)
لقد اتخذنا الراعي الرسمي لرمضان في مصر فنحن وبلا فخر سبقنا جميع الدول وانفردنا بالبضائع خاصتنا في الاسواق المصرية ونجحنا أكثر منها في سوقها
وجاءت فكرة توثيق رمضان باسمنا نتيجة لاجتياحنا اسواق المصريين منذ كثير وركاب منتجاتنا الوطنية محل المنتجات المحلية المصرية من احذية وسراويل وتي شيرتات وبدل وقمصان الخروج منها والنوم واجهزة كهربائية والكترونية ومكاتب وترابيزات وكراسي باختصار نحن نصنع من الابرة الي (الخازوق:o) ، ولقد عرض علينا التجار المستوردين من مصر فكرة أن نغرق السوق المصري بمنتجاتنا مؤكدين بأننا سوف نكسح الجميع في ظل الازمة العالمية وارتفاع الأسعار وزي ما انتو عارفين ان منتجاتنا رخيصة
وبالفعل عملنا علي ذلك منذ أشهر ووضعنا خطة ***رنا جميع مصانعنا واستعددنا لذلك الشهر الكريم (كريم نسبة للخير الذي سيعم علينا من وراءة) وتم تجهيز الياميش بأصنافة من البلح والمشمشية والقراصية والمكسرات من لوز وبندق وعين جمل وفستق والفوانيس من عرايس بتتكلم وكرومبو والسبح وسجاجيد الصلاة والجلاليب والعباءات الأبيض منها والألوان والمسك والبخور بروائح من الحرم مخصوص
وغير ذلك الكثير والكثير
ولقد وجب علينا شكر اهل مصر الكرام (الكرام اوي) فلم تهتز ثقة المصريين فينا ولم يقاطعون منتجاتنا بعد أحداث تشينجيانج الاخيرة والتي راح ضحيتها الكثير من مسلمين الإيغور ورغم تعاطف المصريين والمسلميين معهم الا انهم لم يفكروا (وأنّ لهم التفكير) في مقاطعة منتجاتنا كما حدث مع الدنمارك
وذلك لشدة الثقة بيننا وبين المصريين فهم والله اخوة ايوة والله
لذلك ولتلك الاسباب فقد قررنا أن نبعث بالشكر لهم
ونطبب علي ولادنا ولاد البلد المتسببين في أحداث الأيغور احنا اه بنهتم بالمسلمين في كل حته بس دا عشان بيجبولنا المم لكن اللي عندنا بيكلو المم فبراحتكو خالص ايه يعني اما 800 ينقتلو ولا يولعو عادي يا ولاد ونقولهم معلش شكلكو بقي وحش قدام العالم بس ولا تاخدو في بالكو ولا تزعلو نفسيتكو احنا هنظبطلكو الصورة دي اصل التلفزيونات بتاعتهم made in china

مش ناقص غير حاجة واحد يقولك (EGYPT MAD IN CHINA)

[Ali_Dayem]

والله عندك حق
دى حاجة تكسف فعلا
و لازم بقى مصر تعمل حاجة تنافس بيها منتاجات الصين
والله الصين فاضل تعمل حاجة واحدة جبنة بيضة او تركى و بعد كدة نسموها جبنة صينى
تقبل مرورى